2024 October 17 Archive - People's Balita

October 18, 2024
Search in People's Balita
Ang Diyaryong Pinagkakatiwalaan

Archive for October 17th, 2024

Higit 100 illegal POGOs tuloy operasyon — PAOCC

Posted on: October 17th, 2024 by @peoplesbalita No Comments

NAMAMAYAGPAG pa rin ang operasyon ng Philippine Offshore Gaming Operators (POGOs) sa bansa sa kabila ng kautusan ni Pangulong Ferdinand Marcos, Jr. na wala ng operasyon nito bago matapos ang 2024.

Namamayagpag pa rin ang operasyon ng Philippine Offshore Gaming Operators (POGOs) sa bansa sa kabila ng kautusan ni Pangulong Ferdinand Marcos, Jr. na wala ng operasyon nito bago matapos ang 2024.

Ayon kay Presidential Anti-Organized Crime Commission (PAOCC) Spokesperson Winston Casio, nasa higit 100 illegal POGO hubs pa ang nagpapatuloy sa kanilang operasyon.

“Ang problema talaga natin ay ‘yung mga illegal talaga from the get-go. ‘Yung sa umpisa palang illegal na talaga sila, underground na po sila. ‘Yun ‘yung nagiging problema ngayon sapagkat hinahabol po natin sila all over the country… Kasi ‘yung dating malalaki na daan-daan, ‘yung libo ang mga empleyado, nag disintegrate sila into smaller units kaya mas lalo silang dumami,” ani Casio.

Naniniwala si Casio na kailangan ang koordinasyon ng lahat ng sangay ng pamahalaan at maging ng LGUs at barangay upang matukoy at matigil ang operasyon ngga illegal POGOs.

Dagdag ni Casio ang mga barangay at LGUs ang siyang dapat na manguna sa pagsawata ng mga illegal activities sa kanilang mga lugar.

Tiniyak ni Casio na tuluy tuloy ang kanilang operasyon kahit matapos ang Disyembre.

Kamakailan nang madakip ng mga awtoridad ang sinasabing “godfather” ng POGO na si Lyu Dong sa Biñan Laguna. (Daris Jose)

PH vessels, inilagay sa panganib ang buhay ng Chinese personnel malapit sa Pag-asa Island- Tsina

Posted on: October 17th, 2024 by @peoplesbalita No Comments

IGINIIT ng Beijing na inilagay sa panganib ng Philippine vessels ang buhay ng Chinese personnel na nasa barko ng pangingisda dahil mapanganib na naglalayag malapit sa Pag-asa Islandsa West Philippine Sea (WPS).

Tinanong kasi ang Chinese Foreign Ministry ukol sa Oct. 11 incident kung saan sinasabing di umano’y sinadyang banggain ng Chinese Maritime Militia ang barko ng Philippine Bureau of Fisheries and Aquatic Resources (BFAR) sa may bahagi ng Pag-asa (Sandy) Cays.

Ayon sa BFAR na naganap ang insidente noong October 11 habang nagsasagawa ng routine maritime patrol ang BRP Datu Cabaylo at BRP Datu Sanday.

Ayon sa BFAR, binuntutan at sinubukang harangan ng barkong CMM 00108 ang BRP Datu Cabaylo.

At habang dahan-dahang papalapit ang BRP Datu Cabaylo (MMOV 3001) sa Pag-asa (Sandy Cay) ay ginitgit na ito ng Chinese vessel.

Ayon sa BFAR, nagtamo ng minor dents ang kanilang sasakyang pandagat partikular sa starboard bow nito.

Sa kabila naman ng insidente, nakumpleto pa rin ng BFAR vessels ang kanilang maritime patrol at ligtas na nakadaong sa Pag-asa Sheltered Port.

“We commend the officers and crew of the BRP Datu Cabaylo (MMOV 3001) as they continue to perform their duty, in line with the mandate of BFAR, to uphold Philippine jurisdiction and rights over its territorial waters and exclusive economic zone,” saad pa ng BFAR.

