2023 August 02 Archive - People's Balita

June 30, 2024
Search in People's Balita
Ang Diyaryong Pinagkakatiwalaan

Archive for August 2nd, 2023

3 dam sa Luzon muling nagpakawala ng tubig dahil sa tuloy-tuloy na pag-ulan

Posted on: August 2nd, 2023 by @peoplesbalita No Comments

MULI na namang nagpakawala ng tubig ang Ipo, Ambuklao, Binga Dam kahapon.

Ito ay bunsod pa rin ng patuloy na pagtaas ng lebel ng tubig sa naturang mga dam na dala naman ng nagpapatuloy na mga pag-ulan na dulot ng Hanging Habagat.

Batay sa datos na inilabas ng mga eksperto, lumagpas na kasi sa 101 meters na spilling level sa Ipo Dam na nakapagtala ng 101.09 meters dahilan kung bakit nagbukas ito ngayon ng .15 meters na gate opening nito.

Tig-isang gate rin na mayroong 0.5meters ang binuksan sa Ambuklao at Binga dam.

Sa kabila nito ay nakapagtala rin ang mga eksperto ng patuloy na pagtaas sa antas ng tubig sa Angat dam matapos itong madagdagan ng 0.75 meters na nagdala naman sa kabuuang water elevation sa nasabing dam. (Daris Jose)

Kaso ng dengue, leptospirosis tumataas – DOH

Posted on: August 2nd, 2023 by @peoplesbalita No Comments

KINUMPIRMA ng Department of Health (DOH) na tumataas na ang mga bilang ng mga kaso ng leptospirosis at dengue sa bansa bunga ng pagsisimula ng tag-ulan at mga pagbaha.

Nakapagtala ang DOH ng 182 bagong kaso o 42% pagtaas mula Hunyo 18-Hulyo 1, mula sa 128 na naitala sa nakalipas na dalawang linggo.

Sa record noong Hulyo 15, kabuuang 2,079 ang leptospirosis cases simula Enero 1, at 225 ang naitalang nasawi.

Patuloy na nagpapakita ng pagtaas ng mga kaso ang Region III sa mga huling anim na linggo.

Tumaas din ang mga kaso sa Metro Manila, Cordillera Administrative Region, Regions II, IV-A, IV-B, IX, X, XI, at Caraga na may 7 hanggang 53 bagong kaso. Habang ang Region I ay may 9 na bagong kaso at 3 sa Region V.

Sintomas ng leptospirosis ang lagnat, panginginig, sakit ng ulo at kalamnan, pamumula ng mata, pagsusuka at paninilaw ng balat at mata.

Samantala, patuloy din ang pagtaas ng mga kaso ng dengue na nagtala ng 9,486 o 16% na mas mataas kumpara sa nakalipas na 2 linggo.

Nasa 80,318 ang dengue cases sa bansa nitong Hulyo 15 na inaasahang mas mataas pa sa pagpasok ng mga reports.

Halos lahat ng rehiyon ay may pagtaas ng mga kaso ng dengue maliban sa Region II, BARMM, at Caraga.

May 990 ang nagkaroon ng malubhang dengue, habang 299 ang namatay sa sakit. Halos 40 na namatay ay nagkaroon ng dengue nang walang sintomas, ayon sa DOH.

Ayon sa World Health Organization, ang dengue ay nakukuha sa mga tao sa pamamagitan ng kagat ng mga babaeng lamok, pangunahin ang Aedes aegypti na lamok. Tumatagal ang sintomas ng 2-7 araw.

Bagama’t ang karamihan sa mga kaso ng dengue ay asymptomatic o nagpapakita ng mga banayad na sintomas, maaari itong magpakita bilang isang malubha, tulad ng trangkaso na sakit na nakakaapekto sa mga sanggol, maliliit na bata, at matatanda ngunit bihirang maging sanhi ng kamatayan.

Pagsibak sa 18 PNP officials, ipatutupad na

Posted on: August 2nd, 2023 by @peoplesbalita No Comments

TULUYAN nang sisibakin sa serbisyo ng Philippine National Police (PNP) ang 18 opisyal na tinanggap ni Pangulong Ferdinand R. Marcos Jr. ang courtesy resignation matapos na masangkot sa P6.7 bilyong illegal drug trade noong nakaraang taon.

Ayon kay PNP chief PGen. Benjamin Acorda, ang pagsibak sa mga ito ay alinsunod sa kanyang pakikipagpulong sa Pangulong Marcos.

Sinabi ni Acorda na bahagyang naantala ang pagsibak dahil kailangan pang linawin sa Pangulo kung serbisyo o puwesto lamang aalisin ang mga sangkot na opisyal.

Nabatid na mismong ang Pangulo ang nag-abot sa kanya ng mga pirmadong dokumento para agad na matanggal sa serbisyo ang mga naturang opisyal.

