2022 June 08 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for June 8th, 2022

Malakanyang, umapela sa mga jeepney drivers, operators na huwag suspendihin ang operations ngayong linggo

Posted on: June 8th, 2022 by @peoplesbalita No Comments

SA gitna ng nagpapatuloy na pagsirit ng presyo ng langis, umapela ang Malakanyang sa public utility jeepney (PUJ) drivers at operators na huwag nang ituloy ang kanilang plano na tigil-pasada o isuspinde ang nationwide jeepney operations ngayong linggo.

“Nanawagan kami sa mga tsuper at mga operator ng mga jeep na huwag ituloy ang kanilang planong tigil pasada ngayon linggo,” ayon kay Acting presidential spokesperson at Communications Secretary Martin Andanar sa isang kalatas.

Tiniyak nito na ginagawa naman ng pamahalaan ang lahat ng makakaya nito upang pagaanin ang epekto ng tumataas na presyo ng langis sa sanhi ng ‘tight supply’ sa global oil market.

Binanggit nito ang patuloy an pagsisikap ng pamahalaan na i-roll out ang fuel subsidy ng Department of Transportation para sa mga beneficiaries.

“Nasa mahigit 180,000 public utility vehicle operators ang nabigyan na ng fuel subsidy, as of June 1, 2022, ayon sa Land Transportation Franchising and Regulatory Board,” dagdag na pahayag nito.

Sa ulat, matagal nang nagrereklamo ang mga jeepney drivers at operators ukol sa patuloy na pagtatas sa presyo ng langis lalo pa’t nakasandal lamang ito sa kanilang pang-araw- araw na trabaho.

Ayon sa transport group Pinagkaisang Samahan ng Tsuper at Operator Nationwide, karamihan sa mga PUJ drivers ay kumikita lamang ng P300 kada araw o sapat na kita para ipakain sa kanyang pamilya. (BISHOP JESUS “JEMBA” M. BASCO)

ARTA chief, susundin ang suspension order

Posted on: June 8th, 2022 by @peoplesbalita No Comments

SUSUNDIN ni Anti-Red Tape Authority (ARTA) Director General Jeremiah Belgica ang suspension order na ipinalabas ng Office of the Ombudsman sa gitna ng graft complaints laban sa kanya at sa apat na opisyal ng ARTA na isinampa ng telecommunication company.

Ipinag-utos ng Office of the Ombudsman ang anim na buwang preventive suspension laban sa mga opisyal ng Anti-Red Tape Authority (ARTA) na sina Belgica, deputy director general Eduardo Bringas, division chief Sheryl Pura-Sumagui, at directors Jedrek Ng at Melamy Salvadora-Asperin

“This is to secure and guard the integrity of all documents so that we cannot influence the investigation,” ayon kay Belgica.

Ayon naman sa Ombudsman mayroong malakas na ebidensya laban sa mga respondent na inireklamo ng grave misconduct, gross neglect of duty at conduct prejudicial to the best interest of the service na maaaring magresulta sa kanilang pagkatanggal sa serbisyo.

“Thus, in order to secure the documents and to prevent possible harassment of witnesses and considering that their continued stay in office may prejudice the case filed against them, they are hereby placed under preventive suspension for a period of six months,” sabi ng utos ng Ombudsman.

Ang suspensyon ay kaugnay ng reklamong isinampa ng DITO Telecommunity Inc. sa mga opisyal ng ARTA kaugnay ng kanilang mga naging aksyon pabor sa NOW Telecom Company Inc.

Noong Setyembre 20, 2018, nagpalabas ng circular ang National Telecommunication Commission (NTC) para sa competitive selection process sa pagpili ng New Major Player (NMP) na nakuha ng DITO.

Ang NOW ay kumuha rin umano ng bidding document subalit hindi lumahok sa NMP Selection Process.

Noong Mayo 18, 2020 ay naghain umano ng reklamo ang NOW laban kay NTC Commissioner Gamaliel Cordova sa ARTA at hiniling ang automatic approval ng kanilang hiling na ibigay sa kanila ang frequency na napunta sa DITO.

