AMINADO ang tatlong bida ng Prima Donnas na sina Jillian Ward, Sofia Pablo at Althea Ablan na sobrang ini-enjoy ni Elijah Alejo ang kanyang pagiging kontrabida nito sa kanila.

Kahit na raw tatlo sila na pinagtutulungan ang character ni Elijah na si Brianna, kayang-kaya raw sila nito at all-out daw kung magkontrabida ito sa kanila.

Sey ng Kapuso teen kontrabida: “Ini-enjoy ko lang po ang role ko. Kasi sabi ni Direk Gina (Alajar), ibigay ko ang lahat as Brianna. Don’t hold back. Kaya iyon po ang ginagawa ko. Lahat ng puwede kong masabi at magawa sa kanila, nagugulat na lang sila. Pero sa totoong buhay po, magkakaibigan po kami. May bonding time kami at hindi nawawala ‘yung kuwentuhan namin. Three months po kaming nag-lock-in taping kaya ang dami naming nalaman pa sa isa’t isa.”

Kaya noong maisip ni Elijah ang gumawa sila ng prank video, tinuloy daw niya ito para may magawa lang silang kakaiba sa set.

“Naisip ko lang po iyon habang nakahiga ako. Kinausap ko si Jillian at si Direk Gina. Pumayag naman po sila. Kaya tinuloy namin kahit kinakabahan kami ni Jillian. Si Jillian pa ang nagsabi na paiyakin ko siya. Si Direk Gina naman ang nag-suggest na sabihin ko yung ‘porke’t Jillian Ward ka’ Kaya lahat sa set natulala sa amin kasi biglang nangyari iyon. Pero noong dumating na si Ms. Redgyn (Alba), doon na namin sinabi na prank yun. Nagtawanan na lang po kaming lahat.”

Nagkaisa nga sina Jillian, Sofia at Althea na si Elijah ang pinakabaliw sa kanilang apat sa Prima Donnas.

***

MAS inspired daw ngayon si Jeric Gonzales sa kanyang career dahil sa inspirasyon niya na si Miss Universe Philippines 2020 Rabiya Mateo.

After na gawing Instagram official ang two-month relationship nila, gusto ni Jeric na matanggap siya ng mga sumusuporta kay Rabiya. Hindi rin daw siya makikialam sa mga gagawing trabaho ng girlfriend basta suportahan din daw siya sa mga gagawin niya.

This year ay sunud-sunod kasi ang mga ginagawa ni Jeric. Mag-launch ito ng kanyang single under GMA Music na “Hihintayin Kita”, kasali sa 41st Oporto International Film Festival in Portugal ang pinagbibidahan niyang pelikula na Broken Blooms at nasa cast siya ng inaabangan na primetime teleserye ng GMA na The Start-Up kasama sina Alden Richards, Bea Alonzo at Yasmien Kurdi.

“Masaya ako na sunud-sunod ang mga ginagawa natin for 2022. Ever since naman, kahit na noong magka-pandemic, hindi naman tumigil ang trabaho. Tuloy lang yung blessings. Kaya lahat ng puwede kong gawin ngayon, binibigay ko ang 100 percent focus at dedication ko.

“Sa personal naman, alam ko namang nandiyan lang si Rabiya. Siya pa ang nagsasabi sa akin na mas galingan ko pa. Gusto kong balansehin lahat, eh. Maging successful sa career at sa lovelife,” ngiti pa niya.

Ngayon at summer na, may mga lalabas din daw na bagong sexy at mapangahas na photos si Jeric para sa ini-endorse na underwear brand.

(RUEL J. MENDOZA)

NAGBIGAY ng update si Justin Bieber tungkol sa kalusugan ng kanyang misis na si Hailey Bieber pagkatapos itong madala sa ospital noong magkaroon ito ng blood clot sa utak.

Inamin ni Bieber na natakot daw siya dahil wala naman daw siyang naramdaman na kakaiba sa kinikilos ni Hailey noong magkasama sila noong umagang iyon. Doon niya na-realize na wala tayong kontrol sa mga puwedeng mangyari.

Ayon sa Canadian pop star: “It’s kind of crazy how life randomly throws you curveballs. You can’t really control much. Most of you probably know or have seen the news about my wife… but she’s okay, she’s good, she’s strong. It’s been scary, you know, it’s been really scary. But I know for a fact that God has her in the palms of his hands, and that’s a good thing.”

Sa isang ospital sa Palm Springs, California nadala si Hailey pagkatapos itong makaramdam ng stroke-like syndrome.

Kuwento ni Mrs. Bieber sa kanyang Instagram Stories: “On Thursday morning, I was sitting at breakfast with my husband when I started having stroke like symptoms and was taken to the hospital. They found I had suffered a very small blood clot to my brain, which caused a small lack of oxygen, but my body had passed it on its own and I recovered completely within a few hours. Although this was definitely one of the scariest moments I’ve ever been through, I’m home now and doing well, and I’m so grateful and thankful to all the amazing doctors and nurses who took care of me! Thank you to everyone who has reached out with well wishes and concern, and for all the support and love.”

