2024 February 02 Archive - People's Balita

July 18, 2024
Search in People's Balita
Ang Diyaryong Pinagkakatiwalaan

Archive for February 2nd, 2024

Walang kaso dahil lahat naman ay pinapanood: Chair LALA, inaming natutuwa sa isang segment ng ‘It’s Showtime’

Posted on: February 2nd, 2024 by @peoplesbalita No Comments

INAMIN ni Movie and Television Review and Classification Board (MTRCB) Chairperson Lala Sotto na may isang segment sa ‘It’s Showtime’ ang pinapanood niya, ito yung EXpecially For You.

Say niya, “Nakakaiyak kasi ‘yung ibang kuwento.”

Tanong tuloy sa kanya kung alam ba ito ni former Senator Tito Sotto) na pinapanood niya ang isa sa katapat ng ‘Eat Bulaga’? “Lahat naman pinapanood ko,” natatawa pa ulit na sagot ni Chair Lala.

Sa aming tsikahan kasama ang mga officers ng Society of Philippine Entertainment Editors (SPEEd), isa ‘yun sa napag-usapan.

Matatandaan na sinuspinde ng MTRCB ang ‘It’s Showtime’ last year ng two weeks dahil sa mga reklamo ginawang landian nina Vice Ganda and Ion Perez.

Bumalik sa ere ang ‘It’s Showtime’ noong Oktubre 28, 2023, may naulit pa bang reklamo silang natanggap?

“Ay, so far, wala. Very cooperative din sila,” sabi ng MTRCB Chairperson.

May constant communication raw sila sa production. Mas naging maingat na raw ang grupo ng noon time show.

Never pala niyang nagkita o nagkakilala ni Vice.

Binabantayan din nila naman ang ‘Batang Quiapo’ at ‘Black Rider’ nina Coco Martin at Ruru Madrid, dahil nakatatanggap din sila ng reklamo, dahil sa matitinding eksena.

“Normal naman ‘yun dito sa MTRCB. Almost everyday, may mga production or show kaming pinapatawag. If not almost, it’s really every day,” banggit pa niya.

Hindi naman nawawala ang bashers, kaya hindi na nagpapaapekto si Chair Lala.

“Don’t let it affect you by not… Just don’t read it. Parang you don’t want to listen to opinions that don’t matter to you. Maaapektuhan lang ako ‘pag may sinabi na sa akin ang magulang ko (Tito Sen at Helen Gamboa).”

Marami naman ang natuwang Legit Dabarkads na napunta na uli kina Tito, Vic & Joey ang ‘Eat Bulaga!’

“Rightfully so,” sambit ni Chair Lala.

Ano ang naramdaman niya nang manalo ang TVJ?

“Siyempre, masaya. Pasasalamat sa Panginoon na naibalik sa kanila ang dapat, ang nararapat. Na naging tama ang desisyon. I think that’s natural.

“Majority of the televiewers, majority of the Filipinos, I like to believe, would agree with me on that,” sagot pa ni Chair Lala.

Samantala, bukod sa dalawang programa sa SMNI, ipinagbawal na rin ng nasabing ahensiya ng pamahalaan simula kahapon ang pag-ere ng programang Private Convos with Doc Rica sa One News Cable Channel, dahil sa pagpapalabas nito ng episode na labag sa alituntunin ng MTRCB Rating.

Paano naman niya ia-assess ang nakaraang taon ng MTRCB, sa kabila ng mga isyu na kanilang hinarap?

“Ay! Successful! Ha! Ha! Ha! How would I assess the past year? We didn’t even notice na naka-one year na pala kami sa dami ng programa ng MTRCB,” masayang tugon pa niya.

“And we just do our job. We come in, do our job, and that’s about it. Pero hindi na namin napansin. Kasi we’ve been so busy really tending to our stakeholders.”

May plano rin daw ang MTRCB ang compliance seminars hindi lang sa noontime shows, kundi puro sa buong network, at isa sa ating aabangan.

