ANG award-winning International Filmmaker, Direk Nijel de Mesa (na mula Njel ay ginawa nang Nijel ang name niya) ay muling maipagmamalaki ng Pilipinas sa pagkapanalo ng sunud-sunod na mga parangal para sa “Best Director” at “Best Cinematographer” sa katatapos na Ima Wa Ima Asian International Film Festival sa Osaka, Japan.

Ito ay inorganisa ng Global Maharlika sa Kansai, Philippine Community Coordinating Council, Korean Residents Union sa Japan, at Kyomigaru Creative Collective Group. Ang seremonya ng awards noong Disyembre 1, 2024 sa malaking Sumiyoshi Main Hall ay nagtatampok ng mga Special Awards para sa mga Asian artists na nagtatrabaho sa pelikula, telebisyon, at maging sa new media.

Nanalo naman si Jane de Leon ng “Best Actress” sa Kategoryang Suspense-Thriller-Horror Full-length at si Kim Ji Soo mula sa South Korea ay nanalo ng “Outstanding International Actor in a cross-cultural series” para sa kanyang pagganap sa GMA’s “Abot Kamay na Pangarap”.

Hinirang rin ang pelikula ni Direk Nijel na “Coronaphobia” ng “Best Picture” sa Kategoryang Suspense-Thriller-Horror. Si Daiana Menezes (isa sa mga bida ng “Coronaphobia”) at Ms. Jan Christine Reyes ng NDMstudios ay sumama kay Direk Nijel sa pagtanggap ng parangal. “Talagang hindi ito inaasahan! Sobrang saya namin—halos parang nag-hang out lang—habang nagsu-shoot. Ito ay isang labor of friendship at pag-ibig. Sobrang saya namin at nagustuhan ninyo ang aming nagawa kahit pa limitado ang aming mga resources,” sabi ni Daiana Menezes na puno ng saya.

Ang pelikula ay tungkol sa apat na banyagang naipit sa Pilipinas noong panahon ng pandemya—na nagpasya na magnakaw mula sa katabing gusali at isang baliw na psycho Janitor na may Coronaphobia.

Umaasa ang marami na dahil sa kahanga-hangang panalong ito, ang mga manonood sa Pilipinas ay sa wakas, magkakaroon na nang pagkakataon na mapanood ang award-winning na suspenseful film na ito sa mga sinehan sa taong 2025!

(ROHN ROMULO)

MAGKASAMA sa ‘Uninvited’ sina Lotlot de Leon at si Ms. Vilma Santos.

At dahil anak ng Superstar na si Nora Aunor, nakatikim si Lotlot ng pamba-bash mula sa ilang solid supporters ng mommy niya, na bakit raw tumanggap ng pelikula si Lotlot na kasama ang Star For All Seasons na mahigpit na karibal sa popularidad ng Superstar.

Ano ang nararamdaman ni Lotlot kapag may mga masasabing nagtatampo na kasama siya ni Ate Vi sa isang proyekto?

“Huwag na silang magtampo kasi unang-una magkaibigan naman si mommy at si Tita Vilma.

“Inaanak ni Tita Vilma si Kiko, yung kapatid ko, so magkumare ang mommy ko at si Tita Vilma.

“My mom loves Tita Vilma dearly and Tita Vilma loves my mom dearly and pati kaming mga anak, so we’re grateful.

“I guess yung mga iba lang na nag-iisip ng mga tampu-tampo, baka dahil nga sobrang siyempre loyalist sila kay mommy.

“Pero wala naman pong ano, wala silang dapat ipag-alala at ipagtampo dahil Tita Vilma is also like family to us dahil ang relationship nga nila ni mommy is magkumare.

“So hindi sila dapat magtampo, plus trabaho po ito, nagtatrabaho po ako.”

At maging ang Star For All Seasons ay very vocal sa pagsasabing mahal nito si Lotlot.

“Yeah. Ganun din kami sa kanya, you know, she’s a very nice person.

“She’s beautiful in and out, she’s very caring. Wala po akong masasabi, hands-up ako kay Tita Vilma.”

Mula sa Mentorque Productions at Project 8 sa pakikipagtulungan ng Warner Bros. Pictures, ang ‘Uninvited’ ay sa direksyon ni Dan Villegas at panulat ni Dodo Dayao. Official entry ito sa Metro Manila Film Festival sa Disyembre 25, 2024.

Bukod kina Lotlot at Vilma ay nasa pelikula sina Aga Muhlach, Nadine Lustre, Tirso Cruz III, Elijah Canlas, Gabby Padilla, RK Bagatsing, Ron Angeles, Ketchup Eusebio, Gio Alvarez, Cholo Barretto at Mylene Dizon.

Ano naman ang ang aabangan kay Lotlot ng publiko sa taong 2025?

“May pelikula po akong kakatapos lang. I’m doing other… may mga series din po akong tinatapos, pero hindi po muna puwedeng i-divulge kasi they’re all under production.

“But yes, I’m very busy. Thank God. Thank you, Lord. Kaya exciting, exciting po ang mga dadating na ipapalabas namin sa 2025.”

Isa sa mga proyekto ni Lotlot ay ang pelikulang ‘Unconditional’ mula sa BR Film Productions.

