NAGPADALA na ang Office of Civil Defense (OCD) ng mas maraming reinforcement teams para tumulong sa rescue operations sa mga lugar na apektado ng Severe Tropical Storm ‘Kristine’.

Sa press briefing sa Malakanyang, sinabi ni OCD spokesperson Director Edgar Posadas na nanatiling prayoridad ang nagpapatuloy na rescue efforts sa Bicol.

“Ang challenge pa rin nila doon ay the floodings which are really mataas pa,” aniya pa rin.

“There are enough resources pero, yun nga, sa taas ng baha—these are in Naga and several municipalities in Camarines Sur such as Presentacion, Bula, and the other towns nearby,” ang sinabi pa ni Posadas.

Aniya pa, ang teams at equipment mula sa Southern Luzon Command ng Armed Forces of the Philippines (AFP) ay dineploy para dagdag an at isama sa operasyon ng local government units.

“As we speak mayroong padating na mga reinforcement from the Southern Luzon Command, both personnel and equipment and, at the same time, magpapadala din ng tulong doon kasi we practice at OCD ‘yung pagtulong po ng mga less affected na mga regions to assist nearby regions,” ayon kay Posadas.

Tinuran pa nito na ang reinforcement teams mula sa Eastern Visayas ay tutulong din sa Bicol.

Ani Posadas, ipinadala na ang tulong sa mga bayan ng Polangui at Libon sa Albay.

“Medyo mayroon pa tayong challenge doon sa ibang mga malalayong mga barangays and lugar,” ang winika ni Posadas.

“But we are getting there with the augmentation ng SolCom and the region 8 contingent, I’m sure malaking tulong ‘yun.”dagdag na pahayag nito.

Nauna rito, may 10 katao na ang iniulat na nasawi, dalawa ang sugatan habang siya naman ang nawawala, ayon sa OCD.

May 19 naman na LGUs naman ang nagdeklara ng state of calamity. (Daris Jose)

NAHIHIRAPAN ang ilang local government units (LGUs) na makapaghatid at mamahagi ng food assistance sa mga pamilyang apektado ng Severe Tropical Storm Kristine.

Sa katunayan, sinabi ni Department of Social Welfare and Development (DSWD) Secretary Rex Gatchalian na 50,000 family food packs lamang mula sa 170,000 packs na nakatago sa iba’t ibang bodega sa Bicol Region ang nakuha ng LGUs.

“Actually, marami silang request pero nag-aantay kami na kunin nila at pick-up-in nila,” ang sinabi pa ni Gatchalian sa isang panayam.

“Katulad kahapon, kausap ko si Governor, acting governor ng Albay, si Vice Governor Glenda. Sabi nga niya, onti-onti nang bumababa ‘yung tubig sa Albay pero kailangan nila ng kaunting panahon bago nila makuha ‘yung mga goods sa aming mga warehouse,” dagdag na pahayag ng Kalihim.

Sa Camarines Sur, sinabi ni Gatchalian na dahan-dahang nakukuha ng mga awtoridad ang food packs, subalit nakapokus talaga ang mga ito sa pagsalba sa mga residente na apektado ng bagyo.

Ang signal No.3 ay nakataas sa mahigit sa 16 na lugar sa Luzon habang kumikilos si Kristine patungong Cordillera Administrative Region.

Nakapagtala naman ang mga awtoridad ng 20 kataong nasawi sa Bicol Region.

Ani Gatchalian, may karagdagang 50,000 food packs ang patungo na sa Bicol Region.

“Patuloy kaming nakikipagugnayan sa mga LGUs na kunin na ‘yung mga goods. Ang instruction ng Pangulo naman sa akin kahapon siguraduhin na hindi kami maubusan doon. So habang nag di-distribute tayo ngayon sa mga LGUs, meron na tayong mga goods na papunta ulit ng Bicol,” ang sinabi pa ng Kalihim.

Samantala, sinabi ni Gatchalian na ang LGUs ang responsable sa paghahatid ng food packs sa mga pamilya at hindi ang DSWD.

“Ang DSWD, ang role namin is suportahan ang ating mga LGUs kung sakaling kulangin sila ng mga goods. So tayo, nasa warehouse natin ‘yung mga good bago pa tumaman… ‘yung epekto ni Bagyong Kristine,” aniya pa rin.

Samantala dahil sa bagyong Kristine ay muling sinuspinde ng gobyerno ang pasok sa trabaho sa tanggapan ng pamahalaan at klase sa lahat ng antas sa buong Luzon. (Daris Jose)

MAY 27 road sections sa tatlong rehiyon ang isinara sa trapiko dahil sa epekto ng Severe Tropical Storm Kristine (international name: Trami).

Sinabi ng Department of Public Works and Highways (DPWH) sa kanilang ‘6 a.m. report’, na 21 lansangan ang hindi madaraanan sa Bicol, apat sa Cordillera region, at dalawa sa Cagayan Valley.

“Clearing operations of DPWH Quick Response Teams are also underway along roads where floodwaters have subsided. We expect that many of the flooded roads will be opened to traffic this afternoon,” ang sinabi ni DPWH Secretary Manuel Bonoan.

Nag-deploy naman ang departamento ng quick response assets, kabilang na ang 2,048 piraso ng equipment at 9,005 personnel para sa clearing operations.