At nakatutok pa rin sila this year sa ‘Responsableng Panonood’ sa buong bansa.

Sa ngayon, super happy si Chair Lala sa kanyang posisyon at wala siyang pinaplano kung tatakbo ba siya uli o hindi, after na maging chairperson ng MTRCB.

(ROHN ROMULO)

China, muling pinagtibay ang commitment sa joint oil, gas development sa Pinas

Posted on: February 2nd, 2024 by @peoplesbalita No Comments

HINDI nagbabago ang posisyon ng China sa joint development ng oil at gas sa Pilipinas.

Nagpalabas ang Chinese Embassy ng kalatas bilang tugon sa suhestiyon ni dating Energy undersectary Eduardo Mañalac para sa isang independent oil at gas exploration ng Pilipinas sa West Philippine Sea (WPS).

“Our position on joint development of oil and gas with the Philippines remains,” ayon sa Chinese Embassy.

Sa isang online forum na inorganisa ng National Youth Movement para sa West Philippine Sea, binigyang-diin ni Mañalac ang kahalagahan na ipakita ang kakayahan ng Pilipinas para i-explore ang West Philippine Sea.

“The Philippines can and will explore the West Philippine Sea through a capable and well-organized national company that can do the job for us,” aniya pa rin.

Inulit naman nito ang posisyon ng National Task Force on the West Philippine Sea (NTF-WPS) at Bureau of Fisheries and Aquatic Resources (BFAR), na nauna nang nagpahayag ng kanilang layunin na magtatag ng gas field sa West Philippine Sea kahalintulad ng tagumpay ng Malampaya Gas Field.

Ang pagtugon sa mga concerns ng maaaring panghihimasok ng China, binigyang diin ni retired US Naval Captain at international defense at security analyst Carl Schuster ang hamon na pangasiwaan ang sitwasyon.

“The challenge will be how China interferes; one of the things they will do is military interference,” ayon pa rin kay Schuster.

Bilang tugon, sinabi naman ng Chinese Embassy na hindi ito tumutugon sa opinion ng mga eksperto.

Hinikayat nito ang mga kaugnay na bansa na iwasan ang anumang iresponsableng aksyon at igalang ang regional efforts para ipreserba ang kapayapaan at katatagan sa South China Sea. (Daris Jose)

Nagpasalamat pa dahil nakapag-rest sa work: SHAINA, nagpapagaling na matapos tamaan ng COVID-19

Posted on: February 2nd, 2024 by @peoplesbalita No Comments

YES, may COVID-19 pa rin taliwas sa iniisip ng ilan na tapos na ang pakikipaglaban natin sa nakapipinsalang sakit.

Ang bagong tinamaan ng coronavirus ay ang aktres na si Shaina Magdayao.

Pero nagpapagaling at nagpapalakas na si Shaina matapos mag-post sa kanyang Instagram account nito lamang January 30 at ianunsiyo na siya ay may COVID-19.

“Clarity. Distance. Some time to yourself. This is the kind of peace we all need sometimes. The kind that will give you the courage to clear your heart. Your mind. Your soul.

“Trust YOUR process. With isolation, everything you feel will sort itself out. I promise. – r.m drake,” ang caption ni Shaina sa larawan ng kanyang anino na tila nagpapahangin at nagpapaaraw sa kanyang bakuran.

Lahad pa rin ni Shaina base sa kanyang Instagram post, “Beautiful words I kept on reading and reminding my frustrated sick self during more than a week of isolation and testing positive Nevertheless, thank you, COVID, for the rest (lots of tv time too) and pause I did not ask for …..but apparently needed.”

Bago si Shaina, kamakailan lamang, nitong Disyembre, ay tinamaan rin ng virus sina President Ferdinand “Bongbong” Marcos, Jr. at Pasig City Mayor Vico Sotto, at nito lamang Enero ay nagka-COVID rin sina Kim Chiu at Paulo Avelino.

