2022 September 21 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for September 21st, 2022

Nagkakamabutihan na ba ang mga Kapuso stars?: BUBOY, nagba-blush at natataranta ‘pag natatanong si FAITH

Posted on: September 21st, 2022 by @peoplesbalita No Comments

NAGKAKAMABUTIHAN na ba sina Buboy Villar at Faith da Silva?

Ito ang tanong na nagpa-blush kay Buboy at parang nataranta siyang naghanap ng isasagot tungkol sa kanilang ni Faith.

Ayon kay Buboy, naging close daw sila ni Faith dahil sa pagsama nila sa musical-comedy segment ng All-Out Sundays. Minsan daw niyang inaya itong lumabas pero hindi raw magtugma ang schedules nila. Hanggang sa lumipad na for South Korea si Buboy for Running Man Philippines, hindi na natuloy ang date nila ni Faith.

Noong makabalik na si Buboy pagkaraang ng dalawang buwan, sinorpresa siya ng mga taga-TBATS (The Boobay and Tekla Show) ng isang video message mula kay Faith.

“Hi Buboy. It’s me Faith Da Silva. Hindi ko alam kung na-miss mo ako pero ako… Gusto ko lang mag-congratulate sa’yo sa napaka-exciting na Running Man Philippines.

“Excited ako na mapanood ‘yon and I’m just here to support you and miss ko na to hang out with you at makasama ka sa trabaho. But now that I’m still here in lock-in, chat chat na lang muna. Welcome back to TBATS!” sey ni Faith sa video na ikinakilig ni Buboy.

Matatawag ni Buboy na single siya dahil naghiwalay na sila ng live-in partner niya at ina ng dalawang anak niyang si Angillyn Gorens noong October 2020. Pero magkaibigan pa rin sila at co-parenting ang arrangement nila sa mga anak nilang sina Vlaz Karollyn at George Michael.

Sa US na naka-base si Angillyn at na-petition na niya ang dalawang anak nila ni Buboy na maging US citizen.

***

BIGLANG naging leading man sa teleserye na Nakarehas Na Puso ang dating sexy actor na si Leandro Baldemor at pag-aagawan pa siya nila Jean Garcia at Michelle Aldana.

Pinaghandaan nga raw ni Leandro ang role niya at panay biro sa kanya ng dalawang leading ladies niya na panay diet at workout nito sa kanilang lock-in taping.

Biro ni Leandro, may nabudol daw siya sa production kaya ginawa niyang leading man.

“May nabudol yata tayo kaya ginawa akong leading man nila Jean at Michelle. Nagpapasalamat ako sa GMA kasi malaking role ito na pinagkatiwala nila sa akin.

“Since 2010, gumawa na ako ng teleserye with GMA at lahat ay supporting roles. Masaya na ako sa gano’n, eh. Pero noong sabihing ako ang leading man dito, sabi ko, ‘Teka, iba ito. May nabudol din tayo!'” sabay tawa pa niya.

Nagpapasalamat din ang aktor kina Jean at Michelle dahil napagaan daw ng mga ito ang kanyang pagsabak sa mga drama scenes nila.

“Ngayon ko lang kasi sila nakatrabaho. Noon kasi napapanood ko lang sila sa mga pelikula. Kinabahan din ako kasi ang galing nilang umarte pareho, pero malaki ang tulong nila para mapaganda ko ang performance ko sa mga eksena namin,” diin pa ni Leandro.

Kahit nga raw may sariling wood carving business sa Paete, Laguna si Leandro, hinding-hindi raw niya iiwan ang showbiz dahil sobra raw niyang minahal ang propesyon na ito simula noong ma-discover siya ng Seiko Films noong 1998.

Ordinaryong college student lang daw siya noon nang may lumapit sa kanya para gawin siyang artista. Pagkaraan ng sampung araw ay nagsu-shooting na raw siya para sa unang pelikula niya na Patikim Ng Pinya kasama si Rosanna Roces.

