SINA Vilma Santos-Recto, Sharon Cuneta, Maricel Soriano, Marian Rivera, Kathryn Bernardo, Eugene Domingo at Charlie Dizon ang mga nominado sa GEMS Awards. Bukod sa Star Awards, ay hindi rin nominado si Nora Aunor sa GEMS Awards na magdaraos ng live awarding sa itatakdang petsa at lugar sa taong ito.

Paliwanag pa ng nakausap naming isa sa aktibong miyembro, na hindi raw naman kasi naipalabas sa isang commercial theatre ang nasabing movie ni Nora.

Dagdag pa niya next year na raw maisasama ang aktres, kung sakaling maipalabas ang ‘Pieta’ sa taon ito.

So, si Ate Guy ang malakas na contender next year for best actress?

“For me personally hindi rin kasi sa totoo lang pero maraming magagaling sa taong ito, Kagaya ni Marian Rivera sa Cinemalaya movie niya at yung mga kasama pa MMFF sa December, heard na may pang-MMFF movie rin si Ate Vi di ba?” balik tanong pa sa amin ng kausap namin.

Still on GEMS Awards, ang nasabing award giving body now on its 8th year sa pagbibigay parangal at isa sa namumuno dito ay ang kaibigang guro na sir Norman Llaguno.

Narito ang mga nominado sa iba’t ibang kategorya:

RADIO (Radyo)

Best Radio Program (Opinion / Public Affairs/ Public Service): Bangon na, Bayan! (Super Radyo DZBB), Dobol Weng sa Dobol B (Super Radyo DZBB), One-on-One: Walang Personalan (Super Radyo DZBB), Tatak- Serbisyo (DWPM – Tatak- Serbisyo), Ted Failon at DJ Chacha sa Radyo5 (Radyo 5- 92.3 News FM)

Best Radio Broadcaster (Male or Female – Opinion /Public Affairs/Public Service): Arnold Clavio – One-on-One: Walang Personalan, Dj Chacha – Ted Failon at DJ Chacha sa Radyo 5, Joel Reyes Zobel – Bangon na, Bayan!, Rowena Salvacion – Dobol Weng sa Dobol B, Winnie Cordero – Tatak- Serbisyo

Best Radio Program (Entertainment / Human Interest): Bongga Ka Jhai (DWPM – Tatak-Serbisyo), Cristy Ferminute (Radyo5- 92.3 News FM), Showbiz Talk (DZRH Nationwide), Ted Failon at DJ Chacha sa Radyo5 (Radyo5- 92.3 News FM), Usap Tayo, Super Kuwentuhan ( Super Radyo DZBB)

Best Radio Broadcaster (Male or Female – Entertainment / Human Interest): Cristy Fermin – Cristy Ferminute, DJ Chacha – Ted Failon at DJ Chacha sa Radyo5, DJ Jhaiho – Bongga Ka Jhai, Morly Alinio – Showbiz Talk, Susan Enriquez – Usap Tayo,Super Kuwentuhan

TELEVISION (Telebisyon)

Best News Program: 24 Oras (GMA 7), Frontline Pilipinas (TV5), Saksi (GMA 7), TV Patrol (Kapamilya Channel), TV Patrol Weekend (Kapamilya Channel)

Best Newscaster (Male or Female): Alvin Elchico – TV Patrol Weekend, Bernadette Sembrano – TV Patrol, Cheryl Cosim – Frontline Pilipinas, Mel Tiangco – 24 Oras, Pia Arcangel – Saksi

Best TV Program (Public Affairs/Public Service): Healing Galing – GMA 7, Idol in Action – TV5, KBYN: Kaagapay ng Bayan – Kapamilya Channel, Resibo: Walang Lusot ang May Atraso – GMA 7, Wish Ko Lang – GMA 7

Best TV Program Host (M or F – Public Affairs/Public Service): Dr. Edinell Calvario – Healing Galing, Emil Sumangil – Resibo: Walang Lusot ang May Atraso, Noli De Castro – KBYN: Kaagapay ng Bayan, Raffy Tulfo – Idol in Action, Vicky Morales – Wish Ko Lang