Noong Marso 1, 2021, nagpalabas ang ARTA ng resolusyon at ipinag-utos ang automatic approval sa hinihinging frequency ng NOW.

Tinutulan ng DITO at NTC ang utos ng ARTA.

Sinabi ng NTC na ayon sa opinyon ng Justice Secretary ang pagdinig ng NTC ay quasi-judicial at hindi saklaw ng Automatic Approval Clause. (Daris Jose)

Marcos Jr., kailangan ang kooperasyon at tulong ng lahat

Posted on: June 8th, 2022 by @peoplesbalita No Comments

UMAPELA si outgoing President Rodrigo Roa Duterte sa sambayanang Filipino na tanggapin ang resulta ng May 9 polls dahil kakailanganin ng mga incoming leaders lalo na ni President-elect Ferdinand “Bongbong” Marcos Jr. ang kooperasyon at tulong ng mga ito para matiyak ang tagumpay ng bansa.

“President-elect Marcos would need the cooperation and help of everybody. We must give it to him,” ayon kay Pangulong Duterte sa kanyang Talk to the People, Lunes ng gabi.

Dapat lamang aniyang igalang ng publiko ang desisyon ng mayorya, idagdag pa na ito ang diwa ng demokrasya.

“Pag nagsalita na ‘yung taongbayan kung sino ‘yung mga leader na gusto nila, sunod tayo. Iwasan ninyo ang pulitika,” dagdag na pahayag nito.

Sinabi ng Punong Ehekutibo na dapat lamang na magkaisa ang mga mamamayang Filipino na harapin ang mga usapin gaya ng Covid-19 health crisis at ang pagpapabilis ng post-pandemic recovery.

“We have no room for politicking or actions that are divisive to the country. Nagsalita na ang tao, may mga lider tayo, and me, wala na ako . I will say nothing,” ayon sa Pangulo.

Mali aniya na batikusin at punahin agad ang incoming administration na hindi pa naman nakapagsisimula na ipatupad ang mga polisiya at programa.

“Ang ayaw ko, baka may maiwan pa, yung namumulitika pa rin . Or you know, just plain criticize itong bagong administrasyon. You do not do that,” dagdag na pahayag nito.

Sa kabilang dako, tiniyak naman ni Pangulong Duterte sa publiko ang “smooth” at “peaceful” transition of power sa kanyang successor.

“As we approach June 30, this administration is both ready and eager to hand over the reins of government to our incoming leaders. I assure everyone that this process will be smooth and peaceful as we want the next administration to succeed for the benefit of country,” ani Pangulong Duterte.

Aniya, tanging sa pamamagitan lamang ng pagkakaisa at damayan malalagpasan ng bansa at mamamayan ang mga hamon sa bansa.

“My fellow Filipinos, the next administration needs all our support and solidarity. Let us therefore give them our goodwill and best wishes as they endeavor to lead our country towards a better future,” dagdag na pahayag nito.

Samantala, muli namang pinasalamatan naman ng Punong Ehekutibo ang mga mamamayang Filipino sa pagsuporta ng mga ito sa loob ng anim na taon ng kanyang termino bilang Pangulo ng bansa.

“To the people of my country, it was a fruitful and productive journey with the help of people from all sectors who I thought early on who can help be build a better future for our children. Maraming maraming salamat sa inyong pagbigay ng tiwala sa akin ,” lahad nito.

Ang tanging hangad lamang aniya niya bago siya bumaba ay makapag-iwan ng maayos na bansa para sa kasalukuyang henerasyon at sa mga susunod pang henerasyon sa pamamagitan ng iba’t ibang polisiya at programa partikular na ang kanyang ginagawang paglansag sa mga kriminalidad at ilegal na droga.

