WISH pala ni Jessy Mendiola, sa muling pagbabalik-acting niya ay makasama niya ang Kapuso Royal Couple na sina Dingdong Dantes at Marian Rivera. Biro pa niya “kahit maging PA (personal assistant) lamang nila, payag ako.” Nasabi ito ni Jessy sa interview niya sa grand opening ng Manila Diamond Studio na siya ang celebrity endorser.
Pwede nga raw silang gumanap na magkapatid ni Marian sa isang project, dahil pareho silang mestiza. Natuwa si Jessy at dagdag pa niya, kahit alalay lang siya ni Marian, tatanggapin niya.
“Hanga ako talaga sa kanya at sa family niya, pina-follow ko sila sa social media and I look up to her,” sabi pa ni Jessy.
“Natutuwa ako sa pag-aalaga niya sa mga anak niya, she’s a hands-on mom. I also think she’s a good actress, ‘di ba she’s a queen, kaya gusto kong maranasang makatrabaho siya.
“Kaya sa mga Kapuso actors, gusto ko ring makatrabaho ang husband niyang si Dingdong Dantes. Minsan ko nang na-meet si Dingdong and he’s so kind kaya sana one day ay makatrabaho ko rin siya.”
Very soon ay malamang magbalik-acting na rin si Jessy, naipangako rin kasi niya noon na gusto muna niyang tutukan ang paglaki ng anak nila ni Luis Manzano na si Isabella Rose.
***
NAGKAGULATAN ang dating magkasama sa Kapuso Network na sina Barbie Forteza at Bea Binene, nang minsang nagkita sila in an unplanned salon encounter.
On Instagram, nag-post si Bea ng photo nila ni Barbie with a caption na “sa Posh Nails lang pala tayo magkikita, nice seeing you, Barbs! Na-miss kitaaa!!! See you again soon, pls!”
Sinagot naman ito ni Barbie ng “Yes, pagbalik mo ha!”
Nag-comment naman ang mga fans nila na na-miss daw nilang mapanood ang dalawa sa isang drama, dahil ang tagal na rin nung huling nagkasama sila sa isang serye sa GMA Network.
Sa ngayon kasi, si Bea ay under na ng Viva Films, matapos na hindi na siya nag-renew ng contract sa GMA Network noong time ng pandemic. Naging busy naman si Barbie, nang gawin niya ang “Maria Clara at Ibarra” na tumagal dahil na-extend pa ang historical fantasy portal, na kasama niya sina Dennis Trillo at Julie Anne San Jose at nagkaroon siya ng bagong ka-love team, si Pambansang Ginoo, David Licauco.
Sa ngayon ay nagsimula nang mag-taping si Barbie ng new GMA series nila ni David, ang remake ng pelikulang “Maging Sino Ka Man” na unang ginawa noon nina Megastar Sharon Cuneta at Robin Padilla. Earlier this month, Barbie made waves online after her “It’s Showtime” appearance na nagsayaw sila ng “It’s Showtime” host na si Kim Chiu.
Si Bea naman, bukod sa kanyang acting career, paminsan-minsan kung free siya sa work, she serves as a barista in her Nueva Ecija café.
***
BALIK-TAMBALAN pala ang mag-sweetheart na sina Derrick Monasterio at Elle Villanueva, sa GMA Afternoon series na “Maria Makiling” na ang story ay tungkol sa magkaibigang lumaki sa foot ng Mount Makiling.
Nauna silang nagtambal sa isa ring GMA Afternoon series na “Return to Paradise” last year. Sa ngayon ay napapanood si Elle sa “Voltes V: Legacy” sa GMA Primetime.
Makakasama naman nina Derrick at Elle sa “Maria Makiling,” sina Kristoffer Martin at Myrtle Sarrosa at sa story conference ng serye, ipakikilala na kung sinu-sino pa ang bubuo sa cast at kung kailan sila magsisimulang mag-taping.
(NORA V. CALDERON)
SA latest Instagram post ni Councilor Alfred Vargas, ibinahagi niya ang video ng recital ng dalawang anak na sina Alexandra and Aryana na kung saan mapuso nilang kinanta ang “Moon River”.
LOVE wins sa nalalapit na GMA Thanksgiving Gala 2023 para kay Klea Pineda.
THE best things in life begin with a dream. Find out how the world’s greatest inventor, magician and chocolate-maker became the beloved Willy Wonka we know today. Starring Timothée Chalamet, “Wonka” opens in Philippine cinemas January 8, 2024. Watch the trailer.