Ang iba pang sexy films na ginawa ni Leandro ay Sariwa, Tukso Layuan Mo Ako, Pisil, Pedrong Palad, Katawan, Burlesk Queen Ngayon, Ikapitong Gloria, Virgin Wife, Eskandalo, Huwag Kang Kikibo, Bedtime Stories, Ligaya Pantasya Ng Bayan at Balat Sibuyas.

Noong hindi na uso ang paggawa ng sexy films, naging entertainer sa Japan si Leandro ng ilang taon. Noong bumalik siya sa Pilipinas, sinubukan niyang pasukin ang politics sa pagtakbo bilang board member ng 4th District ng Laguna. Pero hindi sinuwerte si Leandro kaya bumalik siya sa pag-arte.

Ilan sa mga teleserye na nilabasan ni Leandro ay ang Marimar, Rosalka, Importal, Munting Heredera, Isang Dakot Na Luha, Indio, Mundo Mo’y Akin, Innamorata, My BFF, Pinulot Ka Lang Sa Lupa, Encantadia, Impostora, Contessa, Cain at Abel, The Gift at Las Hermanas.

(RUEL J. MENDOZA)

‘Kailangan kayo ng bansa’

Posted on: September 21st, 2022 by @peoplesbalita No Comments

HINIKAYAT ni Pangulong Ferdinand Marcos Jr. ang mga magagaling na scientists, engineers at technical experts na bumalik sa bansa upang maibalik ang galing ng Pilipinas.

Sa talumpati ng Pangulo sa harap ng Filipino community sa New Jersey Performing Arts Center sa New Jersey, USA hinikayat niya ang mga matatalinong Filipino scientists na bumalik sa bansa sa ilalim ng Balik Scientist Program of the Department of Science and Technology.

Idinagdag ng Pangulo na dapat mabaliktad ang ‘brain drain’ at tumulong ang mga magagaling na Filipino para mamayagpag ang bansa.

Hinikayat din ng Pangulo ang mga guro, mga doktor, nurses at iba pang professionals na ibahagi sa kanilang mga kababayan ang natutunan sa Amerika.

Habang ang mga Pilipino na nasa labas sa bansa ay hinikayat niya na dalhin sa Pilipinas ang kanilang mga kaibigan upang mapalakas ang turismo.

Ipinakita ni Pangulong Ferdinand Marcos Jr ang kahalagahan ng pagkakaroon ng mahigpit na samahan ng US at Pilipinas.

Samantala, sa pagharap ng Pangulo sa New York Stock Exchange (NYSE) Business Forum, nitong madaling araw ng Martes oras sa Pilipinas, na hindi niya lubos maisip kung ano na ang magiging kahihinatnan ng Pilipinas kapag wala sa tabi nito ang US.

Maraming mga kumpanya na mula sa US ang siyang nagbigay malaking tulong sa ekonomiya ng Pilipinas.

Nasa US ngayon ang pangulo para sa pagdalo nito sa 77th United Nations General Assembly (UNGA) kung saan umaasa siya na makausap ng personal si US President Joe Biden. (Daris Jose)

Functions ng bagong tatag na presidential chief of staff, inilatag ng Malacanang

Posted on: September 21st, 2022 by @peoplesbalita No Comments

INISA-ISA ng Office of the Press Secretary ang mga tungkulin ng bagong tatag na Office of the Presidential Chief of Staff (OPCOSS), kung saan itinalaga ni Pangulong Ferdinand Marcos Jr. si Atty. Victor Rodriguez, matapos nitong magbitiw bilang executive secretary nitong weekend.

Sa kanyang pahayag, sinabi ni Press Secretary Trixie Cruz-Angeles na ang presidential chief of staff ay direktang mapasasailalim sa supervision ng presidente.

Pero, binigyang diin ni Angeles na ang draft special order na humihiling ng dagdag na functions ng presidential chief of staff ay ibinasura ni Pangulong Marcos base na rin sa rekomendasyon ng kaniyang Chief Presidential Legal Counsel Juan Ponce Enrile.

Ayon kay Angeles, nakasaad sa administrative order number 1 na ang Office of the Presidential Chief of Staff ay may pangunahing tungkulin na pangasiwaan at tiyakin ang mahusay at tuloy-tuloy na pang-araw-araw na operational support sa pampanguluhang pwesto upang makatutok ang presidente sa strategic national concerns.

