• July 18, 2024
  • Ang Diyaryong Pinagkakatiwalaan

Archive for August 6th, 2021

SERBISYO NG LOKAL NA PAMAHALAANG LUNGSOD NG MAYNILA, TULOY-TULOY SA KABILA NG IPATUTUPAD NA ECQ

Posted on: August 6th, 2021 by @peoplesbalita No Comments

TINIYAK ng lokal na pamahalaang Lungsod ng Maynila na sa kabila ng ipatutupad na dalawang linggong Enhance Community Quarantine (ECQ) simula sa Biyernes ay tuloy pa din ang kanilang pagbibigay ng serbisyo sa publiko partikular na sa mga Manilenyo.

 

 

Batay sa inilabas na memorandum ni Manila City Administrator Felixberto Espiritu sa lahat ng Head Departments, Offices at Bureaus ng Manila City Hall, ipatutupad ang “skeletal workforce alternative work arrangement” sa mga nasabing partikular na ang Office of the Mayor, Office of the Secretary to the Mayor, Manila Public Information Office, Office of the City Administrator, City Personnel Office, Manila Barangay Bureau, City General Services Office, City Budget Office, Office of the City Accountant, City Treasurer’s Office, Department of Public Services, Op. Div. & Dist. Offs., Dept. of Engineering & Public Works Operations, Department of Assessment, Bureau of Permits, Manila Hawkers Office, Public Recreations Bureau, Operations, at ang Parks Development Office.

 

 

Ang mga sumusunod na departamento, bureaus at mga tanggapan ay magkakaroon ng buong operasyon sa nasabing dalawang linggo maliban sa mga tauhan na nakabase sa mga tanggapan at ito ang mga sumusunod: Manila Health Department kabilang ang North at South Cemeteries, lahat ng pampublikong ospital na pinapatakbo ng pamahalaang lungsod, Manila Disaster Risk Reduction Management Office, Manila Department of Social Welfare, Manila Traffic and Parking Bureau, Veterinary Inspection Board, at Market Administration Office.

 

 

Ang lahat ng mga tanggapan na hindi nabanggit ay magpapatupad ng “work from home alternative work arrangement”. Habang ang mga senior citizen, PWD’s, buntis, at mga edad 21 gulang pababa na mga opisyal at empleyado ng pamahalaang lungsod ay isasailalim sa “work-from-home”.

 

 

Ayon kay Espiritu, mahigpit pa rin na ipatutupad ang health protocol sa loob ng Manila City Hall kung saan hindi maaaring makapasok ang mga senior citizen at mga menor de edad upang mabawasan ang dami ng tao na pumapasok sa gusali.

 

 

Maging ang ilang tanggapan tulad ng civil registry, tubusan ng lisensiya ng MTPB atbp. ay hanggang 300 lang ang maaaring papasukin at maserbisyuhan sa panahon ng ECQ para mapanatili ang social distancing.

 

 

Nabatid pa kay Espiritu na muling ipatutupad sa mga pampublikong pamilihan o palengke sa lungsod ang “one entry, one exit policy” upang makontrol ang dami ng mga mamimili at mapanatili ang physical distancing.

 

 

Pinaalalahanan din ni Espiritu ang Manilenyo na huwag mag-“panic buying” dahil sapat naman umano ang suplay ng mga pagkain sa merkado.

 

 

Aniya, 24/7 pa din naman ang delivery sa panahon ng ECQ kung saan maaari silang magpadeliber ng pagkain anumang oras.

 

 

“24/7 ang delivery, dapat mabigyan sila ng pagkakataon na kumita. Kawawa naman ang mga tao lalo na ngayong ECQ,” giit ni Espiritu.  GENE ADSUARA

6 arestado sa sugal at shabu sa Malabon

Posted on: August 6th, 2021 by @peoplesbalita No Comments

Arestado ang anim na sugarol kabilang ang apat na babae matapos makuhanan ng shabu sa isinagawang anti-illegal gambling operation ng pulisya sa Malabon city.

 

 

Kinilala ni Malabon police chief Col. Albert Barot ang naarestong mga suspek na sina Joel Mahusay, 43, (user), Benjamin Dela Cruz, 22, garbage trader, Jean Rose Almonte, 21, Elsie Soriano, 18, Joan Mangaring, 39, garbage trader at Marita Mijares, 41, garbage trader.

