2024 August 22 Archive - People's Balita

December 19, 2024
Search in People's Balita
Ang Diyaryong Pinagkakatiwalaan

Archive for August 22nd, 2024

VP Sara kinumpirma nilulutong impeachment laban sa kanya

Posted on: August 22nd, 2024 by @peoplesbalita No Comments

MISMONG si Vice President Sara Duterte ang kumumpirma na may nilulutong impeachment complaint laban sa kanya sa House of Representatives (HOR).

Ayon kay Duterte, mayroon pa naman silang mga kaibigan sa Kamara na nagpaparating sa kanila ng balita.

Ginawa ni Duterte ang pahayag matapos dumalo sa budget hearing ng panukalang 2025 budget ng Office of the Vice President (OVP).

Sinabi rin ni Duterte na hinihintay lamang nila ang susunod na gagawin ng mga gustong magpabagsak sa kanilang pamilya.

“Basta kami inaantay lang namin ang kanilang gagawin dahil expected na ‘yun na gagawin nila dahil gusto nilang pabagsakin ang pamilya Duterte sa pulitika. Hindi lang sa pulitika, sa personal dahil sinama nila asawa ko sa harassment nila,” anang bise presidente.

Ang nilulutong impeachment laban sa kaniya ay bahagi lamang ng “playbook” laban sa kanilang pamilya.

Ayon pa kay Duterte, ang ginagawa sa kaniyang pamilya ay bahagi ng isinusulong na Charter Change kung saan nais umano ng mga nakaupo ngayon na huwag nang umalis sa puwesto.

Matatandaan na kinasuhan ni dating Senador Antonio Trillanes IV sa Department of Justice (DOJ) ng drug smuggling si Davao City 1st district Rep. Paolo “Pulong”Duterte, Atty. Mans Carpio at dating Bureau of Customs (BOC) Commissioner Nicanor Faeldon.

Nag-ugat ang kaso sa P6.4 bilyong halaga ng shabu shipment na nasabat noong 2017. (Daris Jose)

CHED, gumawa ng aksyon laban sa Caloocan college na kontra sa phase-out order sa 5 programa

Posted on: August 22nd, 2024 by @peoplesbalita No Comments

HINIKAYAT ng Commission on Higher Education (CHED) ang mga apektadong estudyante ng St. Vincent De Ferrer College of Camarin (SVDFCC) sa Caloocan City na makipag-ugnayan sa National Capital Region (NCR) office para sa ‘guidance at assistance.’

Ito’y matapos na i-post ng CHED, kasama ang local government ng Caloocan ang notices sa labas ng SVDFCC at sa buong lungsod para ipabatid sa publiko ang pagsasara ng mga programa nito.

“We encourage affected students to reach out to CHED-NCR for assistance and guidance,” ayon kay CHED Secretary Popoy De Vera.

Ginawa ng CHED ang hakbang na ito kasunod ng pagsuway ng SVDFCC sa kautusan na ‘i-phase out’ ang limang programa kabilang na ang Bachelor of Elementary Education, Bachelor of Science in Accountancy, Bachelor of Science in Hotel and Restaurant Management, Bachelor of Science in Information Technology, at Bachelor of Secondary Education.

Taong 2021, ipinag-utos ng CHED ang pag-phase-out ng mga nasabing programa ng SVDFCC dahil sa “deficiencies in their academic performance and achievement” natuklasan matapos ang masusing ebalwasyon at balidasyon.

“SVDFCC is no longer included in the list of higher education institutions authorized to offer the aforementioned degree programs,” ayon sa CHED.

Binigyang diin ng CHED na ang SVDFCC ay “prohibited” mula sa pagtanggap ng mga estudyante para sa enrollment sa mga naturang programa simula sa 1st term ng Academic Year (AY) 2022-2023.

“Students who were already enrolled that year will be allowed to complete their studies until graduation or transfer to other institutions” with the assistance of CHED-NCR.

“Students who entered these programs as first-year students in AY 2022-2023 will not be given a Special Order, which is a requirement for graduation,” ang sinabi ng CHED.

Sinabi pa ng CHED na noong 2022, naghain ang SVDFCC ng urgent motion kung saan hinihiling sa Komisyon na i-withdraw ang kautusan. Tinanggihan ng CHED ang naturang request na may finality, tinukoy ang “no legal and compelling reasons to reverse the decision.”

“Although this denial of appeal was questioned by SVDFCC in other courts of competent jurisdiction, CHED has not received any injunction or relief against the implementation of its decision,”ayon kay De Vera.