Sinabi pa ni Angeles, ang administrative order na lumilikha sa presidential chief of staff ay may katulad na ranggo ng cabinet secretary.

Batay din aniya sa administrative order, ang presidential chief of staff ay tutulungan ng isang senior deputy chief of staff na may ranggong secretary at dalawang deputy chiefs of staff na may ranggong undersecretary, assistant secretaries, at ilang directorial at iba pang administrative staff kung kinakailangan.

Ang immediate staff ng presidential chief of staff ay huhugutin mula sa una nang binuwag na mga ahensiya tulad ng Office of the Cabinet Secretary at Presidential Anti-Corruption Commission (PACC).

Sa kabuuan ang nasabing tanggapan ay magsisilbing coordination mechanism ng Office of the President.

Ito ang mangangasiwa sa security monitoring na responsible sa pagbibigay ng regular na situation reports sa presidente sa real-time basis.

Ayon pa kay Angeles, ang naturang opisina ay magsu-supervise at mahigpit na makikipag-ugnayan sa Presidential Management Staff bilang pangunahing government agency na direktang responsable sa pagbibigay ng mahahalagang staff assistance sa presidential exercise ng over all management ng development process.

Makikipag-ugnayan din aniya ang presidential chief of staff sa presidential advisers and assistants na ang trabaho ay isusumite sa pangulo sa pamamagitan ng bagong ahensya at copy furnished ng executive secretary.

Una na ring sinabi ni Angeles na dahil nagbitiw na si Atty. Rodriguez bilang executive secretary, bakante pa ito ngayon, bagaman may mga pangalan na aniyang ikinokonsidera sa pwesto, pero sumasailalim pa sa vetting process ng Office of the President.

Lucena City’s Pride: Reuben Nepthaly Romulo Bags ‘1st PAC F2F Aquascaping’ Championship

Posted on: September 21st, 2022 by @peoplesbalita No Comments

PROVINCIAL Champion REUBEN NEPTHALY ROMULO from Lucena City, Quezon proclaimed as the Grand Champion of the ‘1st PAC (Philippine Aquascaping Club) Face to Face Aquascaping Competition’.

The awarding ceremony held at Vista Mall Sta. Rosa last September 18, 2022.

His magnificent masterpiece titled ‘Erosion’ eroded and defeated 16 equally beautiful and impressive aquascape from the different places in the country.

Before this enormous victory, Lucena City’s pride was ajudged as the Provincial Champion at ‘Tagultol Fishing Festival Aquascaping Competition’ last August 1, 2022 held in Atimonan, Quezon.

Byron Olavere‘s ‘Glimpsed’ took the second place while ‘Seize Oasis’ by Ira Sabanal takes the third place.

Top 3 received cash prize, certificate, items or products from sponsors and a big shiny trophy.

To complete the Top 5 winners, in 4th place, ‘Takeover’ by Khristoffer Alcaraz and Miguel Mercolita‘s ‘Windswept’ in 5th place.

PAC, thanks everyone for sharing their excellent works and the joy of aquascaping. Hoping to see more Aquascapers and join again in 2023 competition.

Congratulations to the winners and finalists.

Pamana ng ‘BCWMH’ at itinuturing na panganay na anak: ICE, may new entries sa okrayan nila ng nanay-nanayan na si SYLVIA

Posted on: September 21st, 2022 by @peoplesbalita No Comments

NAKA-TAKE 15 si Sylvia Sanchez bago nabuo ang kanyang birthday message para sa itinuturing na panganay na anak na si Ice Seguerra na nagsi-celebrate din ng kanyang 35th anniversary sa showbiz industry.

Ipinalabas nga ang bahagi nito sa celebration ng pop icon last Saturday sa Eat Bulaga.

Pahayag ni Ibyang, “masaya ako doon sa ginawa natin a month ago, na kumain tayong dalawa sa may Retiro, simple lang, pero napakasaya ko.