***

BUKOD sa pagiging sikat na sikat na content creator ay pumasok na rin si Gavin Capinpin sa larangan ng pagne-negosyo.

Isa siya sa nagtatag at nagmamay-ari at CMO o Chief Marketing Officer ng CreaTV Management Inc. na isang influencer management company nagkokonek sa mga talentadong content creators (vloggers, bloggers, Youtubers at iba pa) at influencers sa mga brands at mga businesses o negosyo.

Nag-aalok rin ang CreaTV Management Inc. ng social media management at troubleshooting services sa mga content creators at influencers.

Napapayag raw si Gavin na maging parte ng CreaTV Management Inc. dahil, “Maganda yung vision and at the same time parang inisip ko rin what if may CreaTV na nung nagsisimula pa ako?

“Nalaman ko sana yung ganito… kasi andami kong naging violation and sa mga hindi po po nakakaaalam, kapag po nagkaroon ng violation yung page niyo, para po kayong nawala sa mundo, kung eto po’y inaasahan niyo.

“Yung isang araw po nagma-matter at hindi ka talaga makakatulog dahil yung isang araw mo walang nangyayari. Di ba po? Alam naman nating mga content creator iyan.

“At pag na-demonetize para talagang, ako po nilagnat po ako, pitong araw akong demonetize, pitong araw din akong nilalagnat. Ganun po siya ka-stressful kasi po parang mawawalan ka ng pakinabang,” lahad pa ni Gavin na mas kilala bilang Ser Geybin at kuya ng mga sikat ring content creators na sina Allen (Chief Allen) at Kelzy (Capt. Kelzy); kilala rin sila bilang Capinpin Brothers.

Ang dalawa pang partners ni Gavin (na may 8.6 million Facebook followers, 7.7 million Tiktok followers at 3.61 million Youtube subscribers) sa CreaTV Management Inc. ay ang negosyanteng si Edmar Estavillo at ang sikat na vlogger na si Norvin dela Peña na kilala bilang si Vin FPV na may 9 million Facebook followers, 1.9 million Tiktok followers at 1.08 million Youtube subscribers.

Si Norvin naman ang tumatayong COO of Chief Operating Officer ng kumpanya.

***

GAGANAPIN ngayong February 3, 2024 ang grand launch ng Bedan Response for the Development of Sports In San Beda (B Red in Sports), alas dos hanggang 2:50 ng hapon sa Pamanang Bedista Room sa San Beda University sa Mendiola sa Maynila.

Spearheaded ito ng Athletics Department ng San Beda.

(ROMMEL L. GONZALES)

Mindanao ihiwalay na sa Pilipinas – Duterte

Posted on: February 2nd, 2024 by @peoplesbalita No Comments

INIHIRIT ni dating Pangulong Rodrigo Duterte ang paghiwalay ng Mindanao sa Pilipinas.

Sa pulong balitaan sa Davao, sinabi ng dating Pangulo na ito ay maisasagawa sa pamamagitan nang pagkalap ng mga pirma.

Kasabay naman ng panawagan ni Digong dumistansya ang mga senador sa plano na isulong ang paghihiwalay ng Mindanao sa Pilipinas.

Sa ambush interview, tumanggi sina Senate President Juan Miguel Zubiri at Minority Leader Aquilino “Koko” Pimentel na magkomento sa nais na mangyari ni Duterte.

Kapwa taga-Mindanao sina Zubiri at Pimentel.

Pero sinabi rin ni Zubiri na “with due respect” sa dating Pangulo, hindi kailangan ngayong pag-usapan ang isyu na magiging dahilan lamang ng pagkakagulo at pagkakawatak-watak.

Hiniling din ni Zubiri na mag-slow down o maghinay-hinay muna ngayon sa away dahil ang importante ay ang kapakanan ng bayan.