Best TV Program (Entertainment/Variety/Game Show/Talent Search): ASAP Natin ‘To – Kapamilya Channel, Eat Bulaga – TV 5, Everybody Sing! (Season 3) – Kapamilya Channel, I Can See Your Voice – Kapamilya Channel, It’s Showtime – GMA 7

Best TV Program Host (M or F – Entertainment/Variety/Game Show/Talent S.):

Luis Manzano – I Can See Your Voice, Martin Nievera – ASAP Natin ‘To, Ryan Agoncillo – Eat Bulaga, Vice Ganda – Everybody Sing! (Season 3), Vice Ganda – It’s Showtime

Best TV Series: Dirty Linen – Kapamilya Channel, FPJ’s Batang Quiapo – Kapamilya Channel, Linlang – Kapamilya Channel, My Guardian Alien – GMA 7, Can’t Buy Me Love – Kapamilya Channel

Best Performance in a Lead Role (Male or Female – TV Series): Donny Pangilinan – Can’t Buy Me Love, Janine Gutierrez – Dirty Linen, Kim Chiu – Linlang, Marian Rivera – My Guardian Alien, Paulo Avelino – Linlang

FILM (Pelikula)

Best Film: “A Very Good Girl” – Star Cinema, “About Us but not About Us” – The Idea First Company/Quantum Films, “Family of Two” – Cineko Productions/ MC Entertainment, “Firefly” – GMA Pictures, “GomBurZa” – Solar Pictures, “Third World Romance” – Black Sheep Productions, “When I Met You in Tokyo” – JG Productions

Best Film Director: Dwein Baltazar – “Third World Romance”, Jun Robles Lana – “About Us but not About Us”, Nuel Crisostomo Naval – “Family of Two”, Pepe Diokno – “GomBurZa”, Petersen Vargas – “A Very Good Girl”, Rado Peru and Rommel Penesa, Zig Delay – “Firefly”

Best Performance in a Supporting Role (Male): Dante Rivero – “GomBurZa”, Gabby Eigenmann – “When I Met You in Tokyo”, JC Santos – “Mallari”, Jeffrey Quizon – “Firefly”, Johnrey Rivas – “Ako si Ninoy”, Keempee de Leon – “Here Comes the Groom”, Pepe Herrera – “Rewind”

Best Performance in a Supporting Role (Female): Agot Isidro – “Becky and Badette”, Alessandra de Rossi – “Firefly”, Angel Aquino – “A Very Good Girl”, Kakai Bautista – “When I Met You in Tokyo”, Maris Racal – “Here Comes the Groom”, Miles Ocampo – “Family of Two”, Therese Malvar – “Oras ng Peligro”

Best Performance in a Lead Role (Male): Alden Richards – “Family of Two”, Carlo Aquino – “Third World Romance”, Christopher de Leon – “When I Met You in Tokyo”, Dingdong Dantes – “Rewind”, Piolo Pascual – “Mallari”, Roderick Paulate – “In His Mother’s Eyes”, Romnick Sarmenta – “About Us but not About Us”

Best Performance in a Lead Role (Female): Charlie Dizon – “Third World Romance”, Eugene Domingo – “Becky and Badette”, Kathryn Bernardo – “A Very Good Girl”, Marian Rivera – “Rewind”, Maricel Soriano – “In His Mother’s Eyes”, Sharon Cuneta – “Family of Two”, Vilma Santos – “When I Met You in Tokyo”

(JIMI C. ESCALA)

NAKIPAGSOSYO si Harlene Bautista with her Heaven’s Best Entertainment sa BenTria Productions ni Engineer Benjie Austria para sa pelikula nina Inigo Pascual at Allen Dizon, ang ‘Fatherland.’

Kaya tinanong namin si Harlene kung ano ang satisfaction niya from producing a film than being an actress.

