VIRAL sina Jak Roberto at Celeste Cortesi!

As in trending at kinaaaliwan ng napakarami ang Tiktok video ng Miss Universe Philippines 2022 at ‘The Missing Husband’ actor.

Imagine, mahigit 3.9 million na ang views ng video nina Celeste at Jak?!

Naka-post ang naturang dance video ng dalawa sa Tiktok account ni Celeste at ayon pa sa caption ng beauty queen, sa Roxas City pa kinunan ang naturang dance video.

“A little TikTok break with @Jak Roberto here at the beautiful Roxas City #fyp #foryoupage #celestecortesi #jakroberto”, ang caption ni Celeste.

Pero knowing kung gaano katibay ang relasyon nina Jak at Barbie Forteza,

For sure ay hindi magseselos si Barbie Forteza dahil matibay ang nila ni Jak, at si Celeste naman ay may karelasyong hunky at guwapong football player.

Maisipan kaya ng GMA na pagsamahin sa isang serye sina Celeste at Jak lalo pa at pumirma na si Celeste (pronounced as Cheleste) sa Sparkle ng GMA bilang isa sa mga bagong talent ng Signed for Stardom 2023 kamakailan?

Samantala, si Jak Roberto ay featured artist rin sa Kapuso Profiles ng GMANetwork.com.

***

BALIK-TAPING na nga ang  ‘Love. Die. Repeat’ na bagong drama series ng GMA kung saan isa sa mga cast members si Samantha Lopez.

First time na gaganap si Samantha bilang isang ina sa isang proyekto.

Ano ang pakiramdam maging nanay ng isang Jennylyn mercado sa isang TV project?

“Ay, honored,” ang bulalas ni Samantha. 

“Napakabait na bata, one of my favorite actresses.

“Magaling, mabait, generous!”

At isa sa mga reyna ng GMA at kabilang rin sa mga top actresses ng Pilipinas.

“Hindi siya ganun kapag kasama mo, hindi niya ipinararamdam na, ‘Ay sikat ako, big star ako!’

“Hindi. Napaka-down-to-earth.

“Tsaka mommy talaga ang tawag niya sa akin, kaya anak din talaga ang treatment ko sa kanya.

“And we share the same passion, nagpi-Pilates kami pareho.”

Marami na sila ni Jennylyn na eksenang nakunan sa ‘Love. Die. Repeat.’

Biro nga mas gusto talaga niya kapag kontrabida siya dahil hindi siya kailangang umiyak sa maraming eksena.

“Salbahe pero drama, may iyakan, asawa ko pa Nonie Buencamino, hello, ang galing rin.”

Nahinto ang taping ng ‘Love. Die. Repeat’ noong September 2021 dahil nabuntis si Jennylyn sa anak nila ni Dennis Trillo na si Baby Dylan.

At ang naging reaksyon ni Samantha na early this year ay tuloy na ulit sila sa taping ng nabanggit na drama series?

“Ay e di masaya! Blessing naman yung bakit hindi natuloy dahil nabuntis si Jen, e di ba matagal na nilang gustong magkaroon ng baby?”

Samantala, season 3 na ng Good Will sa NET25 na isa pa ring TV show kung saan kasali rin si Samantha.

(ROMMEL L. GONZALES)

ANIM na taon na ang Tadhana, ang award-winning drama anthology program ng GMA Public Affairs na pinapangunahan ni Kapuso Primetime Queen Marian Rivera.

Sa patuloy ng pagbibigay-inspirasyon sa mga manonood, handog ng programa ang isang three-part special episode na nagsimula nitong Nobyembre 4.

Pinamagatang “Secrets,” tampok sa anniversary special ang Sparkle artists na sina Lexi Gonzales at Gil Cuerva, kasama sina Annalyn Barro, Jelai Andres, Ella Cristofani, Ms. Jackie Lou Blanco, at Ms. Jean Garcia.

Lubos ang pagpapasalamat ni Marian sa patuloy na pagsuporta ng viewers sa ‘Tadhana.’

“Yung anim na taon ng Tadhana, hindi siya magiging posible kung hindi rin dahil sa viewers na walang sawang sumusuporta sa programa,” pagbabahagi ni Marian.

“At hindi lang manunuod ang nai-inspire sa mga kuwento, ako mismo, talagang nai-inspire ako sa mga kuwento ng ating kababayan na kahit mahirap ang buhay, puno ng pagsubok, ay di sumusuko.

“Sana ay patuloy n’yo kaming samahan tuwing Sabado, at sabay-sabay nating pagtagumpayan ang hamon ng buhay,” saad pa nito.

“Sa loob ng anim na taon, nanatili pa rin ang mensaheng ipinapaabot ng Tadhana – na sa huli, ang kabutihan ay nakatadhanang masuklian. Kaya naman pinapangako namin na mas marami pang mga kwentong malapit sa puso at kapupulutan ng aral ang ihahandag namin sa inyo,” pagbabahagi ni Tadhana Supervising Producer Carlo Balaquiot.

Mula 2017, ipinagdiriwang na ng ‘Tadhana’ ang kuwento ng tagumpay ng mga Pilipino. Bukod sa mga aral, nagbibigay inpirasyon din ang bawat epsiode sa mga manunuod. Kaya naman hindi nakapagtataka na ang Tadhana ay isa sa highest rating shows tuwing weekend.

Online, nananatili itong isa sa mga pinakasinusubaybayang local TV show. May 9.3 milyong followers na ang Tadhana sa Facebook. Bawat episode ay pinagbibidahan ng ilan sa mga pinakamalaking artista sa bansa. Ngayong taon, nagwaging National Winner bilang Best Single Drama/Telemovie/Anthology Episode ang programa sa 2023 Asian Academy Creative Awards sa Singapore.

Isang kuwento ng pag-ibig, pagkakaibigan at pagbabalat-kayo ang tampok sa ika-anim na anibersaryo ng Tadhana na pinamagatang “Secrets.”

Bagong salta sa eskwelahan ang Senior High student na si Ayen (Lexi). Magkukrus ang landas nila ng campus heartthrob/ rockband leader na si Rave (Gil), na kinahuhumalingan ng mga kababaihan. Agad na magkakagustuhan ang dalawa na ikakagalit ni Olivia (Analyn), ang #1 fan girl ni Rave at number one rin sa pambu-bully ng mga kaklase. Lalong gugulo ang buhay ni Ayen sa pagdating ng childhood sweetheart ni Rave na si Valerie (Ella). Naniniwala si Valerie na sila ni Rave ang itinadhana para sa isa’t isa dahil na rin sa kasunduan ng mga magulang nila.

Isang misteryosang babae ang lilipat malapit sa bahay nina Ayen at ng kanyang ina na si Stella (Jean). Ito ay si Claris Lucas (Jelai), isang negosyante na agad na makakapalagayan ng loob ng mag-ina. Lalong matutuwa sina Stella at Ayen kay Claris nang ipagtanggol nito si Ayen sa mga bullies. Pero ano nga ba ang koneksyon nina Claris kina Rave at Ayen? Ano ang kanyang tunay na pakay?

Huwag palampasin ang anniversary special ng ‘Tadhana’ na “Secrets” ngayong November 4, 11, at 18, 3:15 PM sa GMA Network.

May live streaming din ito sa GMA Public Affairs social media accounts. Para sa mga Globay Pinoy, mapapanood ang Tadhana via GMA Pinoy TV.

(ROHN ROMULO)