NANINDIGAN si Department of Social Welfare and Development (DSWD) Secretary Rex Gatchalian na walang halong politika sa pagtulong ng departamento sa mga nangangailangan o humihingi ng tulong.

Sinabi ni Gatchalian na tumutulong sila sa mga nangangailangan kahit mayroon o walang referral mula sa mga politiko.

“Every day naman kahit walang referral ‘pag pumunta ka sa tanggapan ng DSWD tinutulungan ka. Hindi mo kailangan ng referral. Kung may referral, tutulungan ka rin,” ayon sa Kalihim.

Ipinahayag ito ng Kalihim nang hingan ng komento ukol sa do umano’y binasura ng DSWD ang ‘ referrals for assistance’ mula sa Office of the Vice President (OVP).

Sinabi pa ng Kalihim na hindi nila pinopollitika ang pagtulong sa tao lalo pa’t ang responsable sa pagbibigay ng tulong ay ang mga licensed social workers, ang ibig sabihin ang kanilang lisensiya ay malalagay sa pangnib at alanganin kapag pinolitika nila ang pagtulong sa mga nangangailangan.

Aniya pa, nakipag-ugnayan na sila sa OVP para sa paglilinaw. Maaari aniya silang magbigay ng screenshots ng kanilang pag-uusap para patunayan na mali ang alegasyon.

“So, para sa akin palagay ko ‘yung mga ‘yun ay sapat na na mga documentation para maipakita namin na wala kaming kinikilingang referral or walang referral, or may referral, lahat ng pupunta sa office, tinatanggap naman natin,” aniya pa rin.

“Wala kaming record na aming tinanggihan,” dagdag na wika ni Gatchalian.

Sa Senado, tiniyak ni Gatchalian na ang tulong ay para sa lahat.

“Lahat ng nangangailangan ng tulong, tutulungan,” ang sinabi ni Gatchalian.

“Hindi ho nagiging selective ang Departamento natin. Ang mga social worker ho natin ang sumusuri nyan. Pagka nagbigay ho ang kongresista o ang kahit na sinong partner ng referral list, bine-vet ho nating mabuti yon (,” ang sinabi pa rin n iGatchalian sa mga miyembro ng Senate Finance Committee. (Daris Jose)

TITIYAKIN ng administrasyong Marcos na mananatiling tuloy-tuloy at walang hadlang ang serbisyo ng gobyerno sa lalawigan ng Sulu.

Ito ang sinabi ng Department of Budget and Management (DBM).

Inihayag ang commitment na ito nang ang Intergovernmental Relations Body (IGRB), binubuo ng mga kinatawan mula sa national at Bangsamoro governments, nagpulong noong Oct. 11 para talakayin ang Supreme Court’s (SC) Sept. 9 ruling sa ‘exclusion’ ng Sulu mula sa Bangsamoro Autonomous Region in Muslim Mindanao (BARMM).

Sinabi ni DBM Secretary Amenah Pangandaman, IGRB co-chairperson para sa national government, na committed ang administrasyong Marcos na panatilihin ang serbisyo sa Sulu sa gitna ng transisyon.

“The national government will exert all efforts to ensure a smooth transition, taking a whole-of-government approach to continuously deliver essential services in the region,” ang sinabi Pangandaman ayon sa IGRB joint statement.

“We in the IGRB have a crucial responsibility to sustain and build on the significant gains we’ve achieved for BARMM’s governance, peace, and long-term growth,” dagdag na wika nito.

Nanawagan naman si BARMM Education Minister at IGRB co-chairperson Mohagher Iqbal para sa isang pinag-isang pagsisikap para ‘pangalagaan ang interest ng mga residente ng Sulu.

“As we await the final resolution of the judicial process, it is essential that we adopt a collective approach to protect the rights, aspirations, and well-being of the people of Sulu,”ang sinabi ni Iqbal.

Tinukoy naman ni Iqbal ang posibleng pagbabago na maaaring mangyari sa panahon ng transisyon, kabilang na ang pagbabayad ng sweldo para sa teaching at non-teaching staff, asset management, at iba pang operational matters.

Pumayag naman ang IGRB na bumuo ng technical working group (TWG) na magde-develop ng balangkas para tiyakin ang ‘minimal disruption’ sa mahahalagang serbisyo.

Inatasan din ang TWG na magbigay ng rekumendasyon ukol sa pagpapanatili na magpapatuloy ang operasyon habang hinihintay ang pinal na desisyon ng Korte Suprema.

Samantala, makipag-ugnayan naman ang IGRB sa Office of the Executive Secretary para sa pagpapalabas ng written directive sa mga apektadong tanggapan ng Bangsamoro government, national government, at local government unit upang matiyak ang patuloy na operasyon ng ‘governmental matters’ sa Sulu.