“Napakasaya ko rin na pinapanood kita na kasama kitang mamimigay ng pagkain hanggang madaling araw sa District 1, ang ang saya-saya mo, totoo talaga ‘yun kaligayahan mo.

“At yun ang gusto ko at pangarap ko sa yo. Alam ko na masaya ka ngayon with Liza (Dino) at sa pamilya mo. Yun ang gusto kong mag-stay sa buhay mo.

“Alam kong marami ka pang pangarap at gusto kong makamit mo ‘yun. Alam mo kung bakit, kung ano ang sandata mo, ay ‘yung kabutihan ng puso mo. Walang mintis, dahil sigurado akong maabot ‘yun lahat ng pangarap mo.”

Sabi pa ng nanay-nanayan ni Ice, “lagi mong tatandaan na, anytime, kahit anong oras, tulog man kami ng Ninong Art mo, isang katok mo sa bahay o isang tawag, nandito kami palagi para sa ‘yo.

“Nagpapasalamat din ako ‘nak sa ‘Be Careful With My Heart’, hinding-hindi ko makalilimutan ‘yun sa tanang buhay ko, dahil ang show na ‘yun ang naging dahilan kaya nandito ka ngayon sa buhay ko at nandyan ako sa buhay mo.
“Ikaw ang pamana sa akin ng ‘BCWMY’ kaya thank you talaga sa show.

“At bilang nanay mo, hindi man lang kita nilabas dito (sa matris ko), alam mo na dito sa puso ko, ikaw ang panganay kong anak. At mahal na mahal kita Aiza o Ice Seguerra, kahit sino ka pa, sobra kitang mahal at ng buong pamilya.”
Pahabol pa ng Pambansang Nanay, “pero pakiusap ko lang sa yo, everytime na pupunta ka sa bahay at nakakatulog ako sa ganda ng boses mo, kahit kinukunan mo ako at winawalanghiya, wala naman akong magagawa, basta make sure na, kailangan maganda si nanay pag natutulog at hindi nakanganga, or else dahil lagot ka sa akin pag pinost mo ‘yun ok.

“Nak, I love you so much, deserver mo na maging masaya, I love you batang may magandang puso.”

At noon ngang mismong birthday ni Ice last Saturday, may IG post si Sylvia ng nakakatawang pa-sexy photos ni Ice na naka-chest binder. Nakaresbak na nga siya kay Ice na may caption na, “Bwahahahaha akala mo ha! Sexyyyy!!! woot.. wootttt!

“Basta Happy Birthday nak hahahaha. Love you @iceseguerra. Asawa mo @lizadino isali ko sa Mr. Universe ito hahahaha!”

Na agad naman sinagot ni Ice sa kanyang IG post na kung saan may pinost na naman siya nang sleeping photo ni Ibyang, na this time, ay nakanganga na.

“Nakakabighani ka talaga kapag tulog, Nay. Salamat sa birthday greeting mong napakasweet. Laaaaabyu!!!!,” caption ng singer/director na magkakaroon ng first major concert after a decade, ang ‘Becoming Ice’ ngayong October 15 sa The Theater at Solaire na produce ng Fire and Ice Media Prod. Inc. at Nathan Studios.

“PS, Thanks for the photo @ataydegela you da best!!!”

Hindi naman ito ikinatuwa ng premyadong aktres, kaya buwelta niya, “G*go ka talaga eh!! Hintay lang sa ganti nak!!!”

“Tarant*do ka talaga Íce Diño Seguerra nak eh, may kakutsaba ka pa dito sa bahay ha.

“Gela Atayde wag ka ng pumasok sa kwarto ko ha! That’s an order!!! Humanda kyong dalawa, akala niyo natatakot ako sa inyo ha. Hintay lang!!!

“Wala ng happy happy birthday giyera na to!!! Nanay versus dalawang anak!!!!”

Last Monday, nagbigay ng birthday treat si Sylvia kay Ice, kasama ang ibang pang friends at may bagong entry naman ang sweetheart ni Liza…

“Salamat sa birthday treat, nay @sylviasanchez_a 🙂 you da best!

“Masaya akong gising ka sa picture na to. #nayandkute.”

