INAMIN ni Pangulong Ferdinand Marcos Jr. na tumaas ang tensyon sa South China Sea.

Dahil dito, ginagawa at tinatrabaho na ng Pilipinas ang lahat ng makakaya nito para makahanap ng solusyon o kasagutan sa usaping ito.

Binigyang diin ni Pangulong Marcos ang pangangailangan ng  bansa na “mga bagong solusyon” sa gitna ng umiigting na tensyon sa pinagtatalunang katubigan kontra China.

“I’m afraid we’ll have to be able to say that tensions have increased rather than diminished for the past months or the past years and that’s why we have to – but we continue to counsel peace and continue communication between the different countries—everyone that is involved,” ayon kay Pangulong Marcos sa isang panayam.

“And this has become – I sometime say, and I think it still applies, the South China Sea situation is the most complex geopolitical challenge that the world faces,” dagdag na pahayag nito.

Sa kabila nang  tumataas na maritime tensions, muling inulit ng Pangulo na hindi kailanman manggagaling sa Pilipinas ang anumang bagong ‘conflict’ sa rehiyon.

Sa patuloy aniya na girian sa pagitan ng Russia-Ukraine, inilarawan niya ito bilang trahedya, walang  bansa sa buong mundo ang nagnanais na magsimula ng bagong labanan lalo na sa Asya.

“I cannot say that we have found the answer yet. We are still trying to formulate that answer as we speak. And things are moving very quickly in many parts of the China Sea and so there are changes in terms of approaches,” aniya pa rin.

Pinagtibay naman ng Pangulo na nananatiling committed ang Pilipinas na panatilihin ang kapayapaan at pagsunod sa  rules-based order sa gitna ng tumataas na geopolitical tension sa Asya.

Tinuran pa rin niya na itutuloy naman ng Pilipinas ang pagkakaroon ng malakas na alyansa sa “like-minded allies”  dahil na rin sa ipinapakitang tunay na hamon ng China sa mga “neighbors” nito sa Asya.

Hangad din ng Punong Ehekutibo na itaas ang pagtutulungan sa pagitan ng Pilipinas at  Japan, sabay sabing “it is a very good example of evolution.”

Ang Pilipinas ang naging kauna-unahang recipient ng  Japanese Official Security Assistance (OSA).

This alliance that we have come together with Japan is again, is to show, to help us rather, work together more closely. Because in the military since there is a tactical operation that we really have to train with one another,” ayon kay  Pangulong  Marcos.

“The so-called interoperability between the different forces and it doesn’t… it is not sufficient actually with just Japan and the Philippines to enter into this agreement. We really must get more of these kind of arrangements in place,” aniya pa rin.

“This is about the trilateral agreement between the United States, Japan, and the Philippines,” aniya pa rin sabay sabing mayroon dapat na mas maraming kasunduan  pagdating sa multilateral at bilateral levels.

“I think that really is the pattern that we are seeing to emerge and that is how we are evolving. And that is very good example of evolution,” ayon sa Punong Ehekutibo. (Daris Jose)

TITIYAKIN ni Pangulong Ferdinand Marcos Jr.,  may malakas na boses ang Pilipinas  pagdating sa usapin na may kinalaman sa epekto ng climate change o pagbabago ng klima.

Ito’y matapos na matuwa ang Pangulo  nang malaman na nakakuha ang Pilipinas ng puwesto sa  board  ng  Loss and Damage Fund, naglalayong tulungan ang mga mahihirap na bansa na makayanan ang “magastos” o “mahal”  na climate disasters.

“I am very gratified to hear the news that the Philippines secured a membership on the damage and loss board for the year 2024 and the year 2026, serving as an alternate for 2025,” ayon kay Pangulong Marcos sa isang  video message.

“This will give the voice in the management of all funding that is available around the world to mitigate and adapt to the effects of climate change,”  dagdag na pahayag nito.

