FIRST time voter si Mr. Pure Energy Gary Valenciano this coming May 9 elections.

May mga nabasa kaming comment asking kung bakit ngayon lang boboto si Gary.

So we asked his wife Angeli P. Valenciano why is he voting only now?

Ito ang sagot niya, “It was because he carried a USA passport before and became a dual citizen now.

“His mom is Puerto Rican and even if he was considered Filipino citizen by nature of his birth here, he was not allowed to vote.”

Maraming mga artista sa ABS-CBN na first time voters din. Ang comment tuloy ng ibang tao, kung hindi pa raw nawalan ng prangkisa ang network, hindi pa raw maiisipan ng mga artista ito na magparehistro at bumoto.

Basta ang importante ay rehistrado tayo at pwedeng bumoto. Importante ang election sa May 9 para sa kinabukasan ng ating bayan.

Huwag kaligtaang bumoto sa May 9. Bumoto ng tama.

***

OPEN na si Ms. Nora Aunor na ang kanyang manok sa election sa Mayo ay sina former Senator Bongbong Marcos at dating Davao Mayor Sara Duterte.

Siyempre mga fans si Ate Guy na nagulat sa kanyang naging desisyon at hindi sila sang-ayon dito.

Mayroon naman nagsabi na suportado nila ang gusto ng kanilang idolo at ito rin ang kanilang iboboto.

May mga fans naman na nagsabi na bagamat ‘di nila feel ang choice ni Ate Guy ay nirerespeto nila ito at Noranian pa rin sila.

May mga iba naman na kumukutya sa naging choice ni Ate Guy sa kandidatong susuportahan niya sa election.

Ayaw na raw nila kay Ate Guy dahil misplaced daw ang values ng aktres. And so on and so forth.

So ano ba dapat ang maging reaction natin sa mga ganitong kaganapan? Respeto sa napili ng ating kapwa.

Hindi naman tayo dapat mag-away magkasalungat man ang ating paniniwala pagdating sa politika. We are in a democracy and we are free to choose kung sino ang nais natin suportahan.

Walang pilitan. Lahat tayo may karapatan pumili. Maaring ang choice ng isang kaibigan ay hindi natin gusto pero di naman ito dapat maging dahilan para sirain ang friendship or burn bridges in the process.

At the end of the day, pag tapos na election, friends pa rin tayo. Pero ang mga kandidatong naluklok sa pwesto, kaibigan ba natin?

Baka ni hindi alam ng mga ito ang pangalan natin? Pero we always remember our friends and the times we shared.

(RICKY CALDERON)

SUMABOG na ang galit lalo na ng mga Kapamilya employees at Kapamilya staff, maging ang ilang mga netizens dahil sa lantarang pagsuporta na ni Toni Gonzaga sa kandidatura ng kanilang ninong na si Bongbong Marcos, plus of course, kay Mayor Sara Duterte.

Kitang-kita naman sa mga Instagram stories na pinost at ni-repost ni Toni kung gaano siya ka-proud na maging host ng campaign rally ng BBM-Sara.

Kung paano ipinakilala ni Toni si Rodante Marcoleta na siyang nag-push ng franchise denial ng ABS-CBN. Tinatawag si Toni na “ingrata,” “fake preacher” “duling” at iba-iba pa.

Naglalabasan na rin ang mga personal experiences ng iba kay Toni na ‘di-kagandahan. At halos karamihan, nagre-request na i-cancel na ito ng ABS-CBN, particular na bilang main host ng Pinoy Big Brother (PBB).

At mukhang wish granted, si Toni na raw ang nag-resign bilang main host ng PBB at ipinapasa na raw nito kay Bianca Gonzales. 

Anyway, base sa mga nire-repost ni Toni, kini-claim niya na she’s the “unbothered queen.” ‘Yun nga lang, hindi rin maitatanggi na kahit siyempre, suportado siya ng mga katulad niyang BBM-Sara, “mukhang pera” ang tingin sa kanya ng ibang netizens.

***

ANG panganay na anak ng Kapuso Primetime King & Queen na sina Dingdong Dantes at Marian Rivera na si Zia Dantes ay isa na rin sa mga batang anak ng celebrities na nagpa-vaccine anti-COVID.

Kasama na nga si Zia sa listahan ng mga celebrity kids na nang mag-open na ng vaccination sa edad 5-11 ay mga unang ipinila na rin ng mga magulang.

Si Dingdong ang kasama ni Zia nang magpa-booster ito. Natutuwa rin ang mga netizens dahil given naman daw ang pagka-hands on mommy ni Marian sa dalawang anak na sina Zia at Sixto.

Pero ‘yung makita kung paano may time talaga si Dingdong sa mga anak bukod nga sa pagsama rito sa pagbabakuna, ‘yung mga lumalabas din sa social media na playtime niya sa dalawa.

Anyway, siguradong malaking influence rin lalo na sa mga magulang na takot pang bakunahan ang mga anak nilang bata na makitang ang mga artista nga ay hindi natakot na gawin na ito sa mga anak nila.

(ROSE GARCIA)

NAGPA-BOOSTER shot na rin si Bea Alonzo at pinost niya ang photo sa kanyang IG account at mayroon din siyang ni-reveal.