Sagot naman ng aktres, “G*ago ka talaga! ang pangit ko diyan oh! Sinasadya mo talagang akong pangit @iceseguerra. Ayusin mo pinpopost mo s akin.”

Hirit pa ni Ice, “ganda mo kaya!”

So, naging IG series na itong nakaaaliw na okrayan ng mag-ina na sinusubaybayan ng mga netizens at followers nila. For sure, gaganti na naman si Sylvia, kaya humanda ka Ice sa mga bala niya at bagong pasabog.

(ROHN ROMULO)

Pamahalaan walang balak gawing pribado ang NAIA

Posted on: September 21st, 2022 by @peoplesbalita No Comments

Walang balak muna ang Marcos administrasyon na ibenta o maging pribado ang pamamahala sa Ninoy Aquino International Airport (NAIA) kahit na may ginagawa at tinatayong tatlong paliparan na malapit sa Metro Manila.

“The government will maintain NAIA as the country’s primary gateway as it intends to use airports around Metro Manila as secondary points of entry. Transport secretary Jaime Bautista has advocated for a multi-airport approach to address the growing air travel needs of Filipinos, especially those residing in Metro Manila,” wika ni Department of Transportation (DOTr) undersecretary Roberto Lim.

Noong nakaraang linggo ay nagbigay ng notice of award ang panlalawigan pamahalaan ng Cavite sa consortium na pinangungunahan ng grupo ni Yuchengco upang itayo ang Sangley Point International Airports (SPIA) na nagkakahalaga ng $11 billion. Magkakaroon nito ng dalawang (2) runways na makapagbibigay ng serbisyo sa mahigit na 75 million napasahero.

Dahil dito marami ang nagtatanong kung anong gagawin sa NAIA kung saan ito ay naging sentro ng usapan na maaaring sasailalim na lamang ito sa isang rehabilitation at magkakaroon ng pagbabago sa layunin bilang isang pangunahing airport gateway sa bansa.

Pabor naman si Albay Rep. Joey Salceda na maging pribado ang NAIA dahil makapagbibigay ito sa pamahalaan ng P500 billion sa pondo ng Marcos administrasyon na maaaring gamitin sa pagbabayad ng mga utang ng Pilipinas o di kaya ay para gamitin para sa mga budget constraints na kinakaharap ng bansa.

Habang sinabi naman ni Lim na ang pagtatayo ng SPIA at expansion ng Clark International Airport ay makakatulong ito upang maging alternatives ito sa NAIA habang mananatili pa rin itong main gateway.

“The development of SPIA through PPP scheme, in collaboration with the Cavite provincial government, will help ease the capacity strain on NAIA. Likewise, the expansion plan for Clark International Airport will allow it to become an alternative gateway for Metro Manila, Central and Northern Luzon,” saadni Lim.

Ayon sa datos, ang passenger traffic sa domestic at international arrivals sa NAIA ay naitalagang 15.59 million hanggang July. Sa panahon ‘yon ay may pitong (7) pasahero kada sampu (10) ang naglakbay para sa domestic destinations habang ang mga natirang bilang ay nag-book ng international.

Sa isang pagkukumpara, ang passenger volume naman sa CIA ay may naitalagang 434,214 sa pagitan ng January hanggang August ayon sa operator na Luzon International Premier Airport Development (LIPAD). May 83 na porsiyento ang pasaherong international ang gumamit ng CIA kumparasa NAIA.

Subalit iba ang opinyon ni Infrawatch PH convenor Terry Ridonna dating member ng House Committee on Transportation kung saan niya sinabi na ang viability ng bagong airport tulad ng SPIA at New Manila International Airport ay depende kung kaya nitong tapatan ang NAIA.

“All four airports will invariably compete for the same passengers and airlines even in the years prior to 2028, or the year when the first phase of SPIA will be completed, but the public and the government have yet to see whether Sangley ang Bulacan will even be able to proceed to their full construction in the next five years,” ayon kay Ridon.

