2021 December Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for December, 2021

P100 milyong ayuda ng Metro Manila mayors sa nasalanta ni ‘Odette’

Posted on: December 27th, 2021 by @peoplesbalita No Comments

Mula sa konseptong “We Vax as One”, nagkasundo ang Metro mayors na hindi lang sa pagbabakuna sa labas ng kanilang nasasakupan, niyakap na rin ang pagtulong sa iba pang local government units (LGUs) na naapektuhan ng bagyong Odette.

Sa pamamagitan ng ipinasang resolusyon ng Metro Manila Council (MMC), nagkaisa ang mga alkalde na magpalabas ng pondong P100-milyon mula sa savings ng Metropolitan Manila Development Authority (MMDA) para sa ibibigay na tulong sa mga naapektuhan ng bagyong Odette.

“We are going to prioritize local government units stricken by tropical cyclone wind signal number 4 of typhoon Odette,” ani MMDA Chairman Atty. Benhur Abalos.

“This financial aid will help especially in this trying times. It’s Christmas after all, a time of sharing and giving,” ani Abalos

Ani Abalos, mas pinili nila na magbigay ng financial aid para makatulong sa mga nabiktima ng bagyo at upang makabangon sa halip na relief goods na mahihirapan pang ibiyahe sa kanilang mga lugar dahil sa mga kanseladong flights. (Daris Jose)

Mas maraming pondo mula ‘22 budget ang magamit para sa ‘Odette’ rehab, utos ng pamahalaan

Posted on: December 23rd, 2021 by @peoplesbalita No Comments

NAIS ni Pangulong Rodrigo Roa Duterte na mas maraming pondo mula sa panukalang national budget para sa 2022 ang magamit para sa “response and recovery efforts” sa mga lugar na hinagupit ni bagyong Odette.

Binanggit ng Pangulo ang hangarin niyang ito nang personal niyang bisitahin ang mga typhoon-affected areas sa Cebu at Bohol, araw ng Linggo.

“President Duterte underscored that while the effects of the typhoon are devastating even as the country continues its battle against Covid-19, the government must help because people need help. He then committed that the national government will urgently provide for the needs of typhoon-hit areas and their residents, which include rice and water, construction materials for the rebuilding of damaged houses, and housing assistance, with topmost priority given to the poor,” ayon kay Acting Presidential Spokesperson at Cabinet Secretary Karlo Nograles.

“The President likewise conveyed that with the new budget for 2022, more funds can be utilized for response and recovery efforts,” dagdag na pahayag nito.

Unang binisita ng Pangulo ang munisipalidad ng Argao sa Cebu, kung saan ay inatasan nito si Department of Human Settlements and Urban Development Secretary Eduardo del Rosario na magbigay ng housing assistance sa mga residente kung saan ang mga bahay ay winasak ng nasabing bagyo.

Gayundin, inatasan ng Pangulo si Department of Energy (DOE) Secretary Alfonso Cusi na tawagan ng pansin ang pribadong sektor na tulungan at hikayatin ang mga gas stations na magbukas at mag-operate.

“The DOE is working double-time to restore energy in Cebu. Currently, electricity has been restored in some parts of Cebu for utilities such as hospitals, among others,” ayon kay Nograles.

Naglaan naman ang Department of Agriculture, ng P 445.1-M para tulungan ang mga magsasaka at mangingisda sa rehiyon na labis na naapektuhan dahil sa pinsalang dulot ng bagyong Odette.

Sa kabilang dako, binisita rin ng Pangulo ang lalawigan ng Bohol kung saan nakipag-usap siya siya sa mga local government officials at evacuees.

Inulit ng Chief Executive na ang malaking bahagi ng National Disaster Risk Reduction and Management Council fund ay nagamit para sa Covid-19 response ng gobyerno kabilang na ang quarantine expenses para sa mga returning overseas Filipino workers.

