2022 July 04 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for July 4th, 2022

Transport advocacy group, nanawagan sa Marcos admin na resolbahin ang problema sa transportasyon sa bansa

Posted on: July 4th, 2022 by @peoplesbalita No Comments

NANAWAGAN ang isang transpory advocacy group sa Marcos administration na resolbahin ang mga balakid sa transportasyon sa bansa na nagdudulot ng stress sa mga manggagawang commuters na nahihirapan sa pagsakay para makapasok sakanilang mga trabaho at pauwi ng bahay sa araw-araw.

Iginiit ni Passenger Forum Convener Primo Morillo na kailangan ng long-term solution para sa maresolba ang araw-araw na problema ng mga mangagawa na nagcocomute lamang lalo na sa Metro Manila at iba pang urban areas.

Aniya, ito ang unang malaking hamon sa bagong administrasyon dahil maraming mga Pilipino ang nahihirapan bunsod ng nakakapanlumong sitwasyon ng transportasyon sa bansa.

Nagre-reflect aniya ito sa lumabas na survey mula sa 2022 Gallup Report on the State of Global Workplace na nagpapakita na ang mga manggagawa sa Pilipinas ang most stressed sa Southeast Asia.

Ipinunto ng grupo na ang contractualization, mababang sahod, mabagal na pandemic recovery, at transport crisis ang dahilan para sa physical at exhaustion ng mga manggagawang Pilipino.

Ngayong tapos na ang hit serye nila ni Gabby: SANYA, balik sa pagkanta at nai-record na ang first single

Posted on: July 4th, 2022 by @peoplesbalita No Comments

SINA Jerry Sineneng at Dominic Zapata ang mga directors ng upcoming Pinoy adaptation ng Korean drama series na Start-Up.

This early, may agam-agam na ang mga fans at netizens kung magagawa ba nila ang tulad ng K-drama na napanood na nila.

Kaya sagot nila, during the mediacon, they are giving their best, mula sa actors, staff, crew and everyone, at naniniwala raw silang magugustuhan ng mga manonood ang ginigawa nila at sana raw panoorin muna bago sila mag-comment.

“We understand na kapag gumawa ng adaptation, hindi naman ibig sabihin na kokopyahin namin ang original, kasi kung kokopyahin din lamang namin, bakit pa gagawin?

“Hindi naman namin paaartihin si Alden (Richards) tulad ni Good Boy Tristan (Nam Joo-hyuk) o si Bea (Alonzo) like Bae Suzy, pero may idinagdag kami na makapagpapasarap ng panlasa sa mga Pinoy.”

Kumusta naman ang chemistry nina Alden at Bea?

“Together, they have magic, nabigyan nila ng buhay ang mga characters assigned to them, kaya hindi kami nahirapan building their chemistry, siguro dahil may innate chemistry na sila sa simula pa, that seems to stem from their likable characteristics off-cam.”

Very soon ay mapapanood na ang Start-Up Philippines na kasama rin sa cast sina Jeric Gonzales, Yasmien Kurdi, Kim Domingo at director-actress, Ms. Gina Alajar.

***

MEANWHILE, tuloy na ang upcoming US concert ni Asia’s MultiMedia Star Alden Richards na “ForwARd Alden Richards.”

Twitter post ni Alden, “moving forward with purpose,” na after ng success ng kanyang “Forward Online Documentary Concert,” ng kanyang @ARfoundationinc time na para naman mapanood ito ng mga kababayan natin abroad, lalo pa at more than two years ding walang nakapag-live concert doon dahil sa Covid-19 pandemic.

Here is the schedule mula sa NY Entourage Productions, producer ng concert: sa September 3, sa San Mateo, California, Septembeer 4, sa Valley Center, California, September 10, sa Chicago, Illinois at sa September 11, sa Jacksonville, Florida.