Ayon sa medical report ni Hailey, ang naranasan daw nito ay sakit “for much older people”. Hailey is only 25 years old.

MUKHANG open na si Kapuso Limitless Actress Julie Anne San Jose, na pag-usapan ang tungkol sa lovelife.

         Yesterday, sa noontime show ng GMA-7 na “All-Out Sundays,” na summer vacation na ang topic, naitanong ni Alden Richards sa mga kasama niyang sina Julie Anne, Jasmine Curtis-Smith, Tom Rodriguez at Barbie Forteza, kung enjoy ba silang mag-beach kapag summer?

        Sagot ni Jasmine, looking forward siya, si Barbie, ngayon daw pwede nang mag-beach muli, tiyak na isa yun sa gagawin niya at si Julie, “siyempre, enjoy kapag kasama mo ang family mo at love one,” kaya biniro siya ng mga kasama na ikinatawa nito.

            Matagal nang napapansin ng mga fans ni Julie na medyo open na raw itong magsalita tungkol sa love, lalo pa kung kasama nito si Kapuso actor Rayver Cruz, kapag gumagawa sila ng TikTok videos, na ang latest, they are seen dancing to the tune of Backstreet Boys’ hit song na “As Long As You Love Me” na siyempre pa ang nagtuturo sa kanya ay si Rayver.  Bakas ang saya sa dalawa habang sumasayaw at hindi na maitago ang closeness nila sa isa’t isa.

            “We’ve always been close po  naman ni Rayver, best friends kami niyan,” sabi ni Julie.

          “Matagal na po, since pa nang mag-co host kami sa “The Clash,” for three years na.   Isa po talaga si Rayver sa mga taong napagkukuwentuhan ko ng anuman meron sa akin, kung ano iyong problema ko, ang mga pinagdadaanan ko, like matters of the heart, family.

         “Comfortable po ako na kasama siya, kasi mabuti siyang tao, very thoughtful.”

            Sayang nga lamang at ilang Sundays nang hindi nagkakasama ang dalawa sa “All-Out Sundays,” dahil naka-lock-in taping si Rayver ng sports-serye na “Bolera” ng GMA, na pinagsasa-mahan nila nina Kylie Padilla at Jak Roberto.

***

            KUNG excited na ang mga netizens na muling makitang mag-host si Dingdong Dantes ng world’s favorite game show na “Family Feud,” ganoon din ang feeling ni Kapuso Primetime King, dahil hindi niya nalilimutang minsan din siyang nag-pitch-in nito noong 2009 sa host na si Richard Gomez.

            “Nakamarka na kasi sa akin iyon.  Isa ito sa longest-running game shows in the world, at ngayong gawing local version para sa Pinoy viewers ay tiyak na makaka-relate sila.  At kahit na sabihin natin na ako yung host o game master, eh, naglalaro rin kasi ako.  Sobrang saya kasi, kaya hindi ako makapigil na makisama sa laro;”

           Sinu-sino kaya ang bubuo sa dalawang families na maglalaro ngayong hapon, na ang winning team ay tatanggap ng P 100,000 plus another P 100,000 kung sila pa rin ang mananalo sa jackpot round.  Ang losing team naman ay mag-uuwi ng P 50,000.

       Ang mga viewers  naman ay pwedeng manalo ng cash prizes habang nanonood sila sa kani-kanilang tahanan.  Panoorin lamang kung paano sila mananalo sa “Guess To Win” promo.

       Ang “Family Feud” ay mapapanood simula ngayong Monday hanggang Fridays, 5:45 PM bago ang “24 Oras” sa GMA-7 at abroad sa GMA PinoyTV.

              ***

    PANSALAMANTALANG iniwanan si Kapuso actor-comedian Buboy Villar ng bunso niyang anak, ang 2-year old son niyang si George Michael.

         Malungkot man, hindi nagpahalata sa anak si Buboy nang ihatid na niya sa airport last March 14.  Ihahatid si George sa mommy niyang Angielyn Gorens at magkikita na sila muli ng older sister niya, ang 4-year old na si Vlanz.

         Kailangan daw pumunta ng US si George para mag-appear doon since he was born in the US, two years ago.  Pero babalik din si George at muli silang magkakasama ni Buboy.

              Three years ago nang maghiwalay sina Buboy at Angielyn pero hindi naputol ang relasyon nila dahil nga sa mga anak nila.  At naging mabuti namang ama si Buboy na hindi tumitigil sa pagtatrabaho para sa kanilang mga anak ni Angielyn.

      (NORA CALDERON)