Paliwanag pa niya, “The reason i decided to go home is because i need to start my second immunosuppressant infusions in 2-3 weeks (it’s a gentler term for chemotherapy).

ISANG malaking karangalan para sa Kapamilya actress na si Kim Chiu na maging nominado sa ContentAsia Awards 2024.

Nominated as Best Female Lead in a TV series dahil sa mahusay na pagganap niya bilang si Juliana Lualhati sa ‘Linlang’.

“First time kong ma-nominate sa gano’ng award-giving body. Nakakatuwa ‘yung feeling. Being nominated sa ContentAsia Awards, sobrang panalo na talaga ‘yon, na Philippines represents. I’m very thankful and very happy,” banggit pa ni Kim, na ‘di pinalad na makapag-uwi ng tropeo.

Nag-umpisa ang pagkakilig ng mga tagahangang KimPau sa seryeng ‘Linlang’.

Silang dalawa muli ang magkapareha sa seryeng ‘What’s Wrong with Secretary Kim?’ ngayong taon.

Dagdag pa ni Kim na very soon daw ay sisimulan na ang shooting para sa pelikulang ‘My Love Will Make You Disappear’ na kung saan sila muli ni Paulo Avelino ang mga bida.

“Sa totoo lang super excited na kami, tapos na ang ghost month. ‘Yung script maihahanda na rin. So slowly gearing up na rin kami to start the movie,” lahad pa ni Kim.

Tungkol naman sa isyung lalo raw silang nagkakamabutihan ni Paulo ay natawa lang si Kim.

Madalas ding nakikitang magkasama ang dalawa kahit sa pagtakbo at pagbibisikleta.

May balak na nga raw silang silang sumali sa isang duathlon competition.

“Hindi totoo ‘yon. Nagkataon lang na nag-enjoy din siya mag-bike and run,” napatawa pang sagot agad ni Kim.

***

NAPANOO namin ang “Her Locket” at karapat-dapat lang na manalo ng almost all of the awards sa “Sinag Maynila Film Festival 2024”.

“Her Locket” a Rebecca Chuaunsu Film Production, in cooperation with Rebelde Films ay nagwagi ng walong major awards na ginanap sa Metropolitan Theatre.

Nanalong Best Film, Best Actress (Rebecca Chuaunsu), Best Supporting Actress (Elora Españo), Best Ensemble, Best Director(J. E. Tiglao), Best Screenplay, Best Cinematography at Best Production Design.

Sa totoo lang. isa sa mabigat na kalaban for best actress si Ms. Rebecca in the next year’s acting derby.

Nanalo na rin si Rebecca as Best Actress sa WuWei International Film Festival in Taiwan (held last September 1) and from the 2023 Festival International du Film Transsaharien de Zagora in Morocco.

Inspite sa panalo ay napaka-humble pa rin ni Ms. Rebecca.

“With the Sinag Maynila best actress award that was bestowed to me, I am most humbled and beyond grateful,” banggit pa ng actress-producer.

(JIMI C. ESCALA)

VERY excited si Judy Ann Santos dahil sa wakas ay natuloy na ang pagsasama nila ng direktor na si Chito Roño sa isang horror film.

Dalampung taong hinintay ni Juday ang pagkakataong maidirek siya ni direk Chito sa isang horror film, naudlot ang tsansa noong 2004 dahil tinanggihan ni tito Alfie Lorenzo, ang namayapang manager ni Judy Ann, ang blockbuster horror flm na ‘Feng Shui’ na eventually ay napunta kay Kris Aquino.

At fast forward ngayong 2024, may pamagat na ‘Espantaho’, sa malayo at historical na lugar ng Mexico sa Pampanga ang shoot ng naturang pelikula nina Juday at direk Chito.

At tiyak na bargadulan ang pelikula dahil ang kasama ni Juday sa movie ay ang isa pang napakahusay na aktres, walang iba kundi ang Grand Slam Queen na si Lorna Tolentino.

At hindi lamang iyan, nasa pelikula rin ang equally-talented actresses na sina Janice de Belen at Ms. Chanda Romero, with JC Santos and Nico Antonio.

Hands-on at aligaga at palaging nasa set ng shooting ang lady producer na si Attorney Joji Alonso ng Quantum films na laging may dalang mga kung anu-anong pagkain sa set para sa mga artista ng pelikula.

Napanood na namin ng personal ang ilang mga heavy dramatic scenes ng pelikula at wala kang itulak-kabigin sa napakahuhusay sa aktingan nina Juday, LT, Chanda at Janice.

Siyempre kasi, kahit na nga horror film ang ‘Espantaho’, hindi mawawala ang dramatic moments sa pelikula lalo pa nga at ang mga female cast members ay puro multi-awarded actresses.

***

HINDI pa talaga matatapos ang usapin ng sexual harassment na may kaakibat na indecent proposal sa showbiz, partikular na sa mga lalaking artista.

Laging natatanong ang mga guwapo at hunk male stars tungkol dito lalo pa at sila ang lapitin ng ganitong sitwasyon.

Tulad na lamang ng dalawang Vivamax actors na sina Mon Mendoza at Calvin Reyes na mga bida sa ‘F Buddies’.

Nakakaloka kung sumagot ang dalawa, lalo na si Mon na matapang at mapangahas magbitiw ng salita, nagbibiro man o hindi.

Sa tanong kung ano ang magiging reaksyon niya kapag may natanggap siyang indecent proposal ang sagot nito ay, “Kung sakaling meron, baka pumayag ako!”

Pero sinundan ito ni Mon ng “Joke lang po.!

“Kasi kumbaga, nasa sa iyo naman po yun kung papayag ko o hindi.

“Pero mas masarap na maranasan yung tagumpay kung galing ka sa ibaba. Yung paghihirapan mo po muna talaga.”

What if bongga ang offer, malaking halaga ng pera, o condo unit o kotse kapalit ang katawan ni Mon?

“Kahit tempting, pero siyempre magdadalawang-isip ako,” deretsahang sagot ni Mon.

“Kasi paano po kung maganda yung offer, di ba? “Hihiga ka lang naman.”

Kaloka siya di ba, at least honest si Mon.

Matindi rin ang sagot niya sa tanong kung naniniwala ba siya sa kasabihang ‘lalaki naman kaya walang mawawala’?

“Naniniwala po ako, huwag ka lang po sigurong matitira sa puwet,” ang nakakabaliw pa rin sagot ni Mon na ikinatuwa namin. Charot!

Si Calvin naman honest ring ibinulgar na may mga natatanggap siyang mensahe lalo pa noong napapanood na siya s amga sexy projects ng Vivamax.

Aniya, “May mga nagme-message po na ganito, ganyan na offer.”

Wala raw tinatanggap o sinasagot si Calvin sa mga nag-aalok sa kanya.

“Pero kapag dumating na po ako sa point na kailangan na po siguro, papasukin ko na rin po siguro, kapag kailangang-kailangan na ng pamilya ko. Para sa pamilya ko.”

Mabuting anak si Calvin.

Anyways, napapanood na via streaming ang ‘F Buddies’ ng Vivamax kung saan bidang mga babae naman sina Candy Veloso at Denise Esteban, sa direksyon ni Sid Pascua at panulat ni Quinn Carillo.

(ROMMEL L. GONZALES)