Special guest ni Alden si Sue Ramirez. Media partner ng concert ang GMA Pinoy TV at sponsors naman ang Megaworld International at Philippine Airlines.

***

MASAYA ang grand finale ng First Yaya nina Gabby Concepcion at Sanya Lopez last Friday evening.

During the presidential inauguration ni President Glenn Acosta ay sumakit ang tiyan ni First Lady Melody, kaya isinugod siya sa hospital para isilang niya ang anak nila.

Boy or girl ba ang isinilang ni First Lady? Pero bakit tatlong yaya ang kinuha ng mag-asawa, sina Glaiza de Castro, Rabiya Mateo at Carla Abellana? Ibig bang sabihin, hindi magtatagal at magkakaroon ng season 3 ang serye, dahil ang iniwan nilang salita sa finale: “hanggang sa muling pagkikita!”

Ngayong tapos na ang serye ni Sanya, for a change, ay babalikan naman niya ang pagkanta. Nai-record na niya ang kanyang first single, titled “Hot Maria Clara” for GMA Music at iri-release na nila sa July 15.

Kaya ngayon pa lamang, pwede nang mag-pre-order ng digital copy ng single sa iTunes from July 1 – 14. Matatandaan na bago naging dramatic actress si Sanya, kumakanta siya noon sa “Walang Tulugan” supershow ni Kuya Germs Moreno, pero ngayong lamang siya nagkaroon ng chance na magkapag-recording, dahil noon ay nagkasunud-sunod ang mga projects niya sa GMA-7.

Samantala, mapapanood na ang adventure-serye na Lolong ni Ruru Madrid. ngayong gabi after ng 24 Oras sa GMA-7.

(NORA V. CALDERON)

Ads July 4, 2022

Posted on: July 4th, 2022 by @peoplesbalita No Comments

Ilang executive posts, bakante

Posted on: July 4th, 2022 by @peoplesbalita No Comments

BAKANTE pa rin ang ilang posisyon sa executive department. Base sa Memorandum Circular 1 na nilagdaan ni Executive Secretary Victor Rodriguez , nakasaad dito ang mga posisyon na kinokonsiderang bakante simula noong tanghali ng Hunyo 30, o nang magsimula ng umupo sa kanyang tanggapan si Pangulong Ferdinand “Bongbong” Marcos, Jr.

Ang mga ito ayon sa MC 1 ay “all presidential appointees whose appointments are classified as co-terminous; all presidential appointees occupying positions created in excess of the authorized staffing pattern; all non-career executive service officials occupying career executive service positions; and contractual and/or casual employees.”

Ang dokumento ay inisyu noong Hunyo 30 subalit ipinalabas sa media kamakailan.

Sa kabilang dako, upang matiyak na magpapatuloy ang paghahatid ng government services, sinabi ng Malakanyang na ang mga bakanteng posisyon sa mga heads of executive departments at iba pang tanggapan ay pansamantalang uupuan ng “most senior official” na magiging officer-in-charge (OIC).

Gagampanan nito ang tungkulin ng top official hanggang Hulyo 31 o hanggang makahanap ng itatalagang kapalit.

Hindi naman nakalista sa dokumento ang mga ahensiya ng “top post” na kinukunsiderang bakante.

Samantala, nakasaad pa rin sa circular na ang lahat ng non-career executive officials na umookopa ng career executive service positions ay mananatili sa tanggapan “on a hold-over capacity” hanggang Hulyo 31, o hanggang sa matanggap ang kanilang pagbibitiw sa puwesto o makahanap ng ipapalit sa kanila.

Ang mga apektadong contractual o casual employees na ang kontrata ay nasa ilalim ng administrasyon ni dating Pangulong Rodrigo Roa Duterte na napaso’ o expired na ay ipagpapatuloy pa rin ang kanilang serbisyo hanggang sa katapusan ng buwan maliban na lamang kung maagang tinapos o ni-renew. (Daris Jose)

“Special economic at freeport zone” sa Bulacan Airport City, bineto ni PBBM- Malakanyang

Posted on: July 4th, 2022 by @peoplesbalita No Comments

BINETO (VETO) ni Pangulong Ferdinand “Bongbong” Marcos Jr. ang batas na magtatayo ng “special economic at freeport zone” sa Bulacan Airport City.

