PAGKARAAN ng isang linggo, kumita na raw ng higit sa P100 million ang ‘A Very Good Girl’, ayon sa press release na pinalabas ng Star Cinema noong October 10, 2023.

Kaya naman nag-post na ng pasasalamat si Kathryn Bernardo sa tagumpay ng dark comedy film nila ni Dolly de Leon, na kung saan first time niyang gumanap ng out of the box character na ikinagulat talaga ng kanyang fans.

Kasama ng series of photos, may caption ito ng, “100 million?!!! You have no idea how much this gives us hope for the Philippine cinema. Thank you so much for all your love and support!
“Congratulations, Team AVGG!”

At dahil nga sa success ng movie, aabangan naman kung ano ang magiging verdict ng madlang pipol sa movie nina Alden Richards at Julia Montes na ‘Five Breakups and a Romance, na ipalalabas na sa October 18.

Hopefully, kumita rin ito ng higit sa P100 million.

Samantala, puring-puri naman ni Kathryn ang kanyang mini-me na kung saan suot-suot nito ang do-it-yourself version ng kanyang outfits.

“I surrender! I think she did it better! I hope to meet you soon, bb Eunice!!” say ni Kath sa kanyang post na ibinihagi ang mga viral photos ng little girl na anak ng content creator na si Rochelle Mae Dela Pena.

Binibihisan niya ang kanyang anak na si Eunice para kopyahin ang ilang celebrity, at ang pinakahuli nga ay nang gayahin niyang ang look ni Kathryn sa 2023 ABS-CBN Ball.

Ang silver gown ay likha ni Mark Bumgarner at ang white ensemble ni Martin Bautista na isinuot naman ni Kathryn sa Seoul Drama International Awards, kung saan nanalo siya ng Outstanding Asian Star.

Sobra ngang nakaaaliw ang hitsura ni Eunice, hanggang sa buhok gamit ang isang wig. Kaya pinusuan ito ng netizens at celebrities tulad nina Iza Calzado, Jericho Rosales, Ria Atayde, Camille Prats, Denise Laurel, Sylvia Sanchez, Klarisse de Guzman, Almira Muhlach at Rhian Ramos.

(ROHN ROMULO)

BINUKING ni Jennylyn Mercado ang mister na si Dennis Trillo na nagtatago ito sa banyo kapag gumagawa ito ng content para sa Tiktok.

Idinaan na lang ni Dennis Trillo sa isang nakaaaliw na Tiktok video ang paratang ng kanyang misis.

Sinagot ng ‘Love Before Sunrise’ star ang pagbubuking sa kanya ni Jen sa pag-post ng isang video na dinub niya ang song na “Janice” ng bandang Dilaw.
Nilagyan niya ito ng caption na: “Nasa taping ako, hindi ako nagtatago at wala ako sa cr.”

Wala pang 24 oras, mayroon na agad 1.2 million views ang nasabing TikTok video ni Dennis. Sa ngayon ay may 1.1 million followers at 14.8 million likes na ang TikTok page ni Dennis.

***

OPISYAL na pumirma na with GMA Music ang grand champion ng The Clash 2023 na si Rex Baculfo a.k.a. John Rex.

Ang nakilalang “Simpatikong Bokalista” ng Caloocan City ay magsisimula na ng kanyang musical journey sa music arm ng GMA Network.

“I’m extremely happy because I am able to do what I love for a living. This is what I’ve dreamed of, what I’ve prayed for, and now I am finally here, performing for a larger audience. I hope they’re happy because that’s really my ultimate goal. My aim is to perform and entertain many people,” sey ni John Rex.

Si John Rex ang boses sa likod ng theme song ng top-rating GMA Afternoon Prime teleserye na “Magandang Dilag”. Regular din siyang performer sa ‘All-Out Sundays’ kasama ang iba pang Clashers na sina Jeremiah Tiangco, Thea Astley, Jessica Villarubin, Mariane Osabel at Vilmark Viray.

***

TAMPOK ang P-Pop Kings na SB19 bilang cover stars ng nagbabalik na Billboard Philippines.

Sa Instagram ng naturang music media brand, ipinakita ang angas na may style ng SB19 members na sina Stell, Pablo, Ken, Josh, at Justin suot ang kanilang red suit sa isang puting background.

