TILA mas sagot na si Kyline Alcantara sa lumalabas na tsismis na nagkakalabuan na sila Mavy Legaspi at parang nadadamay pa si Carmina Villrroel. 

Bagamat pareho pa silang tahimik sa isyu… May pinost si Kyline tungkol sa pananahimik… “I was taught that keeping quiet kept the peace.  Until I realized, who’s peace is it keeping.” Kasunod nito ang makahulugang, “*whose.”

Dahil dito, super react ang netizens sa kanyang pinost… Lalo na yung maka-Mavy…

“Totoo nmn tlga ang Mothers know best. Tried and tested na yan, na ang nanay pag umayaw sa manliligaw. alam na.

“Hindi rin. Minsan may nanay tlaga na pakialamera. Hindi mo na alam kung saan kinukuha ang lakas ng loob na magsalita ng hindi maganda. Hindi rin naman tumutulong.  Experience ko kasi yan. Kung gusto nya bawiin ang anak nya. Gow! Lol

“So pretty ni Carmina na u wouldnt think na pakialamera siya but yeah. she seems like it kasi ngpopost sya. Wag na sana makisawsaw sa away ng mga bata. tama na yung napagsabihan ang anak. tuloy it seems like the mother is fighting her son’s battle. Hello, he is not 12!“

“honestly, totoo ang mother knows best. I had this jowa na pinakisamahan ng family ko then nung naghiwalay na kami, doon lang sinabi sakin ng aking nanay na ayaw nya talaga doon sa tao.”

“Maldita din si Carmina nung kabataan niya. mahirap lang hanapan ng ebidensya kasi hindi pa online lahat nun, baka naipambalot na ng tinapa. hahaha. nadala na niya hanggang sa pagtanda.”

“Boomer mentality! Tama ba yung nanay nakikisawsaw sa away/break up ng magjowa?? Ang crass, girl. Ano ba yang anak niya, 12??”

True baks. Halos yata lahat ng serye nya may nakakaaway sya. Well, except dun sa serye nya with Heart kasi feel na feel nya kasi c Heart.”

“Na confuse ako sa statement nya. ibig nya bang sabihin she was taught (asked/told) to be quiet para peaceful, tas na realize nya, kaninong peace ba yung pinoprotect ng pananahimik nya? Not on anyone’s side dahil di ko din bet yung mavy pero yung aura ni kyline masyadong intense. ”

“Kyline has always been vocal and bitter. Same as her immature and toxic fans. Feeling ni starlet mature siya but she’s childish like the rest of her peer group. She’s infamous for being maldita and pa bida. Just be quiet and stop using soc med to gain more sympathy.”

“Di naman sya naging quiet ever, puro cryptic posts and patama sa exes. Ang perfect siguro ni ate gurl ano, laging sa kabilang party yung main reason ng breakups. ”

“Makes you realize that mothers do know best ;-)”

tanda ko pa ang inis ko sa kaartehan nya when she first announced na sila na ni mavy sa kanilang vlog  feel na feel nya ugh at too pasosyal! no wonder may aura syang maldita hay.

“Attitude rin kasi tong si girl. Kung ako talaga c Carmina, makielam ako sa lovelife ng anak ko. ”

“Para kay carmina ba to?”

“You know you’re an oversized toddler when..

This one is a kath wannabee. ”

.”Nakikisabay sa issue nila kath. This one is a kath wannabee.”

NGAYONG Sabado (December 2) na mapapanood ang sinasabing epic concert na “Queendom: Live.” na gaganapin sa Newport Performing Arts Theater.

Magsasama-samang mag-perform sa concert stage ang Kapuso stars na sina Rita Daniela, Jessica Villarubin, Thea Astley, Mariane Osabel, Hannah Precillas, and Asia’s Limitless Star Julie Anne San Jose.

Hatid ito ng GMA Network’s Synergy, in partnership with Entertainment Group, na may gawa rin ng “Limitless: A Musical Trilogy” ni Julie Anne na nagwagi ng Silver sa New York Festivals TV & Film Awards.

Sa zoom presscon, natanong ang mga singing queens kung sinu-sino ang mga queens sa pagkanta na kanilang hinahangaan at naging influences nila…

Ayon kay Julie Anne, “locally of course si Ate Regs, Regine Velasquez, sa international scene naman si Beyonce sa performance. Sa artistry si Lady Gaga at Rihanna.”

Para kay Rita, si Lani Misalucha, dahil sobrang avid daw siya at nanonood ng concert at napapapirma sa album. Sa international scene naman si Barbra Streisand, Nancy Wilson, dahil mahilig siya sa jazz at marami pang iba tulad ng Earth, Wind and Fire at Stevie Wonder.

Si Jaya naman ang choice ni Thea, hinahangaan din niya si Lady Gaga.

Si Mariane naman, “si Sarah Geronimo dahil grabe ang influence niya sa akin. International naman si Jennifer Hudson na grade din influence niya.”

