2024 June 01 Archive - People's Balita

December 23, 2024
Search in People's Balita
Ang Diyaryong Pinagkakatiwalaan

Archive for June 1st, 2024

Nag-iyakan at niyakap sa muli nilang pagkikita: CITA, sinorpresa ang cast ng ‘Home Along Da Riles’ na nag-reunion

Posted on: June 1st, 2024 by @peoplesbalita No Comments

MULING nagkaroon ng reunion ang cast ng ‘90s sitcom na ‘Homes Along Da Riles.’ This time ay nasorpresa sila sa biglang pagdating ni Cita Astals.

Nag-iyakan at niyakap si Cita nina Claudine Barretto, Nova Villa, Smokey Manaloto, Vandolph Quizon, Gio Alvarez, Boy 2 Quizon at Maybelyn dela Cruz. Makikita sa mukha ni Cita ang pagkasabik na muling makita ang kanyang tinuring na second family.

Ginampanan ng former Manila councilor ang role na Hillary na boss ni Kevin Cosme (Dolphy) sa HADR mula 1992 hanggang 2003. Noong 2009 ay dumaan sa matinding depression si Cita at kinailangan niyang magpa-rehab.

Sa vlog ni Julius Babao ay nahanap niya si Cita at nakatira ito sa Cavite. Simple na ang pamumuhay niya pero hiling niyang makabalik ulit sa pag-arte sa TV at pelikula.

Noong gumawa ng ASOKA Tiktok video ang cast, kasama na si Cita at nakakuha ito ng 3.1 million views.

Ayon kay Maybelyn, unti-unti nang nabubuo ang kanilang pamilya at sa next reunion nila ay makasama na nila sana ang ibang cast members tulad nila Ces Quesada, Dang Cruz, Sherilyn Reyes, Aurora Halili, Joymee Lim at Erick Fife.

Bukod kay Mang Dolphy, ang iba pang pumanaw na cast members ay sina Bernardo Bernardo, Babalu, Carding Castro, Tommy Angeles at Boyong Baytion.

***

NABAHALA ang bida ng ‘Lilet Matias: Attorney-At-Law’ na si Jo Berry dahil sa rami ng pekeng accounts niya sa X (formerly Twitter).

Nilinaw ng Kapuso actress na hindi sa kanya ang X accounts na may pangalang Lilet Matias.

Sa Instagram stories, tinukoy ni Jo na hindi siya ang may hawak sa accounts na may username na @AttyLiletMatias at @juanderpet_. Ang dalawang account ay may pangalang ‘Atty. Lilet Matias.’
“HINDI PO SA AKIN ANG MGA ACCOUNT NATO!” paglilinaw ni Jo sa IG Stories.

Sa official X account ni Jo na may username na @thejoberry_, nilinaw niya rin sa Kapamilya actress na si Maris Racal na Hindi siya ang nasa likod ng naunang nabanggit na account.

May post kasi ang @AttyLiletMatias kung saan makikita ang litrato nina Jo at Maris at may caption na: “With @MissMarisRacal. It’s so nice to finally meet you, Irene. I’m a fan of Can’t Buy Me Love.”

Ni-retweet ito ni Maris at sinabing, “Atty Lilet, nice to meet you! bat mo naman inedit mukha ko. pero hi po!”

Mabilis na nag-reply si Jo kay Maris sa opisyal neighing X account na “Hi hindi akin account yan hehe.”

***

MARAMI na ang nag-aabang sa documentary ni Canadian singer Celine Dion na “I Am: Celine Dion” na tungkol sa pakikipaglaban niya sa Stiff Person Syndrome since 2022.

Sa trailer na inilabas ng Prime Video, ipinakita ang pagiging emosyonal ng legendary singer kaugnay ng kanyang pinagdadaanan na “very rare neurological disorder.”

Ayon kay Celine: “I wasn’t ready to say anything before, but I’m ready now.”

Kasama sa docu ang footage ng gamot na kanyang iniinom at physical therapy. Masakit din daw sa loob ni Celine ang pagkansela ng concert tour niya dahil sa sakit niya.

“I miss it so much. The people. I miss them. If I can’t run, I’ll walk, if I can’t walk, I’ll crawl. I won’t stop,” sey ni Celine na sa June 25 na ipapalabas sa Prime Video ang I Am Celine Dion.

(RUEL J. MENDOZA)

Go back to the beginning in the new “Hush” featurette from “A Quiet Place: Day One”

Posted on: June 1st, 2024 by @peoplesbalita No Comments

WHEN they hear you. They hunt you. The new futuristic thriller. A Quiet Place: Day One, takes audiences back to the day the world went quiet. “We have gone back to the beginning of what happened before the creatures invaded the Earth,” explains Lupita Nyong’o (Black Panther), who plays one of the lead characters Samira.

Watch the “Hush” featurette here: https://youtu.be/25eLfmwe9ak

Actor Joseph Quinn (Stranger Things), who stars as Eric, explains the recurring themes from the previous films and new twists fans can anticipate from this brand new adventure. “In [A Quiet Place:] Day One we explore similar themes to the beginning of the second film, where we watch the Abbott family negotiate this invasion, except this time we’re set in an urban environment: In New York City,” he says.

