2024 November 20 Archive - People's Balita

November 21, 2024
Search in People's Balita
Ang Diyaryong Pinagkakatiwalaan

Archive for November 20th, 2024

Itatayong bagong transport hub sa QC na may access sa MRT 7

Posted on: November 20th, 2024 by @peoplesbalita No Comments

MAY plano ang pamahalaan ng magtayo ng bagong transport hub sa lungsod ng Quezon na mayroon access sa ginagawang Metro Rail Transit Line 7 (MRT 7) at itatayo sa 3-hectare na lugar na pag-aari ng Government Service Insurance System (GSIS).

Tatawagin itong “Project Hub” na itatayo sa strategic na lokasyon sa pagitan ng Elliptical Road at Commonwealth Avenue kung saan ito ay inaasahang magbibigay ng suporta upang maging maayos ang ibat-ibang transport modes na may operasyon sa nasabing lugar.

Kung matatapos ito sa 2027, ang proyekto ay inaasahan rin na makakatulong upang gumanda ang koneksyon sa estasyon ng Philcoa ng MRT 7 na babagtas naman mula sa North Triangle Common Station sa North Edsa papuntang San Jose del Monte sa Bulacan.

“Our property in Quezon City is centrally located and accessible, positioned in a location that maximizes connectivity with the city and surrounding regions. The vision for Project Hub is to develop a world-class intermodal transport facility that will streamline bus travel, prioritize passenger comfort, and seamlessly integrate with other transit systems, including MRT 7,” wika ni GSIS president at general manager Wick Veloso.

Ang Department of Transportation (DOTr) na tutulungan ng World Bank para sa pondo ay siyang magiging responsable sa plano, pondo, at opersyon ng nasabing intermodal hub.

Habang ang Metropolitan Manila Development Authority (MMDA) naman ay siyang gagawa ng feasibility study na bibigyan pansin ang traffic management at ilang basic design ng transport hub.

Samantalang, ang lungsod ng Quezon na siyang host city ay bahala sa pagkuha ng mga kailangan permits at clearances upang masiguro ang magandang takbo ng nasabing proyekto. LASACMAR

509 na bilanggo sa NBP binigyan ng Parole

Posted on: November 20th, 2024 by @peoplesbalita No Comments

TULUYAN ng makakalaya ang 509 na mga Person Deprived of Liberty (PDL) sa ilalim ng Bureau of Correction matapos pagkalooban ng parole at executive clemency ni Pangulong Bongbong Marcos Jr.

Sa anunsyo ni Sec.Jesus Crispin Remulla ng Department of Justice, ang pagpapalaya sa mga bilanggo ay kaalinsabay ng pagdiriwang ng 30th National Correctional Consciousness Week.

Ayon kay Remulla, dahil na rin ito sa pagsisikap ng pamahalaan na mapaluwag ang mga bilangguan sa bansa.

Ang mga palalayain na mga PDL ay naging kwalipikadong mabigyan ng parole at executive clemency dahil sa naipakita nitong kabutihang asal sa ilalim ng Good Conduct Time Allowance habang nasa correctional.

Bukod sa pagpapalaya sa kanila, may isasagawa ring job fair ang Bureau of Correction sa mga nabigyan ng executive clemency. GENE ADSUARA

USA, sinigurado ang ‘another million dollars’ para sa mga biktima ng bagyo sa Pinas

Posted on: November 20th, 2024 by @peoplesbalita No Comments

SINIGURADO ng Estados Unidos ang “another million dollars” para tulungan ang mga Filipino na biktima ng 6 na magkakasunod na bagyo sa bansa nito lamang nakalipas na linggo.

Ito ang sinabi ni US Defense Secretary Lloyd Austin sa kanyang naging courtesy visit kay President Ferdinand Marcos Jr. sa Palasyo ng Malakanyang.
Tinitingnan din ng Estados Unidos na talakayin ang “how we could make additional assistance at this time.”

Ipinaabot naman ni Austin ang pakikiramay at dasal ng Washington para sa “those who’ve been disadvantaged by these six significant storms that have taken place in a very short period of time.”

“I have authorized US troops and all the Philippine forces to provide life-saving aid to the Filipino people,” ang sinabi ni Austin kay Pangulong Marcos.