“Ano kasi, ako siguro masasabi ko, ako yung type na gusto ko yung ideas, brainstorming, ganyan. Siguro kung aarte ako, baka entablado, kasi pag sa harap ng camera, kinakabahan talaga ako,” rebelasyon ni Harlene.

“Hindi sa hindi ako kinakabahan sa stage, pero iba yung kaba ko sa harap ng camera, hindi kasi ako telegenic, hindi ako photogenic,” sabay-tawa niya, “kaya siguro ganun.”

Pero nagpaka-artista si Harlene sa ‘Lola Magdalen; at bongga ang papel niya sa pelikula bilang malditang anak ni Gloira Diaz.

“Sobrang kabado ako lang, kasi yung…di ba, puro mura ako dun.”

Minura-mura at inapi-api ni Harlene si Gloria sa naturang pelikula ni Joel Lamangan.

Paano bang apihin ang isang Gloria Diaz?

“Ninang ko pa siya sa totoong buhay,” bulalas ni Harlene.

“Parang, ‘Oh my gosh, mumurahin ko yung ninang ko’.

“So, parang ang hirap talaga. Ang hirap ng ganung eksena, yung mura-mura na malulutong.”

Ninang niya sa binyag ang Miss Universe 1969.

Nag-usap ba sila bago ang take, na, ‘Ninang mumurahin kita, ha’?

“Oo, nung pagdating sa ano, habang mine-make-up, ‘Ninang, mumurahin kita’, ‘Oo nga eh’, sabi niya. Ha! Ha! Ha!

“Alam niyo naman yung pagsasalita niya, ang cute.”

Nasa ‘Lola Magdalena’ rin sina Liza Lorena, Sunshine Cruz, Pia Moran at Perla Bautista na ang script ay sinulat ni Dennis Evangelista.

Sa ‘Fatherland’ naman, na si direk Joel rin ang may hawak, bilang producer, may say ba si Harlene sa cast at sa story?

“Siyempre, nagsa-suggest ako, siyempre iisipin mo kung ano yung makakaganda sa project, di ba? So iyon.

“E ang maganda rin naman kila direk Joel, hindi naman sila yung, ano, very open naman sila, siyempre iyon yung gusto ko e, maganda yung relationship ng producer at director,” saad pa ni Harlene.

Nasa cast rin sina Cherrie Pie Picache, Ara Mina, Mercedes Cabral, Jeric Gonzales, Bo Bautista, Yasser Marta, Abed Green, Max Eigenmann, Ara Davao, Rico Barrera, Jim Pebanco at Angel Aquino, sa panulat ni Roy Iglesias.

(ROMMEL L. GONZALES)

MAGBIBIGAY din ng gantimpala o reward ang kilalang business magnate na si former Ilocos Sur Governor Chavit Singson ng ₱5M (Five Million) pesos sa world-class gymnast at 2-time Olympic gold medalist na si Carlos Yulo at sa pamilya.

Ayon pa kay Manong Chavit, “the reward shall be accepted by the Yulo family and Carlos’ partner (Chloe San Jose), as a united front.”

Sabi pa ng businessman, ang ibibigay niyang P5 million ay hindi lamang para sa dalawang medalyang naiuwi ni Carlos sa Pilipinas mula sa 2024 Paris Olympics kundi bilang isa ring “tribute to the strength and unity of the Yulo family.”

“The reward is a recognition for Yulo’s exemplary performance in the Paris Olympics and more so to the unity of the Yulo family and Yulo’s partner,” pahayag ni former Gov. Singson.

Dagdag pa ni Manong Chavit, “Family is the foundation of a person’s success and the embodiment of values that transcend generations.

“In offering this reward, I hope to send a powerful message that the success of an individual is never solely their own. it is shared by those who stand by them, offering love, guidance, and unwavering support.”

Umaasa ang dating gobernador na sa pamamagitan ng munting gantimpala kay Caloy ay mas marami pang pamilyang Pinoy ang ma-inspire, para pahalagahan ang kanilang pagkakaisa at suportahan ang isa’t-isa sa mga hamon at tagumpay sa buhay.

(ROHN ROMULO)