NAKIKIISA si Pang. Ferdinand Marcos Jr sa mga debotong Katoliko sa pagdiriwang  ng Pista ng Itim na Nazareno.

Hinikayat ang mga Filipino na gawing inspirasyon ang aktibidad upang matuklasan ang panloob na lakas at bagong pakiramdam ng pag-asa.

Ayon sa Pangulo ang nasabing selebrasyon ay nagpapakita ng pag ibig at sakripisyo ng Panginoong Hesu Kristo na inalay ang buhaý nito para pagbuklud buklurin ang sangkatauhan.

Sinabi ng Pangulo na ang Pista ng Itim na Nazareno ay isang kahanga-hangang pagdiriwang ng walang hanggang awa at walang hangganang pagmamahal ng Poong Maykapal sa lahat.

Hinimok din ni Pangulong Marcos ang mga mananampalataya na paalalahanan ang kabutihan ng pagtanggap sa pagdurusa ng isang tao at sumailalim sa espirituwal na pagbabago.

Hinimok din ng punong ehekutibo ang mga mananampalataya na palalimin ang kanilang kaugnayan sa Diyos at maging instrumento ng kapayapaan, pagkakaisa, at pakikiramay sa mga Pilipino at sa bansa. (Daris Jose)

HINILING ni Pangulong Ferdinand R. Marcos Jr. sa bawat Filipino na tumulong para makamit ng administrasyon ang minimithi nitong “Bagong Pilipinas.”

Binigyang-diin ng Pangulo ang mahalagang papel ng mga Filipino sa minimithing ito ng pamahalaan.

Sa kanyang pinakabagong vlog, ipinalabas araw ng Sabado, hinamon ng Punong Ehekutibo ang mga Filipino na pagsikapang tuparin ang kani-kanilang New Year’s resolutions.

Gaya aniya ng maraming Filipino, siya aniya ay mayroong ding New Year’s resolution na nais niyang gawin para sa self-improvement at pagbabago.

Kabilang na rito ang paglalaan ng mas maraming oras sa kanyang pamilya, panatilihin ang magandang kalusugan, magkaroon ng regular na ehersisyo para mabawasan ang stress para sa mas malakas na immunity, at mas maging “cool-headed” o mahinahon sa pagmamaneho.

“Pero siyempre, nangingibabaw sa ating New Year’s resolution ang mga mithiin natin sa bayan dahil marami pang kailangang gawin, marami pang kailangan pagandahin, at marami pang kailangan ayusin para naman tuluy-tuloy ang pagsulong natin tungo sa isang Bagong Pilipinas,” ayon sa Pangulo.

Tinuran nito na ang pagkakasama ng indibidwal at komunidad ay kailangan para makamit ang nilalayon ng administrasyon.

Maliban aniya mula sa gobyerno, titiyakin niya, sa tulong ng mga Filipino, ang Bagong Pilipinas ay makakamit ng bansa sa pamamagitan ng “Bagong Pilipino,” Tinukoy ang kahalagahan ng New Year’s resolutions ng lahat.

“Filipinos could start with themselves and their families by observing punctuality, being more productive in their work, and spending prudently,” ayon sa Chief Executive.

Kaya nga, hinikayat nito ang mga Filipino na paghusayin at i-develop ang kanilang sarili sa pamamagitan ng pagbabasa ng libro, matuto ng bagong teknolohiya, obserbahan ang personal grooming at self-discipline, at maging mabuting mamamayan at miyembro ng pamilya.

Habang pinagdiriwang ng bansa ang Community Development Day ngayong linggo, tinuran ng Pangulo na isa itong paalala para sa kahalagahan na paghusayin at I-develop ang lokal na komunidad.

“Sa mga susunod na linggo ay lalo niyo pang mauunawaan at mararamdaman ang ibig sabihin ng Bagong Pilipinas,” ang wika ng Punong Ehekutibo.