Ipinunto rin ni Zubiri na ang ganitong mga labanan ay hindi makakabuti sa bansa at sa mga susunod na henerasyon.

Ayon naman kay Pimentel, kailangang masusing pag-aralan ang gustong mangyari ni Duterte pero binigyan diin na tutol siya sa anumang mungkahi para sa secession o paghihiwalay ng alinmang bahagi ng teritoryo ng bansa.

Sinabi naman ni Sen. Francis “Chiz” Escudero na hindi uubra sa ilalim ng Konstitusyon ang gusto ng dating pangulo na ihiwalay ang Mindanao sa Pilipinas. (Daris Jose)

Dahil naging matagumpay ang 2023 MMFF: COCO, may pinaplanong filmfest movie kasama sina BONG, LITO at ROBIN

Posted on: February 2nd, 2024 by @peoplesbalita No Comments

DAHIL naging matagumpay ang 2023 Metro Manila Film Festival ay maraming bigating artista ang naghahandang sumali sa 50th MMFF sa December.

On going na ang pagpaplano ng isang pang-MMFF film na pagsasamahan daw ng mga bigating senador na sina Bong Revilla, Robin Padilla at Lito Lapid.

Hindi lang daw ang tatlong senador ang bida kungdi kasama pa rin nila ang Kapamilya aktor na si Coco Martin.

Nagkaroon na raw ng initial meeting at present lahat ng apat na nabanggit na pangalan.

Mukhang wala na raw problema sa pagsasama ng apat dahil inaayos na ang kanilang schedules.

Si Brillante Mendoza raw ang magdidirek ng naturang movie na binubuo pa rin ang istorya at kung anu-ano ang magiging role ng bawat isa, huh!

***

ISA pa rin sa possible entry pa rin sa 2024 MMFF ay ang pelikulang pagsasamahan naman nina Judy Ann Santos, Gladys Reyes, Claudine Barretto at Angelu de Leon.

Sa wedding anniversary ng mag-asawang Gladys at Christopher Roxas, nabalitaan ang nasabing proyekto pero mismong si Claudine ang umayaw kung kasama raw nila si Angelu.

But still decided na raw ang producer na ang apat ang magiging bida sa untitled film na planong ilahok sa taunang MMFF.

Kaya nga raw may gumawa ng move na ayusin ang pinagmulan ng gusot sa pamamagitan nina Claudine at Angelu.

Bukod sa movie with Coco, Bong, Robin at Lito and yung kina Judy Ann, Gladys, Angelu and Cladine mas masaya at mas exciting abg 50th Metro Manila Film Festival kung pagsamahin din sa isang movie sina Vilma Santos, Sharon Cuneta, Maricel Soriano and Nora Aunor, huh!

Magsasama sa isang movie ang Star for All Seasons, Megastar, Diamond Star at ang Superstar, bongga di ba?

May susugal kayang produ?

Four versus four versus four…

(JIMI C. ESCALA)

CBCP ikinabahala ang pagsusulong ng People’s Initiative

Posted on: February 2nd, 2024 by @peoplesbalita No Comments

BINALAAN ng Catholic Bishops’ Conference of the Philippines (CBCP) ang publiko laban sa nagsusulong ng ‘people’s initiative’.

Sinabi ni CBCP President and Kalookan Bishop Pablo Virgilio David na naalarma ang maraming obispo dahil ang nasabing people’s initiative na isinusulong ng ilang mambabatas ay hindi pinapangunahan ng mga ordinaryong mamamayan.

Dagdag pa nito na malinaw na isang uri ng panlilinlang sa mga tao ang mga nagsusulong ng nasabing peoples initiative.

Hindi rin dapat magkumpiyansa ang Commission on Election dahil tiyak na sa mga susunod na araw ay mga mga magtatangkang isulong ang charter change.