Samantala, tinuran ni De Vera na magsisilbi ito bilang “red light” sa higher education institutions (HEIs) sa iba’t ibang bahagi ng bansa para “improve the quality and performance” ng kanilang academic programs.

“We don’t tolerate this kind of behavior and performance,” ang sinabi ni De Vera.

Idinagdag pa ng CHED, ipinagpapatuloy nito ang pagsusuri sa academic performance at achievements ng degree programs upang “ensure that our students receive the quality of education they deserve.” (Daris Jose)

Lolo na wanted sa rape, timbog sa Caloocan

Posted on: August 22nd, 2024 by @peoplesbalita No Comments

LAGLAG sa selda ang 67-anyos na lolo na wanted sa kaso ng panggagahasa matapos madakma ng pulisya sa isinagawang manhunt operation sa Caloocan City, kamakalawa ng gabi.

Sa kanyang report may Northern Police District (NPD) Director P/BGen. Rizalito Gapas, sinabi ni Caloocan police chief P/Col. Paul Jady Doles na nakatanggap sila ng impormasyon hinggil sa kinaroroonan ng akusadong si alyas Porperyo.

Inatasan ni Col. Doles ang Warrant of Subpoena Section (WSS) na bumuo ng team para sa isasagawang pagtugis sa akusado.

Kasama ang mga tauhan ng Amparo Police Sub-Station (SS15), agad nagsagawa ang WSS ng joint manhunt operation na nagresulta sa pagkakaaresto sa akusado dakong alas-11:00 ng gabi sa Catmon St., Amparo Subdivision, Barangay 179.

Ayon kay Col. Doles, binitbit ng kanyang tauhan ang akusado sa bisa ng warrant of arrest na inisyu ni Presiding Judge Rodolfo P. Azucena ng Regional Trial Court (RTC) Branch 125, Caloocan City noong January 10, 2024, para sa kasong Rape (RPC Art. 266-A).

Pansamantalang nakapiit ang akusado sa custodial facility unit ng Caloocan police habang hinihintay ang pagpapalabas ng commitment order mula sa hukuman para sa paglilipat sa kanya sa City Jail. (Richard Mesa)

Alice Guo, nasa Indonesia na!

Posted on: August 22nd, 2024 by @peoplesbalita No Comments

KINUMPIRMA ng Bureau of Immigration (BI) na nasa Indonesia na si dismissed Bamban, Tarlac Mayor Alice Guo.

Ayon kay BI spokesperson Dana Sandoval, bumiyahe si Guo mula sa Pilipinas patungong Malaysia noong Hulyo 16, at dumating sa Indonesia mula sa Singapore noong Agosto 18.

“Sa atin pong pagbantay sa mga counterpart intelligence information, nalaman natin nasa Indonesia ngayon. Tumawid siya from Singapore the other day, August 18,” ani Sandoval.

Aniya pa, nagsasagawa ngayon ng backtracking ang BI sa mga galaw ni Guo upang matukoy kung sinu-sino ang mga taong tumulong sa kanya upang makalabas ng bansa.

Hindi rin aniya nila inaalis ang posibilidad na may ilang opisyal ng BI na nasa likod nito.

Dagdag pa niya, maaaring maipa-deport pabalik ng Pilipinas si Guo, kung kakanselahin ang kanyang mga dokumento.

Sinabi naman ni BI Commissioner Normal Tansingco na base sa kanilang natanggap na impormasyon, hindi dumaan si Guo sa immigration nang lumabas ng Pilipinas.

Kasabay nito, Iniutos na ni Executive Secretary Lucas Bersamin nitong Martes, Agosto 20 ang kanselasyon ng Philippine passport ni Guo.

Ang memorandum ay inilabas ni Bersamin sa Department of Foreign Affairs (DFA) at Department of Justice.

Ayon kay Bersamin, dapat magsagawa ng “appropriate action” para sa pagkansela ng mga pasaporte ni Guo at ng kanyang mga kamag-anak na sina Wesley Guo, Sheila Leal Guo, at Cassandra Li Ong, ang awtorisadong kinatawan ng Philippine Offshore Gaming Operators (POGO) na ni-raid sa Porac, Pampanga.

Sinabi rin ni Bersamin na si Guo ay may arrest order sa Senado dahil sa ilang beses na pag-isnab sa pagdinig tungkol sa POGO.

“The DFA Secretary may cancel a passport in the interest of national security. Under the same law, one of the grounds for the cancellation of a Philippine passport is when the court issues an order for its cancellation as the holder is a fugitive from justice,” ani Bersamin.