“Papaigtingin natin ang paghihikayat sa lahat na maging bahagi ng pagpapaganda ng ating barangay, siyudad, probinsiya, at ng buong bansa. Dahil walang Bagong Pilipinas kung walang Bagong Pilipino,” ayon pa rin sa Pangulo. (Daris Jose)

NANGANGAMBA ang isang commuters group na posibleng umabot sa P50 ang pasahe kung tuluyang mapapalitan ng mga modernong public utility vehicles (PUVs) ang mga tradisyunal na jeepney.

Ayon kay Julius Dalay, chairman ng Commuters of the Philippines, inaasahan na nilang magiging malaki ang epekto sa pasahe ng PUV Modernization Program (PUVMP) na isinusulong ng pamahalaan.

Bunsod na rin aniya ito ng magiging amortization ng mga operators sa pagbili ng mga modernized jeepney.

Sakali naman aniyang tuluyan ngang umabot sa P50 ang pasahe ay labis itong masakit sa bulsa ng mga mananakay.

Binigyang-diin pa niya na wala namang commu­ters na tutol na maging moderno at bago ang kanilang masasakyan.

Ang tanging kuwestiyon lamang aniya nito ay ang timing at phasing ng programa. (Daris Jose)

HINDI  agad pinaboran ng Korte Suprema ang petisyon ng transport group na Pagkakaisa ng mga Samahan ng Tsuper at Opereytor Nationwide o PISTON na humiling na suspendihin ng korte ang jeepney consolidation program ng pamahalaan.

Kaugnay nito, pinagpapaliwanag ng Korte Suprema ang DOTr at LTFRB hinggil sa petition for certiorari and Prohibition with Urgent Application for a Temporary Restraining Order and /or writ of Preliminary Injunction na inihain laban sa kanila ng ilang PUJ operators at transport group na PISTON.

Binibigyan lamang ang mga respondents ng sampung araw para makapabigay ng komento sa naturang petisyon.

Bukod dito ay ipinag utos rin ng SC na personal na magtungo sa Korte ang mga respondents at personal na maghatid ng kanilang komento sa mga petitioners.

Kung maaalala, noong December 19 ng kasalukuyang taon ay nagtungo ang ilang transport group sa pangunguna ng PISTON at ilang petitioner sa SC upang hilingin sa korte na ideklarang null at void ang ilang probisyon na nakasaad sa Jeepney modernization program ng pamahalaan. (Daris Jose)

NADAGDAGAN ng 23 ang kaso ng fireworks-related injuries sa bansa ilang araw bago magtapos ang taong 2023, ayon sa pinakahuling taya ng Department of Health (DOH).

Sa 23 na bagong kaso, sinasabing edad 6-anyos hanggang 55 taong gulang ang mga nadisgrasya. Narito ang itsura ng mga biktima:

lalaki: 20

babae: 3

naputukan sa bahay o kalapit na kalye: 23

aktibong sangkot: 13

gumamit ng iligal na paputok:  14

“Kasama sa mga bagong kaso ang dalawang (2) bagong amputation, na parehong kinasasangkutan ng ilegal na Pla-pla na sinindihan ng mga lalaking teenager na naputulan ng mga daliri,” wika ng Kagawaran ng Kalusugan.

“Isang (1) amputation case kahapon ang maling naiulat; kaya ang kabuuang bilang ng mga amputation ngayong season ay anim na (6).”

Nasa 75 na ang nabibiktima sa ngayon. Anim sa bawat sampung kaso ay nanggaling sa mga sumusunod na erya:

National Capital Region: 40%

Central Luzon: 12%

Ilocos Region: 8%

“Siyamnapu’t anim na porsyento (96%) ang nangyari sa bahay at sa mga lansangan, karamihan ay mga lalaking may aktibong pakikilahok,” dagdag pa ng DOH.

“Ang mga iligal na paputok ang dapat sisihin sa humigit-kumulang anim sa bawat sampung kaso.”

Una nang ibinahagi ng Philippine National Police (PNP) ang updated na listahan ng mga iligal na paputok at pyrotechnic devices, bagay na kadalasang napakasensitibo.

Ngayong buwan lang nang maglabas ang Department of Trade and Industry ng mga certified fireworks upang magabayan ang mga consumer ngayong New Year.