“It’s a completely different perspective. A different environment, a different setting, and this one is so much more devastating to witness,” Actor Djimon Honsou, who reprises his role from A Quiet Place Part II, explains. “Day One takes us to one of the densest, and noisiest city in the world, and turns in completely quiet.”

Watch Samira, Eric, and others try to survive and navigate through a quieter, more dangerous world as A Quiet Place: Day One arrives in Philippine cinemas on June 26. Written and directed by: Michael Sarnoski.

A Quiet Place: Day One is distributed in the Philippines by Paramount Pictures through Columbia Pictures. Connect with #AQuietPlaceDayOne and tag @paramountpicsph

(Photo and Video Credit: “Paramount Pictures International”)

(ROHN ROMULO)

Dahil sa expired colored contact lenses: MARICAR, nabulag na kung hindi naagapan

Posted on: June 1st, 2024 by @peoplesbalita No Comments

KALAT na kalat na sa buong Distrito Uno ng Tondo na tatakbong Kunsehal ang anak ng dating Mayor Isko Moreno na si Joaquin Domagoso.

Pero wala pa ring kumpirmasyon mula sa kampo ni Yorme. Ayon pa kay Joaquin nang makausap namin sa Iloilo kung saan ginanap ang seminar ng mga Barangay officials ng Maynila ay naghihintay pa rin daw siya ng “go signal” mula sa partido ng kanyang amang si Yorme Isko.

Alam naman daw ni Joaquin na hindi ganun kadaling maging isang pulitiko pero ang lahat naman daw ay kayang pag-aralan sa tulong siyempre ng ama na ilang taon din namang nanungkulan sa Maynila bilang Kunsehal, Vice Mayor at Mayor.

Mula nang maging isang ganap na ama ay maraming mga natutunan si Joaquin sa buhay. At sa edad na 22 years old ay ginagawa umano ng aktor ang lahat ng makakaya para sa anak.

“I can work harder than I think I can’t. There are things before that I feel like, ‘Kaya ko ‘yan, pabayaan na lang, huwag na.’ You have to do this, you have to do that. But now that I am old, I am a father, I have to do things for myself. I am a role model na rin eh. “Kumbaga if I do these things, my son won’t, hindi niya ako susundin. And working a 9 to 5 job, realizing how other people would go through it. ‘Yung tipong you wake up for your son, then you do all these things.

“Then at the end of the day, uuwi ka, hinihintay ka pa rin. All the joys, ‘yung purpose ko sa buhay nabuo,” sambit pa rin ng aktor sa interbyu sa kanya sa “Fast Talk with Boy Abunda”

Umaasa naman si Joaquin na ang anak niyang si Scott ay magmamana sa pagiging madiskarte ng kanyang ama.

***

KUNG hindi naagapan ay isang bulag na raw sana ngayon ang aktres na si Maricar Reyes.

Ito ay dahil sa pagsusuot ng contact lenses last 2010 pa nang magsimulang magsuot ng colored contact lenses ang aktres.

Pero kamakailan lamang ay nakaramdam ng matinding sakit sa dalawang mata si Maricar. Ito ay dahil sa nagamit niyang expired lenses.

“Three days akong halos bulag dahil sa maling pagsuot ng contact lens. A few months ago, after wearing my colored contact lenses for about 12 hours, nakaramdam ako ng konting pain sa mata.

“I thought it’s just normal, pagod lang. No’ng tinanggal ko ‘yung contact lenses ko before going to sleep at natulog na ako. Then at around 3 a.m., nagising ako to the most excruciating eye pain in my entire life.

“Sa sobrang sakit kinailangan akong dalhin sa E.R. at around 5 a.m. At 11 a.m. sobrang sakit pa rin, ibinalik ako sa E.R., for the next three days halos hindi ko maidilat ‘yung mga mata ko sa sobrang sakit at namamaga,” pagdedetalye ni Maricar sa kanyang TikTok account.

Ayon pa sa doktor na tumingin kay Maricar ay nagkaroon daw ng corneal abrasions ang mga mata ng aktres.

Ito ay ang malalaking gasgas sa magkabilang cornea kung saan nakapatong ang contact lenses.

Hindi umano namalayan ng aktres na expired na ang contact lens na ilang araw niyang gingamit.

“Sa tagal-tagal ko nang nagko-contact lens, mga 12, 15 hours sa taping. Tapos minsan expired pa, bakit ngayon lang nangyari ito?

“Kahit ano pa ang excuse ko, hindi pa rin mawawala ang bottomline na naging iresponsable ako. Masyado akong naging kampante dahil for many years, walang masamang nangyayari,” pagbabahagi pa ni Maricar.

Kaya ngayon ay maingat ns si Maricar at dahil sa hindi magandang pangyayari sa kanyang mga mata ay umaasa ang aktres na magsisilbing aral din sa lahat ng mga gumagamit ng contact lenses.

