2021 November 18 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for November 18th, 2021

PSC facilities bubuksan na sa mga national athletes

Posted on: November 18th, 2021 by @peoplesbalita No Comments

Simula sa Enero 10, 2022 ay muling makakapag-ensayo ang mga national athletes sa tatlong pasilidad ng Philippine Sports Commission (PSC).

Ito ay bilang preparasyon ng mga national teams para sa 31st Southeast Asian Games sa Hanoi, Vietnam sa Mayo at 19th Asian Games sa Hangzhou, China sa Setyembre ng susunod na taon.

Ngunit nilinaw ng PSC na ilang national teams lamang muna ang kanilang papayagang makabalik sa ensayo sa mga pasilidad sa Rizal Memorial Sports Complex sa Manila City, Philsports Complex sa Pasig City at Baguio Training Camp sa Baguio City.

“This resumption is dependent on provision of many considerations for safety before final implementation,” wika ng sports agency sa kanilang official statement kahapon. “The agency is now evaluating viable facilities which may be used in the said training.”

Kasaukuyan pang ginagamit ng Department of Health (DOH) at ng Inter-Agency Task Force (IATF) ang RMSC at Philsports bilang mga COVID-19 facilities.

Tiniyak ng PSC sa pamumuno ni chairman William ‘Butch’ Ramirez ang kanilang pag-obserba sa health and safety protocols kapag nagsimula na ang pagbabalik-ensayo ng mga national athletes.

MIKOY, umaming na-insecure talaga sa kay RURU at muntik nang mag-quit sa showbiz

Posted on: November 18th, 2021 by @peoplesbalita No Comments

ISA sa mga hit Korean movie ang More Than Blue noong ipinalabas ito ng 2019 na ngayon ay binibigyan ng Pinoy adaptation ng Viva Films at mapapanood na sa Vivamax simula sa November 19.

Kung sa Korean, sina Kwon Sang Woo at Lee Bo Young ang nagbida, dito sa Pinoy adaptation ay sina JC Santos at Yassi Pressman.

Para kay Yassi, isa ito sa pinaka-proud siyang project at sey niya rin, matagal na rin daw itong pina-plano na ngayon ngang pandemic na ikasa na.

All praises din kay Yassi ang writer ng movie na si Mel del Rosario at ang director nito na si Nuel Naval, lalo na kapag nakikita nga nila ang malaking maturity ni Yassi ngayon bilang isang actress.

Very grateful naman si Yassi sa buong production na kahit daw mahigit sampung araw lang silang nag-shoot, very proud ito sa quality ng ginawa nila.

Personally naman, nanghihinayang kami na base sa trailer, pang-big theater sana ito at mas masarap panoorin sa mga sinehan. Though ‘yun lang, kahit na allowed na at operational na ang ilang cinemas, aminin na marami pa rin ang takot at mas pinipili pa rin na sa online na lang manood.

Kaya sa hindi pa nakakapag-download ng Vivamax, download na para mapanood na ang More Than Blue at iba pang Viva movies.

***

INAMIN ni Mikoy Morales na dumadaan din siya sa insecurities.

Na there was a point in his career na inisip din niyang huminto na. Napaisip din kung worth daw ba na ginib-up niya ang pag-aaral sa pag-artista.

Actually, kung may isa kaming naa-appreciate kay Mikoy, ito ang pagiging honest niya palagi sa mga sagot niya. Since magka-contemporary sila ni Ruru Madrid sa Protégé noon at given na magkaiba ang tinatahak ng career nila, may time raw na he got insecured with Ruru.

Pero malaking bagay raw na ngayong magkasama sila sa isa sa much-anticipated series ng GMA-7, ang Lolong na nakapag-usap sila at mas clear sa kanya ang lahat ngayon.

Very grateful ito sa GMA-7 dahil sa muling pagre-renew ng kontrata niya. At para kay Mikoy, ang Pepito Manaloto raw talaga ang nag-save sa kanya and started it all, since from a drama actor, nadiskubre nga niya ang talent niya sa comedy. Nasundan na ito ng pagiging mainstay niya sa Bubble Gang.

At kasama rin siya sa VIVA movie na Mang Jose.

***

NAKALULULA naman pala ang talent fee ng isang sikat na celebrity na may milyon subscribers sa kanyang You Tube account.

Aba, kahit nga pala hindi na masyadong gumawa ng mga TV shows or movies, e, buhay na buhay ito sa kinikita pa lang sa kanyang You Tube.

Napag-alaman namin na ang mga ads insertion lang na tatagal ng halos 3 to 5 minutes ay nasa 3 million na ang t.f. ng celebrity!

‘Yun ay kita pa lang niya sa ads, wala pa ang milyon na kinikita nito sa mga views at iba pang ads na provided ng YouTube.

Pero bilib kami sa celebrity na ito. Dahil nga milyon ang subscribers, napakarami na ng mga politician, may presidentiable at senators, pati party list ang lumalapit para mai-features sa vlog niya.

Magalang naman daw na tumatanggi ang celebrity kahit kayo na ang mag-math o accounting kung ilang milyon pa lalo ang pwede niyang kitain, if nag-a-aacept siya ng mga pulitiko o mga tumatakbo.

Obviously, ayaw mabahiran ng celebrity ng kulay pulitika ang kanyang very precious vlog.

(ROSE GARCIA)

Executive branch, may malaking papel sa pagkaka-aresto sa magkapatid na Dargani

Posted on: November 18th, 2021 by @peoplesbalita No Comments

SINABI ng Malakanyang na kailangan ding bigyan ng kredito ang Executive department sa pagkaka-aresto sa Pharmally executives na sina Mohit at Twinkle Dargani ng Senate security personnel sa Davao City.