“The US has also secured another million dollars in urgent humanitarian aid and that will enhance the work of the USAID and the World Food Programme,” aniya pa rin.

“That’s in addition to the nearly 100,000 pounds of supplies that we delivered after the typhoon,” dagdag na wika nito.

Sa kabilang dako, binigyang diin naman ni Austin na ang pananaw sa paggamit ng Enhanced Defense Cooperation Agreement (EDCA) sites bilang isang hub para sa repositioning ng relief goods bago pa ang kalamidad “has come true.”

“It was your (Marcos’) vision a while back for these sites to be used to do exactly what you’ve described: prepositioning supplies, food, and other elements, other personal elements in times of urgent need,” ag sinabi ni Austin kay Pangulong Marcos.

“It would enable us to serve the Filipino people much faster, much more efficient. And that your vision has come true. So, we’re glad we’re a part of that,” ang winika nito.

Samantala, ang naging pagbisita ni Austin sa Malakanyang ay matapos ang ilang araw na pagkapanalo ni incoming US President Donald Trump at pagbabalik nito sa White House, may alalahanin na maaaring bawasan ng Washington ang military at humanitarian aid nito para sa Maynila at iba pang kaalyado.

Sa kabila ng protectionist policy ng administrasyon ng Estados Unidos, binigyang diin ni Austin na ang relasyon ng Maynila at Washington sa “the past 40 years has enabled our alliance to grow stronger and better.”

Bago pa bumisita sa Malakanyang, nakipagpulong muna si Austin kay Department of National Defense (DND) Secretary Gilberto Teodoro Jr. para tintahan ang intelligence-sharing agreement para pabilsiin ang ‘pinahusay, pinalawak, at timely sharing ng impormasyon, at maging ang mas malalim na defense technology cooperation sa pagitan ng dalawang gobyerno.

Kapwa naman pinangunahan nina Teodoro at Austin ang ground-breaking ceremony ng Combined Coordination Center sa Camp Aguinaldo, isang pasilidad na ipinagpapalagay na magiging isang “vital nexus for our joint operations, a gateway for information sharing and strategic coordination.”

“I would like to [underscore] our ironclad commitment to the Philippines. We are more than allies. We are family,” ang sinabi ni Austin sa kanyang naging talumpati sa Camp Aguinaldo. (Daris Jose)

Never nayanig ang relasyon dahil sa ’third party’: BIANCA, hindi na sana nag-aartista kung seloso si Sen. SHERWIN

Posted on: November 20th, 2024 by @peoplesbalita No Comments

KINUWENTO ni Bianca Manalo kung papaano sila nagkakilala ng kanyang boyfriend na si Senator Sherwin Gatchalian, at kung gaano katagal naghintay ito bago niya sinagot.

Ayon sa former Bb. Pilipinas-Universe 2009, una siyang nakita ni Sherwin na mayor pa lang noon sa pinagbidahan niyang teleserye na ‘Juanita Banana’ noong 2010.

“So, na-meet niya ako, mayor siya nun, so ‘di ko siya pinansin. Tapos biglang naging single ako ulit, so congressman na siya nanliligaw siya ulit. Sabi ko, ‘Ang kulit naman nito,” kuwento ni Bianca.

Nang pumanaw ang kanyang ama, sinabi ni Bianca na si Sherwin ang unang nagpadala ng bulaklak at nasa lamay ito gabi-gabi.

“Sabi ko, ‘Ay ang bait naman,’ pero hindi ko pa rin siya sinagot,” sey ni Bianca na bilib sa pagiging masigasig ni Sherwin sa panliligaw.

Nang maging single muli si Bianca, sinagot na niya si Sherwin na senador na noon.

“Very persistent and very humble tsaka very gentleman and very mild-mannered. Kung ano ‘yung iningay ko, siyang tinahimik niya, so balanced namin dalawa,” ayon kay Bianca.

Never daw nayanig ang relasyon nila ng senador dahil sa third party.

“Never. Kaya ko nga love ‘yon kasi nga ang talagang kalaban ko sa kanya, trabaho.