“Kung may ano man ako, advocacy ko, it’s really to protect the next generation,” aniya pa rin sabay sabing “If there is a compelling need for me to talk, I will do it. But my drift is just really to retire quietly. No more politics for me.” (Daris Jose)

Ads June 8, 2022

Posted on: June 8th, 2022 by @peoplesbalita No Comments

PDu30, naniniwalang itutuloy ng Marcos admin ang laban kontra illegal na droga

Posted on: June 8th, 2022 by @peoplesbalita No Comments

NANINIWALA si Pangulong Rodrigo Roa Duterte na gagawin ng kanyang successor, na si President-elect Ferdinand “Bongbong” Marcos Jr. ang lahat ng makakaya nito para patuloy na labahan ang illegal na droga.

“Well, I trust that the next administration will also do its very best to confront itong drug[s],” ayon sa Pangulo sa kanyang Talk to the People, Lunes ng gabi.

Bagama’t inamin nito na natatakot siya na muling lumaganap ang drug industry kapag nagtapos na ang kanyang termino, nagpahayag naman ng kumpiyansa ang Pangulo na ang mga pulis at sundalo ay “maintain the momentum” sa anti-narcotics campaign.

“I place my full trust and confidence on the two institutions that we have na iyon lang ang ating panglaban..: it’s the police and the military. These are the institutions that would, I think, will not allow the drug people to prevail,” dagdag na pahayag nito.

Hindi naman lingid sa kaalaman ng Chief Executive na may mga “bulok na itlog” sa police force ng bansa, subalit binigyang diin nito ang ginagawang patuloy na paglilinis ng Philippine National Police (PNP) sa ” ranks of scalawags.”

“I still trust the police. Mayroong mga scalawags, mayroon ring nasa droga pero — a few of them. And yet the police had to police its own ranks and maraming pulis na nahuli nila ,” aniya pa rin.

Hinikayat naman ng Pangulo ang mga bagong miyembro ng PNP na maglingkod sa bayan at sa mamamayan, maging sino man ang lider ng bansa.

“Dadaan lang kami eh…Kita mo ako mayor tapos parang kahapon lang dumaan lang sa harap ko… But the organization of the Armed Forces and the police will be there always. So kayo ang — nakikiusap ako sa inyo na maintain your ‘yung ano ninyo your reputation na maasahan ang pulis, maasahan ang military to save the country,” ani Pangulong Duterte.

Pinaalalahanan din ng Pangulo ang mga ito na iwasan at hwag masangkot sa illegal drug trade.

“Kaya kung kayong mga pulis kung talagang mahal ninyo ang bayan, stay away from drugs, the temptation of money,” anito sabay sabing “I said it’s very corrosive to the values of a human being, the lure of money.” (Daris Jose)

PNP nag-inspeksiyon na sa National Museum

Posted on: June 8th, 2022 by @peoplesbalita No Comments

SINIMULAN na ng Philippine National Police (PNP) ang pagsasagawa ng inspeksiyon sa loob at labas ng National Museum bilang bahagi ng pagbibigay ng seguridad sa inagurasyon ni President-elect Ferdinand ‘Bongbong’ Marcos, Jr. sa Hunyo 30.

Pinangunahan ni PNP Director for Operations MGen. Valeriano De Leon ang inspeksiyon alinsunod sa kautusan ni OIC-PNP PGen. Vicente Danao na tiyaking maayos at ligtas ang lugar at paghahanda sa mga hindi inaasahang insidente na makaapekto sa panunumpa ni Marcos.

Kasabay nito, tinatayang nasa 2,000 pulis ang ikakalat sa inagurasyon upang matiyak na walang grupo ang makapanggugulo sa selebrasyon at pagpapalit ng administrasyon. Ang deployment ng mga pulis ay manggagaling sa National Capital Region Police Office at Police Regional Office 3 and Police Regional Office 4A.

“Our personnel from Regions 3 and 4 will only be utilized to ensure that there will be no movements, especially those that are left-leaning organizations taking advantage of this activity,” ani De Leon.

Binigyan diin ni De Leon nakipag-ugnayan na rin sila sa City Government ng Maynila hinggil sa pagpapatupad ng no permit, no rally policy.

Samantala, nakalatag na rin ang seguridad para sa inagurasyon ni vice president-elect Sara Duterte sa Davao City sa Hunyo 19.

