2024 February 21 Archive - People's Balita

June 29, 2024
Search in People's Balita
Ang Diyaryong Pinagkakatiwalaan

Archive for February 21st, 2024

Net income ng GSIS, tumaas ng 70% o naging P113 billion noong 2023

Posted on: February 21st, 2024 by @peoplesbalita No Comments

INIULAT ng Government Service Insurance System (GSIS) na tumaas ng 70% ang net income nito para sa nakalipas na taon sa gitna ng makabuluhang paglago ng ‘equity holdings at fixed income portfolio” nito sa nasabing panahon.

Sinabi ng GSIS na ang net income nito ay tumaas ng P113.3 billion mula P66.4 billion noong 2022, habang ang kabuuang comprehensive income ay tumalon sa P143.4 billion mula sa P3.6 billion, tumaas din ang kinita ng 33% o P311.3 billion mula P234.9 billion.

Tinuran pa ng GSIS na ang equity holdings nito ay nakitaan ng P8.2-billion mark sa market growth noong 2023 kontra sa P37.4-million loss noong 2022, habang ang akumulasyon na 3.6 billion shares sa Metro Pacific Investments Corp. (MPIC) ay nagresulta naman ng “one-time gain” na P13.6 billion.

Idinagdag pa nito na ang $300-million investment sa Global Infrastructure Partners Emerging Markets Fund sa nasabing panahon ay sumasalamin sa pagtutok sa oportunidad sa private equity market.

Pagdating sa loans o pautang, winika ng GSIS na ang multipurpose loan segment nito ay nakitaan ng paglago sa P209.6 billion mula sa P157.7 billion sa nakalipas na taon, inilunsad ng ahensiya ang MPL Flex retail loan, kasama ang muling pagbisita sa pagkakaloob ng corporate loans at project finance transactions.

Iniulat din ng GSIS ang record-high P9.8 billion sa gross premiums nakapaloob para sa non-life insurance business nito sa nakalipas na taon, nagmarka ng 44% pagtaas mula sa P6.8 billion noong 2022. Ang net worth nito ay nananatili sa P51.26 billion.

“Other comprehensive income, excluding the remeasurement on insurance and contract reserves, increased to P30 billion. This marks a P93-billion increase, which includes P57 billion from mark-to-market gains on the back of high-interest rate peso-denominated fixed income products,” ayon sa ulat.

“GSIS remains to be strong as we continue to search for yield to boost its generation of revenue. To this end we have increased focus on alternative investment including PE and real estate,” ayon kay President and General Manager Jose Arnulfo “Wick” Veloso.

“We continue to push and do our best to boost long-term profitability of the GSIS and support the overall economy. We strive to establish a diversified portfolio by securing new investment opportunities,” dagdag na wika nito.

Sa ilalim ng charter nito, ang GSIS ay may mandato na tiyakin na ang mga miyembro nito ay nakasisiguro laban sa paglitaw ng ilang kaganapan kapalit ng kanilang monthly premium contributions.

Entitled ang mga ito sa benepisyo gaya ng “life insurance, separation or retirement benefits, at disability benefits.”

Ito rin ang magsisilbing administrator ng General Insurance Fund, mangangasiwa sa insurance coverage hanggang government assets at properties na mayroong government-insurable interests. (Daris Jose)

NAVOTAS LUMAGDA SA MOA UPANG MAGTATAG NG SCHOOL PESO DESK

Posted on: February 21st, 2024 by @peoplesbalita No Comments

PUMASOK ang Pamahalaang Lungsod ng Navotas sa isang Memorandum of Agreement para sa pagtatag ng isang Public Employment Service Office (PESO) Help Desk sa Navotas Polytechnic College (NPC) at lahat ng senior high school sa Navotas.

Pinirmahan ni Mayor John Rey Tiangco ang MOA kasama si Dr. Meliton Zurbano, Schools Division Superintendent; Dr. Joel M. Chavez, Pangulo ng NPC; at Rey Sanglay, Supervising Labor and Employment Officer ng Department of Labor and Employment-CAMANAVA.

Layunin ng programa na palakasin ang paghahatid ng mga employment services sa mga estudyanteng Navoteño at mga bagong graduate.