Ayon naman kay Jessica, “sa local naman, marami kasi akong idol, una kong kinanta ang ‘To Love You More’ ni Sarah G, tapos naging Regine Velasquez naman gusto kong kantahin. Sa international naman, contest piece ko ang ‘Listen’, kaya gusto ko rin si Beyonce.”

Ayon naman kay Hannah, kinakanta rin niya ang Regine V. songs bilang panlaban niya, pero si Rachelle Ann Go talaga ang idol niya. Pagdating sa international, tulad ng ibang queens, type din niya si Beyonce.

Kuwento pa ng mga queens, dapat abangan ang kani-kanilang pasabog na solo numbers na karamihan at first time pa lang nilang gagawin.

May special song din na ni-request nila na mai-perform at napagbigyan naman ang anim na member ng Queendom.

Kaabang-abang din kung sinu-sino ang kanilang special guests at isa nga inaasahan ng mga fans ni Julie Anne ang paglabas ni Rayver Cruz.

Sorpresahin kaya sila ni Asia’s Songbird, well, abangan natin yan ngayong Sabado.

(ROHN ROMULO)

SA panahon ngayon, lalo sa showbiz, na very much accepted ang mga members ng LGBTQ+ community, isa sa mga out and proud na lesbian, tulad rin nina Michelle Marquez Dee at Klea Pineda, si Rikki Mae Davao na anak nina Ricky Davao at Jackielou Blanco.

Nasa high school si Rikki Mae noong nag-out siya sa kanyang mga magulang.

Sabay ba niyang kinausap sina Jackielou at Ricky tungkol dito?

Rebelasyon ni Rikki Mae, “Medyo sabay pero nauna lang si Mama ng konti.

“When I told both of them wala naman talagang isyu. “Thankfully! Hindi naman ako initsa-puwera or pinagalitan or what. Siyempre may getting used to certain ano lang. Pero wala naman pong naging main issue or nag-away kami or something.”

Wala raw mala-telenovelang kumprontasyon o anuman.

“Buti na lang. Baka sa mga shows ko in the future iyon yung puwede maging theme,” at tumawa si Rikki Mae, pero in real life thankfully wala.”

Hindi naman raw as in totally happy-happy ang senaryo noon.

“Actually hindi naman sa walang problema, meron namang having to get used to it, or may mga questions na baka, some things na hindi pa nila maintindihan or naa-accept completely.

“Pero open communication kasi siya e, so it took a couple of years to really be like… wala ng awkwardness, yung, ‘Oh, this is my partner.’

“It took a couple of years din to really be like, very comfortable na ganun,” pahayag pa ni Rikki Mae na alaga na ngayon ni Rams David ng Artist Circle Talent Management Services.
Si Shyr Valdez, na alaga rin ni Rams, ang nag-mediate para makapasok si Rikki Mae sa ahensiya ni Rams.

Sa acting at hosting nais malinya ni Rikki Mae; mahusay na host si Jackielou sa mga shows noon ni German ‘Kuya Germs’ Moreno at isa ring mahusay na aktres sa mga pelikula ng Viva Films.
Si Ricky naman ay magaling na direktor at multi-awarded actor rin.

***

HIGH-CLASS male prostitute ang papel ni Kimson Tan sa ‘Lovers/Liars.’

Kuwento ng Sparkle male artist, “Oo, kaya it was challenging, kasi siyempre bawat customer mo iba yung atake mong kailangan e, kasi you need funds, you need money.”

Ayon pa rin kay Kimson, wala siyang anumang against sa mga lalaking sa tunay na buhay ay nagbebenta ng katawan at aliw.

“Sa totoo lang po, honestly, pinag-uusapan namin ni Tito Joey [Abacan ng GMA] iyan minsan, sabi ko ako I don’t have anything against them, kasi I respect their hustle, I respect their grind in life.
Pagpapatuloy pa ni Kimson, “And sabi ko nga lagi, no matter what path you’re going through in life, kung ano man yung ginagawa mo, as long as you’re not stepping on other people, I don’t see any wrong in what you do.

“That’s why I respect the LGBTQ communities, nag-BL ako, kaya sabi ko kumbaga sa ganung bagay I don’t have anything…”

Ang BL o Boys’ Love project ni kimson dati ay ang “In Between”.

At umamin si Kimson na maraming beses na siyang naligawan ng bading sa totoong buhay, pero siyempre, wala siyang pinatulan sa mga ito.

Si Kimson ay si Kelvin Chong sa ‘Lovers/Liars’.

Bida rito si Claudine Barretto bilang Via Laurente sa Lovers/Liars at nasa cast rin sina Shaira Diaz bilang Nika Aquino, Lianne Valentin bilang Hannah Salalac; Polo Ravales bilang Ronnie San Diego, Rob Gomez bilang Joseph Mentiroso, Christian Vasquez bilang Victor Tamayo; Michelle Vito bilang Andrea Segreto at Yasser Marta bilang Caloy.

Sa direksyon ni Crisanto Aquino, napapanood ito sa GMA Telebabad at sa mga nasa abroad, sa GMA Pinoy TV.

(ROMMEL L. GONZALES)