“After 7 days, gumaling naman ‘yung mga sugat ko sa mata. Sabi ng ophthalmologist ko, napakaswerte ko daw dahil sa laki ng mga sugat ko sa mata, pwede akong magkaroon ng mga peklat or mga puti-puti sa paningin ko habangbuhay.

“Buti na lang naagapan at hindi ako naging pasaway sa paglagay ng gamot na nireseta nila,” pagkatapos pa ni Maricar Reyes.

(JIMI C. ESCALA)

Sa ika-7 edisyon ng ‘The EDDYS’… Direk CARLO, pararangalan kasama ang limang movie icons

Posted on: June 1st, 2024 by @peoplesbalita No Comments

LIMANG movie icon at isang premyadong director-producer ang pararangalan sa gaganaping 7th The EDDYS ng Society of Philippine Entertainment Editors (SPEEd).

Tuloy na tuloy na ang ika-7 edisyon ng The EDDYS (Entertainment Editors’ Choice), sa darating na July 7, sa Ceremonial Hall ng Marriott Grand Ballroom sa Pasay City.

Ang awards night ng The EDDYS ngayong taon ay magkakaroon din ng delayed telecast sa ALLTV. Ang eksaktong petsa ng pagpapalabas nito ay ihahayag sa mga susunod na araw.

Bukod sa mga acting at technical awards, isa sa mga magiging highlight ng 7th The EDDYS ay ang pagbibigay-parangal sa mga tinitingala at nirerespetong mga haligi ng industriya ng pelikulang Pilipino.

Una na nga riyan ang posthumous award para sa yumaong comic strip creator, movie producer at direktor na si Carlo J. Caparas para sa natatangi niyang kontribusyon sa Philippine movie industry.

Ang Movie Icon Awards naman ng The EDDYS ngayong 2024 ay ibibigay kina Nova Villa, Leo Martinez, Lito Lapid, Eva Darren at Gina Alajar bilang pagkilala sa hindi matatawarang pagmamahal, dedikasyon at patuloy nilang paglaban para mas maiangat pa ang kalidad ng bawat pelikulang Pilipino.

Mapa-komedya o drama, hindi magpapatalo riyan ang premyadong aktres na si Nova Villa na nakagawa na ng mahigit 150 pelikula sa loob ng mahigit anim na dekada. Bukod sa acting awards, recipient din siya ng “Pro Ecclesia et Pontifice medal” mula kay Pope Francis.

Ilan sa mga hindi malilimutang proyektong nagawa niya sa telebisyon at pelikula ay ang “Chicks to Chicks/Chika Chika Chicks” (1979-1991), “Home Along Da Riles” (1992-2003), at “Pepito Manaloto” (2012-present), “Payaso” (1986), “1st Ko si 3rd” (2014), at “Miss Granny” (2018).

Isa namang actor, comedian at director si Leo Martinez na napanood sa mga pelikulang “On the Job 2: The Missing 8” (2021), “Juan Tamad at Mr. Shooli: Mongolian Barbecue” (1991), at “Up from the D

epths” (1979). Naging Director General din siya ng Film Academy of the Philippines (FAP).

Nakilala ang actor-public servant na si Lito Lapid bilang isa sa mga pambatong action stars ng Philippine Cinema. Ilan sa mga iconic movies na pinagbidahan niya ay ang “Leon Guerrero” (1968-1981) at “Da Best in da West” (1984-1996), “Kastilyong Buhangin” (1980), “Hari ng Gatilyo” (1985), “Lapu-Lapu” (2002), at ang huli nga ay ang obra ni Brillante Mendoza na “Apag” (2022).

Nagsimula naman ang showbiz career ni Eva Darren noong 1960s at nanalo ng dalawang Best Supporting Actress award para sa pelikulang “Ang Pulubi” (1969). Nominado rin siya sa kaparehong kategorya para sa “Ligaya Ang Itawag Mo Sa Akin” (1997). Ilan naman sa mga nagawa niyang teleserye ay ang “Pangako Sa ‘Yo” (2000), “Sineserye Presents: Patayin Sa Sindak si Barbara” (2008), “Mula Sa Puso” (1997) at “Kadenang Ginto” (2018).

Bata pa lang ay nakitaan na ng galing sa pag-arte si Gina Alajar na nagsimula bilang child star noong 1967 at mula noon ay kinilala na siya bilang isa sa pinakamagagaling na aktres sa local showbiz at nakapag-uwi na rin ng napakaraming acting awards.

Ilan sa mga premyadong pelikulang nagawa niya ay ang “Manila By Night” at “Brutal” na parehong ipinalabas noong 1980.

Taong 2000 naman nang magsimula siyang magdirek – nakagawa siya ng apat na episode ng “Shake, Rattle, & Roll” at 12 dosenang TV show.

Ang taunang The EDDYS, na mula sa samahan ng mga entertainment editors sa Pilipinas, ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema.

Ang SPEEd ay binubuo ng mga current at former entertainment editors ng mga leading broadsheet, top tabloid newspaper at online portals sa Pilipinas.

(ROHN ROMULO)

Ads June 1, 2024

Posted on: June 1st, 2024 by @peoplesbalita No Comments