Kasama sa mga serbisyo ang Special Program for the Employment of Students (SPES), impormasyon sa job market, referral at placement, career guidance at employment coaching, at Labor Education for Graduating Students (LEGS), bukod sa iba pa.

“Through the PESO Desks, Navoteño youth will be more guided, prepared, and equipped for the career they wish to pursue,” ani Tiangco.

“But more than being career-ready, we hope young Navoteños will develop discipline, critical and creative thinking, emotional stability, adaptability, and other skills and values that will help become successful in life,” dagdag niya.

Dumalo rin sa seremonya sina Estelita Aguilar, PESO Navotas Action Officer; Dr. Marco Meduranda, SDO Navotas Curriculum Implementation Division Chief; at Editha Peregrino, Public School District Supervisor.

Sinusuportahan ng pamahalaang lungsod ang mga naghahanap ng trabaho sa pamamagitan ng lingguhang mga in-house job interview at mega job fair. Nagbibigay din ito ng tulong at kinikilala ang mga posibleng kasosyo para sa student work immersion. (Richard Mesa)

Kahit nadawit sa KathNiel break-up: ANDREA, tuloy-tuloy pa rin ang projects at ‘di ipi-freeze ng Dos

Posted on: February 21st, 2024 by @peoplesbalita No Comments

DAHIL sa success ng MMFF at MIFF entry na “Rewind” na pinabibidahan ng mag-asawang Dingdong Dantes at Marian Rivera ay sunod sunod na parangal ang ipagkaloob sa kanila at sa producer ng naturang movie.

Bukod sa Box Office King and Queen para kina Dingdong at Marian ay may mga recognition din silang tatanggapin.

Nauna nang binigyan ng karangalan ang Kapuso stars ng Quezon City. Siyempre mainit na tinanggap ni Mayor Joy Belmonte sina Marian at Dingdong at iniabot sa dalawa ang pagkilala ng Quezon City dahil sa tagumpay ng “Rewind”.

Almost one billion na raw ang kinita ng pelikula at tiyak tataas pa Ito pag naibenta na ang movie sa streaming platform, huh!

After QC ay pinagkalooban din ng special commendation ang pelikula at ang DongYan ng senado at malamang susunod ang mababang kapulungan.

***

ITINANGGI ng kaibigang ABS-CBN insider ang isyung ipi-freeze muna ang career ni Andrea Brillantes.

Binanggit pa sa amin na isa sa namamahala ng mga project ng mga talent ng Dos na wala raw naman siyang nabalitaan na may move na pansamantalang hindi magkaroon ng proyekto si Andrea.

Ang isyu ay may kinalaman sa pagkadawit ni Andrea sa hiwalayang Daniel Padilla at Katryn Bernardo, huh!

Dagdag pa ng kausap namin na walang binanggit ang management tungkol sa naturang isyu na walang ibibigay na project kay Andrea, dahil tuloy tuloy pa rin naman.

Katunayan pa nga ay kasalukuyang pinag-uusapan daw ng management ang next project ng lahat ng involve sa matagumpay na “Senior High” kung saan isa sa mga bida si Andrea.

Naniniwala pa rin ang source namin na kahit nadamay sa KathNiel break ang aktres ay hindi na lang siya basta-bastang isasantabi ng network.

(JIMI C. ESCALA)

“People’s Day sa Barangay” caravan, inilunsad sa Valenzuela

Posted on: February 21st, 2024 by @peoplesbalita No Comments

UPANG gawing mas malapit at madaling maabot ng mga residente ang iba’t ibang serbisyo ng City Hall, inilunsad ng Pamahalaang Lungsod ng Valenzuela ang ‘People’s Day sa Barangay’ caravan bilang bahagi ng pagdiriwang ng ika-26^th anniversary nito.

Itinatampok sa caravan ang ilang mga booth at help desk na nag-aalok ng mga libreng social service kabilang na ang legal na konsultasyon, wifi at pag-print, medical assistance payouts, burial assistance payouts, libreng konsultasyon sa mga opisyal ng City Hall, open forum, libreng tinapay at kape at isang help desk ng City Social Welfare and Development Office (CSWDO).