“If the government redevelops NAIA instead of repurposing it, the market will then decide which of the four airports will be most viable, particularly on their ease of access and flight availability,” dagdag ni Ridon. LASACMAR

DILG ipinasara POGO na ikinakabit sa ‘human trafficking’ sa Pampanga

Posted on: September 21st, 2022 by @peoplesbalita No Comments

ISANG illegal na Philippine Offshore Gaming Operator ang ipinasara ng Department of the Interior and Local Government sa Pampanga matapos mapag-alamang may kaugnayan diumano ito sa human trafficking ng mga Tsino.

Pinangunahan ni Interior Secretary Benhur Abalos Jr. ang pagpapasara sa “Lucky 99 South Outsourcing Inc.” kasama ang pwersa ng Philippine National Police Anti-Kidnapping Group, mga kinatawan ng Philippine Amusement Gaming Corporation at ilang barangay officials.

Ani Abalos, ilang taon nang pinatatakbo ang pasilidad nang wala man lang license to operate. Kamakailan lang nang masagip doon ng mga pulis ang isang Tsino na diumano’y kinidnap kasama ang 42 iba pang trafficked workers.

“In the meantime, tinutugis ng ating mga kapulisan ang mga iba pang implicated dito,” ani Abalos sa isang pahayag, Lunes.

“Of course, tayo to exact accountability is, ginawa natin yung sulat sa PAGCOR at sa Securities and Exchange Commission para matukoy natin kung sino talaga dapat managot.”

Habang isinasagawa ng pagsalakay at pagpapasara sa kumpara, umabot pa sa 40 Chinese nationals at nasa 200 iba pa sa hotel ang natagpuan. Karamihan sa kanila ay undocumented at walang pasaporte.

Isang security official ang nagsabing ilan sa mga POGO na binibigyang lisensya ng gobyerno ay nagsasagawa ng iligal na aktibidad. Ang ilan dito ay ang pagkidnap daw at pagpatay sa ilan nilang tauhan para protektahan ang kanilang negosyo.

Noong nakaraang linggo lang din nang ibalita na na-kidnap ang isang Malaysian national matapos lumipad ng Pilipinas para makipagkita sa kanyang “boyfriend.” Matapos nito ay pinagtrabaho pa raw ang babaeng biktima sa isang unregistered POGO.

“Sisiguruhin natin na lahat sila ay madocument nang maigi ng Bureau of Immigration kasi baka mamaya mabiktima na naman sila. Hindi ito tungkol sa Filipino o Chinese, bawat buhay maprotektahan natin, iyon ang importante dito,” sabi pa ng DILG official.

“This is a strong statement sa mga kaibigan natin, hindi lamang sa dito sa Pampanga, kundi sa lahat. Magsumbong kaagad kayo sa kapulisan. Magtulungan tayo. Huwag kayong matakot.”

“Ambilis umaksyon ng kapulisan natin. Wala pa sigurong mga 12 hours, nasolve kaagad nila ang isang kidnapping case sa lugar na ito kamakailan lamang. At hindi kami titigil dito. Tandaan nyo yan.” (Daris Jose)

VHONG NAVARRO SUMAILALIM SA PROSESO

Posted on: September 21st, 2022 by @peoplesbalita No Comments

PERSONAL na sumuko sa tanggapan ng National Bureau of Investigation (NBI) at sumailalim sa proseso ang TV host na si Vhong Navarro.

Kasama rito ang finger printing, mugshot at pagkuha ng kanyang personal na detalye.

Ito ay matapos magpalabas ang Taguig Metropolitan Trial court Branch 116 ng warrant of arrest laban sa kanya sa kasong rape at acts of lasciviousness na isinampa ni Deniece Cornejo.

Pagkatapos ng proseso ay tutuloy ang mga dokumento sa korte para naman sa pagbabayad ng inirekomendang piyansa na P36,000 para sa kanyang pansamantalang paglaya.

Ayon sa abodago ni Navarro na si Atty.Alma Mallonga, na sila at tatalima ngayong maghapon at kumpiyansa silang mabibigyan ng piyansa si Navarro .

Ayon pa kay Mallonga na ang kanyang kliyente ay patuloy na lalaban upang patunayan ang kanyang pagiging inosente kung saan suportado ng CCTV footage sa elevator sa araw na umanoy nangyari ang insidente.

