NAKATSIKA namin si Congressman Alfred Vargas via a zoom presscon last Sunday, a few hours after ng virtual graduation niya from UP National College of Public Administration and Governance or NCPAG where he took up a master’s degree in public administration.

Ayon kay Alfred, malaking challenge na tapusin ang kanyang master’s degree dahil sobrang busy siya sa kanyang trabaho sa congress pero bawat segundo ng buhay niya ay inilalalaan niya sa importanteng bagay sa buhay niya. Kahit inabot ng four years bago siya naka-graduate, very fulfilled naman si Alfred.

Plano rin niya na kumuha ng doctorate degree sa urban planning naman.

“Dapat talaga tuluy-tuloy ang pag-aaral natin, hindi lang sa school kundi outside through actual experience. One of the best sources of knowledge when it comes to public administration is NCPAG. Ngayon graduate na ako sa M.A., I have fulfilled my promise to my mom. Sa graduation ko, I remembered her and felt na sana nandito siya,” wika ng actor-turned-politician.

After he graduated sa Ateneo, dapat kukuha siya ng law kasi ‘yun ang request mommy ko pero he entered showbiz. Nagalit ang mom niya pero nang mapanood siya nito sa Encantadia, she gave him her blessings pero ang request nito is for him to pursue graduate studies.

Alfred could have been a big drama actor now kung hindi siya pumasok sa politics pero wala siyang regrets.

“I left acting at the peak of my career. Pero wala akong regrets in entering politics kasi gusto ko rin naman ito. Going into public service humbled me because I became more grounded. I am proud of what I have achieved in politics.

“Nakita ko ang paghihirap ng mga tao and I realized na mas fulfilled ako sa pagtulong ko sa kapwa ko. It helped me to learn to listen to the people at kung paano sila tutulungan.”

Matatapos na ang term niya as congressman next year pero wala siyang plano to seek higher office.

“Magpapahinga muna ako. I think I am leaving a good legacy and accomplishments. Balik-acting muna ako dahil na-miss ko rin naman umarte. My younger brother, PM Vargas, will run in place of me.

“He’s the current councilor now in the same district of Quezon City, District 5. Hasang-hasa na siya sa distrito namin and he knows what to do.”

Dahil sa tagumpay ng prinodyus niyang movie na Tagpuan, which won many awards locally and in various festivals, inspired si Alfred na muling mag-produce.

“I was inspired by the recognition received by Tagpuan kaya I want to do more meaningful projects,” sabi pa ng actor.

***

KAILAN kaya ang balik ni Megastar Sharon Cuneta sa bansa?

Malapit na kasi ipalabas via Vivamax ang movie niyang Revirginized kaya siyempre curious ang mga press people kung makakaharap ba nila sa isang face-to-face presscon si Ate Shawie.

Kaya lang dahil nasa heightened GCQ status tayo ngayon until July 31, bawal na naman ang gatherings kaya wait and see na lang muna kung magkakaroon ba ng presscon ng Revirginized kahit na via zoom.

Siyempre maraming gustong itanong ang press kay Sharon, lalo na ang experience niya working with Direk Darryl Yap.

Ambivalent ang reaction sa trailer ng Revirginized. May natuwa, naaliw, at marami rin ang na-shocked.

Hindi kasi nila akalain na gagawin ni Shawie ang mga eksenang ipinagawa sa kanya at sasabihin ang mga linya na her fans never imagined she’d be capable of saying.

Since ambivalent ang reaction ng kanyang mga fans, curious kami sa magiging pagtanggap ng mga Sharonians sa kabuuan ng pelikula na ipalalabas via Vivamax starting August 6.

(RICKY CALDERON)

SA tuwing magpo-post si Matteo Guidicelli tungkol sa wifey na si Sarah Geronimo, punum-puno talaga ito ng ka-sweet-an.

Sa 33^rd birthday ng Popstar Royalty noong July 25, ipinakita na naman ni Matteo ang labis labis na pagmamahal kay Sarah.

Sa Instagram post niya, “Happy birthday my wife! Blessed to be beside a strong, beautiful, powerful, superwoman! Thank you for all the love. I love you forever.”

Katulad ng dati marami talagang kinilig lalo na ang mga Popsters.

Nagkaroon ng simpleng selebrasyon para sa isang resto na dinaluhan ng malalapit nilang kaibigan.

Isang taon na mahigit pa lang naman naikakasal ang dalawa, pero may mga netizens ang nagwi-wish na sana raw ay magka-baby na sila, nakaka-excite nga naman ang magiging anak nina Matteo at Sarah.

For sure, gustung-gusto na rin ng singer/actor na magka-baby sila ni Sarah.

Anyway, sa naturang intimate birthday celebration may lumabas na video na kung saan nagbo-blow ng candle sa cake si Sarah at maririnig si Matteo na may sinasabi sana ito ang maging wish ng asawa.

