NAGING usap-usapan ang pag-aresto ng mga pulis ng Pasig City sa dating Kapamilya aktor na si John Wayne Sace.

Si John Wayne ay ang itinurong suspek sa pamamaril daw ng kanyang kaibigang si Lynell Eugenio.

Si Lynell na 43-anyos, residente ng Barangay Sagad, Pasig City, ay binaril 7:30 ng gabi nitong Lunes, Oktubre 28.

Ayon sa mga lumabas na imbestigasyon ng kapulisan ay nagkaroon ng apat na tama ng bala mula sa kalibre 45.

Agad namang nahuli raw agad si John Wayne sa isang hotel malapit sa Pasig.

Na-recover umano mula sa dating aktor ang baril na posible umanong ginamit sa pagpatay sa kaibigan.

Lumabas sa ginawang interview sa dating aktor na matagal na raw may alitan ang dating aktor at ang biktima, huh!

Lumabas din naman sa Facebook page ni John Wayne na may kaalitan ito.

***

UNAWARE pa rin ang publiko sa totoong kalagayan ngayon ni Kris Aquino.

Kumbaga hindi lang nila nakikita, pero ang sabi hirap na hirap daw si Kris sa kanyang mga karamdaman.

Banggit pa ng source namin kapag sumumpong daw ay sobrang sakit daw ang naramdaman ng aktres.

Sa pinakabagong larawan na inilabas ni Bosing Dindo Balares, na isa sa pinakamalapit na kaibigan ni Kris, makikita na parang lumalakas na ang TV host-actress.

Sabi raw ni Kris sa kanyang kaibigan at confidante, “Ganyan kapayat my legs. That’s why i need physical therapy. And I’m 87 pounds, Kuya Dindo.”

(JIMI C. ESCALA)

PAHINGA raw muna ang puso ngayon ni Vina Morales.

Ayon sa actress/singer, “Relaxed lang, steady lang naman yung aking puso. I’m okay, I’m okay, I’m happy with whatever… kung ano’ng nasa position ko ngayon.”

Banggit pa namin kay Vina, kapansin-pansin na wala na siyang post tungkol sa kanila ng foreigner na si Andrew Kovalcin na unang napabalitang kasintahan niya Nobyembre ng nakaraang taon.

“Minsan talaga dumadating sa point na hindi ka na masyadong nagpo-post, tinanggal pala? Ha! Ha! Ha!”

Masasabi ba niya na ngayon ay sa kanyang career at sa anak niyang si Ceanna siya nakapokus?

Lahad ni Vina, “I would say I’m in a position that I am happy even I’m not seeing someone. Ayan na naman,” at muling tumawa si Vina.

“I always believe kasi pag hindi mo… hindi right person, it will never happen.

“Ayoko kasi… nasa point ako ngayon na ayokong ipilit, kasi nung kabataan maski nakikita mong may mga red flag, ipipilit mo pa rin hangga’t nasasaktan ka na.

“So ngayon nare-realize ko that if it’s not really meant for you, huwag mo na ipilit, because I know there’s always somebody right for us.

“Maybe it’s also not the right time dahil ako personally, hindi pa ako the right person for my partner, so I’m still in a process to be a better person.

“Kaya siguro hindi pa naibibigay sa akin, pero kasi ngayon ang priority ko is hindi…you know, a relationship.

“Priority ko is my daughter, Ceanna and yung trabaho pa rin, trabaho.

“Pero if there’s another chance na magkaroon ako to be in a relationship, bakit hindi?

“Pero hindi na yan yung main goal ko, kasi hindi mo masabi talaga kung kayo, o kung tatagal ba, o forever ba.

“Mahirap magsalita ngayon. Ako, I’m taking it one day at a time.”

Nabanggit namin ang isang taong dating malapit sa kanya, si Senator Robin Padilla.

“Oo naman, nangampanya ako doon,” pag-amin ni Vina.

Bulalas pa niya, “you know, during that time… alam naman ni Robin that every time he needs me, nandi-diyan naman ako, and vice versa.

“Iyon, I’m happy that he’s the number one senator, I’m glad na naging parte ako.”

At dahil nalalapit na muli ang eleksyon, tinanong namin si Vina kung umabot din siya sa puntong naisip pasukin ang pulitika?

“Honestly, na-offer sa akin yan before, as Councilor, pero hindi ko talaga ano e, I couldn’t see myself being in politics.

“Kasi parang para sa akin, napakalaking responsibility yan.

