NAKATAKDANG ipa-deport ang isang Japanese national na wanted ng mga awtoridad sa Tokyo dahil sa fraud at money laundering.

Sinabi ni Immigration Commissioner Norman Tansingco na si Hiroyuki Kawasaki, 37, ay inaresto sa Ninoy Aquino International Airport (NAIA) Terminal 1 habang ito ay papasakay sa Philippine Airlines patungong Singapore.

Dagdag pa ni Tanssingco na nag-positibo siya sa BI Interpol derogatory heck system habang pinoproseso ng immigration officer kaya ini–refer ito for further inspection.

Nang i-verify ang identity ng pasahero sa interpol unit kung saan nakumpirma na naka-red notice it.

Ayon kay Tansingco, si Kawasaki ay inilagay sa BI watchlist at sinampahan ng deportation case dahil sa pagiging undesirable aliens nito.

Hiniling din ng Japanese government ang kanyang pag-aresto at deportayon dahil sa kasong falsification of official documents and financial fraud.

Base sa impormasyon na nakuha mula sa Interpol-Manila, sinabi ni Tansingco na si Kawasaki ay inakusahan ng pamemeke ng electronic record ng notarized deeds kung saaan niya ginamit sa panloloko sa ilang Japanese companies sa kanilang mga bank deposits.

“Japanese authorities also alleged that Kawasaki was responsible creating several shell companies which he used to siphon the funds of legitimate corporations who engaged his services as their investment manager,” ayon sa BIChief.

Ang mga shell companies na ito ay ginamit upang ikubli ang mga pondo kung saan in-withdraw ito ni Kawasaki at mga kasama nito mula sa bank accounts ng mga biktima.

Sinabi ni Tansingco na ipapa-deport si Kawasaki pabalik sa Tokyo pag nakapag-isyu na ng summary deportation ang BI Board of Commissioners. GENE ADSUARA

“THERE are no sacred cows.”

Ito ang tiniyak ni Pangulong Ferdinand Marcos Jr., sa isang ambush interview matapos pangunahan ang Oath-Taking Ceremony para sa mga newly elected officers ng National Press Club (NPC), Kapisanan ng mga Broadcasters ng Pilipinas (KBP) Malacañang Press Corps (MPC), Presidential PhotoJournalists Association (PPA) at Malacañang Cameraman Association (MCA) sa Heroes’ Hall, Palasyo ng Malakanyang, araw ng Martes, Agosto 27.

Tinanong kasi ang Pangulo ukol sa isyu kung may masisibak sa puwesto na responsable sa paglabas sa bansa nang sinibak sa puwesto na si Bamban, Tarlac na si Alice Guo.

“Well let’s not… That’s the last part of this, how far, how deep does this go. Isa lang ba ang tao na involved, o marami sila, o sindikato ito, that’s what we are doing,” ayon sa Pangulo.

“Oh yes, definitely. So DOJ was just with the secretary earlier today. He’s almost finished with a very thorough investigation, we will identify all of those who have, all of those who are involved in this, and we will act very quickly,” aniya pa rin.

“Very very good idea. I have a very good idea,” kung nasa Bureau of Immigration ba ang masisibak sa puwesto.

Nauna rito, sinabi ni Pangulong Marcos na malalantad ang mga salarin at nagtaksil sa tiwala ng mga tao at tumulong sa paglipad ni Guo.

Isang full-scale investigation aniya ang isinasagawa at lahat ng responsable ay mananagot sa batas.

“We will expose the culprits who have betrayed the people’s trust and aided in her flight. A full-scale investigation is already underway, and those responsible will be suspended and will be held accountable to the fullest extent of the law,” ani Marcos.

Idinagdag ng Pangulo na walang puwang sa gobyerno ang sinumang inuuna ang personal na interes kaysa sa pagli­lingkod sa sambayanang Pilipino ng may dangal, integridad at katarungan.

Una rito, iniutos ni ­Executive Secretary Lucas Bersamin ang kanselasyon ng Philippine passport ni Guo matapos isiwalat ni Sen. Risa Hontiveros na nakalabas na ng Pilipinas si Guo noong Hulyo 18 patungong Kuala Lumpur, Malaysia at ngayo’y nasa Indonesia na. (Daris Jose)

MALAPIT na umanong mag-anunsiyo ng dengue outbreak si Department of Health (DOH) Secretary Ted Herbosa dahil nasa outbreak levels na aniya ang dengue cases na naitatala nila sa bansa.

Sinabi ni Herbosa na nakausap niya ang director ng Epidemiology Bureau (EB) ng DOH at sinabi nitong nasa outbreak levels na ang dengue.

