BINIGYAN ng Land Transportation Franchising and Regulatory Board (LTFRB) ng extension ang validity ng provisional authority o prangkisa ng mga traditional jeepneys habang pinag-iisipan ang mga gagawing pagbabago sa programa ng modernization ng pamahalaan.

Dahil dito, ang mga libo-libong traditional jeepneys ay maaari pa rin pumasada sa kanilang ruta. Dapat sana ay wala ng bisa ang kanilang prangkisa ngayon katapusan ng March sa buong bansa habang April naman ang sa Metro Manila.

Ihahayag ng LTFRB board ang petsa ng bagong deadline sa madaling panahon.

Upang ma-extend ang prangkisa ng mga traditional jeepneys, ang mga ito ay dapat sumunod sa mga requirements sa ilalim ng programa sa modernization ng transpor-tasyon tulad ng industry consolidation upang maging kooperatiba.

“Only 60 percent of the target number of vehicles for modernization had complied with the requirements under the program such as industry consolidation into cooperatives, while the remaining 40 percent continue to ply routes using traditional jeepneys. The LTFRB board is still in the process of outlining the program based on our studies. We have had three extensions already and we are drafting another extension,” wika ni LTFRB chairman Teofilo Guadiz.

Saad ni Guadiz na ang target ng LTFRB ay 95 percent ng mga sasakyan ay dapat kasama sa upgrading sa ilalim ng programa sa modernization. Mga 85,000 na traditional jeepneys ang kanilang target para sa

nasabing programa ng ito ay magsimula subalit binago ng board ang figure. Sa ngayon, may 25,000 na traditional jeepneys ang hindi pa kasama sa programa sa modernization.

Kinakailangan din na papalitan nila ang traditional jeepneys ng mga electronic vehicles na ayon sa kanila ay mahirap sa kanilang hanay na matupad dahil sa ngayon pa lang ay problema na nila ang tumataas ng presyo ng krudo at gasolina.

Ayon sa grupong Manibela na hindi nila kayang magbayad ng monthly amortization na nagkakahalaga ng P500,000 para sa operasyon ng 10 hanggang 15 modern jeepneys na nagkakahalaga ng P2.7 million kada isa.

Kahit pa umutang sila ng Land Bank of the Philippines para sa loans upang gamitin sa pagbili ng modern jeepneys at kahit pa bigyansila ng LTFRB na P160,000 subsidy sa mga miyembro ng isang kooperatiba ay hindi nila kakayanin. Ang kabuuang gastos ay masyadong mataas para sa kanila dahil mayroon lamang silang maigsing ruta at limitadong dami ng pasahero ang modern jeepneys.

Gusto ng grupo na mabigyan sila ng mas mahabang ruta na may madaming pasahero upang ang mga drivers ay magkaroon ng mas mataas na kita gamit pa rin ang traditional jeepneys.

Mas gusto nila ang mas malaking jeepneys na tinatawag nilang “patok” na nagkakahalaga lamang ng P1.2 hanggang P1.4 million kung airconditioned. Ayon sa kanila mas matibay ito at mananatali pa rin ang “jeepney’s iconic look.”LASACMAR

NAGTAKDA ang Department of Agriculture (DA) ng suggested retail price (SRP) na P125 kada kilo sa mga inangkat na pulang sibuyas sa Metro Manila simula bukas dahil nananatiling mataas ang presyo ng mga bilihin.

Inaprubahan ng Department of Agriculture (DA) ang suggested retail price (SRP) kasunod ng endorsement mula sa mga importer, traders at retailers.

Ayon kay DA Assistant Secretary for consumer affairs at spokesperson Kristine Evangelista nakipagpulong sila sa mga stakeholders’ kasama ang mga importer, traders at retailer.

Napagkasunduan nilang irekomenda ang P125 kada kilo ng suggested retail price (SRP) para sa mga inangkat na red onions na ngayon ay naaprubahan na.