Sana hindi na ‘ko artista kung seloso ‘yun. Ito kasi ‘yung craft ko eh, so he allows me to enjoy whatever I love doing,” sey ni Bianca.

(RUEL J. MENDOZA)

Cavs, tuloy ang paggawa ng kasaysayan sa NBA matapos umabanse sa 15 – 0

Posted on: November 20th, 2024 by @peoplesbalita No Comments

Tuluy-tuloy sa paggawa ng kasaysayan ang Cleveland Cavaliers matapos maibulsa ang ika-15 magkakasunod na panalo ngayong araw kontra Charlotte Hornets, 128 – 114.

Ang naturang team ang tanging koponan na hindi pa natatalo ngayong season.

Dahil sa panalo, ang Cavs ang ika-apat na team sa kasaysayan ng NBA na nakapagbulsa ng 15 – 0, sunod sa Houston Rockets (15 – 0), Washington Capitols (15 – 0), at ang 24 – 0 na Golden State Warriors (2015 – 2016).

Nagawa ng Cavs ang naturang panalo sa kabila ng hindi paglalaro ng star player na si Donovan Mitchell, sa tulong na rin ng tatlong bagitong player na pawang gumawa ng double-double.

Pinalitan ni Darius Garland si Mitchel sa no. 1 position at nagbulsa ito ng 25 points at 12 assists habang 23 points at 11 rebounds din ang kontribusyon ni Evan Mobley.

Hindi rin nagpahuli ang sentrong si Jarrett Allen at nagpasok ng 21 points at kumamada ng 15 rebounds.

Walang nagawa ang Hornets para pigilan ang magandang opensa ng Cavs (57.1% overall shooting), sa kabila pa ng 31 pts. at 12 assists double-double performance ng point guard na si laMelo Ball.

Ang naturang panalo ay sa kabila rin ng 20 3-pointers na ipinasok ng Charlotte sa kabuuan ng laro.

Dahil sa pagkatalo, nabaon pa sa 8 loss ang Hornets, hawak ang limang panalo sa unang 13 games nito ngayong season.

Si Gretchen daw ang nagbuko na naghiwalay na: SUNSHINE, tikom pa rin ang bibig sa naging relasyon nila ni ATONG

Posted on: November 20th, 2024 by @peoplesbalita No Comments

SI Gretchen Barretto raw ang source sa naglabasang isyu na hiwalay na raw sina Sunshine Cruz at Atong Ang.

Ayon sa source namin ay ibinulong daw ni La Greta sa mga close friends niya na tinapos na nina Sunshine at Atong ang may isang taong relasyon.

Pero kung sino ang nakikipaghiwalay at kung ano ang dahilan ay hindi malinaw sa source namin.

Pero kagaya ng unang pumutok sa social media ang relasyon nina Sunshine at Atong ay ayaw pa ring magkomento ng aktres.

Pero sa totoo lang din naman paano nasabing nagkahihiwalay na ang dalawa dahil sa totoo lang naman ay walang umamin di ba?

Hirit pa ni Sunshine sa amin na ayaw daw niyang magbigay ng anumang komento, dahil nangako ang aktres na pagdating sa love life niya ay tikom na raw bibig niya.

Nakiusap pa si Sunshine na ibalato na lang daw sana sa kanya ang tungkol sa love life niya.

Sa tanong namin kung happy pa rin ba si Sunshine sa takbo ng buhay niya ngayon ay walang kagatol-gatol na binanggit ni Sunshine na, “Oo naman with my three daughters and my mother and sisters ay happy kaming lahat.”

***

TUWANAG-TUWA ikinuwento ng kaibigan namin na super successful daw ang reunion concert ng grupo nila Sandara Park na ginanap sa MOA Arena noong weekend.

Saksı ang jampacked fans sa nabuo muli ang grupong 2NE1 para sa 2024-25 2NE1 Asia Tour – Welcome Back.

Kuwento pa niya, nakaupo raw siya malapit sa stage at ang saya ng concert.

Dagdag pa niya na super enjoy daw ang lahat sa dalawang gabi concert ng grupo ni Sandara Park.

Napakabait din daw ni Sandara at panay pasasalamat daw nito sa mga Pinoy fans.