“In a unanimous decision dated Sept. 9, 2024, the SC ruled that Sulu is not part of the BARMM, citing the province’s rejection of the Bangsamoro Organic Law (BOL) during the 2019 plebiscite,” ayon sa ulat.

“The BOL, enacted on July 27, 2018, is the legal framework establishing the BARMM’s governance and political structure,” ayon pa rin sa ulat.

Nito lamang nakaraang buwan, hinikayat ni Pangandaman ang BARMM at Sulu na manatiling “status quo,” kasunod ng desisyon ng Korte Suprema na huwag isama ang lalawigan mula a rehiyon. (Daris Jose)

WELCOME kay Department of Social Welfare and Development (DSWD) Secretary Rex Gatchalian ang paglikha ng 5,000 regular positions para sa mga empleyado ng departamento.

Sa pagpapatuloy ng deliberasyon sa Senado hinggil sa panukalang budget ng DSWD para sa 2025, sinabi ni Department of Budget and Management (DBM) Assistant Secretary Leonido Pulido III kay Senate Committee on Finance chairman Senator Imee Marcos na nagpapatuloy ang pagsisikap ang DSWD “in order to start the regularization of at least 4,000 to 5,000 of the existing contractual positions.”

“Madame Chair, kung ‘yun po ang report ng DBM, we will be very happy,” ang sinabi ni Gatchalian bilang tugon sa pahayag ni Pulido.

Umaasa rin si Gatchalian na ngayong taon malilikha ang naturang mga posisyon.

Sa isinagawang budget deliberation, sinabi ni Gatchalian sa komite na na-convert na ng departamento ang 6,135 contract of service (COS) sa contractual employees mula sa oras na itinalaga siya bilang Kalihim ng DSWD.

Sa kabilang dako, sa budget hearing noong Sept. 16, sinabi ni Gatchalian na itutulak ng departamento ang mas maraming plantilla positions para sa job security ng mga empleyado nito lalo na iyong mga nasa ilalim ng COS at job orders (JOs) at iyong mga matagal na sa departamento.

“Madame, what we did was we went ahead. I volunteered to engage DBM. So, we did engage the DBM and we sent a copy to the Senate, as well, of our request to DBM. We had numerous meetings,” ang sinabi ni Gatchalian.

“The agency is embarking on the gradual transition of COS and JOs into more stable positions, particularly the personnel of the Pantawid Pamilyang Pilipino Program (4Ps),” ang sinabi pa ng Kalihim. (Daris Jose)

SINABI ni Pangulong Ferdinand Marcos Jr. na mahalaga ang ‘partnerships’ sa mga bansa sa Asia Pacific region para makapagtatag ng ‘adaptive, inclusive, resilient, at sustainable region’ sa disaster risk reduction.

Ito ang sinabi ni Pangulong Marcos sa kanyang naging talumpati sa isinagawang ‘courtesy and ministerial dinner for the delegates of the 2024 Asia-Pacific Ministerial Conference on Disaster Risk Reduction’ na idinaos sa Maynila.

“Through this conference, we are presented with the opportunity to explore new avenues for collaboration, especially in leveraging science and technology to alleviate the impact of climate change and ensuring that disaster risk reduction financing is accessible to all.” ang sinabi ni Pangulong Marcos.

“By harmonizing all of our efforts, I trust we can build an Asia Pacific region that is truly adaptive, inclusive, resilient, and sustainable,” aniya pa rin.

Sa kabilang dako, sinabi naman ng United Nations Office for Disaster Risk Reduction (UNDRR), ang komperensiya ay mayroong stakeholders gaya ng gobyerno, pribadong sektor at akademiya para mapabilis ang progreso sa pagbabawas sa disaster risk.

“The increasing frequency and severity of natural hazards call for deeper innovation, for closer cooperation, and for sustained commitment from all of us,” ang sinabi ni Pangulong Marcos.

Samantala, inilarawan naman ni Kamal Kishore, pinuno ng UN Office for Disaster Risk Reduction, ang Pilipinas bilang “lighthouse” sa pagtatrabaho sa disaster risk reduction.

“It’s a lighthouse which will give inspiration to countries not just in the Asia Pacific but beyond the Asia Pacific to across the world,” ang sinabi ni Kishore.

Tinuran pa ni Kishore na nakatuon ang Pilipinas sa local level, lalo na sa komunidad nito, trabaho ng iba’t ibang sektor, at pakikipag-ugnayan sa civil society.

“We have interacted with children and the level of awareness and enthusiasm that they have. It is just infectious. When you are with those children, you feel so hopeful of the future of not just us but also generations to come,”ang winika ni Kishore. (Daris Jose)

TUMATALIWAS umano ang pagtanggi nina Senador Ronald “Bato” dela Rosa at Bong Go nang partisipasyon ukol sa extrajudicial killings at EJK cash reward system kaugnay sa madugong anti-drug campaign ng dating administrasyon.