Ang suggested retail price ay nag-average ng halaga ng mga red onions, na humigit-kumulang P77 kada kilo, ang presyo ng wholesaler na humigit-kumulang P94-110 kada kilo at ang gastos ng mga retailer tulad ng renta.

Naghahanap ng paraan ang Department of Agriculture na ipatupad ang Suggested Retail Price sa kalagitnaan ng linggo upang mabigyan sila ng oras na maipalaam sa publiko ang impormasyon at para sa mga retailer na mag-adjust.

Nilinaw din ng opisyal na ang mga red onions lamang ang magkakaroon ng SRP dahil nananatiling mataas ang presyo ng mga bilihin sa kabila ng pagpasok ng mga imports at local harvests.

SINABI ni Pangulong Ferdinand Marcos Jr. na ang paglulunsad ng  Wholesale Electricity Spot Market (WESM) sa Mindanao ang magsisilbing hudyat para sa  investments at economic activity sa rehiyon, partikular na sa manufacturing at iba pang  energy-intensive industries.

Ayon sa Pangulo,  ang WESM sa kalaunan ay makalilikha ng hanapbuhay at oportunidad para sa mga residente at maging makaaapekto sa  power pricing lalo pa’t hinihikayat nito ang generators na makipag- compete at magbenta ng kanilang electricity sa mababang presyo “to secure a dispatch schedule.”

“Indeed, the presence of WESM in Mindanao and an interconnected and interdependent grid in the country will not only ensure a level playing field in the competitive energy market but will also provide assurance to investors,” ayon kay Pangulong Marcos sa  ceremonial launching ng WESM sa Mindanao Grid sa Palasyo ng Malakanyang.

“In the long run, WESM will help in sustaining power generation investments to meet the ever-growing electricity demand,” dagdag na wika nito.

Ang paliwanag naman ng Presidential Communications Office (PCO), ang WESM ay isang centralized venue para sa  trading electricity para sa  large-scale buyers at sellers at naglalayong magtatag ng “competitive, efficient, transparent, at reliable market” para sa elektrisidad.

“With the integration of the three main grids in WESM, the country can hopefully achieve its goal of having a joint WESM for the entire country and of attaining total capacity for the Philippines’ power demands,” ayon sa Pangulo.

Aniya pa, ang paglulunsad ng WESM ay isa ring mahalagang hakbang  para i- rationalize ang  power capacity at distribution ng bansa, umaasa na ang pagbaba ng fuel prices sa world market ang magiging daan para sa mababang  power costs  hindi lamang para sa industrial user kundi maging sa  household consumers.

Sinabi pa ng PCO na ang  Mindanao ay mayroong electrification rate na 87% at ang WESM sa Mindanao ay magkakaroon ng “crucial role” sa matagumpay na operasyon ng Mindanao-Visayas Interconnection Project (MVIP) lalo pa’t pinapayagan nito ang “efficient transmission and settlement” ng  electricity exchanges.

Sa ngayon, ang Mindanao ay mayroong 4,321 megawatts ng registered capacity, habng ang peak demand naman nito ay  2,167 megawatts lamang.

“With the establishment of WESM in Mindanao,  around 2,000 megawatts of uncontracted capacities can be sold in WESM and be dispatched at any given time, providing supply to distribution utilities, electric cooperatives and other end-users when their contracted power plants are not available,” ayon sa PCO.

Samantala, itinatag ng gobyerno ang WESM sa Luzon noong 2006, dahilan upang ang Pilipinas ay maging “first developing nation” sa Asya  na matagumpay na naipakilala ang WESM.

Taong 2010, naitatag din ang WESM  sa  Visayas.

Sa presensiya ng  WESM sa Mindanao, sinabi ng Pangulo na “looking forward” ang bansa  na makompleto ang MVIP sa pagtatapo ng Marso ngayong  taon,  na mapakikinabangan ng Mindanao at Visayas sa pamamagitan ng transmisyon ng electric power sa pagitan ng mga islang ito. (BISHOP JESUS “JEMBA” M. BASCO)