MATINDI ang labanan sa ikapitong edisyon ng The EDDYS o Entertainment Editors’ Choice ng Society of Philippine Entertainment Editors (SPEEd).

 

 

 

Maglalaban-laban ang limang de-kalibreng pelikula na ipinalabas sa mga sinehan at online platform nitong nagdaang taon na gumawa ng ingay at nagmarka sa mga manonood.

 

 

 

Ang mga nominado sa kategoryang Best Film ay ang “About Us But Not About Us” (The IdeaFirst Company, Octoberian Films, Quantum Films); “Firefly” (GMA Pictures, GMA Public Affairs); “GomBurZa” (Jesuit Communications, MQuest Ventures, CMB Film Services); “Iti Mapukpukaw” (Project 8, GMA News and Public Affairs, Terminal Six Post) at Mallari” (Mentorque Productions, Clever Minds Inc.).

 

 

 

Nominado naman sa kategoryang Best Director sina Derick Cabrido (Mallari); Pepe Diokno (GomBurZa); Zig Dulay (Firefly); Jun Robles Lana (About Us But Not About Us); Carl Joseph Papa (Iti Mapukpukaw).

 

 

 

Magiging matindi naman ang labanan sa pagka-best actress kung saan nominado sina Kathryn Bernardo (A Very Good Girl); Charlie Dizon (Third World Romance); Julia Montes (Five Breakups And A Romance); Marian Rivera (Rewind); Vilma Santos (When I Met You In Tokyo); at Maricel Soriano (In His Mother’s Eyes).

 

 

 

Bakbakan naman sa Best Actor category sina Elijah Canlas (Keys to the Heart); Dingdong Dantes (Rewind); Cedrick Juan (GomBurZa); Piolo Pascual (Mallari); Alden Richards (Five Breakups And A Romance); Romnick Sarmenta (About Us But Not About Us).

 

 

 

Magpapatalbugan naman sa kategoryang Best Supporting Actress sina Dolly de Leon (Keys to the Heart); Alessandra de Rossi (Firefly); Gloria Diaz (Mallari); Gladys Reyes (Apag); at Ruby Ruiz (Langitngit).

 

 

 

Para sa Best Supporting Actor category, nominado sina Enchong Dee (GomBurZa); Keempee de Leon (Here Comes The Groom); Nanding Josef (Oras de Peligro); Roderick Paulate (In His Mother’s Eyes); at JC Santos (Mallari).

 

 

 

Ang The 7th EDDYS ay gaganapin sa darating na July 7, sa Ceremonial Hall ng Marriott Grand Ballroom, Newport World Resorts sa Pasay City.

 

 

 

Mapapanood ang delayed telecast ng idaraos na Gabi ng Parangal sa ALLTV sa darating na July 14, 10 p.m.

 

 

 

Ito’y muling ididirek ng award-winning actor at filmmaker na si Eric Quizon.

 

 

 

Ang Brightlight Productions ang line producer ng awards night sa July 7, 2024.

 

 

 

Sa pakikipagtulungan ng Newport World Resorts, ALLTV at Sound Check, kasama pa rin ng SPEEd sa pagtatanghal ng The 7th EDDYS ang Globe Telecom bilang major sponsor.

 

 

 

Katuwang din ng grupo ngayong taon ang Beautéderm ni Rhea-Anicoche Tan, Unilab, Camille Villar, former Ilocos Sur Governor Chavit Singson at ang Echo Jam.

 

 

 

Tulad sa mga nakaraang taon, magsisilbing highlight ng event ang pagbibigay-pugay sa bagong batch ng EDDYS Icons na itinuturing nang mga haligi ng movie industry na kinabibilangan nina Nova Villa, Leo Martinez, Lito Lapid, Eva Darren at Gina Alajar.

 

 

 

Isang posthumous award din ang ibibigay sa yumaong comic strip creator, movie producer at direktor na si Carlo J. Caparas.

 

 

 

Para naman sa Isah V. Red Award (ang mga walang sawang tumutulong at nagbibigay inspirasyon sa mga kababayan nating nangangailangan), ipagkakaloob ito kina dating Ilocos Sur Governor Luis “Chavit” Singson at Quezon City Mayor Joy Belmonte.

 

 

 

Ang Joe Quirino Award ay ibibigay sa beteranang broadcast journalist na si Korina Sanchez-Roxas, habang ang veteran entertainment columnist na si Ronald Constantino ang tatanggap ng Manny Pichel Award.