Sa isang text message, kinumpirma ni PCOO at Press Secretary Trixie Angeles na bineto (veto) ng Pangulo ang nasabing batas.

“We confirm that the president signed the veto of HB 7575 entitled, “AN ACT ESTABLISHING THE BULACAN AIRPORT CITY SPECIAL ECONOMIC ZONE AND FREEPORT, PROVINCE OF BULACAN AND APPROPRIATING FUNDS THEREFOR.”

The constitution requires that in case of a veto, the bill shall be returned to the House where it originated, along with the President’s objections. Attached hereto are the objections and explanation of the veto,” ayon kay Angeles.

Sa ulat, tinatayang nasa $15 bilyon ang inilagak na puhunan ng San Miguel Corporation para sa pagpapatayo sa airport.

Nakasaad sa liham ni Pangulong Marcos sa Kongreso kahapon, Hulyo 1, na pasisikipin nito ang tax base ng bansa.

Bukod pa sa magdudulot lamang kasi ito ng fiscal risk at may conflict sa ibang sangay ng ahensya ng pamahalaan.

Samantala, ipinag-utos ni Pangulong Marcos sa NANTIONAL Economic and Development Authority at Regional Development Council na pag-aralang mabuti ang panukalang batas.

Tinatayang nasa 100 milyong pasahero ang masi-serbisyuhan sana ng Bulacan airport kapag naging operational na.

Buwan ng Mayo nang pinal nang pinagtibay ng Senado sa third at final reading ang panukalang magtayo ng Bulacan Airport City Special Economic Zone at Freeport Authority (BACSEZFA).

21 Senador ang bumoto pabor habang walang tumutol nang isalang ang Senate Bill no. 7575 para sa pagtatayo ng domestic at international airport sa lalawigan.

Isa ito sa nakikitang solusyon ng Kongreso para tuluyang madecongest ang Metro Manila bukod pa sa inaasahang maibibigay na trabaho sa milyun-milyong mga Pilipino.

Sa panukalang Bulacan Air Hub, ididesenyo ito para ma-accomodate ang hanggang 100 milyong biyahero kada taon.

Maglalagay din ng special economic zone at freeport authority para sa malayang pagpasok at paglabas ng mga produkto.

Noong nakaraang taon, binigyan na ng 50 taong prangkisa ang San Miguel Corporation para magtayo at mag-operate ng domestic at international airport sa may 2,500 ektaryang lupain sa Bulacan. (Daris Jose)

PBBM, hindi pa nagtatalaga ng bagong Pagcor chief

Posted on: July 4th, 2022 by @peoplesbalita No Comments

HANGGANG sa ngayon ay hindi pa rin nagtatalaga si Pangulong Ferdinand “Bongbong” Marcos Jr. ng bagong pinuno ng Philippine Amusement and Gaming Corp. (Pagcor).

Ang paglilinaw ng Malakanyang ay kasunod ng ulat na di umano’y itinalaga na ni Pangulong Marcos si Atty. George Erwin Garcia para pamunuan ang Pagcor.

Itinatwa ni Press Secretary Beatrix Rose “Trixie” Cruz-Angeles ang balitang pagtatalaga kay Atty. Garcia.

“I would like the public to be informed that there is no truth to the statements being made on social media that a certain George Erwin Garcia has been appointed Pagcor chairman. No such appointment has been made,” ani Angeles sa isang kalatas.

Si Garcia, nagsilbing commissioner ng Commission on Elections sa ilalim ni dating Pangulong Rodrigo Roa Duterte ay itinalaga bilang Comelec commissioner noong Marso.