Tinuran pa nito na “The next step that we are hoping to achieve is to host the damage and loss fund here in the Philippines because after all, we are very much in the mix when it comes on the climate change effects. So this is a good development that we’ll keep working to make sure that the Philippines has a very strong voice when it comes to all the issues of climate change of which we are very severely affected.”

Nauna rito, sinabi ni  Environment Secretary Ma. Antonia Yulo-Loyzaga na nakasungkit ang Pilipinas ng puwesto sa  board ng  Loss and Damage Fund.

Aniya pa, magkakaroon ng term sharing sa  board.

“For the three terms, we will have two years – the first year which is the inaugural year, 2024 and 2026. In the year 2025, we will have a term share with Pakistan who is the other Asia-Pacific country that is also part of the board,” aniya pa rin.

Para kay Loyzaga, ang Pilipinas ang pinaka-kuwalipikado na mag-host ng Loss and Damage Fund  dahil buhay na testamento ito sa epekto ng climate change. (Daris Jose)

NAGPULONG  nitong Martes ang Komite ng Transportasyon na pinamumunuan ni Antipolo City Rep. Romeo Acop upang dinggin ang resulta ng Motorcycle (MC) Taxi Pilot Study mula sa Department of Transportation (DOTr) at Land Transportation Office (LTO).

Isinalaysay ni Acop na nagsimula ang pag-aaral noong 2017 bilang anim na buwang programa para sa operasyon ng aabot sa 27,000 motorcycle taxis sa Metro Manila.

Ang pilot study ay opisyal na nagsimula noong 2019 kasama ang Angkas, MoveIt at Joyride bilang mga kalahok.

Iniulat ni LTO Chief Assistant Secretary Atty. Vigor Mendoza II na ang pilot study ay patuloy pa rin, kung saan ang University of the Philippines (UP) – National Center for Transportation Studies ay nagsasagawa ng masusing pagsusuri sa kapasidad sa merkado ng mga MC taxi.

Ayon kay ASec. Mendoza, isasaalang-alang ng pagsusuri ang epekto ng mga bagong kalahok sa programa, katulad ng Cloud Panda, Taxi Philippines Inc., E-PickMeUp Inc., Easyway Transport Service, Para Express Technology Services, Grab Philippines at Market Innovators Inc. Sa kaniyang pagtantiya, matatapos ang pinal na ulat sa loob ng 60 hanggang 90 araw.

“Because of the need for further in-depth study specifically for the market capacity, as well as the results of the entry of new participants to the program, the TWG is asking for an extension of the program until such time that the committee is ready to pass a bill related to the operations of MC taxis,” tanong ni ASec. Mendoza.

Hinimok ni Bulacan Rep. Augustina Dominique Pancho ang LTO na isama ang Tricycle Operators and Drivers Association (TODA) sa patuloy na pag-aaral dahil sila ay maaapektuhan kapag ang bagong paraan ng transportasyon ay magagamit na sa publiko.

Hiniling din ng Komite na isama sa pag-aaral ang epekto ng mga MC taxi sa ibang mga negosyo sa transportasyon.

Inaprubahan din ng Komite ang mga sumusunod na lokal na panukalang batas: House Bills 9416, 9433, at 9546, na naglalayong magtatag ng mga tanggapan ng LTO sa distrito ng Maayon Capiz, at Ticao Island Masbate, ayon sa pagkakasunod. (Ara Romero)

TINATAYANG  77% ng mga lugar sa pilipinas ang tatamaan ng mas matinding tagtuyot hanggang sa katapusan ng Mayo ng susunod na taon.

Sinabi nii Science and Technology Secretary Renato Solidum sa press briefing sa Malakanyang, ito ang lumabas sa weather patterns na kanilang inobserbahan para paghandaan ang mga epekto ng El Nino phenomenon.