Matatandaan na nakuha rin ng NBI ang CCTV footage noong 2014 at sinabi ng ahensya na suportado nito ang pahayag ni Navarro na binugbog siya ng anim na lalaki sa condominium ni Cornejo kaya pinabulaanan ang paratang laban sa TV host.

” Hindi ako nawawalan ng pag-asa kasi nandito ‘yung legal team ko, nandito ‘yung family ko, nandito yung asawa ko. Ang Panginoon kasama ko dito sa laban na ‘to,” pahayag pa ni Navarro.

Pinasalamatan din nito ang kanyang mga kaibigan at taga suporta na patuloy na sumusuporta at nanalangin para sa kanya at tiwala siya na maipapanalo niya ang kaso.

Sinabi ni Navarro na tuloy pa rin ang kanyang trabaho sa kanyang full time program. GENE ADSUARA

First episode ng ‘MayLine On Me’, nag-viral at naka-5M views: MAVY, sinagot ang tanong ni KYLINE kung bakit naghintay for two years

Posted on: September 21st, 2022 by @peoplesbalita No Comments

NAG-VIRAL at nakakuha ng mahigit 5M views na sa Tiktok ang kauna-unahang episode ng “MavLine On Me” podcast ng Sparkle love team nina Mavy Legaspi at Kyline Alcantara.

Bukod doon, nakuha rin nito ang 7^th spot sa Top 10 Spotify Philippines’ Top Podcast chart.

Sa podcast natanong ni Kyline kung bakit siya hinintay ni Mavy for two years at ang sagot nito: “Cause I’ve been telling you in those 2 years how meaningful of a person you are. Kyline knows once I say something and I promised it, I never break it. And one of the promises I said was no matter what you decide, I will never leave your side.”

Pero kahit hindi raw sila nag-usap for a few months, Mavy kept his promise because without her knowing, he was messaging the people around her checking on Kyline.

Kaya kinilig ang maraming netizen sa rebelasyon ni Mavy, at sabi nila, ang swerte raw ni Kyline at sana raw ay dumami pa ang katulad ni Mavy.

Ang “MavLine On Me,” podcast is now streaming on Spotify. Every Sunday, napapanood na magkasama sina Mavy at Kyline sa “All-Out Sundays.”

****

CONGRATULATION sa Kapuso adventure-serye na “Lolong” na pinagbibidahan ni Ruru Madrid.

Very recently ay kinilala ang “Lolong” bilang “Best Primetime Serye” sa Gawad Pilipino 2022 Icon Awards. Ito ang kauna-unahang award na nakuha ng top-rating show nina Shaira Diaz, Arra San Agustin, Rochelle Pangilinan, Paul Salas, Marco Alcaraz, Ian de Leon, Jean Garcia at Christopher de Leon.

Nagbubunga na nga ang hard work at dedication ng cast at production team. Bukod sa namamayagpag ito sa rating, laging magaganda ang feedback na nakukuha ng “Lolong” tungkol sa husay ng cast at ganda ng kuwento ng show.

Napapanood ito gabi-gabi, 8:00 PM sa GMA-7, pagkatapos ng “24 Oras.”

***

NAGHAHANDA na si Bea Alonzo para sa pag-alis niya, for her first GMA Pinoy TV concert.

Inamin ni Bea na na-excite siya na magkaroon ng concert bilang isa na siyang Kapuso. Magsi-celebrate ang GMA Pinoy TV ng kanilang 17^th anniversary, kaya ngayong pwede na muling magkaroon ng live concert abroad, handog nila ang “Together Again: A GMA Pinoy TV @ 17 Concert” on September 24 and 25, to be held at Pechanga Theater, Pechanga Resort Casino, Temecula, California, USA.

The show will be directed by Mark Reyes, at makakasama ni Bea sina Ms. Ai Ai delas Alas, Ms. Lani Misalucha, Julie Anne San Jose, Rayver Cruz at si Dingdong Dantes.

