NANAWAGAN si Senator Christopher “Bong” Go sa mga ospital at Malasakit Centers sa buong bansa na maghanda sa potensyal na pagdami ng mga pasyente dahil sa pagbaha sa iba’t ibang lugar.

Binigyang-diin ng senador ang kahalagahan ng paggamit ng Malasakit Centers para makapagbigay ng tulong medikal sa mga naapektuhan ng bagyo, dulot ng matinding pagbaha, kung saan maraming residente ang napadpad sa mga rooftop.

Ayon kay Go, kritikal ang maagap at sapat na pangangalagang pangkalusugan sa mga pamilyang bakwit, lalo sa mga bata, at matatandang residente na maaaring tamaan ng mga sakit na dala ng tubig-baha pagkatapos ng mahabang araw ng matinding pag-ulan.

“Ang Malasakit Center ay para sa ating mga kababayan na naghahanap ng tulong medikal lalo sa panahon ng sakuna ngayon na maraming nasalanta ng bagyo,” sabi ni Go.

ISANG grupo na tinatawag na Coalition for Good Governance (CGG) ang nanawagan kay President Ferdinand “Bongbong” Marcos, Jr. na tanggalin sa puwesto si Land Transportation Office (LTO) assistant secretary Vigor D. Mendoza II.

Hiniling ng grupo na alisin sa puwesto si Mendoza dahil sa alegasyon ng korupsyon sa LTO.

Ayon sa grupo na pinapayagan ni Mendoza na magkaron ng mga maanomalyang transaksyon dahil sa paggamit ng dati at lumang LTO-IT system.

Ayon sa isang report, ang lumang IT system na tinutukoy ay ang Stradcom’s Motor Vehicle Inspection and Registration System (MVIRS).

Ang mga lumagda sa petisyon kay President Marcos ay sila Diolito Inosanto, president ng FELTOP; Augosto Lagman, AAP Board Member; at Martin Delos Angeles, vice-president ng Philippine Transport Monitor.

Binatikos ng mga lumagda ang pagtataas ng registro at computer fees sa LTO gamit ang lumang Information Technology system. Tinuligsa rin ng grupo ang di umano’y maanomalyang pagrerehistro ng mga sasakyan ng walang insurance policies o di kaya ay may pekeng insurance at walang kaukulang inspeksyon.

Nakasaad sa petisyon na sila ay nanawagan sa Pangulo na palitan na ang kasalukuyang namumuno sa LTO at magtalaga ng bagong LTO chief na walang bahid ng korupsyon upang magpatuloy ng tunay na reporma sa LTO.

“Stradcom’s contract with the LTO expired several years ago, but the system remains partially operational under what is termed a phaseout agreement. In December 2021, then LTO assistant secretary Edgar Galvante issued a memorandum mandating the decommissioning of Stradcom’s LTO-ITS driver’s license module. This directive instructed driving schools and medical clinics to send data solely through the Land Transportation Management System (LTMS), a government-owned platform designed to replace Stradcom,” wika ng isang dating IT LTO consultant na hindi nagpakilala.

Ang LTMS ay ginastusan ng pamahalaan ng halos P8 billion pesos. Sa ngayon, parehas na ginagamit ang Stradcom at LTMS kahit na bigong magkaron ng full operasyon ang huli.

Sa website ng LTO, nakalagay dito na ang LTMS ay may 27/7 online portal na nag proproseso ng transaksyon para sa mga licenses, registrations, renewals, at ibang pang concerns ng motoring public sa buong bansa.

Ayon sa isang kritiko, kahit na gumastos na ang pamahalaan ng malaking halaga sinasabi nila ang phasing out ng dating system ay nababalam pa rin. Patuloy pa rin nakakuha ang LTO ng mga reklamo tungkol sa mga irregularities, inefficiencies at accusations ng mga korupsyon sa ahensiya.

Dati pa sinabi ni Mendoza na kanyang ipapatupad ng buo ang LTMS noong nakaraang November 2023 subalit hindi ito nangyari.

Samantala, noong nakaraang Augusto ay nag post ang LTO sa kanilang website na ang kanilang Management Information Division (MID) ay nagsagawa ng isang comprehensive briefing para sa flow ng proseso sa LTMS portal.