 

 

 

Ngayong taon, ang Rising Producer Circle Award ay ipagkakaloob sa Mentorque Productions, ang nag-produce ng mga pelikulang “My Father Myself” and “Mallari.”

 

 

 

Bilang pagkilala sa mga naging bahagi ng muling pagbangon ng Philippine movie industry, may special award din na ipagkakaloob ang SPEEd sa magaganap na awards night – ito ang The EDDYS Box Office Heroes.

 

 

 

Igagawad ang Box Office Hero award kina Dingdong Dantes, Marian Rivera, Alden Richards, Julia Montes, Kathryn Bernardo at Piolo Pascual.

 

 

 

Ang annual event na ito na mula sa samahan ng mga entertainment editors sa Pilipinas ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema.

 

 

 

Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Salve Asis ng Pilipino Star Ngayon at Pang Masa.

 

 

 

Ginanap ang nominees announcement kahapon sa 38th Valencia Events Place.

 

 

 

Narito ang kumpletong listahan ng mga nominado para sa 7th The EDDYS:

 

 

 

 

BEST FILM
“About Us But Not About Us” (The IdeaFirst Company, Octoberian Films, Quantum Films)
“Firefly” (GMA Pictures, GMA Public Affairs)
“GomBurZa” (Jesuit Communications,MQuest Ventures, CMB Film Services)
“Iti Mapukpukaw” (Project 8, GMA News and Public Affairs, Terminal Six Post)
“Mallari” (Mentorque Productions, Clever Minds Inc.)

 

 

 

 

BEST DIRECTOR
Derick Cabrido (Mallari)
Pepe Diokno (GomBurZa)
Zig Dulay (Firefly)
Jun Robles Lana (About Us But Not About Us)
Carl Joseph Papa (Iti Mapukpukaw)

 

 

 

 

BEST ACTRESS
Kathryn Bernardo (A Very Good Girl)
Charlie Dizon (Third World Romance)
Julia Montes (Five Breakups And A Romance)
Marian Rivera (Rewind)
Vilma Santos (When I Met You In Tokyo
Maricel Soriano (In His Mother’s Eyes)

 

 

 

 

BEST ACTOR
Elijah Canlas (Keys to the Heart)
Dingdong Dantes (Rewind)
Cedrick Juan (GomBurZa)
Piolo Pascual (Mallari)
Alden Richards (Five Breakups And A Romance)
Romnick Sarmenta (About Us But Not About Us)

 

 

 

 

BEST SUPPORTING ACTRESS
Dolly de Leon (Keys to the Heart)
Alessandra de Rossi (Firefly)
Gloria Diaz (Mallari)
Gladys Reyes (Apag)
Ruby Ruiz (Langitngit)

 

 

 

 

BEST SUPPORTING ACTOR
Enchong Dee (GomBurZa)
Keempee de Leon (Here Comes The Groom)
Nanding Josef (Oras de Peligro)
Roderick Paulate (In His Mother’s Eyes)
JC Santos (Mallari)

 

 

 

 

BEST SCREENPLAY
Angeli Atienza (Firefly)
Jun Robles Lana (About Us But Not About Us)
Carl Joseph E. Papa (Iti Mapukpukaw/
Enrico Santos (Mallari)
Rodolfo Vera, Pepe Diokno (GomBurZa)

 

 

 

 

BEST CINEMATOGRAPHY
Neil Daza (Firefly)
Kara Moreno (Kampon)
Juan Lorenzo “Pao” Orendain (Mallari)
Shayne Sarte (When I Met You In Tokyo)
Noel Teehankee (A Very Good Girl)

 

 

 

 

BEST PRODUCTION DESIGN
Ferdie Abuel (Five Breakups and A Romance)
Mariel Hizon (Mallari)
Ericson Navarro (GomBurZa)
Fedeyo Tagayon, Reynaldo Peru (When I Met You In Tokyo)
Kenneth Kelvin Villanueva (Firefly)

 

 

 

 

BEST EDITING
Lawrence S. Ang (About Us But Not About Us)
Benjamin Tolentino (A Very Good Girl)
Benjamin Tolentino (GomBurZa)
Benjamin Tolentino (Iti Mapukpukaw)
Noel Tonga, Nelson Villamor (Mallari)

 

 

 

 

BEST MUSICAL SCORE
Teresa Barrozo (Becky & Badette)
Teresa Barrozo (GomBurZa)
Teresa Barrozo (Iti Mapukpukaw)
Von de Guzman (Mallari)
Vincent de Jesus (Third World Romance)