Matagal nang hinihikayat ng DOH ang publikong umiwas ang lahat sa paggamit ng paputok, at sa halip gumamit na lang ng mas ligtas na paingay.

NANINDIGAN ang Department of Transportation (DOTr) na wala nang extension na gagawin ang pamahalaan hinggil sa December 31, 2023 deadline para sa consolidation o pagsasama-sama sa isang kumpanya o koope­ratiba ang lahat ng pampasaherong sasakyan sa buong bansa.

Sinabi ni Transportation Undersecretary John Batan, tagapagsalita sa usapin ng PUV Modernization ng LTFRB,  hindi anya nagbabago ang desisyon ng pamahalaan sa itinakdang deadline ng consolidation ng mga pampasaherong sasak­yan hanggang December 31 upang mabigyang daan na ang jeepney modernization program ng pamahalaan. Ito anya ay sa kabila ng mga request ng mga  jeepney group na ma-extend pa ang deadline sa jeepney consolidation.

Kaugnay nito, sinabi rin ng militant transport group na Pinagkaisang Samahan ng mga Tsuper at Operators Nationwide (Piston) na kahit ipagpilitan ng gobyerno ay hindi sila pasasailalim sa consolidation.

Sa panayam kay Mody Floranda, national president ng Piston, sinabi niya na pahirap sa mga jeepney operators at dri­vers ang consolidation dahil tanging ang nanga­ngasiwa sa kumpanya o kooperatiba lamang ang makikinabang dito.

Inireklamo rin ni Floranda ang mahigit P300,000 na membership fee na kinukuha sa isang operator ng jeep oras na magpamiyembro ito sa kooperatiba at wala silang P2.8 milyong pondo para ipambili ng isang sariling airconditioned jeep para makapag-operate.

Aniya, hihintayin ng Piston ang gagawing desisyon ng Korte Suprema sa kanilang apela na maihinto ang PUV consolidation at jeepney modernization.

Sinabi ni Floranda na December 20 ngayong taon nila naisampa ang apela sa SC at inaasahang magpalabas ito ng desisyon sa December 28 o hanggang sa unang linggo ng Enero 2024

Bukod dito, bago anya ang December 31consolidation deadline ay magsasagawa sila ng isang malawakang tigil pasada upang iparating sa pamahalaan ang kanilang kahilingan na maihinto ang jeepney consolidation at PUV modernization.

May 100-libo anyang miyembro ang Piston na maaaring magutom at madagdag sa mga jobless pinoy sa susunod na taon.

Giit ng Piston na isailalim sa rehabilitasyon ang mga unit at huwag mai-phaseout sa pamamagitan ng jeeney consolidation at PUV modernization. (Daris Jose)

UMABOT sa P4.019 trillion o US$72.178 billion ang pinagsama-sama, pinagtibay at pinrosesong investment mula sa foreign trips ni Pangulong Ferdinand Marcos Jr.

Ito ang inihayag ng Department of Trade and Industry (DTI) sa ipinalabas na kalatas ng Presidential Communications Office (PCO).

Ayon sa departamento, ang mga investments ay nasa iba’t ibang stages, sabay sabing ang halaga ay pinagsama-samang 148 mga proyekto.

Inilarawan pa ng DTI ang pamumuhunan bilang negosyo, sabay sabing “investment promotion agency (IPA) registered with operations (US$205.53M or P11.4B), Business/IPA registered (US$983.21M or P54.75B) IPA registration in progress operations (US$5.079B or P282.8B), signed agreement with clear financial project value (US$9.771B or P544.152B), signed memorandum of understanding/letter of intent (MOU/LOI) (US$28.529B or P1.588T) and confirmed investment not covered by MOUs/LOIs and those that are still in the planning stage (US$27.345B or P1.522T).”

Winika pa ng departmento na masusi nitong mino-monitor ang 20 proyekto na may go signal at rehistrado na sa IPAs ng DTI, Board of Investments (BOI) at Philippine Economic Zone Authority (PEZA).