Ito ang pananaw nina Reps. Dan Fernandez ng Sta. Rosa City, Robert Ace Barbers ng Surigao del Norte at Bienvenido Abante Jr. ng Manila, mga miyembrong chairmen ng apat na committee panel o Quad Comm.

Nagsasagawa ang komite ng imbestigasyon sa isyu ukol sa EJKs, illegal Philippine offshore and gaming operators (POGOs) at dangerous drugs.

“The evidence so far unearthed in the Quad Comm belies Senators Bato’s and Bong Go’s denials of EJK involvement and existence of the reward system that was public knowledge during the previous administration, particularly in the Philippine National Police (PNP),” ani Fernandez, Chairman ng House Committee on Public Order and Safety.

Ayon kay Fernandez, dalawang saksi na sina retired police colonel at dating Philippine Charity Sweepstakes Office (PCSO) general manager Royina Garma at Police Lt. Col. Jovie Espenido, ang tumestigo kaugnay sa pagkakaroon ng payouts sa hitmen para sa pagpatay sa drug suspects.

“Not only did it exist; it was managed by higher-ups, meaning by Malacañang (Duterte administration),” dagdag ni Fernandez.

Tinukoy naman Barbers, chair ng House Committee on Dangerous Drugs, ang naging testimonya ni Espenido na milyon o bilyong piso ang naging pabuya para sa kampanya.

Ang pondo, batay sa pahayag ni Espenido, ayon kay Barbers ay nagmula sa jueteng at iba pang illegal gambling activities, intelligence funds, small-town lottery (STL) operations at POGOs.

“Our impression is that the intelligence funds came from the Office of the President and the PNP. When these funds are audited, we will find out who is telling the truth or lying: Sen. Bato and Sen. Bong Go, or Garma and Espenido,” ani Barbers.

Sinabi naman ni Abante na batay sa testimonya ng mga saksi na noong 2016, ay nakitang nakipagpulong sina Dela Rosa at Go sa mga pagpupulong ni Duterte sa ilang mga police officers, kabilang na sina Garma at retired police colonel at ngayon ay National Police Commission Commissioner Edilberto Leonardo. Ang meeting ay ginanap sa Department of Public Works and Highways’ (DPWH) regional office sa Davao City.

Ayon pa kay Abante, inihayag ng saksi na tinalakay umano ang Davao City EJK template at reward system sa naturang pagpupulong. Ilang linggo matapos nito, nagsimula ang pagpatay sa mga drug suspects sa police operations at riding-in-tandem hired guns.

“It is not difficult to connect the dots.” pagtatapos ni Abante. (Vina de Guzman)

AABOT mahigit P.2 milyong halaga ng shabu ang nasamsam ng pulisya sa isang pintor na hinihinalang tulak ng illegal na droga matapos maaresto sa ikinasang buy bust operation sa Valenzuela City, Miyerkules ng madaling araw.

Kinilala ni Valenzuela police chief P/Col. Nixon Cayaban ang naarestong suspek na si alyas Kulog, 50, house painter at residente ng Brgy. Lingunan.

Sa kanyang ulat kay Northern Police District (NPD) Director P/BGen. Rizalito Gapas, sinabi ni Col. Cayaban na nakatanggap ng impormasyon ang Station Drug Enforcement Unit (SDEU) sa ilalim ng pangangasiwa ni P/Capt. Joan Dorado hinggil sa umano’y pagbibenta ng illegal na droga ng suspek.

Nang magawa nilang makipagtransaksyon sa suspek, bumuo ng team si Capt. Dorado sa pangunguna ni P/Lt. Johnny Llave at ikinasa ang buy bust operation kung saan pumayag umano ang kanilang target na sa West Service Road sa Brgy. Paso De Blas gaganapin ang kanilang transaksyon.

Nang tanggapin umano ng suspek ang isang P500 bill na may kasamang 6-pirasong P1,000 boodle money mula sa pulis na nagpanggap na buyer kapalit ng isang plastic sachet ng shabu ay agad siyang dinamba ng mga operatiba dakong ala-1:40 ng madaling araw.

Nakumpiska sa suspek ang humigi’t kumulang 30 grams ng hinihinalang shabu na nagkakahalaga ng P204,000.00, buy bust money, cellphone, P150 recovered money at gamit nitong motorsiklo.

Ayon kay SDEU investigator PMSg Ana Liza Antonio, kasong paglabag sa Sections 11 at 5 sa ilalim ng RA 9165 o ang Comprehensive Dangerous Drug Act of 2002 ang isasampa nila laban sa suspek sa Valenzuela Prosecutor’s Office.

Pinuri naman ni Gen. Gapas si Col. Cayaban at ang kanyang mga tauhan sa kanilang matagumpay na operation kontra ilegal na droga na nagresulta sa pagkakaaresto sa suspek. (Richard Mesa)