Samantala, hinikayat naman ni Nograles ang publiko na publiko na maghawak-kamay para tulungan ang komunidad na niragasa ng bagyong Odette.

“As we continue to fully assess the damage brought by typhoon Odette to our people’s livelihood and property and the local economy, let us remain united in the midst of adversity to help one another and exemplify the Filipino bayanihan spirit,” anito. (Bishop Jesus “Jemba” M. Basco)

Tulong ng UN, asahan para sa mga biktima ng bagyong Odette

Posted on: December 23rd, 2021 by @peoplesbalita No Comments

SINIGURO ng isang opisyal ng United Nations (UN) na isinasagawa na ang “coordinated response” mula sa organisasyon at katuwang nito para tulungan ang mga nangangailangan sa katatapos lamang na paghagupit ng bagyong Odette.

“The reports and images of utter devastation they are sending back are heartbreaking and our deepest sympathies go out to those who lost so much, including loved ones,” ayon kay niUN Resident and Humanitarian Coordinator in the Philippines Gustavo Gonzalez.

Aniya, ang UN agencies, non-government organizations (NGO), katuwang sa pribadong sektor ay gumagawa na ng hakbang para makapagbigay ng pabahay, maayos na kalusugan, pagkain, proteksyon at iba pang “life-saving responses” sa mga apektado.

“We are coordinating with the Government authorities to ensure we provide timely support and are fully mobilized in addressing critical gaps and the needs of the most vulnerable,” ayon kay Gonzalez.

Pinuri naman nito ang propesyonalismo ng mga front-line responders sa pangunguna ng Philippine government officials, Philippine Red Cross, at iba pa sa evacuation, search, and rescue efforts “in very difficult circumstances and logistics.”

“On behalf of the UN and the Humanitarian Country Team, our message to the people of the Philippines is one of solidarity and support,” ani Gonzalez.

Nauna rito, sinabi ni Department of National Defense (DND) Secretary Delfin Lorenzana na ang pinsalang dulot ng bagyong Odette sa bansa ay napakalaki base sa inisyal na report.

Ang Armed Forces of the Philippines (AFP) ay dineploy na para magdala ng tulong sa mga apektadong lugar. (Daris Jose)

BEA, wala pang nasimulang project sa GMA dahil sa paghihintay nila ni ALDEN sa movie na pagtatambalan

Posted on: December 23rd, 2021 by @peoplesbalita No Comments

SA kanyang 16-hectares farm, ang Beati Firma Farm, magpapalipas ng Christmas si Bea Alonzo, with her family, sa Iba, Zambales.

Hindi na siguro dapat itanong kung kasama ba niya ang boyfriend niyang si Dominic Roque, na sinabi niyang her ‘best blessing.’

This year lamang naging public ang relasyon nila ni Dominic, kahit matagal na silang magkarelasyon.

Matatapos ang 2021 na wala pang nasimulang project si Bea sa GMA Network, dahil sa paghihintay nila ni Asia’s Multimedia Star Alden Richards na masimulan ang movie nilang Special Memory na ipu-produce ng Viva Films, GMA Pictures at APT Entertainment.

Hopefully, sa pagbalik ni Alden mula sa kanyang Christmas vacation by January 9, 2022, ay masimulan na rin nila ang first project nila.

***

ANG higpit ng yakap ni Kapuso Primetime Queen Marian Rivera sa mga anak na sina Zia at Sixto, nang finally ay nakauwi na sila ng bahay ng hubby niyang si Kapuso Primetime King Dingdong Dantes.

Pagkatapos nga nilang mag-quarantine na mag-asawa pagdating nila sa bansa, after attending the 70^th Miss Universe beauty pageant held in Eilat, Israel last December 12.

Pero bago bumalik ng bansa, sinamantala na ng mag-asawa na i-tour ang Holy City, ang Jerusalem, dahil matagal na raw nasa bucket list nila iyon na isang lugar na gusto nilang mapuntahan.

