I-DEDEACTIVATE dalawang linggo mula ngayon ang lahat ng mga bagong SIM card pagkatapos magkabisa ang bagong batas sa pagpaparehistro ng SIM card o ang Republic Act 11934.

Kung ang indibidwal ay nakabili ng bagong SIM card, dapat irehistro ito sa tunay na pangalan at magpakita ng ID na ibinigay mismo ng gobyerno o kahit anong ID na sumusuporta sa identidad ng isang SIM card user.

Ang mga kumpanya ng telekomunikasyon ay naghahanda na ilunsad ang kani-kanilang mga SIM registration portal sa mga darating na linggo habang ang mga bagong SIM card ay ibebenta sa “deactivated mode”, dahil ang mandatoryong mga panuntunan sa pagpaparehistro ay magkakabisa sa Disyembre 27 ngayong taon.

Ang National Telecommunications Commission ay naglabas na ng mga panuntunan sa pagpapatupad para sa SIM Registration Act.

Ang mga patakaran ay nag-aatas sa lahat ng mga mobile subscriber na i-enroll ang kanilang mga SIM card sa loob ng 180 days o anim na buwan mula sa bisa ng pagkilos o haharapin ang awtomatikong pag-deactivate ng kanilang mga card kung hindi nakasunod na iregister ito.

Dagdag dito, ang pagpaparehistro ng SIM ay gagawin sa pamamagitan ng isang secure na platform o website na ibibigay ng kumpanya ng mga telekomunikasyon.

Una rito, dapat ibigay ng mga indibidwal na user ang kanilang buong pangalan, petsa ng kapanganakan, kasarian, address at valid na ID ng gobyerno o mga katulad na dokumento na may larawan habang ang mga user ng negosyo ay dapat magbigay ng kanilang pangalan ng negosyo, address ng negosyo at ang buong pangalan ng isang awtorisadong lumagda para sa turang pagpaparehistro.  (BISHOP JESUS “JEMBA” M. BASCO)

NAGKASUNDO ang mga Metro Manila mayors na suspindehin pansamantala ang confiscation ng mga drivers’ licenses ng mga erring drivers at motorists upang bigyan daan ang pagtatatag ng single ticketing system sa kalakhang Maynila

Pumayag sila sa hiling ni Department of Interior and Local Government (DILG) secretary Benhur Abalos na magpatupad muna ng moratorium sa confiscation ng drivers’ licenses sa National Capital Region (NCR) na pansamantala lamang.

“The moratorium will take effect while the NCR’s 17 local government units (LGUs), the Metropolitan Manila Development Authority (MMDA) at Land Transportation Office (LTO) are formulating the guidelines for the interconnectivity program that will be used for the single ticketing system,” wika ni Abalos.

Humingi si Abalos ng tulong mula sa MMDA at mga bagong halal na mayors habang pinag-uusapan ang moratorium tulad ng huwag munang magkaroon ng confiscation ng mga drivers’ licenses habang ginagawa ang interconnectivity program kung saan siya ay humingi na payagan siya sa nasabing mungkahi.

Dahil dito, ang mga city at municipal councils sa Metro Manila sa lalong madaling panahon ay gagawa ng ordinances na mag-uutos na suspendihin muna ang confiscation ng mga drivers’ licenses.

Pinaliwanag ni Abalos na ang programa sa interconnectivity ay makakatulong na magkaroon ang mga Metro Manila LGUs, MMDA at LTO ng isang common database na siyang magrerehistro sa mga detalye ng mga erring drivers na nahuli saan man dako ng  rehiyon.

Diniin naman din ni Abalos na ang LTO lamang ang may sole authority na magkumpiska ng mga drivers’ licenses kahit na binigyan ng kapangyarihan ang mga LGUs na magpatupad ng kanilang ordinances pursuant sa Local Government Code.

Nagbigay din ng warning si Abalos na kahit na hindi kumpiskahin ang mga drivers’ licenses ng mga erring motorists, ang mga awtoridad ng DILG ay itatala naman ang mga pangalan ng mga erring drivers at ibibigay sa LTO ang listahan habang may moratorium.

Pinahayag din ni Abalos na ang mga Metro Manila mayors kasama ang MMDA ay nangakong bababaan ang mga penalties kapag sila ay nagkasundo na sa price range na siyang ipapataw kahit saan lugar sa Metro Manila para sa mga kaukulang traffic violations sa ilalim ng single ticketing system.

“All penalties of LGUs shall be common. There will no higher fees, there will lower fees; all will be unified. Generally, the penalty will be lower if it’s the one bumped onto,” saad ni Abalos.

Ayon naman kay MMDA chairman Romando Artes na ang mga LGUs na nagpatupad ng kontrobersyal na no-contact apprehension policy (NCAP) tulad ng mga lungsod ng Quezon, Manila, Valenzuela, San Juan at Paranaque ay nagkasundo rin na bababaan ang fines at penalties upang maging tugma sa common penalties sa ilalim ng single ticketing system.

Sa ngayon ang NCAP ay pinaglalaban pa sa Supreme Court dahil sa mataas na penalties sa mga traffic violations at iba pang issues tungkol dito.

Ang single ticketing system ay magpapataw ng common fines across Metro Manila sa mga sumusunod na violations ng traffic: disregarding traffic signs, attended and unattended illegal parking, number coding, truck ban at light truck ban, reckless driving, unregistered motor vehicle, driving ng walang driver license, tricycle ban, obstruction, illegal counterflow, overspeeding, loading at unloading sa mga bawal na lugar, arrogance at discourteous conduct, traffic violations sa ilalim ng special laws at paglabag ng mga motorcycle drivers kasama ang dress code, overloading, defective motorcycle accessories at unauthorized modification.

Kapag nahuli ang isang driver dahil sa traffic violation kahit saan sa Metro Manila, siya ay bibigyan ng 10 araw upang magbayad ng kaukulang penalty. Maaari siyang magbayad sa common payment centers sa Metro Manila instead kung saan siya nahuli.

Ang LTO, MMDA at NCR LGUs ang magdedesiyon ng maximum demerit points na ibibigay sa mga erring motorists kada violation na ipapatupad ng mga Metro Manila traffic enforcers hanggang hindi na payagan na mag-renew ng driver license ang isang motorista dahil sobra na ang nakuhang demerits.

Ang mga nasabing ahensiya ng pamahalaan ay magpapatupad din ng easy mechanism kung saan ang traffic violations ay maaaring iprotesta. LASACMAR