Ayon kay Mayor WES Gatchalian, layunin nito na ipatupad ang “People’s Day sa Barangay” caravan sa lahat ng barangay sa lungsod upang isulong ang inclusivity at accessibility sa mga serbisyong panlipunan nito.

Ang inisyatiba na ito ay nakatuon sa pagtugon sa mga tanong, alalahanin, at kahilingan ng mga Valenzuelano mula sa bawat barangay at paghahatid ng agarang aksyon.

Magbibigay din ang programa ng pagkakataon na magbukas ng isang diyalogo sa pagitan ng komunidad.

Nakipag-ugnayan rin si Mayor WES, kasama si Punong Barangay ng Karuhatan na si Martell Soledad, at iba pang pinuno ng opisina sa mga opisyal ng homeowner’s association upang ayusin ang kanilang mga alalahanin.

Ang kaganapan ay nagsilbi sa 300 na mga dumalo kung saan 159 ang nakatanggap ng tulong medical, pito ang nakatanggap ng burial assistance, apat ang nakatanggap ng wheelchair habang at isa naman ang nakatanggap ng walker. (Richard Mesa)

Pinas, pinag-iisipang sampahan ng kaso ang Tsina, Vietnam dahil sa cyanide fishing

Posted on: February 21st, 2024 by @peoplesbalita No Comments

MAAARING magsampa ng kaso ang Pilipinas laban sa China at Vietnam sa gitna ng alegasyon ng cyanide fishing sa Bajo de Masinloc.

Sinabi ni National Task Force West Philippine Sea (NTF WPS) spokesperson Jonathan Malaya na sisimulan na ng pamahalaan na imbestigahan ang ulat ng paggamit ng cyanide.

Ang resulta ng imbestigasyon ay ipadadala Department of Justice (DOJ) at Office of the Solicitor General (OSG) para sa posibleng paghahain ng kaso sa korte.

“We will investigate this report and if validated puwede natin itong i-forward sa DOJ at OSG because sila po ngayon ang gumagawa ng mga hakbang para mapalakas iyong pinaplano nating pagsasampa ng kaso kung saan mang tribunal for environmental degradation,” ayon kay Malaya sa panayam ng Bagong Pilipinas Ngayon.

Sa ulat, ibinunyag ng Bureau of Fisheries and Aquatic Resources (BFAR) na ginamitan ng cyanide ng Chinese fishermen ang Bajo de Masinloc upang maitaboy sa lugar ang mga mangingisdang Pinoy.

Maging ang Vietnamese fishermen ay gumagamit din ng cyanide sa Bajo de Masinloc o Scarborough Shoal.

“At sinasabi, according to Filipino fishermen, ‘yung mga Chinese fishermen, if I am not mistaken, ay gumagamit ng cyanide as well ang mga Vietnamese fishers,” ayon kay BFAR spokesperson Nazario Briguera.

Nakumpirma rin nila ang pagkasira ng mga coral reefs mula sa kanilang ground personnel dahil sa

Samantala, sinabi ni Malaya na ang National Security Council (NSC) kung saan ay nagsisilbi rin siya bilang assistant director general, ay naalarma sa ulat ng paggamit ng cyanide sa Bajo de Masinloc.

“But, we have to be careful also. So we have to validate and investigate,” paliwanag nito.

“So ang sabi namin sa BFAR, ‘Complete the documentation that you have taken, iyong mga ebidensiya at mga affidavits na makukuha natin. Submit your post-mission report to the NTF WPS.’”aniya pa rin.

Para naman kay Chinese Foreign Ministry spokesperson Mao Ning na ang alegasyon na gumagamit ng cyanide ang mga mangingisdang intsik ay malinaw na kathang-isip lamang.

Bagama’t iginigiit ng China na mayroong itong soberanya sa “Huangyan Dao” at katabing-katubigan, sinabi ni Chinese Foreign Ministry spokesperson Mao Ning na “Chinese government attaches great importance to the protection of eco-environment and conservation of fishing resource and resolutely fights against fishing activities that violate laws and regulations.”

Gaya na rin ng inihayag ng Chinese Embassy in the Philippines na ang alegasyon laban sa mga mangingisdang intsik ay walang basehan.