 

 

 

 

BEST SOUND
Lamberto Casas Jr., Alexis Tomboc (Iti Mapukpukaw)
Emilio Bien Sparks, Kanina Mikaela Minglanilla, Albert Michael Idioma (GomBurZa)
Sound 22 (When I Met You In Tokyo)
Emilio Bien Sparks (Rewind)
Immanuel Verona, Nerrika Salim (Mallari)

 

 

 

 

BEST VISUAL EFFECTS
Ryan Grimarez, Macky Rayanon, Tawong-Lipod Creative Studio (Shake, Rattle & Roll Extreme)
Gaspar Mangarin (Mallari)
John Kenneth Paclibar (Kampon)
Carlos Joseph E. Papa, Eru Petrasanta, Christela Marquez, Matthew Erickson Echague et al. (Iti Mapukpukaw)
Reality MM Studios Inc. (Firefly)

 

 

 

 

BEST ORIGINAL THEME SONG
“Finggah Lickin’” (Becky and Badette)
Performed by Eugene Domingo
Music by Teresa Barrozo
Lyrics by Jun Robles Lana, Elmer Gatchalian and Erika Estacio
“Pag-ibig na Sumpa” (Mallari)
Performed by Juan Karlos
Music and lyrics by Jose “Quest” Villanueva
“Patawad Inay” (In His Mother’s Eyes)
Performed by LA Santos
Music and lyrics by Jonathan Manalo
Additional lyrics by LA Santos and FM Reyes
“Sa Duyan ng Bayan” (GomBurZa)
Performed by Noel Cabangon, Ebe Dancel and Gloc-9
Music and lyrics by Krina Cayabyab and Gloc-9
“Sa Yakap Mo” (Family Of Two: A Mother and Son Story)
Performed by Iyah Ladip-Guanzon and Ralph Padiernos
Music and lyrics by Paulo Zarate

 

 

 

(ROHN ROMULO)

NASE-SEPANX na ang mga Kapuso dahil sa nalalapit na pagtatapos ng hit GMA primetime series na ‘My Guardian Alien.’

 

 

 

 

Puring-puri ng avid viewers ang heartwarming na kuwento ng serye pati ang undeniable chemistry nina Kapuso Primetime Queen Marian Rivera bilang Grace at bankable leading man Gabby Concepcion bilang Carlos.

 

 

 

 

Komento ng netizens sa GMA Network YouTube channel,“Dahil sa story na ‘to, mai-inspire kang gumawa ng kabutihan, maging mapagbigay at mapagpatawad. May kontrabida man, pinapakita pa rin na kaya nilang magbago. Less stress, ang gaan lang. Matutulog kang inspired na maging mas mabuting tao.” Dagdag pa ng ilan, “Wala talaga akong masabi, sobrang bagay si Gabby Concepcion at Marian Rivera. Ang galing din ng buong cast!”

 

 

 

 

At ngayong malapit nang matapos ang serye, marami na agad ang humihingi ng bagong season. Sey ng fans, “Mami-miss namin kayong lahat. Pwede bang huwag munang tapusin ‘to. Extension please. Sana magka-season 2 napakaganda ng kwentong ‘to!”

 

 

 

 

Tuloy na nga ang wedding of the year kahit alam ni Carlos na aalis din sa Earth si Grace. Paano kaya ang kanilang happily ever after? Samantala, magiging kakampi ba o kaaway ang bagong alien na dumating sa buhay nila?

 

 

 

 

Huwag nang palampasin ang mga susunod na eksena sa “My Guardian Alien,” 8:50: p. m. sa GMA Prime at Kapuso Stream!

 

 

 

 

(RUEL J. MENDOZA)

IKAKASAL for the second time si Michelle Madrigal.

 

 

 

 

Sa kanyang Instagram story, nag-share ang dating aktres ng feelings niya ngayon: “Damn if you do, damn if you don’t. No matter what you do, people will always have something to say. So, live your life and follow the path that God has given you.”

 

 

 

Naka-base sa Texas si Michelle at ginawa niya munang pribado ang kanyang present lovelife.

 

 

 

“I’ve kept my dating life very private since my last relationship, and choosing to stay quiet this time has been the best decision. But YES I am marrying the man God sent me during my waiting season.”

 

 

 

 

Ni-reveal din ni Michelle ang photo ng kanyang fiance na kung tawagin niya ay “My partner in Christ.”

