2024 December 06 Archive - People's Balita

December 13, 2024
Search in People's Balita
Ang Diyaryong Pinagkakatiwalaan

Archive for December 6th, 2024

PH, Israel lumagda ng kasunduan para palakasin ang relasyon sa turismo

Posted on: December 6th, 2024 by @peoplesbalita No Comments

KAPWA nagkasundo ang Pilipinas at Israel na palakasin ang pagtutulungan sa turismo lalo pa’t mas maraming filipino ang inaasahan na bibisita sa Holy Land at mararanasan ang mayamang kasaysayan ng bansa at kultura nito.

Tinintahan nina Tourism Secretary Christina Frasco at Israeli Tourism Minister Haim Katz, kasalukuyang nasa bansa, araw ng Martes, Disyembre 3 ang joint declaration para pangalagaan ang pagtutulungan sa larangan ng turismo bilang bahagi ng ‘strategic effort’ ng mga bansa para paghusayin ang relasyon sa turismo.

Sinabi ni Katz na excited na ang Israel na makita ang “such strong interest from Filipino travelers,” at sa nalalapit na Jubilee Year, inaasahan na “even more Filipinos will be eager to experience the Holy Land and the rich history, culture, and hospitality Israel offers.”

“We hope to see direct flights between Israel and the Philippines very soon, this will boost tourism and people to people exchange,” ayon kay Katz.

Sa kabilang dako, sinabi ni Israeli Ambassador to Manila Ilan Fluss na ang pagbisita sa bansa ni Katz ay “proof of the strong, historically friendly bilateral relations” sa pagitan ng Israel at Pilipinas sa turismo.

Umaasa naman si Fluss na ang nasabing hakbang ay makapanghihikayat ng tourism exchanges sa pagitan ng dalawang bansa partikular na ang visa-free travel para sa mga Filipino sa Israel at vice versa.

“I invite Filipinos to experience Israel not just as the Holy Land but to enjoy culinary and experience the Land of Innovation and Start-Up Nation,” ayon kay Fluss.

Mula nang buksan ang tanggapan ng turismo ng Israel sa Pilipinas noong 2017, nasaksihan ng Israel ang 65% na pagtaas ng naging pagbisita ng mga Filipino sa unang taon lamang.

Taong 2023, isang ‘record-breaking’ na 33,000 Filipino ang bumiyahe sa Israel. (Daris Jose)

DA, ikinasa na ang P40/kilo Kadiwa rice sa mga pangunahing public markets sa NCR

Posted on: December 6th, 2024 by @peoplesbalita No Comments

PINAGULONG na ng Department of Agriculture (DA) ang Kadiwa ng Pangulo Rice-for-All program, kung saan nagbebenta ng bigas sa mas mababang presyo sa mga pangunahing pampublikong pamilihan sa National Capital Region (NCR).

“The DA, in partnership with the Food Terminal Inc., will deploy Kadiwa ng Pangulo kiosks in major public markets, including MRT and LRT stations. These kiosks will offer Rice-for-All at an affordable price of P40 per kilo, available from Tuesdays to Saturdays, 8:00 a.m. to 5:00 p.m.,” ang sinabi ni DA Assistant Secretary Genevieve Guevarra, pinuno ng Kadiwa program.

Layon ng Rice-for-All program ay makapagbigay ng abot-kaya o affordable rice options para sa mga mamimili at makatulong na masugpo ang mataas na retail prices.

Paunang ibinenta ng programa ang bigas sa halagang P45 kada kilo at sa kalaunan ay binawasan sa P43 kada kilo.

Sinabi ng DA na mas mababawasan pa ang presyo kung saan simula araw ng Huwebes, Disyembre 5 ay papalo na lamang ito sa halagang P40 kada kilo bilang bahagi ng pagsisikap ng gobyerno na i- shield o isanggalang ang mga mamili mula sa ‘inflationary pressures.’

“Currently, we are coordinating with the following major markets in NCR for the rollout: Kamuning Market, Malabon Central Market, New Las Piñas City Public Market, Pasay City Public Market, Balintawak Market, Cartimar Market, Pateros Grace Marketplace, Maypajo Public Market, Paco Market,” ayon kay Guevarra.

Sa kabilang dako, ipinag-utos naman ni Agriculture Secretary Francisco P. Tiu Laurel Jr. ang deployment ng Kadiwa ng Pangulo kiosks sa mga pangunahing public markets para mapuwersa ang mga rice retailers at unscrupulous traders na ipinagdadamot sa mga mamimili ang benepisyo ng mas mababang presyo ng bigas.

“We plan to expand this program to other parts of the country where prices of rice remain high, a situation that borders on profiteering,”ang sinabi ni Tiu Laurel.

Matatandaang, una nang inaprubahan ni Pangulong Marcos ang karagdagang budget na P5 billion para suportahan ang P29 at Rice-for-All programs.