At nang hingan ng komento ukol sa bagay na ito si Chinese Foreign Ministry spokesperson Mao Ning ay sinabi niya na “As far as I know, the truth is that Philippine official vessels sailed dangerously in waters under China’s jurisdiction and collided with a Chinese fishing boat conducting regular operation there.”

“The behavior violates China’s sovereignty and gravely threatens the safety of Chinese fishing boats and crew,” ang sinabi pa ni Mao Ning.

Nanawagan din ito sa Pilipinas na “to earnestly respect China’s territorial sovereignty and maritime rights and interests in the South China Sea”, panawagan din ito na itigil muna ang anumang aksyon na maaaring kumplikado sa sitwasyon. (Daris Jose)

Mas malakas na ‘international legal frameworks’, kailangan sa pagtugon sa kalamidad, sakuna -PBBM

Posted on: October 17th, 2024 by @peoplesbalita No Comments

NANAWAGAN si Pangulong Ferdinand Marcos Jr. para sa mas malakas na ‘international legal framework’ na magsisilbi bilang gabay para sa disaster response measures.

”We must advocate for stronger international legal frameworks that guide disaster prevention and response. The Philippines is proud to lead the initiative toward developing an international legal instrument for the Protection of Persons in the Event of Disasters,” ang sinabi ni Pangulong Marcos sa pagbubukas ng 2024 Asia-Pacific Ministerial Conference on Disaster Risk Reduction sa Pasay City.

Sinabi ni Pangulong Marcos, nakahanda ang Asia-Pacific na manguna sa disaster risk reduction at climate action.

”This endeavor aims to fill critical gaps in international disaster response laws, uphold the rights and dignity of affected persons, establish clearer obligations, and enhance humanitarian coordination,” dagdag na wika nito.

Binigyang diin naman ni Pangulong Marcos kung paano ang ‘climate change at disasters’ ay ‘catalysts’ para sa ‘human displacement.’

”This necessitates forward-thinking policies that create safe pathways for migration and to support those displaced by disasters so that they can rebuild their lives with dignity and security,” ayon kay Pangulong Marcos.

Tinuran pa ni Pangulo Marcos na sa lahat ng panig ng Asia-Pacific region, “nations grapple with similar trials, navigating the balance between continued economic growth and dealing with the ever-present threat of disasters.”

”The Asia-Pacific region also stands as a testament to the unwavering spirit of its people. From the tsunami in the Indian Ocean to Typhoon Haiyan in the Pacific Ocean, from the earthquakes in Nepal to floods in South Asia, our nations have conquered monumental challenges,” ang winika ng Chief Executive.

“There is a need to harmonize approaches and pursue meaningful actions under these mandates to secure a sustainable and climate-resilient future,” ang sinabi pa ng Punong Ehekutibo.

Ang APMCDRR ay ang primary platform ng rehiyon para mag-monitor, review, at pasiglahin ang kooperasyon para sa implementasyon ng Sendai Framework for Disaster Risk Reduction 2015-2030 sa regional level.

Hangad naman ng komperensiya na magbigay ng oportunidad para sa comprehensive review ng regional progress pagdating sa ‘risk reduction efforts.’ (Daris Jose)

Sa panahon ng war on drugs ng administrasyong Duterte… Muling pagbubukas ng imbestigasyon sa high-profile killings suportado ng Malakanyang

Posted on: October 17th, 2024 by @peoplesbalita No Comments

SUPORTADO ng Malakanyang ang posibleng muling pagbubukas ng imbestigasyon sa high-profile killings na may kinalaman sa war on drugs ng administrasyong Duterte.

”Of course. The reopening of the investigations of the high killings related to the war on drugs should indicate that the Marcos administration places the highest importance on the fair dispensation of justice and on the universal observance of the rule of law in the country,” ang sinabi ni Executive Secretary Lucas Bersamin sa isang text message nang tanungin kung susuportahan ng Marcos administration ang nasabing imbestigasyon.