Kaya back to being mommy na si Marian to their kids, at sa Instagram stories niya na kasama sina Zia at Sixto, may sticker siyang “Home Sweet Home.”

Samantala, may short but sweet handwritten note naman si Zia kay Dingdong: “Welcome home, Dada. Love, Zia.”

Naging busy agad si Dingdong sa pagpu-promote ng movie niyang A Hard Day na entry sa 2021 Metro Manila Film Festival na kasama niya si John Arcilla.

Produced by Viva Films, at sa direksyon ni Lawrence Fajardo, ang only action movie na kasama sa festival ay mapapanood na simula sa Christmas Day in your favorite theaters.

***

IPINASILIP na ng mag-asawang Jennylyn Mercado at Dennis Trillo ang ipinatatayo nilang future home on a mountain at excited na raw silang lumipat doon, sa pamamagitan ng eighth episode ng kanilang YouTube series na “After All.”

Seven months ago na nila sinimulan ang ipinatatayong bahay, pero bakit sa ‘bundok’ sila nagpatayo ng bahay?

“Pinili namin ang lugar na ito dahil presko ang hangin, sagana sa mga pagkain na maganda para sa aming lumalaking pamilya,” sabi ni Dennis.

Nakita na sa video na tapos na ang mga rooms ng mga anak nilang sina Calix at Jazz, ang nursery room ng coming baby girl nila, at ang kanilang room na may view deck.

Very soon ay magsisilang na si Jen ng first child nila ni Dennis.

***

MATAPOS aminin ni Kapuso actress Winwyn Marquez na preggy siya ng six months sa media during their press conference ng movie niyang Nelia, na entry sa 2021 Metro Manila Film Festival, nalaman din ng media na napaiyak daw ang ama niya, ang actor na si Joey Marquez.

“My dad was crying, kasi… hindi ko alam kung natakot siya or ano,” sabi ni Win.

“Nagulat lamang siya kasi matagal na niya akong tinatanong, kahit ang boyfriend ko, tungkol doon dahil gusto na raw niyang magka-apo.

“Si Mama rin, gulat na gulat siya. But they’re very happy for me. Sabi ko nga, I’m not getting any younger. Si Daddy, parang tingin niya yata sa akin, baby pa niya, pero gusto na niya na magkaroon ng maliit na Winwyn or maliit na Yeoj, my younger brother.”

Para kay Winwyn, ang pagkakaroon niya ng baby at ang pelikula niyang Nelia, ang siyang pinakamagandang Christmas gifts na natanggap niya this year.

“My movie, ‘Nelia,’ ay first title role ko, and then now, title role of being a mother.”

Makakasama ni Winwyn sa movie sina Raymond Bagatsing, Mon Confiado at Lloyd Samartino, sa direksyon naman ni Lester Dimaranan at produced ng A&Q Productions Film.

(NORA V. CALDERON)

Omicron sumira sa pagtatapos na sana ng COVID-19 ayon sa WHO

Posted on: December 23rd, 2021 by @peoplesbalita No Comments

Naniniwala ang World Health Organization (WHO) na kung hindi lang lumabas ang Omicron coronavirus variant ay tapos na ang pagdurusa ng mundo sa COVID-19.

Ayon kay WHO director general Tedros Adhanom Ghebreyesus na dahi sa pagkakadiskubre ng Omicron sa Africa noong Nobyembre ay naantala ang matagal ng pangarap ng mga bansa na tapusin na ang COVID-19.

Pinayuhan niya ang karamihan na para makabalik sa normal ay kailangan ay maprotektahan ang sarili laban sa bagong kaso.

Kung maari aniya na ipagpaliban ang mga kasiyahan kahit na hindi gaanong mapaminsala ang Omicron subalit ito ay mabilis ang paghahawa nito.

Nararapat ngayon ay nakatutok ang lahat sa pagtatapos ng pandemic at para mangyari ito ay dapat ay magpabakuna, magsuot ng face mask at ipatupad ang physical distancing.