Sinabi pa ng DTI na karamihan sa mga investments sa naturang sektor ay “manufacturing, IT-BPM, renewable energy, data centers at telecommunications.”

Samantala, sinabi ng DTI na ang business engagements sa naging pagbisita ni Pangulong Marcos sa Tokyo, Japan para sa ASEAN-Japan Commemorative Summit ay idinagdag sa ginagawang pagmo-monitor ng ahensiya, kabilang ang US$263.08 million o P14B ng total value at siyam na investments sa kabuuang bilang ng mga proyekto.

Iniulat ng DTI na mayroong tatlong tinintahan na kasunduan na may malinaw na financial project value na nagkakahalaga ng US$85.07 million at anim na MOU/LOI na nagkakahalaga naman ng US$178.01 million.

Idagdag pa rito, ang naging partisipasyon ni Pangulong Marcos Asia-Pacific Economic Cooperation (APEC) Leaders’ Meeting sa San Francisco, California ay idinagdag din sa DTI monitoring, kabilang ang US$672.3 million o P37.2 billion sa kabuuang halaga at anim na investments sa kabuuang bilang ng mga proyekto.

Matatandaang, napaulat na inulan ng kritisismo ang madalas na foreign trips ni Pangulong Marcos mula nang magsimula ang kanyang administrasyon, subalit idinepensa naman ni Pangulong Marcos ang kanyang mga naging pagbyahe sa ibang bansa, binigyang diin ng Punong Ehekutibo na ang kanyang partisipasyon at pagdalo sa mga events sa ibang bansa ay makatutulong para isipin ng mga ito (ibang bansa) ang Pilipinas.

Winika pa ni Pangulong Marcos na dapat tingnan ng publiko ang balik na investments sa mga nakalipas niyang pagbiyahe. (Daris Jose)

INIHAYAG ni Pangulong Ferdinand R. Marcos Jr na ang 2024 national budget ay isang battle plan kontra sa kahirapan, gutom at iba pa.

      Sinabi ng Presidente higit sa numerong pinag – uusapan sa budget ay kumakatawan ito higit sa lahat sa isang simpleng listahan ng halaga o talaan ng mga proyekto.

      Ayon sa Pangulo, ang 2024 budget aniya ay naglalarawan sa Plano ng Administrasyon na labanan Hindi lamang ang kahirapan kundi pati na ang  paglaban sa kawalan ng edukasyon, sa kagutom, sa pangangalaga sa mga maysakit, pangangalaga sa kalusugan ng mamamayan, paglikha ng trabaho, at pondo para sa mga kabuhayan.

Kaya hindi aniya tamang sabihin na panustos lamang sa overhead ng byurukrasya ang budget ng bayan para sa 2024.

Sabi ng Pangulo, ang pondong gagamitin sa susunod na taon ay nakaukol din upang pawiin ang mga problema at hamon na kinakaharap ng bansa. (Daris Jose)

PINANGUNAHAN ni Pangulong Ferdinand R. Marcos Jr. ang ceremonial signing ng P5.768-trillion 2024 national budget, araw ng Miyerkules, nanawagan sa mga ahensiya na isagawa ang expenditure program na naaayon sa batas at kilalanin ang mga taxpayers na naging dahilan kung bakit naging posible ang budget para sa susunod na taon.

Sa nasabing event, pinaalalahanan ni Pangulong Marcos ang mga ahensiya na magpapatupad ng expenditure program na labanan ang red tape “that leads to underspending and overspending that disregards legal guardrails,” emphasizing further that these are ‘two sides of the same coin.’

“Implementation delay and illegal deviations inflict the same havoc of denying the people of the progress and development that they deserve,” aniya pa rin.

“So, with this reminder comes the most important budget commandment that we must all receive. We are working for the people not for ourselves. We are working for the country not for ourselves,” dagdag na pahayag ng Pangulo.

Ang nangyaring signing ceremony ay renewal ng annual social contract ng gobyerno sa mga taxpayers, na kung ano ang kanilang binayaran ay “will be rebated to them in full.”

