Ang Diyaryong Pinagkakatiwalaan
NALAMBAT ng pulisya ang apat na hinihinalang drug persobalities matapos kumagat sa ikinasang buy bust operation sa magkahiwalay na lugar sa Navotas City.
Ayon kay Navotas police chief P/Col. Mario Cortes, ikinasa ng mga operatiba ng Station Drug Enforcement Unit (SDEU) sa pangunguna ni P/Capt. Genere Sanchez ang buy bust operation kontra kina alyas Joden, 30, at alyas Gingging, 42, matapos ang natanggap na impormasyon hinggil sa kanilang ilegal drug activities.
Nang tanggapin ng mga suspek ang marked money mula sa pulis na nagpanggap na buyer kapalit ng isang sachet ng shabu ay agad silang inaresto ng mga operatiba dakong alas-7:38 ng gabi sa Bangus St., Brgy., NBBS Kaunlaran.
Nakumpiska sa mga suspek ang humigi’t kumulang 8.96 grams ng hinihinalang shabu na may standard drug price value na P60,928 at buy bust money.
Nauna rito, natimbog naman ng kabilang team ng SDEU sa buy bust operation din sa Matangbaka St. Barangay NBBS Dagatdagatan, bandang alas:10:29 ng gabi sina alyas Rendol, 32, at alyas Cabyo, 41.
Ani Capt. Sanchez, nasamsam sa kanila ang aabot 5.36 grams ng hinihinalang shabu na may katumbas na halagang P36,448.00 at buy bust money.
Mahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)
MAHIGIT sa 60% ng mga Filipino ang nais na gamitin ang code of conduct na magsisilbing gabay sa aksyon ng mga claimants sa South China Sea, at para alisin ng Tsina ang coast guard at militia nito sa exclusive economic zone (EEZ) ng Pilipinas para pagaanin ng tensyon sa pagitan ng dalawang bansa.
Ito ang makikita sa survey ng Pulse Asia noong Mayo.
Sa tanong kung ano dapat gawin ng Tsina para pagaanin ang tensyon sa West Philippine Sea (WPS), lumalabas na 64% ng mga respondents ang nagsabi na dapat pumayag ang Tsina sa COC para gabayan ang aksyon ng mga bansa ng umaangkin sa teritoryo at katubigan sa nasabing lugar.
Tinatayang 61% naman ang nagsabi na dapat na alisin ng Tsina ang coast guard at militia vessels nito na gumagala sa “our territory and maritime areas that based on international law are part of our exclusive economic zone.”
Mayroon namang 49% ang nagsabi na dapat bayaran ng Tsina ang mga nasirang coral reefs ng Pilipinas sa WPS.
Kinumpirma naman ni Pulse Asia president Ronald Homes na nagsagawa ang polling firm ng commissioned survey kung saan nanggaling ang natuklasan.
Tinatayang 1,200 Filipino adults ang nagpartisipa sa survey na ginawa mula May 5 hanggang May 9, 2024.
May 39% naman ang nagsabi na dapat na kagyat na kumilos at gumawa ng hakbang para masiguro na ang kalakalan sa pagitan ng Pilipinas at Tsina ay ‘equitable’ o pantay-pantay at 23% naman ang nagsabi na dapat palawakin ng Tsina ang investments nito sa bansa lalo na sa ‘manufacturing at agriculture.’
Sa kabilang dako, sa kapareho pa ring survey, may 41% ng mga adult Filipino ang nagsabi na dapat na ipagpatuloy ng Pilipinas ang ‘diplomatic discussions’ nito sa Tsina tungo sa pag-develop ng COC para gabayan ang aksyon ng claimant states sa pinagtatalunang teritoryo.
Samantala, 33% naman ang nagsabi na dapat ay magpanukala ng isang resolusyon sa United Nations General Assembly para makakuha ng suporta mula sa mayorya ng miyembro nito para mapilitan ang Tsina na sumunod sa 2016 arbitral ruling na in-award sa Pilipinas.
May 17% naman ang nagsabi na dapat ay kapwa sumang-ayon ang Pilipinas at Tsina na dapat ay may tagapamagitan na magpapanukala ng isang kasunduan na gagabay sa aksyon habang 8% ang naniniwala na dapat na mag-request ang Pilipinas ng military support mula sa Estados Unidos dahil sa agresibong aksyon ng Tsina, sa pamamagitan ng umiiral na Mutual Defense Treaty sa pagitan ng Pilipinas at Estados Unidos.
Tinatayang 1% naman ang nagsabi na wala silang sapat na kaalaman sa usapin para magbigay ng opinyon.