“The roads are inaccessible to vehicles due to soil collapse, flooding, collapsed pavement, landslides, fallen trees, rock collapse, rockslides, debris, and collapsed bridges,” ayon sa DPWH.

Napaulat din na may 10 road sections sa apat na rehiyon ang may limitadong access dahil sa ‘soil/rock collapse, road collapse, at pagbaha’, pito sa Bicol at tig-isa naman sa Cordillera, Calabarzon, at Eastern Visayas.

Samantala, winika naman ng DPWH na ang lahat ng national roads at tulay sa ibang apektadong rehiyon ay maaaring daanan ng lahat ng uri ng sasakyan. (Daris Jose)

HALOS 200 pamilya ang nakatanggap ng Certificate of Entitlement for Lot Allocation (CELA) sa pamamagitan ng pagsisikap ng Pamahalaang Lungsod ng Caloocan at ng Housing and Relocation Office (HARO), sa ginanap na seremonya na pinangunahan ni Mayor Dale Gonzalo “Along” Malapitan.

Ang mga benepisyaryo ay matagal nang mga residente ng Sitio Gitna, Barangay 166 at Block 105, Camarin, Barangay 174 na ngayon ay sigurado na ang pagkakaroon ng kanilang lote na may nga titulo sa pangalan nila sa pamamagitan ng issuance ng CELA.

Binati naman ni Mayor Along ang mga pamilyang nakatanggap ng kanilang mga sertipiko at pinaalalahanan din sila na pangalagaan ang mga ari-arian na subject ng CELA para magamit ng kanilang mga anak at apo.

“Malugod ko pong binabati ang lahat ng mga kababayan nating nakatanggap na ng kani-kanilang CELA para sa loteng kinatatayuan ng kanilang mga tahanan. Alam ko po kung gaano kayo kasabik na maging opisyal ang pagmamay-ari ng mga lupang ito at ipinagmamalaki ko po na sa pamamagitan ng HARO, nakatulong tayo na bigyan ng katuparan ang inyong mga pangarap,” ani Mayor Along.

“Alagaan po ninyo ang mga lupang ito dahil layon nating bigyan ng pagkakataon ang mga Batang Kankaloo na maipapamana ang mga ito sa kanilang mga anak at apo sa mga susunod na panahon,” dagdag niya.

Binanggit din ng alkalde na sinimulan na ng pamahalaang lungsod ang mga socialized housing program nito at tiniyak sa kanyang mga nasasakupan na mas maraming benepisyaryo ang magkakaroon ng kani-kanilang mga tahanan bago matapos ang taon. (Richard Mesa)

KINANSELA ng Quad Comm ang pagdinig nito kahapon (Huwebes) upang hayaan ang mga miyembro ng Kamara na mapagtuunan ng pansin ang pagbibigay ng tulong sa kani-kanilang distrito na apektado ng bagyong Kristine.

Nagpahayag din si Rep. Ace Barbers, lead Chair ng Quad Committee, nang pag-aalala sa mga kababayang apektado ng bagyo.

“Our primary focus right now is to assist our constituents who have been severely impacted by Typhoon Kristine. Many of our fellow Filipinos are dealing with devastating loss and damage to their homes, livelihoods, and communities. As representatives of the people, we have a duty to be on the ground and lend every possible support,” ani Barbers.

Inihayag nito ang pangangailangan nang pagpapatupad ng isang whole-of-nation approach sa pagresponde sa naturang krisis.

“This is not the time for division. We need a united response to ensure that those who are hardest hit by this calamity receive immediate relief. The national government, local government units, the private sector, and civic organizations must all come together in a coordinated effort to help our kababayans rebuild,” dagdag nito.

Ihahayag ng House Quad Committee ang panibago nitong schedule ng pagdiig kapag nagbalik normal na angsitwasyon at naiparating na ang tulong sa mga naapektuhan. (Vina de Guzman)

PATAY ang isang rider nang bumangga ang minamanehong motorsiklo sa isang trailer truck sa Sampaloc, Manila Huwebes ng madaling araw.

Isinugod pa sa Ospital ng Sampaloc ang biktima na si Adelo Aton y Domingo, nasa wastong edad ng 65 Maria Clara St, 7th Ave, Caloocan City, Manila subalit hindi na ito umabot ng buhay dahil sa malalang sugat sa katawan.

Kinilala naman ang driver ng Truck na may Trailer Isuzu Giga na may plakang RJM 973 na si Ginelo Repala y Zoilo, 29 ng Road10 Blk6, Vitas, Tondo, Manila.

Sa ulat, bandang ala-1:20 kahapon ng madalaing araw nang naganap ang insidente sa North bound lane ng NLEX Connector Road malapit sa Loyola Exit, sakop ng Sampaloc, Manila kung saan minamaneho ng suspek ang kanyang truck na may trailer habang binabagtas ang northbound lane ng NLEX Connector Road sa Sampaloc, Manila habang minamanheo naman ng biktima ang kanyang motorsiklo habang binabagtas din ang nasabing lugar nang nag-counter flow sa lugar galing Espana Toll exit.

Dahil sa pangyayari, nabangga ang harapang bahagi ng motorsiklo ng biktima ang kaliwang bahagi ng minamanehong truck ng suspek dahilan upang tumilapon ang biktima mula sa kanyang motorsiklo sa sementadong kalsada.

Isinugod ang biktima sa ospital subalit hindi na ito umabot ng buhay. GENE ADSUARA