Dahil may lagda na ng Pangulo ay tuluyan nang aalisin sa serbisyo ang 18 mga pulis kung saan limitadong benepisyo lamang ang kanilang matatanggap, ani Acorda.

Magugunitang nitong nakalipas na linggo ay tinanggap ni BBM ang pagbibitiw ng 18 police brigadier generals at colonels batay sa rekomendasyon ng National Police Commission Ad Hoc Advisory Group na nagsagawa ng imbestigasyon.

Ito’y matapos ihayag ni Pangulong Marcos sa kanyang ikalawang State of the Nation Address (SONA) na kanyang tatanggapin ang resignation ng mga tiwaling law enforcer at iba pang sangkot sa kalakalan ng ilegal na droga.

Sa 954 pulis na inimbestigahan, hinimok ng grupo si Pangulong Marcos na tanggapin ang pagbibitiw ng 18 police officers. (Daris Jose)

5M plastic cards, inaasahang maipapasakamay sa DOTR bago matapos ang 2023

Posted on: August 2nd, 2023 by @peoplesbalita No Comments

INAASAHANG maipapasakamay sa Land Transportation Office ang hanggang limang milyong plastic cards para sa driver’s license ng mga motorista, bago matapos ang kasalukuyang taon.

Ayon kay Land Transportation Office Chief Vigor Mendoza II, inaasahan ang delivery ng mga nasabing plastic cards, sa pamamagitan ng 500,000 cards o higit pa, bawat buwan.

Una na rin aniyang tiniyak ng Banner Plasticards, Inc. na magagawa nila ang nasabing serbisyo, bago pa man pumirma ng kontrata.

Ayon kay Mendoza Jr, sapat na ang 500,000 plastic cards kada buwan upang matugunan ang backlog na hanggang sa 900,000 driver’s license cards.

Ang karagdagang supply ang magsisilbing stock na aniya ng LTO.

Maaalalang nitong nakaraang linggo ay tinanggap na ng Department of Transportation ang kabuuang 5,000 plastic cards mula sa Banner, bilang paunang supply ng plastic cards sa bansa. (Daris Jose)

MMDA nilunsad ang P300 M na command center

Posted on: August 2nd, 2023 by @peoplesbalita No Comments

NAGKAROON ng inagurasyon noong nakaraang linggo ang pinakabago at epektibong command at communications center ng Metropolitan Manila Development Authority (MMDA) sa bansa na siyang magiging “nerve center” sa mga pangunahing lansangan sa Metro Manila.

Nagkakahalaga ng P300 million ang nasabing command center ng MMDA ayon kay MMDA chairman Don Artes.

“Through the command center, the MMDA can monitor the activities around Metro Manila captured by 403 high-tech CCTV cameras and body cameras worn by traffic enforcers. These CCTV cameras are located across major thoroughfares, pumping stations, waterways, and the Manila Baywalk Dolomite Beach,” wika ni Artes.

May ilalagay din and MMDA na 166 CCTV cameras na may analytics power sa kahabaan ng EDSA Bus Carousel Route.

Ang command center ay may nakalagay din na operations center, data center, situation room, viewing gallery, media room at power room.

Dahil sa makabagong tecknologiya na nakalagay, ang MMDA ay maaari rin magkaron ng remote control sa mga traffic lights sa pamamagitan ng command center na may Intelligent Traffic Signalization System. Ang CCTV cameras at Intelligent Transport System ay konektado sa command center sa pamamagitan ng 899 kilometers fiber optic network across Metro Manila. Ang nasabing network ay siyang pinakamalaking fiber optic na pag-aari ng pamahalaan sa National Capital Region.

“There are 105 kilometers of fiber optic cable that are still being installed. The agency also plans to lay down 45 kilometers of fiber optic to connect 17 local governments in Metro Manila to the command center,” saad ni Artes.

Dagdag pa ni Artes na kapag may mga emergencies, ang MMDA ay makakaasa sa kanilang Hyetera Radio Smart Dispatch System na isang soft-ware na may built-in global positioning system at smart map upang malaman ng mga traffic enforcers ang real time. Ang system ay maaari rin gamitin upang ang mga traffic enforcers ay makapag usap sa isat’ isa.

May plano rin ang MMDA na magkaron ng artificial intelligence sa MMDA’s traffic enforcement at management. Sa pamamagitan ng AI, ang mga license plates ay makukuha habang ang facial recognition at behavioral analytic na makukuha rin ay gagamitin naman ng Department of the Interior and Local Government (DILG) para sa crime prevention at resolution.