DOTr: Nagbabala laban sa “12-month free travel card” scam ng beep card

Posted on: February 2nd, 2024 by @peoplesbalita No Comments

NAGBABALA ang Department of Transportation (DOTr) at ang AF Payments Inc. (AFPI) na siyang kumpanya at namamahala sa beep card systems, sa kumakalat na pekeng online promosyon na magbibigay daw ng 12-buwan na libreng travel card.

“There is no authorized promotion of such beep cards offering free rides, calling posts about is as misleading, bogus, and fraudulent. We urged beep card users and commuters to prioritize safety by being vigilant and refraining from clicking on or subscribing to any suspicious links that could potentially compromise your personal and financial dat,” wika ni AFPI chief executive officer JJ Moreno.

Nagbigay ng isang notipikasyon ang DOTr sa publiko laban sa isang Facebook page na nagkakalat ng walang katotohanan na promosyon kung saan nilinaw ng DOTr na hindi sila kasama at hindi sila official affiliate account ganon din ang ibang ahensiya nito.

Sinabi naman ni DOTr assistant secretary Jorgette Aquino sa pubiko na huwag makipagugnayan sa mga unauthorized accounts na may online transaksyon.

“The DOTr, DOTr-MRT3 and the LRTA never request credit card details in any of their interactions with the public. We urged commuters to verify all online information through the official websites and social media channels of our agencies as there may be malicious parties with fraudulent intentions attempting to deceive the public,” dagdag ni Aquino.

Dinagdag ni naman ni Moreno na ang mga lehitimong beep cards ay mabibili lamang sa mga official outlets tulad ng Light Rail Transit Line 1 (LRT1), LRT 2, Metro Rail Transit Line 3 (MRT3), selected convenience stores, at sa online shops ng Shopee at Lazada. LASACMAR

MEET THE CHARACTERS OF “LISA FRANKENSTEIN,” STARRING KATHRYN NEWTON, COLE SPROUSE AND LIZA SOBERANO, YOUR PRE-VALENTINE’S MOVIE

Posted on: February 2nd, 2024 by @peoplesbalita No Comments

Lisa Frankenstein director Zelda Williams says that her enthusiasm for the film was rooted in her deep admiration for Diablo Cody’s singular voice as a screenwriter, especially when it comes to the characters in her stories.

“The thing I enjoy most about her writing is the personality infused into all of it,” says Williams, who had auditioned for Juno (also written by Cody, for which she won the Best Original Screenplay Academy Award) very early in her acting career. “It’s clear immediately who these characters are, whether they’re for you or not. That sort of strong flavor choice will always be my cup of tea.”

In Lisa Frankenstein, it’s 1989 and Lisa Swallows (Kathryn Newton), an awkward 17-year-old, is trying to adjust to a new school and a new life after her mother’s death and her father’s hasty remarriage. Despite the unwavering support offered by her plucky cheerleader step sister Taffy (Liza Soberano), Lisa only finds solace in the abandoned cemetery near her house, where she tends to the grave of a young man who died in 1837 – and whose corpse she unwittingly reanimates (Cole Sprouse). Feeling obligated to help the poor soul regain his humanity, Lisa embarks on a quest to breathe new life into her long-dead new companion. All she needs to succeed are some freshly harvested body parts and Taffy’s broken tanning bed.

Watch the trailer: https://youtu.be/NIm_DkLGAk4?si=kAeFby0RwFg4tQmh

Get to know the movie’s characters who will make you laugh, scream and fall in love this special month of love!

Lisa Swallows (played by Kathryn Newton)

Lisa is a 17-year-old misfit, too self-conscious and withdrawn to fit in with either the popular crowd or even the other outsiders at school, the punks, Goths, and stoners. In the wake of her mother’s murder, she barely speaks. “Lisa Swallows is this girl who isn’t heard, who doesn’t speak up,” Newton says. “She doesn’t think she matters very much. She’s been through a lot of trauma, and she is so hurt and shy she would rather not bring any attention to herself.”