Panawagan sa mga kandidato, huwag gamitin ang bagyo sa pamumulitika

Posted on: December 23rd, 2021 by @peoplesbalita No Comments

UMAPELA si Transportation Secretary Art Tugade sa mga political aspirants na huwag gamitin sa pamumulitika ang relief operations sa mga lugar na sinalanta ng bagyong “Odette”.

Aniya, tinutulungan ng Department of Transportation (DOTr) ang mga naapektuhan ng bagyong Odette ng walang “publicity.”

Aniya, tumutulong ang DOTr sa typhoon-affected areas ng walang publisidad at hindi aniya kagaya ng ibang “political aspirants” na aniya’y sinasamantala ang situwasyon para sa kanilang “election campaigns” sa 2022.

“Let us stop politicizing the aftermath of Odette. ‘Wag na nila ibandera kung sino ang naunang gumawa […] Hindi dapat mamulitika. This is one time na dapat ay magsama-sama tayo […] Habang nagdadaldal ang marami, ang DOTr, gumagawa ng tahimik,” ayon kay Tugade.

“Ang DOTr, kasama ang aming mga attached agencies, ay nagsagawa ng pre-emptive measures bago pa man humagupit ang Odette. Nandoon kami bago tumama, habang tumatama, at matapos tumama ang Odette sa Pilipinas,” dagdag na pahayag nito.

Samantala, inilagay naman ng DOTr ang Philippine Coast Guard (PCG), Philippine Ports Authority (PPA), at Civil Aviation Authority of the Philippines (CAAP) sa high alert sa paghahanda para sa bagyong “Odette.” (Daris Jose)

After ng bakasyon sa Amerika: ANDREA, nakabalik at naka-quarantine na tama lang sa araw ng Pasko

Posted on: December 23rd, 2021 by @peoplesbalita No Comments

NAKABALIK na pala sa Pilipinas ang Kapuso actress na si Andrea Torres mula sa isang buwang bakasyon niya sa Amerika.

Naka-quarantine pa ngayon si Andrea pero nag-share na siya ng video sa kanyang social media account na na-miss niya ang Pilipinas at tama lang daw ang uwi niya para sa nalalapit na Pasko.

October noong lumipad for Argentina si Andrea para mag-shoot ng international film na Pasional kunsaan ang role niya ay si Mahalia, isang tango dancer and a jury member of the International Tango Dance Festival.

Noong matapos na ang shooting ni Andrea, dumiretso siya sa US kasama ang inang si Emerita Torres para magbakasyon. Dinala ni Andrea ang ina niyang mamasyal sa Getty Villa, The Grove, Santa Monica Pier, Rodeo Drive, and Warner Bros. Studio Tour in Hollywood.

Huling napanood sa Legal Wives si Andrea at naghihintay na lang ito ng next teleserye na gagawin niya.

***

GUSTONG makasiguro ni Rocco Nacino na magiging ligtas ang kanyang family members at ilang kamag-anak sa magiging Christmas gathering sa kanyang bahay.

Isang registered nurse sa tunay na buhay ang Kapuso leading man, kaya magsasagawa raw siya ng COVID-19 antigen test ng kaniyang pamilya para tiyaking ligtas ang lahat sa magiging pagtipon nila.

“Siyempre kailangang ingatan lalo na kapag may mga senior sa bahay. Bahay lang kami.

“Almost two years din kaming hindi nagkaroon ng reunion na pamilya because of the pandemic. Eh ang Pasko, blessed occasion yan para sa magkakamag-anak, ‘di ba?

“Dahil nasa low risk na ang NCR at pinayagan na ang family gatherings, gusto ko pa rin na makasiguro na safe kaming lahat. Para happy and healthy ang Pasko naming lahat sa bahay,” diin ni Rocco.

Nagtapos na ang teleserye ni Rocco na To Have And To Hold. May kanya-kanya ring Christmas vacations ang dalawang leading ladies niya sa teleserye.

