LUNGSOD NG MALOLOS- Dalawang daan at labing-apat na Bulakenyo ang pumunta na naghahanap ng trabaho at umuwi na may sigurong hanapbuhay sa kanilang pagkaka-hired on the spot sa ginanap na Trabaho Negosyo Kabuhayan (TNK) Fiesta Caravan Job and Business Fair Local and Overseas Employment na ginanap sa Bulacan Capitol Gymnasium sa lungsod na ito noong Martes.

Pinasalamatan ni Gobernador Daniel R. Fernando ang 53 lokal at apat na overseas na employers na sumama sa job fair sa pagbibigay ng pagkakataon sa 2,946 na nagparehistrong Bulakenyo na makuha ang kanilang pangarap na trabaho.

Ibinahagi rin niya na mga aplikanteng Bulakenyo ang uunahin sa mga trabahong dala ng mga malalaking proyekto sa lalawigan kabilang ang Bulacan airport at ang Mega City sa Pandi, Balagtas, at Bocaue.

“Kasabay ng mga parating na mga developments ang pagdating din ng mga trabaho para sa mga Bulakenyo. Huwag po tayong masiraan ng kalooban. Laban lang po tayo. Pasasaan ba at makakaraos din tayong lahat,” anang gobernador.

Nangako rin si Fernando na patuloy na magsasagawa ng buwanang job and livelihood fair ang Pamahalaang Panlalawigan ng Bulacan sa pamamagitan ng Provincial Youth, Sports, and Public Employment Service Office upang makatulong sa mga Bulakenyong naghahanap ng trabaho.

Samantala, umiiyak na nagpasalamat sa iQor, isang kumpanyang BPO, si Jhonavie Pagtalunan, isang dating scholar ng Pamahalaang Panlalawigan at undergraduate ng Theater Arts, sa pagtanggap sa kanya sa trabaho sa mismong araw na iyon.

“Malaking tulong po ito sa family ko, para sa mga medical bills nila. It will also help me para ma-boost pa ‘yung confidence ko and ‘yung English ko,” ani Pagtalunan.

Ilan sa mga industriya na nag-alok ng mga bakanteng trabaho sa mga Bulakenyo ang logistics, Business Processing Outsourcing, whole at retail trade, construction, consumer goods, sales at marketing, automative sales and services, security services, transportasyon, water industry, information technology, janitorial services, edukasyon, health and wellness, finance industry, food industry, at manufacturing.

Maliban sa mga inaalok na trabaho, nagkaroon din ng one-stop shop ang mga ahensyang nasyunal upang tulungan ang mga aplikante sa pagsasaayos ng mga kinakailangan nilang dokumento kabilang ang SSS, NBI, Philhealth, PSA, BIR, DTI, DOLE, TESDA, DMW, POEA, at OWWA.

GAGASTUSAN  sa darating na taon ng Department of Transportation (DOTr) ang modernization ng EDSA busway na nagkakahalaga ng P 212 million.

May mga mungkahi na dapat ng ibigay sa pribadong sektor ang pangangalaga ng EDSA busway subalit walang resolusyon na inilalabas pa ang DOTr para sa pagsasapribado nito.

Gagamitin ang nasabing pondo sa pagbili at paglalagay sa EDSA busway ng karagdagan traffic signals, security at janitorial services. Kasama rin sa pondo ang pagkakabit ng karagdagan station timers na siyang magbibigay ng signal sa mga drivers kung gaano sila dapat tumatagal sa isang istasyon.

Napag-alaman ng DOTR na ang pagsisikip sa EDSA busway at pagkakaroon ng mahabang pila ay ang pagtatagal ng mga buses sa mga designated na istasyon at bus stops.

Ang pamahalaan sa ilalim ng DOTr ay gumastos ng kabuuang P738 million para sa development at improvement ng EDSA busway.

Noong 2020, gumastos ang ahensiya ng P155 million upang ibili at ilagay ang 36,000 concrete barriers upang magkaroon ng exclusive lane ang mga buses sa EDSA.

Gumastos din ang DOTr ng P33 million para sa civil works ng mga naunang istasyon noong 2020 at P77 million naman para sa karagdagang istasyon noong 2021. Ganon din noong 2020, nakakuha ng pondo ang DOTr para sa pagtatayo ng isang project management office na nagkakahalaga ng P473 million upang ito ang mamahala sa nasabing proyekto.

“We also deployed the financing for retrofitting of existing stations, such as the expansion of stations and installation of lifts, CCTV, solar panels and bus times,” wika ni DOTr Secretary Jaime Bautista.

Sa ngayon, ang EDSA busway ay maaaring magkaroon ng 550 units kung saan maaaring makadaan sa exclusive lane ang mga buses. Naitalang may 335,471 na mga commuters ang nabigyan ng serbisyo ng EDSA busway.

Ayon naman sa Land Transportation Franchising and Regulatory Board (LTFRB) na may plano ang ahensiya na dagdagan pa ng 100 units ang gagamit ng EDSA busway upang maging 650 ang kabuuang bus units na gagamit nito. Magkakaroon naman ang DOTR ng expansion project sa EDSA busway upang itaas ang passenger capacity nito sa 500,000 kada araw.

Sumangayon naman si Bautista na kailangan ngayon pa lang ay pag-aralan na at magkaroon ng negotiation sa pribadong sektor ang pamamahala ng EDSA busway sa pamamagitan ng public-private partnership (PPP) upang makamtan ng mga pasahero ang mas angat na serbisyo.

“The result of this possible joint venture could serve as a prototype for other PPP endeavors in various modes of transport,” dagdag ni Bautista.  LASACMAR