The Creature (Cole Sprouse)

The Creature is the corpse that Lisa unintentionally brings back to life. A professional pianist who took his own life after being rejected by a woman he adored, the Creature was a hopeless romantic, a gentleman well versed in 19th century manners and etiquette, qualities he retains in death, or rather, undeath. He feels immense gratitude toward Lisa that soon blossoms into genuine adoration. “Over time, I think the Creature realizes he’s deeply in love with Lisa,” Sprouse says. “He wants to be her protector, trying to make her feel heard and understood.”

Taffy (Liza Soberano)

Taffy is the kind, if somewhat clueless, stepsister of Lisa. Empathetic, earnest and wildly popular, naturally perfect Taffy is the antithesis of the stereotypical “mean girl” – she welcomes Lisa into her family with open arms and does everything she can to help her fit in. “Taffy is my favorite character,” says Cody.

Janet (Carla Gugino)

Janet is Taffy’s narcissistic mom who dotes on her own daughter, but is endlessly disapproving of Lisa. “Janet lives in Janet’s world for sure – she is definitely the hero of her own story,” says Gugino. “Janet has created and curated a perfect world and a perfect family in her mind, and she cannot imagine how Lisa would not want to be a part of it.”

Dale (Joe Chrest)

Lisa’s own father, Dale, does little to intervene on his child’s behalf, leaving Janet to exert her domineering influence at every turn. “Dale is such a checked-out dad,” producer Mason Novick says. “Diablo writes a lot of dad characters who are just oblivious to what’s going on. I don’t want to say men in Diablo’s scripts are knuckleheads, but the focus of the conversations are on women. The father is around, and he’s really funny, but he’s not the one moving the story forward. He is very much the passive husband.”

Michael Trent (Henry Eikenberry)

Michael is Lisa’s crush whom she describes as an “intellectual punk dreamboat.” Although he initially seems to display an odd kind of fascination with Lisa, he doesn’t necessarily harbor romantic feelings toward her. “He’s so clueless,” says Eikenberry of his character.

Get ready for the funniest, goriest undead horror romance you’ll see all year when “Lisa Frankenstein,” directed by Zelda Williams (daughter of the late Robin Williams and herself part-Filipina) and distributed by Universal Pictures International, opens in cinemas February 7, just in time for Valentine’s Day! #LisaFrankensteinPH

(ROHN ROMULO)

VP Sara, pinasalamatan si PBBM dahil sa tiwala; ‘independent’ ang pananaw mula sa kanyang ama at kapatid

Posted on: February 2nd, 2024 by @peoplesbalita No Comments

PINASALAMATAN ni Vice President Sara Duterte si Pangulong Ferdinand Marcos Jr. dahil sa patuloy na pagtitiwala nito sa kanya.

Tiniyak ni VP Sara na ‘independent’ ang kanyang mga pananaw sa kanyang ama na si dating Pangulong Rodrigo Roa Duterte at kapatid na si Davao City Mayor Sebastian Duterte.

Sa isang kalatas, sinabi ni VP Sara na pinasasalamatan niya si Pangulong Marcos dahil patuloy na ipinagkakatiwala sa kanya ang Education portfolio sa Gabinete nito (Pangulong Marcos).

Kaya ang pakiusap ni VP Sara sa publiko ay igalang ang opinyon ng mga miyembro ng kanyang pamilya at sinabi na ang kanyang pagiging tapat ay “first and foremost” ay para sa bayan.

“Nagpapasalamat din ako kay Apo BBM (Bongbong Marcos) sa kanyang paggalang sa aking mga paninindigan, katulad na lang ng aking pagtutol sa ‘Pera kapalit ang pirma sa People’s Initiative’ dahil insulto ito sa kahirapan ng ating mga mamamayan at paglabag sa kanilang karapatang magpasya ng malaya,” ayon kay VP Sara.