Balitang after the concert ay magkakaroon pa sila ng pictorial para sa coming Kapuso Christmas Station ID.

***

NATUWA ang mga fans ni Alden Richards nang mag-post siya sa kanyang social media accounts ng: “Lift your heads as I present to you, MY newest business venture Myriad Corporation as a part of this momentous event!

Si Alden ang CEO of Myriad Corporations, na may kinalaman sa reunion concert ng Eraserheads. Nag-post na rin sa social media accounts nila sina Ely Buendia, Raymund Marasigan, Buddy Zabala at Marcus Adoro.

Ang “Huling El Bimbo 2022” ay magaganap sa December 22 sa SMDC Festival Gounds sa Paranaque City. Ang concert ay magsisilbi ring Pamasko ng grupo sa kanilang mga fans.

Nag-post na rin si Alden ng “Tickets on sale soon!”

Meanwhile, don’t forget na sa Monday, September 26, ang world premiere ng “Start-Up PH” nina Alden at Bea sa GMA Telebabad, after “Lolong,”

(NORA V. CALDERON)

FLORENCE PUGH: A BRILLIANT, COMPLEX HEROINE IN “DON’T WORRY DARLING”

Posted on: September 21st, 2022 by @peoplesbalita No Comments

TO portray the heroine, Alice—one-half of a deliriously happy couple in New Line Cinema’s audacious, twisted and visually stunning thriller, “Don’t Worry Darling”—director Olivia Wilde cast globally acclaimed Academy Award-nominated actress, Florence Pugh (“Little Women,” “Black Widow”).

[Watch the “Dinner Clip” from the film at https://youtu.be/FvrYrUy6NAQ]

The provocative, relatable themes of the project piqued Pugh’s interest: “It’s about so many different dynamics. It’s about control, manipulation, oppression, relationships, sexual fantasies. It’s about how do you keep your life perfect and when it’s not… what are you going to do about it?”

In the film, Alice (Pugh) and Jack (Harry Styles) are lucky to be living in the idealized community of Victory, the experimental company town housing the men who work for the top-secret Victory Project and their families. The 1950’s societal optimism espoused by their CEO, Frank (Chris Pine) anchors every aspect of daily life in the tight-knit desert utopia. But when cracks in their idyllic life begin to appear, exposing flashes of something much more sinister lurking beneath the attractive façade, Alice can’t help questioning exactly what they’re doing in Victory, and why.

For Pugh, the idea of Victory is both a place and a way of life: “Victory is perfection. Victory is when you are young and you close your eyes, and you imagine the best possible life for yourself. How do you imagine it? You imagine it by palm trees. You imagine it by the pool. You imagine it with a cocktail in your hand, and you looking amazing all the time. That is what I see Victory as. Everything is heightened, and everything is perfect.”

“There’s something about Florence that is just so smart,” Wilde says, “the way she questions and considers everything. I thought, ‘That’s the quality we need for Alice.’ Once I spoke to Florence as taking on Alice, I thought, ‘Now, everything starts from this, everything starts from her instincts.’ Everything else became really clear… who we were going to surround her with came into focus based on what she was going to create. The conversations were all about how this woman needed to be everything except the kind of 1950s housewife. How it had to feel organic. You didn’t want to, for a second, question whether or not she was real or the world was real. And how the relationship between Alice and Jack had to be deeply passionate and feel really contemporary, in a sense—equal.”

Asked what filmgoers will take away from “Don’t Worry Darling,” Pugh concludes, “I think for me, it’s the fact that you’re completely swept up in this world. You totally feel like these are your people, just living in a heightened reality in the 1950s—I think you’re very quickly swept up in their lives, their relationships and their fun. And that’s where it catches you… so much so that when Alice is going through all of this, even she is shaking her head, trying to wake up and be perfect the next day. It kind of goes back to how much would you turn a blind eye to, even if your gut was telling you that something is wrong?”

A New Line Cinema presentation, “Don’t Worry Darling” is distributed worldwide by Warner Bros. Pictures and is set to open in cinemas across the Philippines on September 28. Join the conversation online and use the hashtag #DontWorryDarling

(ROHN ROMULO)