Kamakailan lamang ang MMDA ay bumili ng 120 body cameras at hand-held ticketing cameras devices para sa implementation ng single-ticketing system. LASACMAR

Presyo ng bigas sa merkado, tumaas ng hanggang P2/kilo kasunod ng pananalasa ng nagdaang bagyo – DA

Posted on: August 2nd, 2023 by @peoplesbalita No Comments

TUMAAS ang presyo ng bigas sa merkado ng P1.50 hanggang P2 kada kilo kasunod ng pananalasa ng nagdaang bagyo ayon sa price monitoring ng Department of Agriculture (DA).

Sa pinakahuling datos, nag-iwan ng malawak na pinsala ang matinding pag-ulan na nagdulot ng mga pagbaha sa parte ng Luzon kung saan umaabot sa P2 billion ang halaga ng pinsala sa sektor ng agrikultura.

Ayon kay DA Deputy Spokesperson Rex Estoperez, noong Hulyo binagyo ang bansa kaya’t tumaas ang presyo. Base sa price monitoring ng ahensiya, tumaas ang presyo ng bigas lalo na sa mga imported rice.

Subalit ayon sa opisyal hindi lang ang bigas ang nagmahal kundi maging ang presyo din ng mga gulay. (Daris Jose)

Ads August 2, 2023

Posted on: August 2nd, 2023 by @peoplesbalita No Comments

Falcon posible pa maging super typhon habang papalabas ng PAR-PAGASA

Posted on: August 2nd, 2023 by @peoplesbalita No Comments

NAPANATILI ng Typhoon Falcon ang lakas nito habang kumikilos pa-kanluran hilagang kanluran patungo sa dagat timog silangan ng Okinawa Islands, sabi ng state weather bureau.

Naobserbahan ang mata ng Typhoon Falcon 875 kilometro silangan hilagangsiilangan ng extreme northern Luzon 10 a.m. ng Martes, ayon sa PAGASA.

Lakas ng hangin: 175 kilometro kada oras malapit sa gitna

Bugso ng hangin: hanggang 215 kilometro kada oras

Direksyon: pakanluran hilagangkanluran

Pagkilos: 20 kilometro kada oras

“Falcon is potentially at its peak intensity at this time and likely to maintain its strength for the next 48 hours, although intensification into a super typhoon is not ruled out,” wika ng PAGASA kanina.

“Falcon is forecast track west northwestward and begin decelerating as it approaches the waters southeast of Okinawa Islands. On the track forecast, the typhoon may exit the PAR region this afternoon or evening.”

Samantala, may posibilidad na magtaas ng tropical cyclone wind signal sa Batanes buhat ng napakalaking “wind field” ng typhoon.

Kung saka-sakali, pinakamataas na rito ang Signal No. 1.

Maaari ring magdala ng paminsan-minsang monsoon rains sa kanlurang bahagi ng Luzon sa susunod na tatlong araw buhat ng Hanging Habagat na pinalakas ng bagyong “Falcon.”

“Forecast rainfall are generally higher in elevated or mountainous areas,” dagdag pa ng state weather bureau.

“Under these conditions, flooding and rain-induced landslides remains highly likely especially in areas that are highly or very highly susceptible to these hazard as identified in hazard maps and in localities that experienced considerable amounts of rainfall for the past several days.”

Maaari ring magdala ng malalakas na hangin ang pinalakas na Habagat sa mga sumusunod na lugar ngayong araw lalo na sa mga baybaying dagat at mabubundok na lugar gaya ng:

Batanes

Babuyan Islands

Abra

Benguet

Zambales

Bataan

gitna at katimugang bahagi ng Aurora

Pampanga

Bulacan

Metro Manila

malaking bahagi ng Ilocos Region

CALABARZON

MIMAROPA

Bicol Region

Western Visayas

(Daris Jose)

Pamilya Teves, umalma sa pagtukoy sa kanila bilang mga terorista

Posted on: August 2nd, 2023 by @peoplesbalita No Comments

UMALMA si dating Negros Oriental Gov. Pryde Henry Teves sa pagtukoy sa kanila ng Anti-Terrorism Council bilang mga terorista.

Una rito, sa inilabas na ATC Resolution 43, tahasang binanggit ang mga pangalan nina Rep. Arnulfo Teves, ex-Gov. Pryde Teves, dati nilang bodyguard na si Marvin Miranda at 10 iba pa.

Ayon sa dating gobernador, nalulungkot sila sa development na ito at tiniyak na gagawin ang angkop na legal na hakbang para malinis ang kanilang pangalan.

Sa ngayon, kumukonsulta na umano sila sa kanilang mga abogado para sa susunod na aksyon.

Binigyang diin naman ni Gov. Teves na minsan siyang naging biktima ng terorismo nang may magpasabog sa gusali ng Kamara noong taong 2007, ngunit siya naman ay hindi raw kailanman naging terorista.