 

 

 

 

Noong 2021 na-divorce si Michelle sa ex-husband na si Troy Woolfolk at meron silang isang anak.

 

 

 

 

***

 

 

 

 

MAGKAKAROON ng reunion sa big screen sina Nicole Kidman at Sandra Bullock para sa sequel ng 1998 film na ‘Practical Magic.’

 

 

 

 

“We’ve been circling it for a while, but we wanted to make sure we had a good story… And also, I just love Sandy, so the idea of working with her again… we were both saying, ‘Oh, my God, we’re still here and working’ and really sort of enthusiastic… to bring that into what we’re going to do now, so it’s kind of fun,” sey ni Nicole.

 

 

 

 

Gumanap na magkapatid na witches, na may sumpa sa kanilang lovelife, sina Nicole at Sandra sa Practical Magic. Sa sequel ay mga modern witches na sila dahil sa social media.

 

 

 

 

Busy year ito for Nicole dahil may natapos siyang movie with Zac Efron and Joey King na Family Affair. Magbabalik din for season 3 ang HBO series na Big Little Lies.

 

 

(RUEL J. MENDOZA)

 

SA ‘Padyak Princess’ ng TV5 ay isang single mother, si Selma, ang papel ng aktres na si Yayo Aguila.

 

 

 

 

Sa tunay na buhay, paano nakaka-relate si Yayo sa kanyang papel?

 

 

 

 

Lahad ni Yayo, “Ano, sa akin, madali lang, hindi ko kailangan humugot. Kasi parang sa akin normal na, iyon na yung naging norm ko for the past 15 years.

 

 

 

 

“I’m a single mom, 16 years? 16 years.

 

 

 

 

“So yung character ko dito bilang single mom at bilang si Selma na tatlo ang anak ko, parang normal lang? Ganun.

 

 

 

 

“Na yung, feeling ko kasi hindi ako umaarte, pag kasama ko yung tatlong anak ko dito, si Miles, silang tatlo, parang normal lang,” pahayag ni Yayo na nakausap namin sa grand mediacon ng ‘Padyak Princess’.

 

 

 

 

Gumaganap na mga anak ni Yayo sa serye sina Miles Ocampo, na bida sa serye, at sina David Remo at Miel Espinoza.

 

 

 

 

Pagpapatuloy pang kuwento ni Yayo…

 

 

 

 

“Kaya lang na-realize ko lang may kurot siya.

 

 

 

 

“Kasi naaalala ko kailan lang, yung recent taping ko, yung eksena namin sa, kasi may nangyari kay Selma dito, parang nagri-reading pa lang kami hanggang nag-take kami, tumutulo yung luha ko!

 

 

 

 

“Nagsalita si direk, sabi niyang ganun, ‘Hindi ko kailangang umiyak ka, dapat normal na saya.’

 

 

 

 

“Sabi ko, ‘Direk hindi ako… tumutulo lang ng kusa, hindi ko siya sinasadya, hindi ako umaarte.’

 

 

 

 

“Hindi ko siya mapigilan, tumutulo lang, hindi ko nga alam kung bakit, e. Pero okay naman, masaya naman ang buhay, di ba?

 

 

 

 

“Ganun e, kailangan lang talagang mag-move on at kailangan tuluy-tuloy lang.”

 

 

 

 

Kailan huling umiyak si Yayo?

 

 

 

 

“Tungkol saan?”

 

 

 

 

Sa pamilya.

 

 

 

 

Aniya, “Alam mo madalas akong umiyak kasi pag kasama ko yung mga bata, yung mga anak ko kasi e buskador, yung alam nila kung paano ma-press yung button ko.

 

 

 

 

“Basta pag pinag-uusapan yung kaming mag-iina, naiiyak ako, basta pamilya. Kahit na wala na kaming problema, as a whole kaming lima, apat kong anak at ako, naiiyak ako.

 

 

 

 

“Kasi para sa akin very ano, core ko kasi yung pamilya.”

 

 

 

 

At sa puntong ito, habang nagsasalita ay kusang tumulo ang luha mula sa mga mata ni Yayo.

 

 

 

 

“So’ pag napag-uusapan basta sila, napu-push yung button ko,” ang dagdag pang sinabi ni Yayo, sabay-sabi naming ngayon pala siya huling umiyak.

 

 

 

 

“Ngayon,” bulalas ni Yayo, “nakakainis kasi kayo!

 

 

 

 

“Buti na lang kaibigan ko kayo,” pakli pa ng aktres habang nagpapahid ng luha.

