- July 1, 2024
-
Search in People's Balita
Ang Diyaryong Pinagkakatiwalaan
Archive for October 7th, 2021
Kontrabida ni Darna, ‘di kasama sa ni-reveal na cast: JULIA, bagay raw gumanap na Valentina at puwede rin sina HEAVEN at AJ
IPINAKILALA na ang cast ng Darna TV series na pagbibidahan ni Jane de Leon at ididirek ng master director na si Chito S. Rono.
Pero wala pang announcement ang production kung sino ang gaganap na Valentina, ang babaeng ahas na kontrabida ni Darna.
Bakit kaya wala pa silang napipiling artista for the role of Valentina, na isang importanteng role sa anumang kwento ng Darna?
Sa isang FB post ay nabasa namin ang comment na ang bagay raw na gumanap sa role ni Valentina ay si Julia Barretto.
Eh bakit daw si Julia?
Kasi raw “inahas” daw ni Julia si Gerald Anderson kay Bea Alonzo kaya bagay siyang gumanap na Valentina, ang babaeng ahas.
Grabe naman ang mga netizens kay Julia.
Eh kung sakaling i-offer nga kay Julia ang iconic role ni Valentina, tatanggapin naman kaya niya?
May suggestions din ang netizens na si Heaven Peralejo or si AJ Raval ang kunin for the role of Valentina.
***
CUTE ang picture ni Nadine Samonte kung saan nakahiga siya sa pile of receipts ng nagastos niya sa kanyang pagbubuntis.
She posted sa kanyang IG account na she loves being pregnant kahit na mahirap dahil blessing ito ni Lord and that she will be forever grateful na binayayaan pa sila ng isang anak.
Inaasahan na ni Nadine na maraming magko-comment na mataba siya pero normal naman sa isang buntis ang tumataba. Wala raw pakialam si Nadine sa sasabihin ng mga tao, kahit pa negative, dahil ginagawa naman niya ito para sa kanyang baby.
Kahit daw na marami siyang pinagdadaanan sa kanyang pagbubuntis ay worth it naman daw ito.
Marami raw gustong magkaanak at isa siya sa pinagpala kaya iniingatan niya ang kanyang pagbubuntis and looking forward si Nadine na makita ang kanyang bunso.
***
SUNOD-SUNOD ang pag-file ng certificates of candidacy ng iba’t-ibang artista.
Nag-file na si former QC Mayor Herbert Bautista who is running for the Senate sa ilalim ng partido nina Senators Ping Lacson at Tito Sotto.
Aprub kami sa pagtakbo ni Bistek sa senado dahil may experience siya sa paggawa ng batas.
Tatakbo namang Konsehal ng QC si Aiko Melendez sa 5th District. Dati nang nagsilbi si Aiko bilang konsehal.
Dahil sa kanyang pagtakbo ay hindi muna magagawa ni Aiko ang Book 2 ng Prima Donnas sa GMA 7.
Tatakbo rin for elective posts sina Tom Rodriguez, Jinggoy Estrada, Ejay Falcon, at Richard Yap.
Nanumpa sina Robin Padilla at Rommel Padilla sa partido ni Pangulong Rodrigo Duterte. Tatakbo raw na Senador si Robin.
(RICKY CALDERON)
4 NA BIKTIMA NG HUMAN TRAFFICKING NASABAT SA CLARK AIRPORT
NASABAT ng mga opisyal ng Bureau of Immigration (BI) sa Clark Airport ang apat na kababaihan na Overseas Filipino Workers (OFW) na nagpakita ng mga travel documents taliwas sa kanilang tunay na edad.
Sa ulat kay BI Commissioner Jaime Morente ni BI Travel Control and Enforcement Unit Officers Clarissa Bartolome at Kristan Balanquit na ang apat na hindi pinangalanan alinsunod sa anti-trafficking laws, ay tinangkang sumakay ng Qatar Airways flight patungong Doha upang magtrabaho bilang mga household service workers (HSWs).
Ang mga biktima na pawang nagmula sa Southern na bahagi ng bansa ay ipinasa sa primary inspection officers para sila ma-assess nang napunang hindi tugma ang kanilang mga salaysay.
“The officers noted that the four gave highly inconsistent statements about their age and were unable to provide basic details about themselves,”ayon kay Morente.
Ayon sa Kagawaran , ang minimum age na itinakda ng pamahalaan upang makapagtrabaho ang isang HSWs sa Middle East ay 24-anyos.
“Many trafficking victims are given fraudulently acquired documents to make them appear older than they really are for them to qualify to work abroad,” ayon Morente. “These policies are in place to protect them from harm. This is a form of human trafficking, and their victims are often minors and underaged women,” dagdag pa nito.
Ang mga biktima ay inilipat sa Clark International Airport Inter-Agency Council Against Trafficking upang matulungang magsampa ng reklamo laban sa kanilang recruiters. GENE ADSUARA
Roque, nagbigay-pugay sa mga guro ngayong World Teacher’s Day
NAGBIGAY-pugay si Presidential Spokesperson Harry Roque sa mga guro ngayong World Teacher’s Day.
Sa katunayan, nag-tweet si Sec. Roque ng isang espesyal na mensahe ng pasasalamat para sa mga guro.
“Happy World Teacher’s Day sa lahat ng ating mga guro,” ani Sec. Roque sa kanyang official Twitter account.
Pinuri nito ang mga guro sa pagsusulong ng kanilang propesyon na nangangailangan ng sakripisyo at commitment.
“Ang inyong serbisyo at kontribusyon sa larangan ng edukasyon ay isang trabahong kailanman hindi ko mapapantayan. Saludo ako sa inyo ,” anito.
Si Sec. Roque ay nagsilbi bilang associate professor sa University of the Philippines (UP) College of Law, nagturo siya ng public international law at constitutional law sa mahigit 15 taon.
Ang World Teachers’ Day ay idinadaos taun-taon o tuwing Oktubre para ipagdiwang ang lahat ng mga guro sa buong mundo.
“The event commemorates the anniversary of the adoption of the 1966 ILO/UNESCO Recommendation concerning the Status of Teachers, which sets benchmarks regarding the rights and responsibilities of teachers, and standards for their initial preparation and further education, recruitment, employment, and teaching and learning conditions, according to the United Nations Educational, Scientific and Cultural Organization (UNESCO) website,” ayon sa ulat.
Ang pagdiriwang ngayong taon ay nakatuon sa pagsuporta sa pangangailangan ng mga guro na malaki ang naging ambag para sa recovery process sa ilalim ng temang “Teachers at the heart of education recovery”.
“A five-day series of global and regional events will showcase the effect that the pandemic has had on the teaching profession, highlight effective and promising policy responses, and aim to establish the steps that need to be taken to ensure that teaching personnel develop their full potential,” ayon pa rin sa ulat.
Noong nakaraang buwan, inaprubahan ni Pangulong Rodrigo Roa Duterte ang panukala ng Department of Education para sa limited face-to-face (F2F) classes sa basic education.
Ang F2F classes ay ipa-pilot sa 100 public schools sa mga lugar na may mababang Covid-19 risk at 20 private schools.
Para sa school year 2020-2021 na magbubukas noong Oktubre 2020, nagsagawa ang DepEd ng klase sa pamamagitan ng online learning, modular learning, television at radio-based instruction, at blended learning na kombinasyon ng dalawa o higit pang “methods of learning.” (Bishop Jesus “Jemba” M. Basco)