Sa ngayon, hindi umano sila nagkakausap ng kaniyang kapatid na si Rep. Arnie, pero inamin nitong tinatawagan siya paminsan-minsan ng suspendidong mambabatas para sa ilang personal concerns. (Daris Jose)

Kasal nila ni Abby, sa November na: JOMARI, gagarahe na dahil kasama na ang ‘the one I love’

Posted on: August 2nd, 2023 by @peoplesbalita No Comments

TULOY na tuloy na pala ang civil wedding nina Paranaque City Councilor Jomari Yllana at Abby Viduya ngayong November 2023.

Sa media launch para sa Motorsport Carnivale 2023 na ginanap sa Okada Manila, una itong naikuwento ni Abby, na super excited na sa wedding nila ni Joms na gaganapin sa Las Vegas, Nevada.

Pagkatapos nito ay magkakaroon naman sila ng church wedding sa Our Lady of Peñafrancia Shrine sa Naga City at ang kanilang time frame ay end of 2024 or early 2025.

Si Jomari raw ang nag-aasikaso ng kanilang kasal, dahil ayaw ng aktor na ma-stress si Abby.

Kuwento naman kay Jomari, “we’re very very happy. We doing everything together.

“Ako, okey na ako, gagarahe na ako. I’m doing what I love and I’m together with the one I love.”

Samantala, magsisimula ang pinakamalaking motorsport event sa Pilipinas sa mga taon sa araw na ito, Agosto 2 sa The Boardwalk ng Okada Manila sa Paranaque City.

Presented ng Okada Manila, ang Motorsport Carnivale 2023 ay isang 5-day sporting event na pinangungunahan ng Philippine Rallycross Series na inaasahang magtitipon ng mahigit 50 racer papunta sa Tarlac at pabalik.

Iba pang mga highlights, ang CART, na isang Car Meet in memory of Eduardo ‘Mang Ed’ del Rosario, ang founding father ng Cavite Auto Racing Team, na tinatayang magtitipon ng mga collectors ng rare racing cars at motorsport gadgets, isang Autocross Race, na nagtatampok ng hindi bababa sa 150 kotse sa Linggo (Aug. 6), ay may champagne popping pa.

Gaganapin ang awarding ceremonies sa Okada Manila sa Agosto 6 na kung saan tatanggap ng special award sina Richard Gomez at Matteo Guidicelli na parehong racing enthusiast.

Pangungunahan nga ito ni Jomari, na matagal nang mahilig sa karera, na umaasang maibabalik ang glory days ng mga motorsport sa bansa, bilang pagtukoy sa panahon kung kailan ginanap ang Philippine Grand Prix sa Maynila mula 1973 hanggang 1976.

Ayon pa actor-turned-politician, gusto niyang hikayatin ang mga Pilipino na yakapin ang mayamang kasaysayan ng Philippines motorsport sa pamamagitan ng pagsasama-sama ng lahat ng mga mahilig sa karera at panatiko sa isang komunidad.

Hindi na nga bago sa naturang sport si Jomari, nanalo at nakapuwesto sa ilang lokal na karera at siya ang first Filipino podium finisher sa Yeongam International Circuit sa South Korea noong 2014.

Siya rin ang principal driver ng pro racing team na Yllana Racing.

***

PINAALALAHANAN ni Movie and Television Review and Classification Board (MTRCB) Chairperson Lala Sotto-Antonio kamakailan ang lahat ng Television (TV) Networks, Blocktimers, Program Producers, at Distributors na tiyaking ang mga suot ng mga talent ay ligtas at angkop sa performances.

Inilabas ng MTRCB ang Memorandum bunsod ng magkakasunod na wardrobe malfunctions na namataan ng Ahensiya sa ilang live TV programs.

Binigyan-diin ni Sotto-Antonio na ang MTRCB “ay kumikilala sa aksidente ng wardrobe malfunction pero, gayunpaman, ang MTRCB Board ay mariing nagpapaalala sa mga stakeholder na doble-ingat sa gitna ng madalas na pagkasira ng wardrobe ng ating mga performer at talent.”

“Binabalaan ang lahat na sakaling maulit ang mga kahalintulad na sakuna ay lalapatan ng mas mabigat na parusa,” dagdag niya.

Ayon sa Section 8, Chapter V ng Implementing Rules and Regulations of the Presidential Decree No. 1986, ang mga live television programs tulad ng noontime variety shows at talk shows, ay kinakailangan na mag-superimpose ng katagang Parental Guidance (PG) sa TV screen sa buong airing ng programa. Ang superimposition ng naturang rating ay bilang paalala sa mga magulang at TV stakeholder na maging mapagmatyag at mabigyan ng pansin ang content na maaaring hindi angkop sa mga kabataan, lalunat ang mga programa sa telebisyon ay umeere ng live.

(ROHN ROMULO)