Kaya no doubt daw na successful siya dahil mabait sa totoong buhay hindi sa social media lang.

Hindi nga naman kagaya ng iba riyan na parang santa sa mga post sa social media pero sa totoong buhay ay isang santa-santita pala.

Dahil na rin sa kabaitan ni Sandara at bilang pagtanaw ng utang na loob kahit hindi naman siya official ambassador ng Department of Tourism (DOT), grabe niyang i-promote ang ating bayan ng libre, huh!

Sinasama pa niya ang ibang friends niya na K-pop artist para madiskubre ang magagandang lugar ng Pilipinas nating mahal!

(JIMI C. ESCALA)

Ads November 20, 2024

Posted on: November 20th, 2024 by @peoplesbalita No Comments

EDCA sites malaking tulong sa pagtugon sa kalamidad – PBBM

Posted on: November 20th, 2024 by @peoplesbalita No Comments

KINILALA ni Pangulong Ferdinand Marcos Jr ang malaking papel at kahalagahan ng EDCA sites sa bansa.

Sa pagpupulong kasama si US Defense Secretary Lloyd Austin sa Malakanyang , sinabi ng pangulo na mas nagawa ng gobyerno ng Pilipinas ang kanilang trabaho sa tulong ng EDCA sites at ng tropa ng Amerika.

Ayon sa Pangulo, nagsisilbi kasing staging area ang sa EDCA sites para sa pre positioning ng assets, materials and relief supplies.

Sa EDCA sites aniya nanggagaling ang mga air asset na ginagamit para sa pagdadala ng relief goods at pagtantiya sa pinsalang iniwan ng mga bagyo.

Marami kasing mga kalsada ang sarado at hindi madaanan dahil sa mga pagbaha at landslides kaya tanging mga helicopter lamang mula sa edca sites ang nakararating sa mga isolated barangays.

Kaya nais ng Pangulo na kanyang ipaunawa sa lahat kung gaano kalaki ang tulong ng EDCA sites sa pagharap ng bansa sa mga epektong dala ng climate change. (Daris Jose)

Duterte pinasasampahan na ng crimes against humanity, murder sa EJK ng drug

Posted on: November 20th, 2024 by @peoplesbalita No Comments

HINIKAYAT ni Batangas 2nd District Rep. Gerville Luistro ang House Quad Committee na irekomenda na ang pagsasampa ng kasong kriminal laban kay dating Pangulong Rodrigo Duterte dahil sa umano’y paglabag sa international humanitarian law at kasong murder sa pagkamatay ng libu-libong mga Pilipino sa madugong drug war ng administrasyon nito.

Batay sa data mula sa Philippine Drug Enforcement Agency at human rights group, binanggit ni Luistro na may 6,252 napatay sa police anti-drug operations hanggang Mayo 2022, at 27,000 hanggang 30,000 ang mga biktima ng extrajudicial killings (EJK).

Binanggit din ni Luistro ang pagkamatay ng 427 aktibista, human rights defenders, at mga grassroots organizer hanggang noong Disyembre 2021; 166 land at environmental defenders hanggang noong Disyembre 2020; 23 journalist at media workers hanggang Abril 2022; 66 miyembro ng hudikatura at abogado hanggang noong Disyembre 2021; at 28 alkalde at bise-alkalde hanggang noong Disyembre 2021.

Ikinumpara ni Luistro ang malaking bilang ng mga nasawi sa ilalim ni Duterte sa halos 200 naitalang pagkamatay na may kaugnayan sa droga sa ilalim ng sinundang administrasyon ni dating Pangulong Benigno Aquino III.

Sinabi ni Luistro na si Duterte ay lumabag sa Republic Act 9851, Act Defining and Penalizing Crimes Against International Humanitarian Law.

Ang RA 9851 na ipinatupad noong 2009, ay nagtatakda at nagpaparusa sa crimes against international humanitarian law, genocide, at crimes against humanity, kabilang na ang mga sistematikong pamamaslang.

Samantalang ang mga drug-related na EJK ay nakapaloob sa “other crimes against humanity” ayon sa itinakda ng Seksyon 6 ng batas, na tumutukoy sa mga sinadyang pagpatay, torture, at sapilitang pagkawala.