Sapat na aniya ang puwersa ng PRO 11 para matiyak ang seguridad ng oath-taking ni Duterte. (ARA ROMERO)

Championship experience gumana na! Celtics tinambakan ng Warriors sa game 2

Posted on: June 8th, 2022 by @peoplesbalita No Comments

MATINDING opensa at mahigpit na depensa ang ginamit ng Golden State Warriors para gantihan ang Boston Celtics, 107-88, sa Game Two ng NBA Finals.

Humataw si Stephen Curry ng 29 points kasama ang limang three-point shots para sa 1-1 pagtabla ng Warriors sa Celtics sa kanilang best-of-seven championship series.

Tumipa si Curry ng 14 points sa third period tampok ang tatlong triples para sa pagtatayo ng Golden State sa 87-64 bentahe laban sa Boston.

“We got off to a better start defensively where we made an imprint on the game and they felt us more than they did in game one,” ani Curry.

“Our third quarter was great and we got a bit more separation that made the fourth quarter easier tonight,” dagdag pa ng NBA Three-Point king.

Nag-ambag si Jordan Poole ng 17 points para sa Warriors at may 12 at tig-11 markers sina Kevon Looney, Andrew Wiggins at Klay Thompson, ayon sa pagkakasunod.

Umiskor si Jayson Tatum ng 28 points sa panig ng Celtics habang may 17 markers si Jaylen Brown at 12 points si Derrick White.

Nalimitahan naman sina Al Horford at Marcus Smart, bumida sa kanilang panalo sa Game One, sa tig-4 points.

Magtutungo ang Golden State team sa Boston para sa Game Three sa Huwebes (Manila time) at Game Four sa Sabado (Manila time).

Paggamit ng boxing gloves nina Pinoy champ Nonito Donaire at Japanese boxing star Naoya Inoue, nahaluan ng kontrobersya

Hinahabol pa rin ng kontrobersiya ang rematch ng dalawang kampeon na sina Japanese star Naoya Inoue at Nonito “The Filipino Flash” Donaire.

Ito ay matapos pumasa ang dalawa sa opisyal na pagtimbang kanina.

Si Inoue ay eksakto lamang sa 118-pound division limit, habang si Donaire ay mas magaan sa 117.8 pounds na timbang.

Bukas na ang inaabangang rematch ng magkaribal kung saan nakataya ang tatlong korona na WBC/WBA/IBF bantamweight title.

Ito ay unification bout na magaganap sa Saitama Super Arena sa Saitama, Japan.

Kanina sa harapan ng magkabilang panig, hindi nagkasundo ang kanilang mga kampo sa uri ng brand ng boxing gloves na gagamitin.

Galit na galit pa si Donaire dahil hindi nakaselyado raw ang gloves na gagamitin ng Japanese superstar.

Pamilya Donaire nakatutok sa laban bukas sa The Filipino flash

Posted on: June 8th, 2022 by @peoplesbalita No Comments

NAKATUTOK ang pamilya Donaire dito sa lungsod sa laban bukas ni WBC bantamweight champion Nonito “The Filipino Flash” Donaire sa Japanese boxing star na si WBA, IBF champion Naoya Inoue.

Sa interview umapela ng pagdarasal sa publiko si Lolit Donaire-Damalerio, residente ng Barangay Bula para sa pagkapanalo ng kanyang pamangkin .

Dagdag pa nito na hindi lamang sa kanilang pamilya ang karangalan kundi sa buong bansa .

Ayon pa dito na suportado ang ano mang plano ni Donaire Jr. habang malaki ang kumpiyansa na maagaw nito ang belt na hawak ni Inoue.

Matatandaan sinabi ng The Filipino flash na gustong maghigante matapos ang pagkatalo nuong 2019 sa kamay ng Japanese boxing star .

Sa pahayag ni Donaire na siguraduhin na lasapin ang mas brutal na pangyari nuong unang laban matapos nadala sa pagamutan si Inoue matapos nabali-an ng mga ribs dahil sa malakas na suntok ng Pinoy boxer.