Kasalukuyan na ngayong nasa kustodiya ng Senate Sergeant-at-Arms ang Pharmally executives ang magkapatid na Dargani.

Ang dalawa ay naaresto matapos na magtago sa lungsod ng Davao.

“I don’t think it can be done without the cooperation of the Executive department. The airport is under the Executive branch of government,” ayon kay Sec. Roque.

“The Executive branch could have allowed them to proceed with their flight kung gugustuhin [if it wanted to]…the Senate could have been ignored if the Executive wanted to, but we recognized the contempt powers of the Senate,” dagdag na pahayag nito.

Magugunitang na-contempt ng senado ang magkapatid na Dargani dahil sa hindi nila pagsumite ng mga kailangan na dokumento.

Naglabas na rin ng arrest order ang Office of Sergeant at-Arms laban kay dating budget Undersecretary Christopher Lloyd Lao.

Nauna rito iniimbestigahan ng Senate blue ribbon committee ang Pharmally Pharmaceutical Corp. ang PS-DBM sa bilyong halaga ng mga medical supplies ng gobyerno sa paglaban sa COVID-19 pandemic. (Daris Jose)

Fernando, hinikayat ang mga Bulakenyo na ipaglaban ang karapatan ng mga kababaihan at bata

Posted on: November 18th, 2021 by @peoplesbalita No Comments

LUNGSOD NG MALOLOS – Hinikayat ni Gob. Daniel R. Fernando ang lahat ng Bulakenyo na ipaglaban ang karapatan ng mga kababaihan at bata sa pamamagitan ng pakikiisa sa Orange Day Campaign sa Nobyembre 25, 2021 na hudyat ng pagsisimula ng “18-Day Campaign to End Violence Against Women (VAW)” alinsunod sa Proklamasyon 1172, T’06 mula Nobyembre 25 hanggang Disyembre 12 ng bawat taon.

Kasabay din nito ang paggunita sa “National Consciousness Day for the Elimination of Violence Against Women and Children” alinsunod sa Republic Act No. 10398, S’12.

Bilang pagsunod din sa Kapasyahan Blg. 094 T’18, makikibahagi ang Bulacan sa Orange Day sa pamamagitan ng paghikayat sa mga pampubliko at pribadong institusyon upang magkaisa sa kampanya na wakasan ang laganap at patuloy na karahasan sa mga kababaihan at mga bata na maipakikita sa pagsusuot ng kulay orange sa nasabing araw at tuwing ika-25 ng bawat buwan.

“Matagal na nating ipinaglalaban ang karapatan ng mga kababaihan at ng mga bata, hindi dahil sila ay mas mahina sa pisikal, kundi dahil lahat tayo ay may pantay-pantay na karapatan. Sama-sama po tayong magsuot ng may orange, ipakita natin ang ating paglaban sa karahasan sa mga kababaihan at sa mga bata, sama-sama nating gawing ligtas ang ating pamayanan para sa lahat,” ani Fernando.

Bukod dito, naglatag din ng mga programa ang Pamahalaang Panlalawigan ng Bulacan at Panlalawigang Komisyon para sa Kababaihan ng Bulacan (PKKB Bulacan) kabilang ang Seminar hinggil sa RA 7877 Anti Sexual Harassment kasama ang mga kawani ng Pamahalaang Panlalawigan sa Nobyembre 26, Seminar sa RA 11313: Safe Spaces Act para sa Konsehong Pambayan ng Kababaihan at publiko sa pamamagitan ng FB Live Streaming sa Nobyembre 29.

Gayundin, magsasagawa sila ng online na legal na konsultasyon sa pamamagitan ng Seminar/Forum kasama si Abgd. Anicia Marquez hinggil sa Anti-VAWC Law para sa mga kababaihan ng Bulacan sa Disyembre 1 at 3, 2021.

Presidenstial aspirant Yorme Isko Moreno, suportado ng Cebuanos

Posted on: November 18th, 2021 by @peoplesbalita No Comments

LIBO-libong supporters ang sumalubong kay Manila Mayor at presidential aspirant Francisco “Isko Moreno” Domagoso sa Cebu sa kanyang pagbisita sa nasabing lalawigan bilang bahagi ng kanyang “listening tour” na nakatutok sa mga pangkaraniwang tao. Hindi magiging ganap ang pagdalaw ng alkalde sa Cebu kung hindi matitikman ang malutong at masarap na Cebu lechon.

Samantala, nilinaw ni Domagoso na hindi niya nais makasakit ng damdamin ng mga kababayang Filipino-Chinese community sa kanyang nasambit laban sa China at sa pagsakop nito sa Philippine waters.

Aniya, ang kanyang pangungusap ay nakatuon lamang sa mga “mainlanders.”

Umani nang pagbatikos ang standard-bearer ng Aksyon Demokratiko at naparatangan ng pagiging racist sa mga Tsino nang kanyang pagbantaan na papaalisin sila sa bansa.

“I’m pertaining to Chinese mainlanders, the ones occupying our islands. And I don’t care. I don’t sugarcoat. Those navy, those fishermen from China, continue to occupy our space. We need not sugarcoat our words,” sambit ni Domagoso.

Aniya, siya ay naniniwala na ang Filipino-Chinese community na naninirahan sa bansang Pilipinas ay naliliwanagan na hindi sila ang kanyang tinutukoy at nauunawaan ang kanyang pananaw sa isyu ng pagsakop sa West Philippine Sea. (Rio Nolasco)