“Such continuous disinformation has led up to nothing but exacerbation of the maritime tensions and destabilization of bilateral relations,” ayon sa embahada.

“We urge the relevant Philippine agencies to handle maritime issues with all seriousness and meet the Chinese side halfway in safeguarding bilateral relations as well as peace and stability in the South China Sea.” anito pa rin. (Daris Jose)

Everyone’s feeling the love as “Bob Marley: One Love” opens globally at No. 1 with $80-M, arrives in PH March 13

Posted on: February 21st, 2024 by @peoplesbalita No Comments

Bob Marley: One Love, a film celebrating the legendary reggae musician, opened at No. 1 across several countries worldwide with an estimated gross of $80-million, including $51-million in North America. The movie broke the record for biggest opening day for a music biopic in several markets, including the UK, New Zealand, and Jamaica, where the film boasts the biggest opening day for a movie ever.

Arriving in Philippine cinemas on March 13, Bob Marley: One Love was made with close guidance and blessing of the Marley family, with two of Marley’s children – Ziggy and Cedella – and his wife, musician Rita Marley, at the helm as producers. Alongside them are executive producers Brad Pitt, Richard Hewitt, Orly Marley, and Matt Solodky, who assembled a cast that’s led by Kingsley Ben-Adir and Lashana Lynch as Bob and Rita Marley.

Watch Ziggy Marley talk about his father in this featurette: https://youtu.be/dK799Hs15ww

Director and co-writer Reinaldo Marcus Green acknowledges the scale and responsibility of creating a movie based on the icon. “There are films,” says Green. “And then there are films about Bob Marley.” During the process of making Bob Marley: One Love, Green says people always have a story to tell about the musician. “He had that power. He was everyone’s best friend, you know? ‘I saw him in concert…’ Or, ‘He changed my life when I was 15…’ People think they know Bob Marley, have a version of him in their mind, because of how we all connect with his music.”

With this film, Green hopes to give the audience a side of Bob Marley that not a lot of people have seen, based on real conversations with friends, family, and acquaintances. The authenticity that Bob Marley: One Love delivers is the direct result of collaborating so closely with the musician’s loved ones.

The result is a powerful snapshot of a legend whose calls for peace and togetherness made him a target. A man with faults and challenges like any other, but a force for change that did good for his family, friends, and the world.

About Bob Marley: One Love

BOB MARLEY: ONE LOVE celebrates the life and music of an icon who inspired generations through his message of love and unity. On the big screen for the first time, discover Bob’s powerful story of overcoming adversity and the journey behind his revolutionary music. Produced in partnership with the Marley family and starring Kingsley Ben-Adir as the legendary musician and Lashana Lynch as his wife Rita.

In Philippine cinemas starting March 13, Bob Marley: One Love is distributed in the Philippines by Paramount Pictures through Columbia Pictures. Connect with #BobMarleyMovie #OneLoveMovie and tag @paramountpicsph

Photo and Video Credit: “Paramount Pictures International”

(ROHN ROMULO)

P100 daily wage hike bill aprub na sa Senate

Posted on: February 21st, 2024 by @peoplesbalita No Comments

INAPRUBAHAN na ng Senado sa ikatlo at huling pagbasa ang landmark bill na nagmumungkahi ng P100 pagtaas sa minimum na sahod ng mga manggagawa sa pribadong sektor.

Bumoto pabor ang 20 senador sa Senate Bill No. 2534 samantalang hindi naman nakaboto at wala sa session hall sina Senators Imee Marcos, Lito Lapid, Cynthia Villar, at Mark Villar.

Nauna nang sinabi ni Senate President Juan Miguel Zubiri, co-sponsor ng panukala na kung lalagdaan ni Pangulong Ferdinand Marcos Jr., maaaring ito ang “unang pagkakataon mula noong 1989” na magkakaroon ng pagtaas sa sahod sa pamamagitan ng isang batas.

Binigyang-diin din ni Zubiri ang mahigpit na pangangailangang taasan ang minimum na sahod ng mga manggagawa, partikular sa Visayas at Mindanao na kasalukuyang kumikita lamang ng P360 kada araw.