Si Carla Abellana ay tuloy ang honeymoon with husband Tom Rodriguez sa US habang dito lang sa Pilipinas si Max Collins para ma-celebrate ang second Christmas ng anak nila Pancho Magno na si Skye Anakin.

***

HALF a billion dollars ang halaga ng music catalog ng rock singer na si Bruce Springsteen na ang Sony na ang may-ari.

According to The New York Times and US entertainment outlet Billboard: “The sale consists of Springsteen’s music catalog as well as his entire body of work as a songwriter such as iconic hit “Born in the USA,” which has sold nearly 30 million copies. Bruce is just getting an advance on his earnings, money that would have come in after his death.By selling to Sony, he knows that they will keep his music alive for decades to come. They kinda have to because they need to make their money back.”

Naging mabilis daw ang negotiation deal between Sony at ng 72-year old rocker. Higit na 50 years ang tinakbo ng singing career ni Springsteen na ang nickname ay “The Boss”. Higit sa 150 million ang nabentang albums ni Springsteen sa ilalim ng Sony’s Columbia Records.

Dahil pinagbawal ang live concerts noong magkaroon ng pandemic last year, nag-launch ng podcast ang Grammy-winning singer kasama ang former US President Barack Obama na “Renegades: Born in the USA.”

Bukod kay Springsteen, nagbenta rin ng kanilang music catalog sina Bob Dylan, Fleetwood Mac’s Stevie Nicks, Tina Turner, Neil Young, Blondie at Shakira.

(RUEL J. MENDOZA)

POC tinulungan na ang mga atletang naapektuhan ng bagyong Odette

Posted on: December 23rd, 2021 by @peoplesbalita No Comments

Nagbigay na ng tulong pinansiyal ang Philippine Olympic Committee (POC) sa mga atletang naapektuhan ng bagyong Odette sa bahagi ng Visayas at Mindanao.

Mayroong tig-P10,000 na tulong pinansiyal ang binigay sa 10 surfers at dalawang coach nila sa Siargao.

Kasama rin na nabigyan ng tulong si Olympic marathoner Mary Joy Tabala na residente ng Cebu.

Sa 10 surfers ay tanging si John Matthew Carby ang naka-kontak sa POC dahil sa halos lahat ng mga linya ng komunikasyon ay nasira.

Umaasa sila na matawagan ang mga ibang atleta na tinamaan ng bagyong Odette.

Ads December 23, 2021

Posted on: December 23rd, 2021 by @peoplesbalita No Comments

SHARON, masayang-masaya na ibinalitang magaling na si Pawiboy at makakasama na sa Christmas

Posted on: December 23rd, 2021 by @peoplesbalita No Comments

MASAYANG-MASAYA si Megastar Sharon Cuneta dahil sakto sa pagsi-celebrate ng Pasko ay may isa pa silang makakasama na matagal-tagal din niyang hinintay.

Sa IG post ni Mega, kasama ng mga photos, “Guess who’s home?!!! My Pawiboy!!! Just in time for Christmas.

“He is now at our vet’s clinic and when he’s given the go-signal and has rested a bit, he’s coming home to meet his fur-brothers and sisters. His bed is ready and waiting.

“We are all so excited!!! excited!!!”

At naka-tag sina @gumabaomarco at @therealrosannaroces na nakasama niya sa Revirginized.

Tuwang-tuwa rin ang kanyang followers na nakasubaybay sa kaganapan, na makita na maayos ang laki ng pinagbago ni Pawiboy at tuluyan nang gumaling sa sakit nito.

Reaction ni Marco, “Cute!!!!

At post naman ni Osang, “Almost a year mula nung una mo sya nakita sa beach.”

May nagtanong kung saan daw galing ni Pawiboy, kaya ibinahagi ni @p_hello123 ang kuwento ng pagtatagpo ni Sharon at sa sakiting aspin na pagala-gala sa beach.