Nagkaroon ng maikling panahon si Garcia sa poll body matapos na i-bypassed ng Commission on Appointments ang kanyang ad interim appointment noong nakaraang buwan.

Samantala, nanumpa naman si Adelio Angelito Cruz bilang bagong Chief of Presidential Protocol ng Malacañan Palace.

Ang oath-taking ceremony, pinangunahan ni Pangulong Marcos ay isinagawa sa Study Room ng Palasyo ng Malakanyang, base sa short video clip na in-upload ng Radio Television Malacañang sa official Facebook page nito.

Bago pa ang kanyang bagong appointment, si Cruz ay Philippines’ Consul General sa Los Angeles, California mula 2016 hanggang 2021.

Nagsilbi rin ito bilang chargé d’affaires of the Philippine Embassy sa Tripoli, Libya.

Gayundin, humawak din siya ng iba’t ibang diplomatic postings sa Chicago, Abu Dhabi, at China. (BISHOP JESUS “JEMBA” M. BASCO)

DBM, ipinalabas na ang P6.2B monthly ‘ayuda’ para sa mahihirap na pamilya

Posted on: July 4th, 2022 by @peoplesbalita No Comments

SINABI ng Department of Budget and Management (DBM) na ipinalabas na nito ang P6.2 bilyong piso para sa P500 monthly cash aid para low-income families.

Layon nito na pagaanin ang paghihirap ng mga nasabing pinakamahihirap na pamilya sa bansa sa gitna ng patuloy na tumataas na presyo ng gasolina at mga pangunahing bilihin.

Ang ipinalabas na halaga ay para sa Targeted Cash Transfer (TCT) Program ng Department of Social Welfare and Development (DSWD).

Buwan ng Marso nang ipag-utos ni dating Pangulong Rodrigo Roa Duterte na taasan ang cash aid sa P500 mula sa P200.

Inamin ni Duterte na maging siya ay naliliitan sa P200 halaga ng dagdag na ayuda para sa mga pinakamahihirap na pamilya sa bansa kada buwan.

Iyon nga lamang, hanggang sa magtapos ang termino ni Duterte noong Hunyo 30 ay hindi naipamahagi ang cash assistance.

“The cash subsidy will be distributed to six million beneficiaries from the poorest 50% of the country’s population “to help them cope with rising prices of fuel and other commodities,” ayon sa DBM.

“Specifically, this includes four million households enrolled under the Pantawid Pamilyang Pilipino Program (4Ps) and two million social pension beneficiaries,” dagdag na pahayag ng DBM.

Ang mga benepisaryo ay makatatanggap ng P500 na monthly cash subsidies sa loob ng anim na buwan, ipamamahagi sa tatlong tranches.

“This implies they are expected to receive P1,000 for the first tranche, which will be distributed through the cash cards issued by the LandBank of the Philippines or other approved modes of distribution,” ayon sa DBM.

“The DBM will ensure the timely and prudent release of funds and work closely with all implementing agencies to help ease the burden of the vulnerable population most affected by global crises,” anito pa rin. (Daris Jose)

12-point program para sa Agrikultura, isinuwestiyon kay Pangulong BBM

Posted on: July 4th, 2022 by @peoplesbalita No Comments

IPRINISINTA ng grupong Kilusang Magbubukid ng Pilipinas (KMP) ang kanilang 12-point program para sa agriculture sector na maaaring ipatupad sa unang 100 araw ni Pangulong Bongbong Marcos.

Ang pagsiguro sa agricultural land para sa food production ay isa sa dapat unahin ng bagong administrasyon.

Hinikayat ng grupo ang pangulo na magpalabas ng isang Executive Order na nagbabawal sa conversion ng mga irrigated at agricultural lands sa ibang paraan.

Pinasesertipikahan din ng grupo ang House Bill No. 406 o P15,000 Production Subsidy para sa 9.7 milyong magsasaka at mangingisda.