Sinabi ni Zubiri na imposibleng magkaroon ng maayos na buhay ang isang pamilya na ang nagta-trabaho ay kumikita lamang ng P360 isang araw.

Sinabi naman ni Sen. Jinggoy Estrada, nag-sponsor ng panukalang batas na ginagarantiyahan ng panukala ang pagtaas sa araw-araw na sahod ng humigit-kumulang 4.2 milyong minimum wage earners.

Sa ilalim ng panukala, lahat ng empleyado sa pribadong sektor, agricultural man o non-agricultural, ay may karapatan sa P100-araw-araw na minimum wage increase.

Samantala, nilinaw ni Sen. Francis “Chiz” Escudero na hindi intensiyon ng batas na maapektuhan ang Republic Act 6727 at 9178, ang Wage Rationalization Act at Barangay Micro Business Enterprise Act.

Hindi aniya kasama sa panukala ang mga establisyemento na wala pang 10 ang empleyado at wala pang P3 milyon ang kapital kung nakarehistro sa ilalim ng RA 9178. (Daris Jose)

NAVOTAS lumagda sa MOA upang magtatag ng School Peso Desk

Posted on: February 21st, 2024 by @peoplesbalita No Comments

Layunin ng programa na palakasin ang paghahatid ng mga employment services sa mga estudyanteng Navoteño at mga bagong graduate.

“Through the PESO Desks, Navoteño youth will be more guided, prepared, and equipped for the career they wish to pursue,” ani Tiangco.

Ads February 21, 2024

Posted on: February 21st, 2024 by @peoplesbalita No Comments

DepEd, tinitingnan ang pilot run ng bagong SHS curriculum para sa SY 2025-2026

Posted on: February 21st, 2024 by @peoplesbalita No Comments

TINITINGNAN ng Department of Education (DepEd) ang pagpapatupad ng revised Senior High School curriculum para sa School Year 2025-2026.

Ito ang sinabi ni Vice President at Education Secretary Sara Duterte sa sidelines ng Chinese-Filipino Business Club Inc. (CFBCI) 13th Biennial National Convention, kung saan siya ang tumayong keynote speaker.

“Ang target pilot natin for the Senior High School curriculum is next year. So, that’s school year 2025-2026,” ayon sa Bise-Presidente.

Sinabi rin ni VP Sara sa event ang kahalagahan ng pribadong sektor sa masusing pagrerebisa ng kasalukuyang K-12 program ng DepEd, binigyang-diin kung paano ang kanilang inputs ay maaaring makapag-produce ng “better graduates.”

“Napakahalaga ng input nila doon sa mga skills na gusto nilang makita sa mga Senior High School graduates natin, sa mga K-12 graduates natin,” anito sabay sabing layon ng K-12 program at gawina ng basic education graduates na “employable” o may trabaho.

“So, mahalaga iyon na nasasabi ng market ng business community kung ano iyong gusto nilang makitang skills doon sa ating mga graduates,” ang paliwanag ni VP Sara.

Sa oras na ipinatupad na ang rebisyon sa kasalukuyang curriculum, maaari nang mag-hire o tumanggap ang mga negosyante ng mga graduates.

Nauna nang inanunsiyo ni VP Sara noong Enero 2023 na plano ng ahensiya na rebisahin ang K-12 curriculum para makapag-produce ng mas maraming job-ready at globally competitive graduates.

Ani VP Sara, hindi mai-deliver ng programa ang pangako nito na dalhin ng mas maraming trabaho ang mga sa mga graduates.

Sa kabilang dako, nilikha naman ang task force para suriing mabuti kung ang umiiral na curriculum ay responsible para sa pagrerepaso ng umiiral na program policies “to ensure consistency, responsiveness, and relevance” sa mga pangangailangan ng mga mag-aaral at stakeholders.

Layon din nito ang palakasin ang partnerships sa pribadong sektor at iba’t ibang industriya sa national at regional levels parai- improve ang kakayahan na mag trabaho ng senior high school graduates.

Ang K-12 program ay ipinasa sa panahon ng administrasyong Aquino, naglalayon na gawing mas globally competitive ang mga Filipino sa pamamagitan ng di umano’y pinaigting at pinahusay na curriculum para sila’y maging master skills at concepts. (Daris Jose)