“I mean, I have a lot of responsibilities now as an actress or as a singer, as a performer, as an entrepreneur, pero pagdating sa kababayan natin, malaking responsibility yan, so I’d rather serve or help through my music or through shows or charity events, yung mga ganun.

“Pero wala, ibang klase yung nasa politics. So parang hindi ko napi-picture yung sarili ko na magiging isang pulitiko.”

Anyway concert pala si Vina, ang “The Ultimate Performer: Vina Morales, Live In Concert sa November 16 sa ballroom ng Winford Resort and Casino Manila (sa likod ng SM San Lazaro), sa direksyon ni Vergel Sto. Domingo at mula sa VCSD Entertainment Productions.

Front act performers sina David Young at Nathan Randal (a Viva Artists Agency talent).

Special guests naman sa concert sina Dindo Fernandez, (dubbed as the “Soulful Balladeer”) at ang Crossover Diva na si Nin̈a Campos.

(ROMMEL L. GONZALES)

SAMA-SAMANG dinala ng mga hip-hop icon na sina Skusta Clee at Flow G at PPop megastar na SB19 ang panalo spirit sa Puregold Sari-sari Store MassKaravan at Concert sa Bacolod.

Ang pagdiriwang na ito ay dinala mismo ng Puregold sa MassKara Festival na idinaraos taon-taon at dinarayo ng libo-libong mga bisita mula sa iba’t ibang panig ng bansa. Mahigit-150,000 ang dumalo upang makisaya sa Puregold at sa mga bigating musikerong bisita.

Mas pinatingkad ng Puregold Sari-sari Store MassKaravan ang mga kulay at maligayang awra sa taunang pista. Ipinagdiwang sa Bacolod City Government Center, naengganyong dumalo ang mga loyalistang miyembro ng Puregold at mga tagasubaybay ng lokal na musika, na pumunta sa konsiyerto upang mapanood ang mahusay na ritmo nina Skusta at Flow G, at ang sayaw at harmonya ng SB19. Natunghayan din ng mga nanood ang pagtatanghal ng mga nagbukas ng konsiyerto, sina Project Juan at Esay.

“Puregold has taken major strides in uplifting the voices of our local music talents),” pagbabahagi ng Presidente ng Puregold na si Vincent Co. “We’re proud to bring these talents to one of our country’s most spirited festivals–MassKara in Bacolod. Our sincere thanks to all who came out to enjoy the concert.”

Kitang-kita sa mga tagapanood ang kanilang pagkamangha at saya sa panonood ng kanilang mga paboritong musikero sa Bacolod City Government Center. Halimbawa, ang mga A’TIN Na sina Chariz at Katrina ay napuno ng ligaya dahil nakita ang kanilang mga iniidolo.

Ani Chariz, wala siyang personal na “bias” dahil “lahat po idol ng anak ko!” Si Katrina naman, nagpadala ng espesyal na mensahe sa bias niyang si Stell, “Good luck and good job! Hoping you grow as an individual but also as a group.”

Labis namang nasabik ang mga fan gaya ni Apple na nakita ang bigatin sa rap na si Flow G. Malinaw na malaki ang impact ni Flow G kay Apple nang ipinagmamalaki niyang isigaw ang “Idol! Nakaka-inspire!”

Habang bukas sa publiko ang konsiyerto, may bentahe ang mga miyembro ng Puregold sa kapana-panabik na kaganapan. Mayroong mga VIP at VVIP na tiket na binenta sa mga piling Puregold store sa Bacolod at Iloilo noong Oktubre 5, na paraan ng Puregold na pasalamatan ang mga araw-araw na suki at mabigyan sila ng magandang karanasan sa konsiyerto.

Dagdag pa rito, marami ring masuwerteng nanalo ng mga VIP pass na ipinamigay ng mga partner brand ng Puregold, na mayroong mga booth sa pinagdausan ng konsiyerto. Marami ding mga giveway ang nag-abang sa Perks at Aling Puring members. Ang unang 2,000 na nagrehistro sa konsiyerto ay nakapag-uwi ng libreng loot bag na naglalaman ng mga groseri aytem na nagkakahalagang P300.

Sa masayang musika, mga giveaway at promo, naramdaman talaga ng mga dumalo sa Puregold Sari-Sari Store MassKaravan at Concert ang selebrasong Pinoy. Ang mga kuwentong panalo ng mga musikero, mga tagasubaybay, at ang Puregold mismo ay nagsama-sama at lumikha ng gabing maalala ng lahat.

(ROHN ROMULO)