Dahil dito, asahan na aniyang mag­dedeklara siya ng dengue outbreak.

Tumanggi muna si Herbosa na magbigay pa ng karagdagang impormasyon sa isyu ngunit base sa inilabas na datos ng DOH kamakailan, hanggang noong Agosto 3, 2024, ang dengue cases na naitala sa buong bansa ay tumaas ng 33%, o mula sa 102,374 lamang ay naging 136,161.

Gayunman, nakapagtala rin naman ang DOH ng mas kaunting dengue deaths ngayong taon, na nasa 364 lamang, mula sa 401 noong nakaraang taon. (Gene Adsuara)

MAGBIBIGAY ng P3 milyong reward ang House of Representatives (HOR) kay Carlos Yulo dahil nasungkit nito ang gold medal sa 2024 Paris Olympics.

Ito ang kinumpirma ni House Committee on Appropriations Chairman at Ako Bicol Partylist Rep. Elizaldy Co.

” In recognition of his historic accomplishment, the House of Representatives is honored to award Carlos Yulo P3,000,000. This reward reflects our support for his continued success and our commitment to fostering Filipino talent on the international stage,” pahayag ni Cong. Zaldy Co.

Ayon sa Kongresista ipinakita ni Yulo ang kanyang dedikasyon at hard work para mabigyan ng puri ang ating bansa.

Dagdag pa ni Co, ipinakita ni Yulo ang kaniyang determinasyon and resilience na kaya ng mga Filipino mag excel at makamit ang kadakilaan sa anumang larangan.

Napatunayan ni Yulo na kaya ng mga Pinoy makipagsabayan sa buong mundo.

“Siya ay isang inspirasyon sa lahat ng kabataan at sa mga nangangarap. Siya ang patunay na kapag may sipag at tiyaga, walang imposible,” pahayag ni Co.

Si Yulo ang kauna-unahang Filipino gymnast na naka sungkit ng gold medal sa men’s floor exercise sa 2024 Paris Olympics na ginanap sa Bercy Arena.

Siya rin ang naging unang medalist sa kampanya ng Pilipinas sa Paris, at ang pangalawang gold medalist mula sa bansa kasunod ng weightlifter na si Hidilyn Diaz na nanalo ng gintong medalya para sa weightlifting sa 2020 Tokyo Olympics.

Inihayag naman ni Yulo na ang kanyang panalo ay inaalay niya ito sa sambayanang Filipino. (Vina de Guzman)

ISINIWALAT ni Sen. Bong Go na hindi lamang si Vice President Sara Duterte ang tinanggalan ng PNP ng security personnel sa pagsasabing maging siya ay dumanas din nito.

Sinabi ni Go na tatlong linggo na ang nakalilipas ay tinanggalan din siya ng security ng PNP na kanya ring ikinabigla.

“Sabi ko po, hindi siya (VP Sara Duterte) nag-iisa dahil ako rin po natanggalan ng security, mas nauna pa ako sa kanya, mga three weeks ago pa po ito,” paliwanag ni Go.

“Alam n’yo, ang trabaho namin, kahit saang sulok po ako ng Pilipinas ay umabot po ako, at ‘yung kahit paano, may risk, may threat sa buhay namin,” ani Go na nagsabi pang mahalaga ang seguridad dahil sa uri ng kanilang trabaho.

“Pero ako naman, sanay ako kahit saan, naglalakad tayo.”

Bilang vice chair ng Senate committee on public order at isang mamamayan, sinabi ni Go na nakababahala ang mga kamakailang kilos ng PNP na nakakaapekto sa seguridad ng ilang high ranking officials.

Hiniling niya sa pamunuan ng PNP na huwag maging selective, huwag haluan ng pulitika at gawin lang ang tama nang walang pinapanigan. (Daris Jose)

NANAWAGAN ang Department of the Interior and Local Government (DILG) sa publiko na mag- donate ng ‘hay, hair at coconut husks’ para mapigilan ang oil spill sa Bataan at kalapit-lugar.

Sa oil spill alert advisory ng DILG, sinabi ng DILG Bataan na “every contribution counts and will help in resolving this crisis quickly.’’

Ipinaliwanag ng DILG ang pangangailangan na gumamit ng ‘oil booms’ para mapagilan ang oil spill at gumamit ng skimmers para alisin ito sa tubig.

Dagdag pa na ang chemical dispersants ay makatutulong para tunawin ito sa natural na proseso.

Sa pagpapatupad ng clean-up drive, binigyang diin ng DILG ang pangangailangan ng ‘coordinated efforts at swift action’ ng local government units (LGUs) at komunidad sa paglutas sa Bataan oil spill sa lalong madaling panahon.