These are actual demands of farmers and food producers. If Marcos Jr. has the political will and determination to put action into his words then he must consider these proposed doables.

Pinasasa-ayos din nila ang mahabang usapin o isyu ukol sa Hacienda Tinang sa Tarlac, Araneta Estate sa Bulacan, Lupang Ramos sa Cavite, Dumarao Stockfarm sa Panay, at Concepcion Grande sa Bicol.

Dapat din umanong ipatigil ang policy sa food import dependency, pagbasura sa Executive Orders 134 at 135, fish import permits at pagrebyu at pag-amyenda sa RA 10845 o Anti-Agricultural Smuggling Act.

Gayundin ang suspensiyon sa implementation ng R.A. 11203 o Rice Tariffication Law/Rice Liberalization Law at excise tax sa products.

Pinasesertipikahang urgent ng grupo ang mga food self-sufficiency bills tulad ng Genuine Agrarian Reform Bill, panukalang Rice Industry Development Act, at Fertilizer Subsidy Program; comprehensive economic stimulus para sa paglalaan ng P10,000 cash aid at P15,000 production subsidy sa mga magsasaka, mangingisda at agricultural workers.

Dapat ding magtalaga ng tunay na farmer-representatives sa management at paggamit ng coconut levy funds and assets.

Pagsasauli ng ill-gotten wealth umano ng mga Marcoses at kanilang cronies at pagbabayad ng P203.8 billion unpaid estate taxes ng mga Marcoses.

Maglaan din dapat anila ng nasa 10% ng national budget para sa agriculture at food production, ibasura ang permits para sa Golden Rice at Executive Order 130 on mining. (Ara Romero)

Pagtatayo ng Bulacan Ecozone, pinigil ni Marcos

Posted on: July 4th, 2022 by @peoplesbalita No Comments

HINDI na matutuloy ang planong pagtatayo ng special economic zone at freeport sa Bulacan matapos i-veto ni Pangulong Ferdinand “Bongbong” Marcos Jr. ang panukalang batas tungkol dito.

Ipinaliwanag ni Marcos sa sulat na ipinadala sa tanggapan ng Senate President na hindi niya susuportahan ang enrolled bill dahil magdadala ito ng malaking panganib sa pananalapi ng bansa.

Binanggit din ni Marcos na kinikilala niya ang layunin ng panukala na palakasin ang lokal na ekonomiya pero mayroon itong probisyon na magdudulot ng “substantial fiscal risks” sa bansa at sasalungat sa mandato at awtoridad ng ibang ahensya.

“While the administration recognizes the objective of the proposed measure to accelerate economic growth in its locality, I cannot support the bill considering the provisions that pose substantial fiscal risks to the country and its infringement on the conflict with other agencies’ mandates and authorities” ani Marcos.

Kabilang sa nakitang butas ni Marcos sa enrolled bill ay ang kawalan ng audit provisions para sa Commission on Audit. (Daris Jose)

Dating Rep. Nina Taduran, itinalaga bilang undersecretary ng DSWD

Posted on: July 4th, 2022 by @peoplesbalita No Comments

NADAGDAGAN pa ang bilang ng mga dating mamamahayag at mambabatas na kabilang sa mga appointee ni President Ferdinand “Bongbong” Marcos Jr.

Ito’y matapos na lumabas ang appointment ni dating ACT-CIS Partylist Rep. Niña Taduran, bilang undersecretary ng Department of Social and Welfare Development (DSWD).

Ipinakilala si Taduran sa isang event bilang DSWD undersecretary, kung saan sa ilalim siya ng pamumuno ni Sec. Erwin Tulfo, na isa ring dating kagawad ng media.

Napili sa Taduran dahil umano sa mga karanasan nito sa pagbibigay ng tulong sa ilang taong pagiging kinatawan sa mababang kapulungan ng Kongreso.