Say ni Matteo, “Babies! Babies, ha? Happy birthday!”

Oh well, abangan na lang natin kung matutupad ang wish na ito ni Matteo.

***

NUMBER one pa rin sa Top 10 ng Vivamax ang biggest sexy thriller film ng Viva Films na The Other Wife nina Lovi Poe, Joem Bascon at Rhen Escano na mula sa direksyon ni Prime Cruz na nagsimulang mag-stream online noong July 16.

Mukhang patok na patok talaga ngayon at bumalik na ang sexy films na may halong drama, comedy o thriller dahil tinatangkilik ito ng manonood.

Nasa Top 5 pa rin ang Silab, Ang Babaeng Walang Pakiramdam, Kaka, at Paglaki Ko, Gusto Kong Maging Pornstar.

Sa July 30 naman isa pang sexy drama thriller film ang handog ng Viva Films, ang Nerisa na mula sa panulat ni Ricky Lee at direksyon ni Lawrence Fajardo. Pinagtatambalan ito nina Cindy Miranda at Aljur Abrenica, na nali-link ngayon sa isa’t-isa.

Sa August 6 naman mapapanood ang inaabangan na Revirginized ni Sharon Cuneta at si Marco Gumabao ang kanyang leading, sa direksyon ni Darrl Yap.

Fresh pa sa kanilang successful movie, muling bibida sa Ikaw At Ako At Ang Ending sina Kim Molina at Jerald Napoles, sa August 13 naman ito ipalalabas, kasunod ang Gandemic: The VG-Tal Concert ni Vice Ganda sa August 20.

Well, babalikan namin ito next month para malaman kung alin dito ang magiging bongga ang reception ng viewers sa Vivamax lalo ang pagbabalik-Viva ni Sharon.

(ROHN ROMULO)

PAGDATING nina Bea Alonzo at Dominic Roque mula sa bakasyon sa America, expected na kapag humarap sila sa press, ang tungkol sa relasyon na nila ang uuriratin.

Mula sa mahigpit na yakap ni Bea kay Dominic na lumabas sa social media, ang kasunod naman ay ang post na hinahalikan ni Dominic si Bea.

In all fairness, karamihan sa nababasa naming comment ng netizens ay kinikilig na sa dalawa.

At sa recent YouTube upload ni Bea kanyang channel kunsaan ay prinank niya ang kanyang stylist, halos majority ng comment ay request ng mga subscribers niya.

At ang request, episode naman daw na si Dominic na ang kasama niya. Kaya abangan kung pagbibigyan na ba ni Bea ang mga fan niya ngayon.

***

PAGKATAPOS na makipag-break sa Kapuso Star na si Liezel Lopez, masasabi yata ni Kristoffer Martin na nagising at natagpuan na niya ang sarili?

Kitang-kita sa picture na pinost niya habang nakayakap sa maaaring naging instrument kung bakit sinasabi niya ngayon na “surrendered” at “delivered” na raw siya in-terms of his faith ang higpit ng pagkakayap niya at pag-iyak niya.

May tumawag nga rito na “iyakin” daw.

At mas alam at nararamdaman na raw niya ngayon ang ibig sabihin ng “I am lost, but now I am found.”

Ang Instagram post ni Kristoffer na ngayon ay sumurender na raw kay Jesus, “Surrendered. Delivered.

“Thank you @grace.churchph.

“Thank you to Pastor @lomotancrisfor this opportunity. What I saw from my experiences before, that unconditional love has been there all the time. God uses people as his instrument to let you feel that kind of love. Even if you’re blinded by everything. He’s always there seeing you. Loving you unconditionally. ‘I was once lost, but now I am found.’ I always hear that. But I felt it more and real now. Thank you Jesus.”

Masaya naman para kay Kristoffer ang iba pang mga Kapuso stars tulad nina Rocco Nacino, Thea Tolentino, Aicelle Santos, Kim Rodriguez, Rodjun Cruz at iba pa.

***

ANG tungkol sa pagpapabakuna niya ang Instagram post ng Asia’s Multimedia Star na si Alden Richards, pero ang mga comments, puro sa looks at katawan nito.

Sey ng mga comments; “Ang guwapo!”

“Papa-vaccine lang gwapo pa rin.”

“My dream body.”

“Macho!”

“huy ka yummy!”

Pero siyempre,  natuwa ang mga fan niya na vaccinated na nga si Alden.

Sey ng isang comment, “We stan a responsible and vaccinated heartthrob.”

Pero true naman, kahit kami, napansin din na sa lahat yata ng nagpabakunang celebrities, aba, ang bida ng primetime series ng GMA-7 na The World Between Us na si Alden ang papasang endorser ng vaccine sa picture na pinost niya.

(ROSE GARCIA)