Binigyang diin na nagpakita ng paggalang ang Pangulo sa iba, sinabi ni VP Sara na tama lamang na igalang din ng mga Filipino ang opinyon at paniniwala ng ibang tao kabilang na ang mga miyembro ng kanyang pamilya.

“May respeto ako sa mga pananaw at opinyon ni dating Pangulong Rodrigo Duterte pati na ng aking kapatid. Katulad ng posisyon ko sa maraming mga isyu, hindi kailangan na sumasang-ayon ako sa lahat ng mga ito. Pinalaki ako

ng aking mga magulang na may pagpapahalaga sa malayang pag-iisip at pagpapasya. Para sa akin, laging nangunguna ang katapatan ko sa paglilingkod sa bayan,” aniya pa rin.

Nito lamang nakaraang linggo ay itinalaga ni Pangulong Marcos si VP Sara bilang caretaker ng bansa habang nasa state visit ito sa Vietnam.

Habang pinagbibitiw naman ni Davao City Mayor Sebastian “Baste” Duterte si Pangulong Marcos sa kanyang puwesto.

Ayon sa alkalde, dapat magbitiw si Pangulong Marcos kung wala itong pagmamahal at mithiin para sa Pilipinas.

Matatandaan na unang dinaluhan ni VP Sara ang Bagong Pilipinas kick-off rally na isinagawa sa Quirino Grandstand sa lungsod ng Maynila araw ng Linggo.

Kung saan inilahad ni VP Sara ang commitment ng kaniyang pinamumunuang ahensiya, ang Department of Education (DepEd), para sa paghubog ng mga kabataang Pilipino.

Dumating din ang pangalawang pangulo sa isinagawang prayer rally sa Rizal Park sa lungsod ng Davao kung saan nagpahayag ng pasasalamat si VP Sara sa suporta hindi lang ng mga Dabawenyo kundi ng lahat ng Pilipino.

Partikular na sa laban ng mga Pilipino laban sa Charter Change kung saan ipinunto ng pangalawang pangulo na dapat manindigan ang Pilipino laban sa pagbabago sa Salitang Batas sa pamamagitan ng pera kapalit ng pirma para sa People’s Initiative (PI). (Daris Jose)

Speaker Romualdez inaming humingi ng tulong sa kanya ang nagtutulak ng PI

Posted on: February 2nd, 2024 by @peoplesbalita No Comments

HUMINGI ng tulong kay Speaker Ferdinand Martin Romualdez ang mga nagsusulong ng people’s initiative (PI) upang maamyendahan ang Konstitusyon.

Ayon kay Speaker Romualdez nilapitan siya ni Noel Oñate upang makausap, at pinagbigyan niya ito bilang bahagi ng diwa ng bukas na dayalogo at pag-unawa sa mga aksyong sibiko na itinataguyod ng mga mamamayan.

Iginiit naman ni Romualdez na ang pakikipag-usap na ito ay hindi nangangahulugan na tumulong ito sa pangangalap ng pirma para sa PI.

Pinasinungalingan naman ni Speaker Romualdez na may kinalaman ito sa sinasabing bilihan ng pirma na taliwas umano sa kanyang prinsipyo at ethical standards ng gobyerno.

Kahapon dinipensa ng mga mambabatas ang larawan na ipinakita sa pagdinig ng senado.

Ayon sa kanila natural lamang ang nasabing larawan dahil lahat naman may gusto makipag picture sa Speaker.

Wala rin epekto ang nasabing larawan.

Samantala, inatasan naman ni Pang. Ferdinand Marcos Jr. ang Kamara at Senado na maghanap ng solusyon sa harap ng bangayan ng dalawang Kongreso hinggil sa isinusulong na Charter Change.

Sinabi ng Pangulong Marcos na naghahanap din ng solusyon ang gobyerno at nakikipag ugnayan na ito sa mga legal luminaries.

Nais kasi ng Pangulong Marcos na amyendahan ang economic provisions ng 1987 Constitution. (Daris Jose)