Sinabi ng DILG na maaaring mag-provide ang LGUs sa mga apektadong komunidad na lubhang kailangan ng suporta gaya ng financial assistance at alternatibong source of livelihood para sa mga mangingisda at mga residente.

Sanhi ng kontaminadong hangin at tubig, sinabi ng DILG na ang kabuhayan ng mga mangingisda at tourism industry ng Bataan ay grabeng naapektuhan, dagdag pa ang banta sa health hazards na dala nito.

Tinuran pa ng DILG na ang masamang epekto ng oil spill sa marine life, kung saan ang malaking numero ng sea creatures ay namatay o nalason.

“Nasira rin ang mga coral reefs at mangrove areas na mahalaga sa tirahan ng mga marine species,’’ ang paliwanag ng DILG. (Daris Jose)

NAMAHAGI ang Pamahalaang Lungsod ng Navotas ng tig-limang kilogram ng bigas sa 91,000 Navoteño families bilang bahagi ng patuloy nitong pagsisikap na magbigay ng tulong sa mga residenteng naapektuhan ng kamakailang pananalasa ng bagyong Carina at habagat na nagdulot ng malawakang pagbaha sa lungsod na nakaapekto sa kabuhayan ng marami.

Binigyang-diin ni Mayor John Rey Tiangco ang pangako ng lungsod na suportahan ang mga residente nito sa mga mapanghamong panahong ito.

“We understand the difficulties Navoteños are facing, and we are here to provide the necessary assistance and support. This rice distribution is just one of the many ways we aim to help Navoteños recover and return to their normal lives as soon as possible,” sabi ni Mayor Tiangco.

“We will start the distribution as soon as the logistical requirements are settled. We will post the schedule in our social media pages,” dagdag niya.

Bukod sa agarang pagbibigay ng tulong, nangako rin si Tiangco na mahigpit na makipag-ugnayan sa MMDA at DPWH para sa pagsasaayos ng Tangos-Tanza navigational gate.

Nasira ang gate noong June nang bumangga ang isang barge na nagdulot ng matinding pagbaha sa Navotas at Malabon.

Bumisita si Pangulong Bongbong Marcos noong Huwebes sa site at inatasan ang DPWH na magpatupad ng mga emergency measeures at pabilisin ng pagkumpuni ng navigational gate.

Samantala, namahagi din si Mayor JRT at ang kanyang kapatid na si Cong. Toby Tiangco ng 28,000 kilo ng isda noong Huwebes para suportahan ang mga pamilyang nawalan ng pagkakakitaan dahil sa baha.

“We know Navoteños are resilient, as demonstrated by how we have weathered and triumphed over numerous storms. Let us continue to support one another and strive to overcome the challenges we face,” ani Tiangco. (Richard Mesa)

TINIYAK ng Department of Agriculture (DA) ang 24/7 Disaster Risk Reduction and Management (DRRM) ops para sa mga disaster-affected farmers.

Layon nito na maayos na suriin ang epekto ng pinalakas na southwest monsoon o Habagat at bagyong Carina sa buong sektor.

“Lahat po ng concerns ay pwede pong tanggapin sa bawat regional field office, nakatutok,” DA Assistant Secretary Arnel de Mesa sa isang panayam.

Sinabi pa ni De Mesa na maaaring dumirekta ang mga magsasaka sa DA regional offices at municipal agriculturists.

Kabilang naman sa available na tulong ay ang 72,174 bags ng rice seeds; 39,546 bags ng corn seeds; 59,600 pouches at 1,966 kg ng vegetable seeds; P25,000 halaga ng loan sa ilalim ng Survival and Recovery (SURE) Loan program mula sa Agricultural Credit Policy Council, na may zero interest at payable ng tatlong tao; at aktibasyon o pagpapagana sa pondo sa ilalim ng quick response fund at Philippine Crop Insurance Corp.

“Sa ngayon, 11,003 magsasaka ang apektado, may agricultural damage na P251.21 million,” ayon sa DA-DRRM Bulletin No. 9.

“Maliit pa ito kumpara sa, base sa mga nararanasan natin sa mga nakalipas na taon. Umaasa rin tayo na hindi masyadong magiging malala iyong pagpasok ng La Niña,” ayon kay De Mesa.

Ang rice sector ang nagtamo ng ‘most damage’ na may P228.23 million o 2,912 MT (metric tons) pagdating a volume, sinundan ng mais na may 297 MT (P14.08 million), high value crops na may 228 MT (P8.75 million) at livestock na may P143,300.

Nauna rito, sinabi ng DA na may 500,000 MT hanggang 600,000 MT production ang inaasahan na magiging lugi sa bawat taon dahil sa natural calamities. (Daris Jose)