“This initiative was carried out under my directive aimed at bolstering the agency’s digital programs. This is also in line with President Ferdinand Marcos Jr’s mandate for comprehensive digitization across all government agencies,” wika ni Mendoza.

Sa ngayon ay hindi pa sumasagot si Mendoza sa mga bagong akusasyon sa kanyang ahensya tungkol sa alegasyon ng kurupsyon at ang ginawang pagtataas ng computer fees. LASACMAR

MAHIGIT P2.5 milyong halaga ng shabu ang nasamsam sa dalawang drug suspects na itinuturing bilang High Value Individual (HVI) matapos matiklo sa isinagawang buy bust operation ng pulisya sa Caloocan City, kamakalawa ng gabi.

Sa kanyang report kay Northern Police District (NPD) OIC Director P/Col. Josefino Ligan, kinilala ni Caloocan police chief P/Col. Paul Jady Doles naarestong mga suspek na sina alyas “Star”, 39, babae at alyas “Tropa”, 40, kapwa residente ng lungsod.

Batay sa ulat, nakatanggap ng impormasyon ang Caloocan Police Station Drug Enforcement Unit (SDEU) hinggil sa umano’y ilegal drug activities ni alyas Star kaya isinailalim nila ito sa validation.

Nang makumpirma na positibo ang ulat, ikinasa ng SDEU sa pangunguna ni P/Lt. Restie Mables ang buy bust operation na nagresulta sa pagkakaaresto sa mga suspek dakong alas-9:06 ng gabi sa Phase 7A, Package 10, Kaagapay Road, Bagong Silang Brgy., 176.

Ani Lt. Mables, nakumpiska nila sa mga suspek ang humigi’t kumulang 375 grams ng hinihinalang shabu na may Standard Drug Price na P2,550,000 at buy bust money.

Pinuri naman ni Col. Ligan ang Caloocan police sa kanilang matagumpay na drug operation na nagresulta sa pagkakaaresto sa mga suspek na kapwa mahaharap sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

NANANATILI ang commitment ng bansa sa pagtataguyod ng women empowerment, partikular ang kanilang mahalagang papel sa pagsusulong ng kapayapaan, diin ni Budget Secretary Amenah “Mina” F. Pangandaman.

Sa kanyang talumpati sa pagbubukas ng International Conference on Women, Peace, and Security (ICWPS) sa Philippine International Convention Center (PICC), ibinahagi ni Pangandaman ang mga hakbangin ng bansa sa pagsusulong ng mahalagang papel ng mga kababaihan sa pagpapanatili ng kapayapaan at seguridad sa bansa.

Ipinaliwanag ni Pangandaman ang importansiya ng pagsasama-sama at pagtutulungan partikular sa naranasang kalamidad ng bansa dulot ng bagyong Kristine, kaya napapanahon umano ang pagtalakay sa nagbabagong panahon at seguridad sa mga kababaihan.

“Dialogue is always a good start,” ani Pangandaman patungkol sa nagdaang kalamidad na nagsilbing malaking hamon sa mga kababaihan sa mga apektadong lugar.

Nabanggit din ng DBM chief ang pagtatatag ng Bangsamoro Autonomous Region in Muslim Minda­nao (BARMM) kasabay sa pagbuo ng Bangsamoro Women Commission, na nakatutok sa malaking papel ng kababaihan sa pagpapaunlad at pagpapanatili ng katahimikan sa naturang rehiyon.

Ipinaliwanag din ni Pangandaman, natatanging Muslim sa gabinete, ang commitment ng Pilipinas sa tinatawag na gender-responsive budgeting, na nagpapatupad ng “Women’s Budget” policy na nagtatakda ng hindi bababa sa 5 porsiyentong pondo ng mga ahensiya ng pamahalaan para sa mga gender program.

Ipinabatid rin ni Pangandaman ang commitment ni President Ferdinand R. Marcos, Jr. kaugnay sa “elevating women to more prominent roles, as well as greater voice” na makikita sa komposisyon ng mga gabinete tampok ang limang babaeng minister.

Nanawagan si Pangandaman sa mga delegado ng ICWPS na magbahagi ng mga istratehiya para palakasin ang partisipasyon ng mga kababaihan at magsilbing instrumento ng pagbabago sa lipunan.