Matatandaang sa privilege speech ni Sen. Risa Hontiveros sa Senado nitong Lunes, ibinunyag niya na si Guo ay umalis ng bansa patungong Kuala Lumpur, Malaysia noong Hulyo 18 pa.

Una nang nabunyag na si Guo at ang Chinese citizen na si Guo Hua Ping ay iisa dahil magkapareho ang kanilang mga fingerprints. (Daris Jose)

Dengue, nasa outbreak level na — DOH

Posted on: August 22nd, 2024 by @peoplesbalita No Comments

MALAPIT na umanong mag-anunsiyo ng dengue outbreak si Department of Health (DOH) Secretary Ted Herbosa dahil nasa outbreak levels na aniya ang dengue cases na naitatala nila sa bansa.

Sinabi ni Herbosa na nakausap niya ang director ng Epidemiology Bureau (EB) ng DOH at sinabi nitong nasa outbreak levels na ang dengue.

Dahil dito, asahan na aniyang magdedeklara siya ng dengue outbreak.

Tumanggi muna si Herbosa na magbigay pa ng karagdagang impormasyon sa isyu ngunit base sa inilabas na datos ng DOH kamakailan, hanggang noong Agosto 3, 2024, ang dengue cases na naitala sa buong bansa ay tumaas ng 33%, o mula sa 102,374 lamang ay naging 136,161.

Gayunman, nakapagtala rin naman ang DOH ng mas kaunting dengue deaths ngayong taon, na nasa 364 lamang, mula sa 401 noong nakaraang taon. (Gene Adsuara)

DepEd, tinitingnan ang ‘flexi’ implementation ng Matatag Curriculum

Posted on: August 22nd, 2024 by @peoplesbalita No Comments

PINAG-AARALAN ng Department of Education (DepEd) ang posibilidad na ipatupad ang Matatag Curriculum ng ‘more flexibly’ habang tinutugunan ang learning gap ng bansa.

Nilinaw ni Education Secretary Juan Edgardo Angara na mananatili ang Matatag Curriculum sa kabila ng dumagsang panawagan na alisin na ito.

“However, the agency wants it to be adjusted so as not to burden the teachers excessively,” ayon kay Angara.

“Pinag-aaralan na ho namin. I think, hindi naman sa aalisin, pero gagawing mas flexible para depende sa principal, titingnan niya, kamusta ‘yung mga teachers niya, napapagod ba sila,” aniya pa rin.

Sinabi pa ni Angara na base sa assessment ng school principal, maaaring siyang gumawa ng ‘proper adjustments’ sa iskedyul ng mga klase.

“Bibigyan namin ‘yung flexibility ‘yung kada paaralan at saka ‘yung kada principal na i-set ‘yung policy sa kanyang eskwelahan,” dagdag na wika nito.

Depende lamang ito sa kakayahan ng mga guro at mga mag-aaral.

Araw ng Huwebes, may ilang grupo ng mga guro na alisin o suspendihin ang implementasyon ng Matatag Curriculum dahil naging isang ‘pabigat’ ito sa karamihan sa mga guro.

Ang pagsama ng national learning recovery programs sa curriculum ay nakadagdag lamang ng ‘workloads’ para sa mga guro, dahil may Ilan sa mga ito ay may hawak ng 7 hanggang 8 klase na may minimum na 55 students kada klase, sa kabila ng kaukulang an ng public school teachers.

Hinikayat naman nito ang DepEd na konsultahin ang iba pang mahahalagang stakeholders ukol dito at ang problema ng ‘learning gap.’

“A study made by the Programme for International Student Assessment (PISA) in 2022 reveals that the Philippine education system lags five to six years behind in learning competencies ranking 77th out of 81 countries worldwide,” ayon sa DepEd.

Tinuran ni Angara na lumala ang learning gap sa panahon ng coronavirus disease 2019 (Covid-19) pandemic.

“Yung learning gap natin, parang lumawak siya nung panahon ng pandemya at we’re trying to recover that,” aniya pa rin.

Sinabi ni Angara ang pangangailangan na dapat nakatuon ang learning recovery program at interventions ng bansa sa mga pangangailangan ng mga mag-aaral. habang ang gobyerno ay nakatutok naman sa science-based data gathering. (Daris Jose)

Dahil sa P10 milyong halaga ng libro na pinondohan ng OVP… VP Sara, Hontiveros nagsagutan sa budget hearing

Posted on: August 22nd, 2024 by @peoplesbalita No Comments

NAGKASAGUTAN sina Vice President Sara Duterte at Sen. Risa Hontiveros sa pagdinig ng panukalang pambansang budget ng Office of the Vice President (OVP) na nagkakahalaga ng P2.037 bilyon para sa susunod na taon.