“This initiative underscores the DA’s commitment to ensuring food security and stabilizing rice prices across Metro Manila,” ang sinabi ni Tiu Laurel. ( Daris Jose)

CSC sa Christmas party sa gobyerno: No public funds, sundin ang ethical standards

Posted on: December 6th, 2024 by @peoplesbalita No Comments

PINAALALAHANAN ng Civil Service Commission (CSC) ang mga ahensiya ng gobyerno na magdaraos ng Christmas o year-end party, binigyang diin na dapat ay ‘no public funds’ na gagamitin at kailangan na sundin ang ethical standards.

Sinabi ni CSC Commissioner Aileen Lourdes Lizada na hindi maaaring gamitin ang pondo ng gobyerno para sa Christmas party pero maaari silang gumamit ng ‘pooled money’ o perang pinagsama-sama bilang ambag o kontribusyon mula sa mga kasama sa party.

“If you conduct Christmas parties, do not hold them in a manner that turns your office into a private venue… Offices are not like bars where, after 5 o’clock, you can drink and smoke inside,” ang sinabi ni Lizada.

Ang paalala na ito ni Lizada ay matapos hikayatin ng Malakanyang ang mga ahensiya ng gobyerno na mag-donate ng kanilang savings mula sa scaled-down holiday celebrations hanggang sa komunidad na apektado ng mga nakalipas na bagyo.

Pinayuhan din ni Lizada ang mga ahensya ng gobyerno na sumangguni sa Commission on Audit at Department of Social Welfare and Development bago pa magbigay ng donasyon.

Gayunman, sinabi ni Lizada na ang events gaya ng year-end assessments, kung saan sinusuri ng mga ahensya ang nakalipas na taon, ay pinapayagan na gumastos.

Iyon nga lamang, kailangan na maghanda ang mga empleyado ng gobyerno ng project design at proposal, na dapat ay aprubado ng pinuno ng kanilang ahensiya.

“The activity qualifies as a year-end assessment, as it is categorized under that expense,” ayon kay Lizada.

Binigyang diin din ni Lizada na kahit pa ang empleyado ng gobyerno ay nasa public o private setting, nananatili pa rin na sila ay mga public officials o empleyado.

“They are still bound by RA 3019, the Anti-Graft and Corrupt Practices Act, and RA 6713, the Code of Conduct and Ethical Standards for Public Officials and Employees,” ang sinabi ni Lizada.
(Daris Jose)

Quezon City-LGU mas pinaigting kampanya laban sa dengue

Posted on: December 6th, 2024 by @peoplesbalita No Comments

MAS pinaigting pa ng lokal na pamahalaan ng Lungsod ng Quezon ang programa nito kontra dengue kung saan hinihikayat ang QCitizens na makipag-tulungan sa mga ginagawang clean-up drive upang mapanatili ang kalinisan at maiwasan pagdami ng mga lamok na may dalang sakit.

Bukod dito, tuloy din ang pamamahagi ng dengue flyers para sa iba’t ibang distrito sa lungsod para mabigyan ng higit na kaalaman ang publiko para makaiwas sa sakit.

Ayon sa pinakahuling datos ng Quezon City Epidemiology and Surveillance Division, umabot sa 6,697 na kaso ng dengue ang naitala mula January 1 hanggang November 23, 2024.

Naitala sa District 2 ang may pinaka-mataas na kaso na umabot na sa 1,604 cases at District 3 naman ang pinaka-mababa na may 810 na kaso.

Pinapayuhan ng QC health Department ang lahat ng QCitizens na magtungo kaagad sa pinakamalapit na Health Center o pagamutan sakaling makaramdam ng mga sintomas ng dengue tulad ng pananakit ng kalamnan, pagsusuka,mataas na lagnat at panghihina.

‘Half cup rice isusulong ng DA

Posted on: December 6th, 2024 by @peoplesbalita No Comments

PATULOY na isusulong ng Department of Agriculture (DA) ang pagpapatupad sa half-cup rice sa mga restaurant bilang tugon sa mga naaaksayang kanin.

Ayon kay Agriculture Secretary Francisco Tiu Laurel, tugon ito ng ahensiya bagama’t bumaba ang data ng Philippine Rice Research Institute (PhilRice) sa 255,000 metric tons ang household rice wastage sa bansa noong 2019, mababa ito sa 340,000 metric tons na nasasayang na bigas noong 2009.

Ani Laurel, kahit na may improvement sa pagbaba ng nasasayang na bigas, kailangan pa ring umaksyon hinggil dito dahil ang nasasayang na bigas ay dapat sanang maipakain sa 2.8 milyong Pinoy kada taon.

Ang “half-cup rice” initiative ay panukala ni Pangulong Ferdinand Marcos Jr. noong 2013 upang maipakain ang mas konting bahagi ng bigas upang maiwasan ang pagkasayang ng butil.

Batay sa 2018-2019 Food and Nutrition Research Institute survey, ang average Filipino household ay nagsasayang ng 53 grams ng kanin sa kada araw o nasa 6.4 grams ng bigas kada tao. Hindi pa kasama dito ang mga nasasayang na kanin mula sa mga restaurants at ibang establisimiyento.

Una nang sinuportahan ni PhilRice Executive Director Dr. John de Leon ang pagpapakain ng maliit na bahagi ng kanin dahil maiiwasan nito ang pagkasayang sa butyl at mapapalakas pa ang kalusugan kapag may balanced diet.