 

 

 

Ano ang aral na matutututunan ng mga manonood ng ‘Padyak Princess’ mula kay Selma?

 

 

 

 

“Sa akin yung kung paano mo ipaglalaban yung pamilya mo.

 

 

 

 

“Yung kung paano ka magiging matatag, kung kulang na kayo.

 

 

 

 

“Iyon kasi yung istorya ng pamilya Nieva, kaya si Princess [Miles] kaya naging Padyak Princess kasi kinailangan niyang tulungan ako, para itaguyod yung pamilya habang wala ako.

 

 

 

 

“Nawala ako so yung mga mga anak ko tumayo sa sarili nilang mga paa.

 

 

 

 

“Pero hindi naman doon nagtatapos kasi babalik rin naman ako sa kanila

 

 

 

 

“Doon ulit mag-uumpisa yung journey namin.”

 

 

 

 

Sa direksyon ni Easy Ferrer at napapanood tuwing 11:15 am bago ang ‘Eat Bulaga!’ sa TV5 (at sa BuKo channel 7:30 pm), nasa ‘Padyak Princess’ rin sina Ara Mina, Christian Vasquez at Cris Villanueva, at ang mga kabataang artista na sina Jameson Blake, Joao Constancia, Gillian Vicencio, Karissa Toliongco, Jem Manicad, at Kira Balinger.

 

 

 

 

Bilang aktres ay malaya si Yayo na magtrabaho kahit saang TV network.

 

 

 

“Alam mo iyon yung greatest blessing ko pagdating sa trabaho!

 

 

 

 

“Kasi kung family-wise sobrang blessed ako, ang lagi kong ipinagdarasal araw-araw, nagpapasalamat ako kasi magmula nung, hindi ko na matandaan, hanggang nag-COVID na, nagkaroon na ng ilang lockdown, never akong nawalan ng trabaho.

 

 

 

 

“Nagpapasalamat ako siyempre sa Viva [Artists Agency] kasi sila yung, Viva artist ako.

 

 

 

 

“Pero hindi lang iyon, nagpapasalamat din ako kasi marami akong kaibigan sa trabaho na feeling pinagkakatiwalaan nila ako.

 

 

 

 

“So iyon yung lagi kong ipinagpapasalamat.

 

 

 

 

“Na lagi akong may trabaho. Kasi hindi rin ako sanay na wala akong ginagawa. Ang inisip ko na lang bago ako matulog gabi-gabi, na yung sobrang blessed ako kasi marami naman puwedeng mabigyan ng ibang trabaho na mga nakukuha ko pero I always land a beautiful and a great job.

 

 

 

 

“So iyon pa lang sobrang blessed ko na,”ang nakangiting wika pa ni Yayo.

 

 

 

 

(ROMMEL L. GONZALES)

ISANG makasaysayang tagumpay ang nakamit ng NDMstudios sa katatapos lang na Jinseo Arigato International Film Festival sa Japan.

 

 

 

Ang independent film studio na pinamumunuan ni Direk Njel de Mesa ay pinarangalan bilang “Best Independent Film Studio,” at nagmarka sa kasaysayan bilang unang independent film studio na naglabas ng anim na hindi pa naipalalabas na pelikula nang sabay-sabay sa isang international film festival.

 

 

 

“This humble local film studio brought Filipino pride by executing an exceptional feat in filmmaking,” ayon kay Raoul Imbach, isang respetadong miyembro ng hurado mula sa Swiss Embassy.

 

 

 

Punum-puno naman ng damdamin na tinanggap ni Ms. Jan Christine Reyes, Executive VP ng NDMstudios, ang mga parangal kasama ang mga kasamahan niyang mula sa NDMstudios Japan at Pilipinas.

 

 

 

Sa kanyang speech, pinasalamatan niya ang mga hurado, mga tagapag-organisa, ang Konsulado Heneral ng Pilipinas na si Roy Ecraela, si Mr. Takuji Sawada at ang mga opisyal ng “The Earth Inc.”, si Nestor Puno ng FCCJ, SBI Remit, miyembro ng hurado na si Mr. Raoul Imbach, at si Mr. Jared Dougherty, VP ng Sony Pictures Asia.

 

 

 

Si Arci Muñoz, isa sa mga producing partner ng studio, ay pinarangalan din bilang “Best International Filipino Actress” habang si Kiray Celis ay kinilala bilang “Most Versatile Comedienne” para sa kanyang papel sa “Malditas in Maldives” na dinirek ni Njel de Mesa.