Nito lang ding Oktubre, inanunsyo ng SB19 ang paglulunsad ng sarili nilang kumpanya na 1Z Entertainment, kung saan magsisilbi si Pablo bilang CEO nito.

Inilunsad din ng grupo ang kanilang unang podcast na “Atin Atin Lang.”

Sa Oktubre 28 naman, gaganapin ng SB19 ang kanilang fan meet na pinamagatang “ONE ZONE” bilang pagdiriwang ng kanilang ikalimang anibersaryo sa Araneta Coliseum ng 7 p.m.

Samantala, nagbabalik naman ang Billboard Philippines matapos tumigil sa operasyon noong 2018.

Nasa ilalim itong Modern Media Group Inc. (MMGI) ng AGC Power Holdings Corp, ang kumpanyang nag-aasikaso rin ng Vogue Philippines at NYLON Manila.

(RUEL J. MENDOZA)

AYAW paawat ng paborito naming grupo na SB19.

Paano naman, sila ang nasa cover ng nagbabalik na music magazine, ang Billboard Philippines!

Huminto ang publication ng naturang magasin noong 2018, at ngayong 2023 ay nagbabalik sila sa sirkulasyon at sino pa ba naman ang nararapat na sa cover nila kundi ang pinakasikat na boy group ngayon, ang SB19.

May pasilip na nga sa Instagram account ng Billboard Philippines sina Pablo, Ken, Josh, at Justin na as always ay very fashionable sa kanilang red suit.

Isa pang achievement ng grupo ay ang pagkakaroon na ng thirty million views sa Youtube ng kanilang phenomenal hit song na “Gento” na kahit mga foreign artists sa buong mundo ay isinasayaw ang nabanggit na awitin ng SD19.

Ang “Gento” music video ay may 30,176,847 views at mahigit 559,000 likes na sa YouTube simula ma-upload ito noong May 19, 2023.

Isa pang (walang tigil ang SB19, di ba?) achievement nila ay ang pagkakaroon na nila ng sarili nilang management company, ang 1Z Entertainment, na siyang mamamahala sa kanilang career at kung saan si Pablo ang tumatayong CEO.

Meron na rin silang sarili nilang podcast, ang “Atin Atin Lang” at sa October 28, 7 pm naman ay isang fan meet, ang “ONE ZONE” ang gaganapin sa Araneta Coliseum in celebration of their fifth anniversary.

Samantala, bukod sa SB19, may isa pang solo cover ang Billboard PH Volume 1.

Sa kanilang social media post ng makikita ang naturang cover at may caption na, “She continues to make history — a truly timeless OPM artist. Asia’s Songbird, Regine Velasquez-Alcasid, also graces the debut issue of Billboard Philippines with her exclusive solo cover.

“Let’s be a part of history. Go to SariSari.shopping to reserve a copy now.”

Ni-repost din ito ni Regine sa kanyang social media accounts na pinusuan din ng netizens. For sure, marami na ang nag-advance order ng dalawang covers ng Billboard PH.

***

ESPESYAL na okasyon para kay Ms. Arlene Butterworth ang unveiling ng Carlos L. Albert Bust na gaganapin ngayong Lunes, October 16, 2023 sa Carlos L. Albert High School sa Brixton Hills sa Quezon City.

Kinarir na ipagpatuloy ni Ms. Arlene ang naturang proyekto na sinimulan nina Mrs. Leonora Lauigan na isang retiradong principal ng CLAHS at Ms. Milet Alcala, at pinamunuan ni Ms. Arlene ng CLAHS Batch ’79 na minamahal naming kaibigan.

Bago ang unveiling ng naturang bust o estatwa ay magkakaroon muna ng isang thanksgiving mass sa ganap na alas sais y media ng umaga na susundan ng school parade of floats.

Pagkatapos nito ay gaganapin na ang makasaysayang unveiling ceremony.

Ang naturang bust project na ito ay nagkaroon rin ng katuparan sa pagkakapit-kamay at pagtutulungan ng Carlos L. Albert High School alumni at mga naging guro ng CLAHS na nag-effort upang makalikom ng kaukulang pondo upang maipagawa ang naturang bust o estatwa.

(ROMMEL L. GONZALES)