Nag-ugat ang sagutan ng dalawa nang usisain ni Hontiveros kung ano ang paksa ng librong inakda mismo ni Duterte na pinondohan ng P10 milyon at ipamamahagi ng OVP sa mga mag-aaral sa iba’t ibang bahagi ng bansa.

“Huling tanong ko sa ngayon, for 2025 one of the OVPs programs, pagbabago campaign, a million learners entries involves a provision of bags to 1 million learners in remote communities while initiating tree planting activities, this gets an appropriation of 100M pesos, part of this campaign is an allocation of 10M pesos for the distribution of Isang Kaibigan books, a children’s book authored by the VP. Pwede po bang sabihin…more tungkol sa librong ito?” tanong ni Hontiveros.

Hindi tahasang sinagot ni Duterte kung ano ang paksa ng librong pambata at sa halip ay inakusahan si Hontiveros nang “pamumulitika” sa pondo ng gobyerno.

Ipinaalala rin ni Duterte ang ginawang paghingi ng tulong sa kanya ni Hontiveros noong tumakbo ito pero noong manalo ay siya ang unang umatake sa kanyang ama na si dating pangulong Rodrigo Duterte.

“Madam chair, the book is not for sale. We only pay for the publication of the book and we will send Sen. Hontiveros a copy so that she will know what is the content of the book,” ani Duterte. (Daris Jose)

PBBM tiniyak na papanagutin ang nasa likod na tumulong kay Guo na makalabas ng bansa… LET ME BE CLEAR: “HEADS WILL ROLL”

Posted on: August 22nd, 2024 by @peoplesbalita No Comments

TINIYAK ni Pangulong Ferdinand Marcos Jr. na may ulong gugulong sa pagtulong para makalabas sa bansa ang pinatalsik na alkalde ng Bamban, Tarlac na si Alice Guo.

Sinabi nito na ang insidente ay nagpapakita ng kurapsyon sa justice system na siyang magpapahina ng tiwala ng publiko.

Giit pa ng Pangulo na kanyang isasapubliko ang sinumang indibidwal na nasa likod ng pagpapalabas sa bansa kay Guo.

Dagdag pa ng Pangulo na umuusad na ang imbestigasyon ang sinumang napatunayan na nasa likod ng insidente ay kaniyang papanagutin sa batas.

Walang puwang aniya sa gobyerno ang sinumang opisyal na inuuna ang personal na interest kaysa pagsilbi sa publiko.

Narito ang pahayag ng Pangulo:

“The departure of 𝗔𝗹𝗶𝗰𝗲 𝗚𝘂𝗼 has laid bare the corruption that undermines our justice system and erodes public trust. 𝗟𝗘𝗧 𝗠𝗘 𝗕𝗘 𝗖𝗟𝗘𝗔𝗥: 𝗛𝗲𝗮𝗱𝘀 𝘄𝗶𝗹𝗹 𝗿𝗼𝗹𝗹. We will 𝗲𝘅𝗽𝗼𝘀𝗲 the culprits who have betrayed the people’s trust and aided in her flight. A full-scale investigation is already underway, and those responsible will be suspended and will be held accountable to the fullest extent of the law. There is no room in this government for anyone who places personal interest above serving the Filipino people with honor, integrity and justice.”

Reaksyon ito ng Pangulo sa napabalitang umalis na sa bansa si Guo kahit na may kinakaharap itong kaso na nauugnay sa operasyon ng Philippine Offshore Gaming Operation. (Daris Jose)

‘What You Did’, a psychological thriller starring Tony Labrusca, finalist at Sinag Maynila 2024

Posted on: August 22nd, 2024 by @peoplesbalita No Comments

WHAT YOU DID is a psychological thriller, and the directorial debut of Joan Lopez-Flores.

One of the finalist in SINAG MAYNILA 2024 (Full Length Film category),

starring Tony Labrusca, Mary Joy Apostol, Epy Quizon, Mercedes Cabral, and Ana Abad Santos

Also starring Ping Medina, Ralph Fernandez, Elle Ramirez, Jim Pebanco, Iggi Siasoco, JP Lopez, Kite Lopez, Yñigo Delen, and Joel Saracho

LOGLINE:
Two young men, haunted by past traumas and dreams shattered by the pandemic, collide as they chase online fame, forcing them to confront buried secrets and redefine their identities.

SYNOPSIS:
Arvin and Ace are young men whose lives intersect in unexpected ways as they navigate the aftermath of severe childhood trauma and the crushing impact of the COVID-19 pandemic.