Nauna rito, napaulat na plano ngayon ng Philippine National Police (PNP) na pabuksan sa Criminal Investigation and Detection Group (CIDG) ang ilang mga opisyal na napatay sa war on drugs ni dating Pangulong Duterte.

Kasunod ito sa naging rebelasyon ni dating Philippine Charity Sweepstakes Office (PCSO) chief Royina Garma sa Quad Committee ng Kamara na sangkot ang isang aktibong pulis sa pagpaslang noon kay Tanauan City Mayor Antonio Halili.

Ang alkalde ay binaril umano ng sniper noong Hulyo 2018 habang ito ay nasa flag raising ceremony.

Sinabi ni Garma na isang “Albotra” ang nagkuwento sa kanya at ipinagyabang pa nito.

Sinabi pa ni PNP Spokesperson PBGen Jean Fajardo, na isa lamang ang kaso ni Halili ang pinabubuksan bukod pa sa ilang mga kaso ng mga government officials na nasangkot sa war on drugs. (Daris Jose)

PBBM, hangad ang pinasimpleng MINING FISCAL REGIME

Posted on: October 17th, 2024 by @peoplesbalita No Comments

NANAWAGAN si Pangulong Ferdinand R. Marcos Jr. sa mga mambabatas na itulak ang pinasimpleng fiscal regime para sa mining industry.

Tinukoy ni Pangulong Marcos ang Rationalization of the Mining Fiscal Regime, na kanyang inilarawan bilang “fundamental to creating a fair and equitable mining environment for everyone involved.”

“I urge all our dedicated agencies and esteemed members of Congress to support the Rationalization of the Mining Fiscal Regime,” ayon kay Pangulong Marcos sa isinagawang 2023 Presidential Mineral Industry Environmental Award (PMIEA) sa Palasyo ng Malakanyang.

Ipinanukala ng batas ang isang revised fiscal regime, pagpapataw ng isang four-tier, margin-based royalty mula 1.5% hanggang 5% sa income o kinita mula sa mining operations sa labas ng mineral reservations.

Sa ilalim ng kasalukuyang fiscal regime, ang iba’t ibang obligasyon ng mining groups at mga kompanya ay depende sa mining agreement. Nagpapataw din ito ng buwis para lamang sa mga minahan na nago-operate sa loob ng mineral reservation.

Inatasan din ni Pangulong Marcos ang Department of Environment and Natural Resources (DENR) na palakasin ang ‘regulatory capabilities’ nito para sa industriya.

“It is equally vital for the DENR to strengthen regulatory capabilities for all mining operations to ensure compliance with safety and environmental standards,” ang sinabi ni Pangulong Marcos.

Sa kabilang dako, kabilang sa mga regulasyon na binanggit ng Pangulo ay ang pagpapalabas ng Administrative Order No. 2022-04, nagbibigay mandato sa biodiversity management sa mining operations, kasama ang pagtatatag ng National Environment and Natural Resources Geospatial Database.

“The measure reflects the government’s commitment to responsible practices,” ang tinuran ng Chief Executive.

Tinukoy din ng Punong Ehekutibo na ang Philippine Ecosystem and Natural Capital Accounting System (PENCAS) Act, nilagdaan noong Mayo ng taong kasalukuyan, binigyang diin ang dedikasyon para sa napananatiling ‘resources management.’

“This landmark legislation ensures that a robust system is in place to quantify and integrate the value of our country’s natural assets into national economic planning and decision-making,” aniya pa rin.

“This will enable us to better balance economic gains with environmental protection and guarantee that the true cost of resource extraction is accounted for,” ang winika ng Pangulo. (Daris Jose)

OVP, pinanindigan ang pahayag ukol sa ‘rejected’ referrals

Posted on: October 17th, 2024 by @peoplesbalita No Comments

PINANINDIGAN ng Office of the Vice President (OVP) ang sinabi nito na tinanggihan ng Department of Social Welfare and Development (DSWD) ang libo-libong referrals mula sa OVP.

