Isinugod sa ospital ang Canadian caddie ni 2021 US Women’s Open Yuka Saso dahil sa heat stroke isang araw bago ang pagsisimula ng Tokyo Olympics women’s golf competition sa Kasumigaseki Country Club.

Si Lionel Matichuk ay papalitan ni national team coach Miko Alejandro para gaba­yan si Saso, ayon sa National Golf Association of the Philippines (NGAP).

Ang Canadian ang nakasama ng 20-anyos na Fil-Japanese golfer nang pagreynahan ang US Women’s Open noong nakaraang buwan.

Walang nakikitang epekto sa ilalaro ni Saso ang pagpapalit ng caddie sa four-round individual stroke play competition.

Canadian caddie ni Yuka na-heat stroke

MANILA, Philippines — Isinugod sa ospital ang Canadian caddie ni 2021 US Women’s Open Yuka Saso dahil sa heat stroke isang araw bago ang pagsisimula ng Tokyo Olympics women’s golf competition sa Kasumigaseki Country Club.

Si Lionel Matichuk ay papalitan ni national team coach Miko Alejandro para gaba­yan si Saso, ayon sa National Golf Association of the Philippines (NGAP).

Ang Canadian ang nakasama ng 20-anyos na Fil-Japanese golfer nang pagreynahan ang US Women’s Open noong nakaraang buwan.

Walang nakikitang epekto sa ilalaro ni Saso ang pagpapalit ng caddie sa four-round individual stroke play competition.

Halos 100% na umano ang kondisyon ni Pinoy ring icon Manny Pacquiao bilang paghahanda sa laban nito kay Errol Spence Jr.

Sa panayam ng Bombo Radyo GenSan, inihayag ni Lee Marinduque, founding chairman ng Manny Pacquiao for President Movement na nasa California USA ngayon, nasa maayos ang takbo ng pagsasanay ni Pacman 19 na araw bago ang laban sa American boxer.

Aniya, hindi pare-pareho ang rounds ng sparring sessions ni Manny na minsan ay umabot ng 10 rounds.

Ayon kay Marinduque, halos nasa peak na ang kondisyon ng senador ngunit iniiwasan nina Hall of Famer Coach Freddie Roach at Coach Buboy Fernandez na ma-burn out sa training.

Dagdag rin nito, sa ngayon nagpatupad ng paghihigpit sa pagpapasok sa Wild Card Gym para makaiwas sa Coronavirus Disease maging ang pagkuha ng mga videos at litrato sa training ni Manny ay ipinagbabawal rin.

Itinakda ang faceoff ng fighting senator kay Spence sa darating na Agosto 21 o Agosto 22 na sa Pilipinas.

Samantala, sinabi ni Marinduque na batay sa kasalukuyang betting odds sa Amerika liyamado umano sa ngayon si Errol Spence kontra kay Pacquaio.

Ipinagbunyi mismo ni City Mayor Oscar Moreno ang panibagong panalo ng kanyang alaga na noo’y paslit pa lamang at kasalukuyan ng Olympian boxer Carlo Paalam.

Ito ay matapos nasaksihan ng alkalde kung gaano kalaki ang pag-unlad ni Carlo sa larangan ng boksing ang kabilang sa mga atletang Pinoy na patuloy nakikipag-sapalaran sa Tokyo Olympics sa Japan.

Ginawa ni Moreno ang reaksyon kasama ang constituents ng lungsod matapos tinalo ni Paalam ang isa sa mga pinakamalakas na katunggali nito na si 2016 Rio Olympics gold medalist Shakhobidin Zoirov sa quarterfinals.

Inihayag ng opisyal na nauunawaan umano nito ang naramdaman ng kanyang alaga kung bakit ito napaiyak matapos ideneklara na panalo via split decision kontra Zoirov.

Bagamat kasama ng pamilya ng Paalam ay hiningi rin ng alkalde ang karagdagang pagdarasal habang uusad pa sa dalawang natitirang laban upang magkaroon ng tsansa na makuha ang medalyang ginto para sa Pilipinas.

Ngayon pa lang, maghahanda na si Carlos Edriel Yulo sa pagresbak nito sa 2024 edisyon ng Olympic Games na idaraos sa Paris, France.

Bigo si Yulo na makasungkit ng medalya sa kanyang unang Olympic Game sa Tokyo, Japan.

Hindi ito nakapasok sa finals ng kanyang paboritong men’s floor exercise — ang parehong event na pinagharian nito noong 2019 FIG World Cham­pionships sa Stuttgart, Germany.

Aminado si Yulo na dinamdam nito ang masamang performance sa floor exercise. Inamin nitong ibinuhos nito ang lahat sa pamamagitan ng pag-iyak.

“Umiyak po talaga ko. Iniyak ko po talaga. Hindi ko po siya kinaya na pigilan. Tsaka ayaw ko ring pigilan. Feeling ko lalakas pa ko kung ilabas ko siya,” ani Yulo.

Kaya naman nagdeklara na agad si Yulo na babalik ito sa Paris Olympics nang mas malakas.

“Babalik po kaming malakas (sa Olympics po sa Paris),” ani Yulo.

Nagpasalamat din si Yulo sa lahat ng sumuporta sa kanya partikular na sa kanyang mga coaches at pamilya na patuloy na gumagabay sa kanyang lakbayin.

Patuloy ang pagbuhos nang pagbati mula sa maraming kababayan kay EJ Obiena sa kabila nang pagkabigo nitong umabot sa podium finish sa finals ng pole vault event na ginanap sa Tokyo National Stadium.

Una rito, nabigong maitawid ni Obiena hanggang sa ikatlo niyang attempt ang 5.80 meters.

Bago ito ay na-clear niya ang 5.50 meters at 5.70 meters.

Tanging si EJ na lamang na atleta mula sa Asya ang natira na nakipaghamok sa mga world’s best mula sa Europa at sa Americas.

Nagtapos siya sa kampanya sa Olimpiyada 11th place. Kung tutuusin hawak ni Obiena ang 5.87 meters na siyang kanyang national record sa Pilipinas.

Medyo minalas pa ang pambato ng Pilipinas sa athletics dahil kinailangan din niyang ulitin ang ginawa niyang attempt sa 5.70 matapos mauwi sa fou[ ang unang pagtatangka niya.

Samantala, tulad nang inaasahan nasungkit ng world record holder ng Sweden na si Armand “Mondo” Duplantis, 29, ang gintong medalya nang umabot sa 6.02 meters ang kanyang natalon.

Ang Olympic record holder mula sa Brazil na si Thiago Braz ay nagkasya sa bronze medal nang ma-clear niya ang 5.87 meters.

Habang ang pole vaulter mula sa US na si Christopher Nilsen ang nakakuha ng silver nang itala ang lifetime best niya na 5.97 meters.