For Arvin, the pandemic not only disrupts his long-awaited fresh start but also reignites the unresolved pain from his past, threatening to unravel his fragile sense of self.

Meanwhile, Ace, driven by a fierce determination, seeks to rise above the challenges by creating an online persona that promises fame and fortune.

As they embark on a joint online venture, the pressures of maintaining their newfound success begin to expose the deep-seated wounds they’ve tried to bury.

As their stories unfold, Arvin and Ace must confront the secrets and choices that bind them, leading to a powerful exploration of identity, redemption, and the quest for meaning in a world turned upside down.

Written and directed by Joan Lopez-Flores, cinematography by Moises Zee, producers are Joan Lopez-Flores and Froi Fabella (who’s also the post-production head), executive producers are Jocelyn Maclang Garcia and Wilbert Tolentino, associate / creative producer is Wilfredo Manalang, line producer is Flordeliza Hombre

Creative consultant is National Artist Ricky Lee, co-writer and supervising producer is Alejandro “Bong” Ramos, assistant director is Jennie Uy, musical scorer is Nonong Buencamino, production design by Mariane Paola De Leoz, editing by Beng Bandong, sound by Albert Michael Idioma of Narra Post Production by Wildsound

An independent production of The Jumpcat Experiment with mentorship from the Film Development Council of the Philippines and First Cut Lab Full Circle Lab PH, “What You Did” explores the devastating effects of trauma, the relentless pursuit of validation, and the harsh reality of dreams being shattered by a global crisis.

With Mr. Wilson Tieng of Solar Pictures as founder and Brillante Mendoza as festival director.

Sinag Maynila 2024 is slated on Sept 4-8 in Gateway, SM Manila, and other participating cinemas in Metro Manila, to be announced in the coming days.

(TRAILER LINK: https://www.facebook.com/story.php?story_fbid=122108779010459455&id=61563783672517&mibextid=oFDknk&rdid=9zTs4bkYL6BGOX4x)

(ROHN ROMULO)

Sparkle artist na ang kilalang ‘Bangus Girl’: Social media star na si MAY ANN, mas excited kesa ma-pressure sa first GMA series na ‘MAKA’

Posted on: August 22nd, 2024 by @peoplesbalita No Comments

MAY pressure mang nararamdaman pero mas excited ang social media star na si May Ann Basa o mas kilala bilang “Bangus Girl” para sa kauna-unahan niyang serye sa GMA, ang MAKA.

Sa Gen Z series na MAKA, makakasama ni May Ann ang kapwa niya Sparkle artists na sina Zephanie, Marco Masa, Ashley Sarmiento, Dylan Menor, John Clifford, Olive May, Sean Lucas, at Chanty Videla. Makakatrabaho rin niya ang seasoned actor na si Romnick Sarmenta.

Excited nga si May Ann para sa unang teen show niya sa GMA: “Ang role ko po rito sa ‘MAKA’ ay isang tindera sa palengke at basher. Grabe, I’m so excited po mga Kapuso kasi ito po ‘yung first series ko rito sa GMA so dapat abangan n’yo po talaga.

“Kasi ‘yung mga kasama ko rito medyo matagal na rin sila sa industry so hopefully na matutunan ko ‘yung na-learn nila rito.”

Isang social media sensation si Mary Ann at nakilala siya as Bangus Girl dahil sa mga videos niya na naglilinis at nagbebenta ng isdang Bangus sa isang palengke sa Roxas City. Maraming netizens ang naka-relate sa kanyang pagiging masipag para maitaguyod ang kanyang pamilya.

Meron siyang 1.4 million followers sa TikTok.

***

PUMANAW sa edad na 88 noong nakaraang August 18 ang tinaguriang America’s “King of Talk Shows” na si Phil Donahue.

Sumikat si Phil dahil sa talk show niya na The Phil Donahue Show na umere for 26 years. Sa naturang show niya nakilala ang kanyang wife of 44 years, ang aktres na si Marlo Thomas.

Naging inspirasyon ang show ni Phil kung bakit nagkaroon ng sariling talk shows sina Oprah Winfrey at Sally Jessy Raphael.

“Donahue rose to national prominence for its compelling guests and its pioneering, open-forum interview style, where audience members could ask questions of the guest and fans could call in to the show.

“It prompted conversations around fringe figures, like Ku Klux Klansman David Duke, whom he interviewed in 1978,” ayon sa People.

Nagwagi si Donahue ng 20 Emmy Awards para sa kanyang talk show and in 1992, the Television Academy inducted him into its Hall of Fame. Pinarangalan din siya ng Peabody Award in 1980.

(RUEL J. MENDOZA)