Taliwas ito sa sinabi ni DSWD Secretary Rex Gatchalian na may pruweba ito na in-accommodate nila ang ‘requests for assistance’ mula sa tanggapan ni Vice President Sara Duterte.

“The claim by Secretary Rexlon Gatchalian that the Department of Social Welfare and Development has accommodated all referrals from the Office of the Vice President is inaccurate and misleading,” ang sinabi ni OVP Director for Operations Norman Baloro.

“While such statements may paint a picture of seamless coordination between our two offices, the reality on the ground tells a different story,” dagdag na wika nito.

Nauna rito, itinuro ni Gatchalian si Baloro bilang handling officer ng OVP na di umano’y nagsabi na in -accommodate ng DSWD ang lahat ng kanilang requests matapos sabihin ni VP Sara na pinopolitika ng DSWD ang assistance program ng gobyerno.

Sinabi pa ni Gatchalian na maaari silang magbigay sa Senado ng kopya ng screenshots ng nasabing pag-uusap.

Subalit, biglang bawi naman si Baloro at nagpahayag na “there had been several instances when OVP referrals were declined.”

Binigyang halimbawa ni Baloro ang tinanggihan na request for assistance ng DSWD mula sa grupo ng mga indibiduwal na apektado ng African Swine Flu. Ang katuwiran ng DSWD, hindi ito gumagawa ng “mass payout” sa kabila ng ginawa naman nila ito sa ibang lugar kasama ang ibang politiko.

Mayroon ding 7,056 pending applications para sa Assistance for Individuals in Crisis Situations (AICS) at 2,597 pending applications para naman sa Sustainable Livelihood Program (SLP) ang ni-refer ng OVP Satellite Offices sa Panay at Negros Island.

Tinuran ni Baloro na naghanda siya ng listahan ng mga tinukoy na benepisaryo ng OVP Cebu, Bohol, at Siquijor Satellite Offices kung saan hanggang ngayon ay hindi pa rin natatanggap ang tulong mula sa DSWD.

“There is no clear explanation provided by the DSWD to the OVP referred clients from the Satellite Offices on the delay or inaction on the requests,” ang nakasaad sa kalatas ni Baloro.

“To dismiss these unserved clients is to ignore the real challenges many Filipinos face in accessing social services,” aniya pa rin.

Kaya nga nanawagan si Baloro sa DSWD na kaagad na kumilos “to address these gaps and fulfill the government’s obligation to provide aid to every Filipino.” (Daris Jose)

Duterte, Bato ipinatatawag ng House sa drug war EJKs

Posted on: October 17th, 2024 by @peoplesbalita No Comments

NAGPADALA na ng imbitasyon ang House Quad Committee kina dating Pangulong Rodrigo Duterte, Sens. Bong Go at Bato dela Rosa sa susunod na pagdinig kaugnay ng extra judicial killing at reward system sa drug war ng nakaraang administrasyon.

“Nagpadala na kami ng imbitasyon kay ex President Duterte, kay Senador Go at Senador Bato,” ayon kay quad comm chairman Rep. Robert Barbers.
Sakaling hindi dumalo sa pagdinig si Duterte, sinabi ni Barbers na irerespeto nila ito.

Samantalang sina Go at Bato ay may mga ‘interparliamentary courtesy’ naman kung hindi ng mga ito nais na dumalo sa pagdinig.

Magugunita na noong Biyernes, ibinunyag ni dating PCSO General Manager ret. Col. Royina Garma na ginamit umano ang ‘Davao model’ sa drug war kung saan may kapalit na reward na mula P20,000 hanggang P1 milyon ang bawat mapapatay na mga drug personalities.

“As for the senators, of course, their names were mentioned. We want to give them a chance to respond to the allegations against them so that we can be fair,” ani Barbers. (Daris Jose)

Ads October 17, 2024

Posted on: October 17th, 2024 by @peoplesbalita No Comments