“@jonhdoe1489 Pawi is a street dog who was so, so sick, but he approached Sharon during her shooting of Revirginized (in Olongapo I think). They parted ways that night, but Sharon couldn’t forget him so she made a plea in the Internet to find Pawi.

“Someone saw it and took the initiative to look for Pawi in the streets and found him. That someone worked an animal shelter. But Pawi was too sick, so he stayed in the animal shelter until he was well enough to live with Sharon and family. Sharon paid for all of his medicines and expenses while he was recuperating. And then today is their long awaited big and happy reunion. Parang pelikula … ”

Samantala, patuloy na napapanood si Sharon sa FPJ’s Ang Probinsyano na kung saan nagka-eksena na sila ni Julia Montes, na base nga sa mga naunang nasulat, may kaugnayan ang dalawa, na soon at malalaman kung totoo nga silang mag-ina, kaya tutok lang gabi-gabi sa Kapamilya channel, TV5 at A2Z.

***

DALAWANG pelikulang Pilipino ang napili upang lumahok sa ika-38 na edisyon ng Sundance Film Festival, ang pinakamalaking independent film festival sa Estados Unidos. Isang Filipino feature film at isang short film ang itatanghal sa festival na gaganapin sa Park City, Utah mula Enero 20 hanggang 30 sa taong 2022.

Ang feature film na Ang Pagbabalik ng Kwago (Leonor Will Never Die) ni Martika Escobar ay lalahok sa ilalim ng prestihiyosong World Cinema Dramatic section, samantalang ang short film na The Headhunter’s Daughter ni Don Josephus Raphael Eblahan ay bahagi naman ng Shorts Program 4 section. Magkakaroon ng world premiere at onsite delegation ang parehong pelikula.

“The selection of two Filipino films to participate in the Sundance Film Festival, one of the world’s largest and most influential independent film festivals, is already a huge win for Philippine Cinema. We are proud that our country’s delegation to Sundance will be led by two promising independent filmmakers, especially Martika and her film which were part of the Agency’s Full Circle Lab Philippines and CreatePHFilms funding program,” sabi ni FDCP Chairperson at CEO Liza Diño.

Ang pelikulang Ang Pagbabalik ng Kwago (Leonor Will Never Die) ay naging grantee ng CreatePHFilms fund at isa ring alumni ng Full Circle Lab project, kapwa mga inisyatiba ng Film Development Council of the Philippines (FDCP). Ang kuwento ay tungkol kay Leonor, isang retired screenwriter na naging bida sa sarili niyang screenplay nang siya ay ma-comatose. Ang delegasyon ng pelikula, kabilang ang direktor nitong si Martika Escobar at mga producer na sina Monster Jimenez and Mario Cornejo, ay lilipad papuntang Utah upang pisikal na dumalo sa festival.

Isinasalaysay naman ng The Headhunter’s Daughter ang istorya ni Lynn, isang nangangarap na maging country singer, at ang kaniyang kabayong si July, at ang kanilang mga hamon sa paglalakbay pababa mula sa mga kabundukan ng Cordillera upang umabot sa kaniyang pinapangarap na audition sa siyudad. Dadalhin siya ng kanyang paglalakbay sa landas kung saan nagtutunggalian ang kaniyang katutubong identidad at ang mga hindi nakikitang puwersa ng kolonyal na nakaraan. Dadalo sa festival si director Eblahan kasama ang US-based na producer na si Hannah Schierbeek.

Simula pa noong 1978, pinagsasama-sama ng taunang Sundance ang mga artista at manonood mula sa iba’t ibang bahagi ng mundo, itinatampok ang mga istoryang nagkikislap ng mga bagong ideya at nagbibigay tinig sa mga orihinal na boses bilang ambag sa independent storytelling.

Ang Sundance Institute ang nag-organisa ng Sundance Film Festival 2022 na idaraos sa hybrid na format. Magaganap ang festival sa Enero 20 hanggang 30 sa taong 2022.

(ROHN ROMULO)