Makakasama ni Lotlot sa pelikula sina Rhian Ramos at Allen Dizon, sa direksyon ni Adolf Alix, Jr.

Nasa pelikula rin, kung saan line producer si Dennis Evangelista, sina Elizabeth Oropesa, Paolo Gumabao, Rico Barrera, Brandon Ramirez at Joel Lamangan.

At dahil nalalapit na ang Kapaskuhan, tinanong namin si Lotlot kung ano ang kanyang Christmas wish.

“Kapayapaan po para sa ating gobyerno,” ang nakangiting sambit ng multi-awarded actress.

***

MAY Korean invasion na nga sa Pinas.

Bukod kay Kim Ji-soo na narito ngayon sa Pilipinas at artist na ng GMA Network, nakakailang balik na rin sa atin ang South Korean celebrity na si Moon Su-in at umaalagwa na rin ang mga showbiz projects.

Endorser na ang model-basketball player ng ER Guard of Medicare Plus Inc. na isang health card.

Kilala, bukod sa pagiging modelo, si Moon Su-in bilang basketball player pero sa ngayon ay hobby na lamang niya ito at mas nakapokus na siya sa sa modeling at acting.

Sa recent na pagbisita niya sa Pilipinas ay na-enjoy ni Moon Su-in ang Boracay bilang isa siyang beach lover.

And my dear editor Rohn Romulo, nakaka-happy na ang manager ni Moon Su-in ay ang kaibigan anting Rams David na pninuno ng Artist Cricle Talent Management!

Si Rams ang nag-ayos para maging endoser siya ng Medicare Plus.

Bukod dito, newest endorser na rin si Moon Su-in ng beauty and wellness clinic na Skinlandia ni Madam Noreen Divina na matatagpuan sa SM Fairview.

Sumikat at nakilala si Moon Su-in bilang ace player sa SBS reality show na Handsome Tigers.

Noong 2011 ay napili siya ng yumaong si Kobe Bryant bilang the MVP para sa inter-university basketball tournament sa Kobe Bryant in Seoul Tour.

Taong 2014, sumali si Moon bilang modelo at ace player ng Korean celebrity and model team na Code One na sinundan pa ng maraming proyekto sa South Korea.

Base rin sa kanyang Instagram account, isang dog lover si Moon Su-in.

(ROMMEL L. GONZALES)

IT’S true na nakasama pala sa Macy’s Thanksgiving Day Parade sa New York City last November 28 ang Filipino Broadway star na si Lea Salonga.

Nakasakay si Lea sa float ng Sesame Street at nag-perform ito ng song na “Sing” kasama ang cast at mga muppets ng show.

“No, it wasn’t a sunny day, and it would’ve been great if the clouds were swept away, but today’s @macys Thanksgiving Day Parade was still such a wonderful highlight!” post pa ni Lea sa kanyang Instagram page.

Nagpasalamat din ang Tony Award-winning singer sa Sesame Street dahil sinama siya sa kanilang float.

“Thank you, @sesamestreet, this was truly very special, and thank you for plastering the biggest smile on my child’s face. Nic (Lea’s daughter) will not be able to erase that smile for a while!” post pa niya.

Taong 1993 nang magkaroon ng guest appearance si Lea sa Sesame Street. This was two years after niyang manalo ng Tony Award for Miss Saigon as Best Lead Actress in a Musical.

Katatapos lang ni Lea sa kanyang Manila leg for Stage, Screen and Everything In Between concert sa Solaire Resort last November 4 to 7.

“Oh Manila, thank you! Thank you for being so generous with us during Stage, Screen and Everything In Between at @solaireresort!!” pagpapasalamat ni Lea

Kasalukuyang on tour si Lea sa US para sa kanyang Christmas album na Sounding Joy.

Muling babalik si Lea on December 31 para sa New Year’s Eve Party sa Solaire Resort.

***

RAMDAM mo pa rin sa mga mata ni Janno Gibbs ang lungkot at pangungulila nito sa namayapang ama, ang aktor na si Ronaldo Valdez.

Nagbigay-pugay si Janno sa ama noong kaarawan nito last November 27. Ronaldo would have been 77 years old.

Sa Instagram ni Janno, pinost nito ang isang slideshow ng mga photos at isang video nila ni Ronaldo na inaawit ang song na “Just the Two of Us”.

Caption ni Janno: “Happy Bday Papa! Miss you always.”

Pumanaw si Ronaldo noong December 17, 2023 sa kanyang bahay. Huling napanood ang veteran actor sa 2021 series na 2 Good 2 Be True nila Kathryn Bernardo and Daniel Padilla.

Para kay Janno, si Ronaldo ang “the sweetest dad ever”.

***

NAKITANG magkasama last Thanksgiving Day ang ex-couple na sina Ben Affleck at Jennifer Garner.

Nag-volunteer sila para sa ‘Midnight Mission’ in Los Angeles, serving Thanksgiving brunch to 2,000 homeless individuals.

Kasama nila na mag-volunteer ang boyfriend ni Garner na si John Miller.

Ito ang first holiday na hiwalay na si Ben sa ex-wife na si Jennifer Lopez. Kasama ni J.Lo ang kanyang mga anak sa East Coast last Thanksgiving.

(RUEL J. MENDOZA)