Caption ni Kapuso actress, “Got boosted last night!

“The start of this year was challenging. I caught covid early January (just like most people because of the covid surge), And at that time, I was also struggling with the worst muscle spasm, all while getting ready for my dream shoot. A brand endorsement I never thought would happen. (ticked off that box ✅)”

Say pa ni Bea sa kanyang naranasan, “It was a challenging moment, I got most of the symptoms, and I was having a hard time breathing, but I survived!

“Posting this to encourage you to get the booster if you haven’t already. Let’s help end this pandemic.”

Marami naman ang nagulat sa kanyang rebelasyon na nagka-COVID din at naka-survive din siya, kaya agad nakabalik sa kanyang mga trabaho.

Comment naman ng netizens:

“Kahit kompleto ka pa sa vaccine at booster kung di ka naman nag iingat. waley pa rin.”

“Don’t be so judgmental, people have to go to work. And not just talking about Bea.”

“At kht fully vaccinated at nag iingat ka, kung tatamaan ka, tatamaan kpa din..”

“Hindi naman porke tinamaan ng covid ay hindi na nag-iingat. 2022 na di niyo pa rin gets kung para saan ang vaccine. nung binakunahan ba kayo sa measles at chickenpox hindi na kayo nagkaroon?”

“Di nyo pa ba ma-gets? Kung naka-booster ka at tinamaan ka ng covid ay pwedeng hindi severe.”

“Higher chances na di mategibelles ang tao kung may vaccines.
“Lower chances na magmutate ang virus sa highly vaxxed population.
“Fewer lockdowns. Less people in hospitals and ICUs.
“Di ba better yan kesa sa wala?”

“Bakuna is to protect us sa severe infection. Better to have one than none.”

“Got covid with only 1 symptom. A very mild cough. Un lang kahit unvaccinated ako. It means depende pa rin sa immune system ng katawan, hindi sa vaccine.”

“Yes depende pa rin sa immune system ng katawan mo, pero isipin mo rin ang ibang tao na pwede mo mahawaan kung naging carrier ka at hindi kasing lakas ng immune system mo. Malasakit sa kapwa tawag dun.”

“Wag ka, maraming nategi na health buffs dahil sa mentalidad na yan. Look them up!”

“OMG! Parang hindi namin namalayang na-COVID ka pala, girl…KAKATAKOT!”

Kaya tama si Bea sa pag-i-encourage na magpabakuna at magpa-booster shot, para makatulong tayo sa pagtatapos ng pandemya.

***

NABIGYAN uli ng pagkakataon ang versatile actress na si Louise delos Reyes na maging bida sa latest Vivamax Original movie na The Wife, na mula sa premyadong direktor na si Denise O’Hara.

Kasama niya sa adult drama film si Diego Loyzaga bilang Cris at ang breakthrough star na si Cara Gonzales na gaganap na ex-girlfriend na si Lee at makakahati niya sa pagmamahal ng asawa.

Aminado si Louise na nagustuhan niya ang karakter niya bilang Mara sa The Wife kaya niya ito tinanggap ang gumawa ng daring love scene kasama si Diego.

Paliwanag ng aktres, “laking leap sa akin or step na napapayag ako na gawin ang eksena.

“Naniniwala kasi ako na nasa story pa rin ‘yan, sa director at D.O.P.. Yun nag-iilaw sa ‘yo, kung paano magiging tasteful ang isang eksena, tulad ng mga intimate scenes.

“Pinagkakatiwala ko na lang talaga sa mga tao sa likod ng kamera, kung paano nila ako aalagaan.

“Siyempre, I’m very thankful kay Direk Denise, kasi inalagaan talaga niya ako sa eksena namin ni Diego.”

Sabi pa niya kahit naitawid naman niya ang eksena dahil babae nga ang direktor nila, “But I don’t think, in the future mas marami pa akong gagawin na ganun.”

Sa virtual mediacon, natanong din si Louise na sa matagal-tagal na rin sa showbiz, kung ano pa ang pinapangarap na magkaroon at role na magampanan.

Sagot niya, “ang sarap isipin kung magkaroon ka ng Best Actress trophy, o supporting actress, kahit ano pang acting award ‘yan. Parang ‘yun na lang siguro ang dream ko na magkaroon.

“Saka siguro yun role na hindi ko na nagagawa, like ‘yun may pagka-psycho. Na hindi ko rin alam kung kaya kong ma-justify ang ganung kabigat na role.”

Anyway, sa The Wife, masisira ang pagsasama ng mag-asawa nang mangaliwa si Cris dahil may nangyari sa dating kasintahan.

At habang inaayos ang kanilang relasyon, matutuklasan na may cancer ang kanyang asawa, makakasama nilang nanirahan sa isang bahay ang ex-girlfriend ng asawa.

Hanggang saan dapat ipaglaban ang pagsasama ng mag-asawa sa kabila ng pagtataksil?  Paano rin tatanggapin ng asawa ang huling kahilingan ng may kaugnayan sa naging kalaguyo ng kanyang mister?

Saksihan ang kasagutan sa The Wife na exclusive na mapapanood sa Vivamax ngayong February 11 sa available sa iba’t-ibang panig ng mundo.

(ROHN ROMULO)