Samantala, patuloy namang nananawagan ang Pilipinas sa Tsina ukol sa paulit-ulit na agresyon nito sa WPS kabilang na rito ang banggaan at pagpapaputok ng water cannon sa Philippine vessels.
Umiigting naman ang tensyon sa pagitan ng Pilipinas at Tsina nito lamang nakalipas na buwan matapos magbatuhan ng akusasyon ukol sa serye ng insidente sa WPS.
Inaangkin kasi ng Tsina ang karamihan sa South China Sea, may bahagi nito ay inaangkin din Pilipinas, Brunei, Malaysia, Taiwan, Vietnam at Indonesia. (Daris Jose)
INARESTO ng mga opisyal ng immigration sa Ninoy Aquino International Airport (NAIA) Terminal 3 ang isang babaeng Vietnamese dahil sa kanyang ‘unruly behavior”.
Una rito, personal na humarap si Ban Thi Van, 19, sa kayang immigration clearance para sa pagsakay nito sa Cebu Pacific Air flight biyaheng Hanoi.
Pero sa isinagawang inspection ng mga immigration officers, bigla nitong hinablot ang kanyang pasaporte at ibinalibag saka nagsisigaw at naglupasay sa sahig na nagdulot ng kaguluhan sa immigration departure area.
Humingi ng assistance ang BI border control and intelligence unit sa airport police at Philippine National Police (PNP) aviation security group at tuluyan itong inaresto.
Matatandaan na nitong nakaraang buwan, isa ring babaeng Vietnamese ang nagdulot ng kaguluhan sa NAIA terminal 3 sa pagtakbo nito ng hubot-hubad. GENE ADSUARA
HINAMON ng mga mambabatas ang bagong talagang Department of Education Secretary na agad solusyunan ang education crisis at hiling ng mga guro.
Welcome naman kina House Deputy Minority Leader at ACT Teachers Partylist Rep. France Castro at House Assistant Minority Leader at Gabriela Women’s Party Rep. Arlene Brosas ang appointment ni Senador Sonny Angara bilang kalihim ng DepEd.
“While it is good that a new DepEd Secretary has been named, we challenge Sen. Sonny Angara to hit the ground running and immediately address the education crisis in our country as well as the long-standing demands of teachers and education support personnel,” ani Castro.
Iginiit ni Castro ang pangangailangan sa agarang pagtalakay at aksyon ng bagong kalihim sa mga problemang kinakaharap ng edukasyon kabilang na ang isyu ng K-12 program.
Gayundin ang kondisyon ng mga guro at education support personnel tulad ng sahod at benepisyo
Umaasa naman ang mambabatas na ang eksperyensiya ni Angara bilang commissioner ng Second Congressional Commission on Education (EDCOM 2) ay makakatulong para sa mga hakbang nito sa mga kinakaharap na isyu ng education sector.
“We expect Secretary Angara to utilize his insights from EDCOM 2 to implement much-needed reforms in our education system. The crisis in education requires immediate and decisive action. We in ACT Teachers Partylist are ready to work with the new DepEd leadership for the benefit of our learners, teachers, and the entire education sector,” dagdag ni Castro.
Sinabi naman ni Brosas challenged na dapat solusyunan agad ni Angara ang mga isyung kinakaharap ngayon ng education sector na bigo umanong masolusyunan ng dating kalihim na si Vice President Sara Duterte. (Vina de Guzman)
Ipinagkaloob nina Gob. Daniel R. Fernando at Bise Gob. Alexis C. Castro ang plake ng pagkilala mula sa Pamahalaang Panlalawigan ng Bulacan sa DYCI Creatives Team mula sa bayan ng Bocaue sa idinaos na Lingguhang Pagtataas ng Watawat sa The Pavilion sa Hiyas ng Bulacan Convention Center, Lungsod ng Malolos, Bulacan makaraang kilalanin ang lahok ng grupo sa 5th SINEliksik Bulacan DocuFest na may titulong “Panaghoy: Mga Piping Sigaw sa Bahay na Pula” bilang Honorable Mention sa Foreign Category ng Golden FEMI Film Festival, isang international film competition na ginanap sa Bulgaria noong Hunyo 1, 2024. Kasama din nila sina (mula kaliwa) mga Bokal Raul A. Mariani at Romina D. Fermin at Panlalawigang Tagapangasiwa Antonette V. Constantino.
BILANG bahagi ng ika-17th cityhood anniversary celebration, ang Pamahalaang Lungsod ng Navotas ay nag-alok ng job opportunities, support small businesses, at nagbigay ng essential relief sa mga apektado ng kalamidad.
Itinampok sa Mega Job Fair, na inorganisa ng City Public Employment Service Office (PESO), ang 50 partner companies na nag-aalok ng mahigit 6,000 job opportunities sa iba’t ibang industriya.