 

 

Sa imbestigasyon ni PMSg Randy Billedo, nakatanggap ang mga operatiba ng Station Intelligence Section (SIS) ng impormasyon mula sa Barangay Intelligence Network (BIN) hinggil sa nagaganap na illegal gambling activity na kilala bilang “Lucky Nine” sa Estrella St., Brgy. Tañong.

 

 

Agad bumuo ng team ang mga operatiba ng SIS sa pangunguna ni PSSg Mitchum Caoy sa ilalim ng pangangasiwa ni PLT Zoilo Arquillo saka nakipag-coordinate sa mga tauhan ng Sub-Station 6 sa pamumuno ni PLT Rommel Adrias.

 

 

Matapos nito, isinagawa ng pinagsanib na mga tauhan ng SIS at SS6 ang joint operation sa naturang lugar dakong alas-10:15 ng umaga na nagresulta sa pagkakaasto sa mga suspek.

 

 

Nakumpiska sa mga suspek ang isang deck ng cards at P1,130 bet money habang narekober naman kay Mahusay ang 3 plastic sachets na naglalaman ng himigit-kumulang sa 2.37 grams ng hinihinalang shabu na may standard drug price P16,116.00. (Richard Mesa)

Tanggapan ng pamahalaan sa NCR, inatasan na i-adopt ang skeleton workforce sa panahon ng ECQ

Posted on: August 6th, 2021 by @peoplesbalita No Comments

IPINAG-UTOS ng Malakanyang sa lahat ng tanggapan ng pamahalaan at instrumentalities sa Kalakhang Maynila na nasa ilalim ng executive branch na magtalaga ng skeleton workforce sa panahon na ipatutupad ang Enhanced Community Quarantine (ECQ) mula Agosto 6 hanggang 20.

 

Sa ilalim ng Memorandum Circular (MC) 87, na tinintahan, araw ng Martes ni Executive Secretary Salvador Medialdea subalit isinapubliko naman, araw ng Miyerkules, na ang bilang ng mga empleyado na personal na makapagre-report sa kanilang trabaho ay hindi dapat mas mababa sa 20 percent upang masiguro ang pagpapatuloy ng government services sa panahon ng two-week implementation ng ECQ.

 

“There is a need to ensure the continuous delivery of public services during the ECQ period in NCR (National Capital Region),” ang nakasaad sa kautusan.

 

Sa ilalim ng MC 87, ang pinuno ng ahensiya ay inatasan na i-determina ang bilang ng mga personnel na kailangan na pumunta sa workplace o lugar ng trabaho, dapat na ikunsidera na ang serbisyo ay hindi dapat na mababalam ang lalo na sa panahon nang pagpapatupad ng ECQ.

 

Ang mga pinuno ng mga ahensiya ng pamahalaan at instrumentalities, kabilang na ang government-owned and -controlled corporations, ay sinabihan na i- adopt ang work-from-home arrangements para sa kanilang mga manggagawa.

 

“During the period of 06 to 20 August 2021, government agencies and instrumentalities in the NCR shall remain fully operational even as the region is placed under ECQ, subject to the on-site capacity and work-from-home arrangements authorized herein,” ang nakasaad sa memorandum.

 

Ang mga ahensiya na nagbibigay ng health at emergency front-line services, laboratory at testing services, border control, at iba pang critical services ay pinapayagan na mag-operate ng “full on-site capacity.”

 

Bago pa ang Agosto 6, ang pinuno ng bawat ahensiya sa NCR ay may mandato na magsumite sa pinuno ng departmento na “exercising control or supervision over it, or to which it is attached, the specific percentage of the agency’s skeleton workforce and the work arrangements during ECQ period.”

 

“The skeleton workforce, as determined by the agency, shall be immediately implemented upon the onset of ECQ, provided that department head may, at any time, direct the modification of the submitted on-site capacity or related arrangements, as health considerations and the exigencies of the service may require,” ayon pa rin sa kautusan.

 

Ang Metro Manila, kasalukuyan ngayong nasa general community quarantine “with heightened restrictions,” ay nakatakdang mag-shift sa ECQ mula Agosto 6 hanggang 20 para mapigilan ang pagkalat ng mas nakahahawang Delta variant ng coronavirus disease 2019 (Covid-19).

 

An iba pang ahensiya sa Kalakhang Maynila na nasa ilaim ng legislative at judicial branches ng “government, independent constitutional commissions and bodies, as well as local government units, are enjoined to adopt MC 87.”

 

Ang nasabing memorandum ay kaagad na epektibo sa lalong madaling panahon. (Daris Jose)