 

 

 

Naroon din sa okasyon sina GMA Senior VP, Ms. Annette Gozon-Valdes, Senior Talent Manager para sa Sparkle, Tracy Garcia, pati na rin sina Chief Persida Acosta at Senador Bong Go.

 

 

 

Ang iba pang mga nagwagi ay sina Ms. Nora Aunor, Arnold Reyes, Daiana Menezes, Sanya Lopez, at Kelvin Miranda.

 

 

 

Ang tagumpay na ito ay hindi lamang isang malaking hakbang para sa NDMstudios kundi pati na rin para sa industriya ng pelikulang Pilipino sa pandaigdigang entablado.

 

 

 

 

(ROHN ROMULO)

MALUWAG na tinanggap ni Heart Evangelista ang bago niyang tungkulin bilang presidente ng Senate Spouses Foundation, at nangakong manggagaling sa puso ang kaniyang mga gagawin.

 

 

 

 

Sa Chika Minute report ni Nelson Canlas sa ’24 Oras Weekend’ nitong Sabado, sinabing alam ni Heart na marami siyang matutulungan sa bago niyang role.

 

 

 

 

“I was very surprised. But you know, sa lahat naman ng bagay, kung ibinigay sa ‘yo, you have to fully accept. And you know, I never do anything half-baked, I’m always 100 percent. So gagawin ko kung ano ang kaya kong gawin,” sabi ni Heart.

 

 

 

 

Dagdag ni Heart, kakayanin niyang pagsabayin ang bagong responsibilidad at ang pagiging isang fashion icon.

 

 

 

 

Katunayan, aalis si Heart para sa Paris Fashion Week, ngunit sinabi niyang mapagsasabay niya ito sa pamamagitan ng masusing time management.

 

 

 

 

“From the heart lahat ng gagawin ko sa Senate Spouses Foundation po and I really want it to matter. I don’t know how much time I have so I will do my best.”

 

 

 

 

“Madami na actually. Pero I’d rather them see, mas gusto ko kaysa salita, gawa na lang,” sabi naman ni Heart tungkol sa kanilang mga plano para sa foundation.

 

 

 

 

Samantala, pang-apat si Heart sa Top 20 global celebrities in fashion and sportswear ng fashion report ng isang cloud-based performance benchmarking software.

 

 

 

 

Kasama ni Heart sa listahan ang ENHYPEN at NCT, pati na rin sina Dua Lipa, Becky G, Dwayne Johnson at Anne Curtis.

 

 

 

 

“It’s always a shock. But then you know, when you like something and you’re very authentic about something, about being yourself, hopefully laging ganoon that people would appreciate that,” sabi ni Heart.

 

 

 

 

***

 

 

 

 

PROUD father ang content creator na si Benedict Cua.

 

 

 

 

Pinost niya ang latest pictorial ng kanyang baby boy na si Aleck sa kanyang Instagram.

 

 

 

 

“My little dimsum boy during his newborn shoot,” caption pa niya.

 

 

 

 

Suot ni Baby Aleck ay all-white set with a red hat and a red vest at para siyang dimsum na nakalagay sa basket. Tawag sa kanya ng kanyang daddy ay Baobao, short for Xiao Long Bao, a delicious soup dimsum.

 

 

 

 

Sa kanyang vlog, sinabi ni Cua na binago ng kanyang baby ang kanyang buhay.

 

 

 

 

“Sometimes I would look at his hands and see my own hands in them. Dun ko na-realize na anak nga talaga kita at tatay na talaga ako.”

 

 

 

 

***

 

 

 

 

Ang ‘First Lady’ at iba pang GMA Network programs ay mapapanood na sa Viu simula sa June 17.

 

 

 

 

GMA Network, the Philippines’ top broadcast media company, and Viu Philippines, one of the leading Asian streamers in the market, continue their partnership para maihatid ang world-class programs sa mas malawak na audience.

 

 

 

 

Viu consumers can access more GMA Network programs and binge-watch for free on the platform.

 

 

 

 

Ilan pa sa mga teleserye na mapapanood ay ‘Anak ni Waray Vs. Anak ni Biday’, ‘Hanggang sa Dulo ng Buhay Ko’, ‘Sahaya’, ‘Onanay’, ‘Pamilya Roces’ and ‘Ika-5 Utos.’

 

 

 

 

 

(RUEL J. MENDOZA)