Ayon sa Chief Executive, nakadetalye sa 2024 national budget ang battle plan ng gobyerno sa paglaban sa kahirapan at kamangmangan, pagpo-produce ng pagkain at tuldukan ang pagkagutom, protektahan ang mga bahay o tahanan, I-secure ang mga border, panatilihing malusog ang mga mamamayan , lumikha ng hanapbuhay at pondohan ang pangkabuhayan.

“It is not only intended to pay for the overhead of the government’s bureaucratic operations but also to fund the elimination of problems that the nation must overcome,” ang wika ng Pangulo.

“And although he wishes to wipeout in one budget cycle all the government’s infrastructure backlog, it is curtailed by what the State can collect and by what the tax coffers contain,” dagdag na pahayag ng Punong Ehekutibo.

“We can be reckless, take the easy path, borrow, let our children pick today’s tab up tomorrow. But debt is not the kind of inheritance that we want to leave those who will come after us,” lahad ng Pangulo.

“Good fiscal stewardship imposes upon us the discipline not to be led into the temptation of bloating what we owe. Good government dictates upon us the duty to spend the appropriations we have cobbled together for the correct purposes, the right way, on time, and on budget,” litaniya ng Pangulo.

Ang P5.768 trillion-General Appropriations Act for Fiscal Year 2024 ay 9.5% na mas mataas kumpara sa nakalipas na fiscal year, at nilikha para panatilihin ang high-growth trajectory ng bansa.

Inaasahan naman ng administrasyon na ang tuwirang implementasyon ng 2024 national budget na mayroong Medium-Term Fiscal Framework, ang 8-point Socioeconomic Agenda, at Philippine Development Plan 2023-2028 ay magsisilbing gabay at blueprint. (Daris Jose)

SINABI ng  Department of Education (DepEd) na P18k lamang sa halip na P20,000  halaga ng Service Recognition Incentive (SRI)  ang maibibigay nito sa mga kuwalipikadong  guro at iba pang teaching personnel.

“Ayon po sa ating AO (Administrative Order) ‘no, talagang ito SRI, we will source it sa PS (personal) savings or ‘yung ginagamit natin for personnel. At ‘yun lang po talaga. We really tried to look at the numbers, we tried to see if we could give P20 [thousand] pero P18 [thousand] po yung maximum na mabibigay natin,” ayon kay Education spokesperson Undersecretary Michael Poa.

“Ganoon pa man, it’s significantly higher sa nabigay natin last year,” dagdag na wika nito.

Sinabi pa ni Poa  na ang  tax deductions sa P18,000-SRI ay dahil sa tax laws at hindi  DepEd policy.

“‘Yung tax naman po ay nasa tax laws talaga natin ‘yan, ‘no, na kapag nag-exceed ng P90,000 ang benefits na natatanggap ng kahit sinong empleyado ay nagiging taxable po siya. So hindi po DepEd policy ‘yung tax. It is really in our tax laws,” aniya pa rin.

Sa kabilang dako, sinabi ni Poa na hindi maiko-convert ng DepEd ang  budget para sa Maintenance and Other Operating Expenses (MOOE) ng departamento sa  Personal Services (PS) dahil gagamitin ito sa susunod na taon.

“Siguro ang nasasabi nila ‘yung mga programa na MOOE ay pwedeng i-convert to PS. Kaya lang po, ‘no, ‘yung mga budget kasi natin ay continuing. Gagamitin pa po natin siya next year,” ani Poa.

Nauna rito, sinimulan na ng school division offices at iba pang  implementing units ang pagbabayad at pamamahagi ng cash.

Pinaalalahanan naman ng  DepEd ang regions na gawing maayos ang distribusyon.

“We are constantly monitoring. Siyempre kinausap po natin ‘yung mga regions to make sure that they have procedures in place para hindi naman po mahirapan ang ating mga teachers,” anito.

May 7 rehiyon na ang nagsimula ng kanilang distribusyon.

“Sa NCR ang latest update po natin ay they are just checking, ‘no, ‘yung amount and, of course, ‘yung tax reductions and all that. And they are looking to distribute as soon as possible,” aniya pa rin. (Daris Jose)