Mahigit 300 Navoteños ang nag-aplay para sa mga trabaho kung saan 212 individuals ang hired on the spot.
Ang aktibidad ay nagsilbi rin bilang one-stop-shop para sa mga nangangailangan ng serbisyo mula sa government agencies tulad ng Philippine Statistics Authority, Pag-IBIG, Social Security System, at PhilHealth.
Samantala, nasa 250 families ang nakatanggap ng tulong pinansyal para matulungan silang makabangon at muling makatayo matapos ang insidente ng sunog sa Brgys. San Roque, Navotas West, Bagumbayan North, at North Bay Boulevard North.
Habang 120 Livelihood Package at 122 Tulong Puhunan grantees ang nakakuha ng suportang pinansyal para mapalago ang kanilang maliliit na negosyo.
Muling pinagtibay ni Mayor John Rey Taingco ang dedikasyon ng lungsod sa patuloy na suporta para sa employment and livelihood assistance programs.
“We are committed to creating opportunities for employment and livelihood for every Navoteño,” aniya.
“We also offer programs to enhance the knowledge and skills of our residents, ensuring they are well-equipped to thrive in their chosen fields and achieve their full potential,” dagdag niya.
Ang Navotas, sa pamamagitan ng NavotaAs Hanapbuhay Center and PESO, ay regular na nagsasagawa ng NegoSeminars para sa Navoteños na gustong magsimula ng kanilang sariling negosyo at in-house job interviews, gayundin ang pre-employment seminars for jobseekers. (Richard Mesa)
PINASINAYAAN at pinabasbasan nina Mayor John Rey Tiangco, at Congressman Toby Tiangco, kasama ang iba pang opsiyal ng pamahalaang lungsod ang bagong bukas na TAKINO pumping station na makakatulong sa mabilis na paghupa ng baha tuwing high tide o kung may bagyo, bilang bahagi pa rin ng ika-17th cityhood anniversary ng Navotas. (Richard Mesa)
BINISITA ni Mayor John Rey Tiangco ang pamamahagi ng Pamahalaang Lungsod ng Navotas ng cash incentives sa mga nagtapos ngayon taon sa mga pampublikong paaralan, bilang bahagi pa rin ng pagdiriwang ng ika-17th cityhood anniversary. Nasa 5,008 Grade 6 at 2,276 Grade 12 ang kumpletong nakatanggap ng kanilang P500 at P1,000 cash grants noong June 26-27, 2024. Nakatanggap din ang mga graduates sa Navotas Polytechnic College ng P1,500 matapos ang kanilang graduation ceremony. (Richard Mesa)
NAMAHAGI ang Pamahalaang Lungsod ng Navotas ng cash incentives sa mga nagtapos ngayon taon sa mga pampublikong paaralan bilang bahagi pa rin ng pagdiriwang ng ika-17th cityhood anniversary.
Nasa 5,008 Grade 6 at 2,276 Grade 12 ang kumpletong nakatanggap ng kanilang P500 at P1,000 cash grants noong June 26-27, 2024.
Ang mga graduates sa Navotas Polytechnic College ay nakatanggap din ng P1,500 matapos ang kanilang graduation ceremony ngayon taon.
Ang pamamahagi ng mga insentibo ay bahagi ng patuloy na pagsisikap ng lungsod na hikayatin at suportahan ang mga mag-aaral sa kanilang academic journeys.
Sa pamamagitan ng pamimigay ng tulong pinansyal, layunin ng lungsod na mabawasan ang pasanin sa mga pamilya at matiyak na ang mga mag-aaral ay makapag-pukos sa kanilang pag-aaral nang walang karagdagang stress sa pera.
“These incentives are a testament to our commitment to nurturing your potential. By investing in your education, we are laying the foundation for a brighter future for Navotas,” sabi ni Mayor John Rey Tiangco sa mga estudyante.
“The world is full of opportunities. Don’t be afraid to dream big and high. Dream for your future. Keep studying, asking questions, and learning. Completing your education is just the beginning of many more steps towards success. We at Navotas government are always here to support you,” dagdag niya.
Nagsimula ang Navotas sa pamimigay ng cash incentives sa mga pampublikong elementarya, senior high at tertiary school graduate ng lungsod noong 2019 sa bisa ng City Ordinance 2019-03.
Ang inisyatibang ito ay bahagi ng pagsisikap ng Navotas na isulong ang edukasyon at magbigay ng patuloy na suporta sa mga mag-aaral nito, na tinitiyak na sila ay nilagyan ng mga kasanayan at pag-iisip na kailangan upang umunlad sa kanilang piniling mga pagsisikap. (Richard Mesa)