Ang paliwanag ni Solidum 65 probinsya ang nanganganib na dumanas ng drought o tagtuyot habang anim na probinsya ang magkaka-dry spell

Ibig sabihin, hanggang 80 porsiento ang posibleng mabawas sa pag-ulan sa bansa hanggang ikalawang quarter ng 2024. Napansin na rin aniya na mas kakaunti ang bagyo na dumaan ngayon sa pilipinas kumpara noong mga nakalipas na taon.

Samantala,  bilang tugon, nakahanda na umano ang national action plan na sasaklaw sa mga paghahanda ng ibat ibang sangay ng gobyerno para maiwasan ang krisis sa tubig, kuryente, kalusugan at seguridad na posibleng idulot ng el nino.

Kasabay nito, nanawagan si Sec. Solidum sa publiko na ngayon pa lang ay magtipid na sa tubig at kuryente upang maibsan ang matinding tagtuyot sa susunod na taon. (Daris Jose)

PINANGUNAHAN ni Pangulong Ferdinand R.  Marcos Jr. ang grand opening ng 18th National Scout Jamboree sa Iloilo habang umaasa na ang national scouting event  ay makapagbibigay inspirasyon sa mga kabataan ng bansa na maging aktibo at  produktibong miyembro ng lipunan.

“To all our beloved scouts: Remember that you are here also to have fun, and to have an adventure, but to learn also about positive agents of change of which you can be part of,” ayon kay Pangulong Marcos sa pagbubukas ng seremonya ng  ika-18 National Scout Jamboree sa Passi, Iloilo.

“Make your bodies strong and healthy. Keep your minds keen and ever-conscious. Stand your ground, embody the scout law, and heed the call of duty to God and Country,” dagdag na pahayag ng Pangulo.

“These qualities will make you a good scout – a good scout makes a good citizen, and a good contributor to our goal of building a Bagong Pilipinas,” aniya pa rin.

Sa naturang  event, nanumpa ang Pangulo bilang Chief Scout of the Boys Scout of the Philippines.

Ang jamboree na isinagawa sa lalawigan ay itinuturing ng Pangulo na “a very important event.”

Inilarawan nito ang event bilang  “mother of all activities” sa buhay ng scout.

Ang  national scouting event, idinadaos kada apat na taon, hindi lamang bilang pagpapaalala sa bawat isa na ituloy na importansiya ng scouting, kundi pagpapanatiling matatag ng pamana ng “scouting movement” sa bansa.

“Scouting also plays a vital role in fostering the spirit of camaraderie and leadership among Filipino youth through its unique blend of education, adventure, and fun,” ayon kay Pangulong Marcos.

Sa kabilang dako, tinatayang 35,000 scouts at lider sa buong bansa ang nagpartisipa sa national scouting event may ilang espesyal na panauhin partisipasyon mula sa ibang  National Scout Organization mula sa ibang mga bansa dahilan para ito’y maging “biggest national jamboree” sa Pilipinas.

Itinatag matapos ang isang siglo, ang scouting ay naglalayong “to contribute to the empowerment of individuals and their development as active citizens in their local, national, and global communities.

Ang  18th National Scout Jamboree ay naglalayong magbigay ng “progressive, exciting, challenging, safe and enjoyable learning environment for the scouts in order to enhance their full Social, physical, intellectual, character, emotional and spiritual potentials as an active citizen making real contribution in creating a better community.

Ang  scouting ngayon ay itinuturing na “leading educational youth movement” ng bansa na may  mahigit na 57 milyong Scouts sa mahigit  200 bansa at teritoryo sa buong mundo, mayroon itong aktibidad na nakapagbibigay inspirasyon sa mga kabataang Filipino na maging aktibong mamamayan na nauugnay sa paglikha ng  “a better and more sustainable world.”

Ang National Scout Jamboree na tatakbo mula Disyembre 11 hanggang  17 ay mayroong tema na  “Youth Engagement: Sustaining Relevance and Strengthening Resilience.” (Daris Jose)

MAAYOS ang pakiramdam at kalagayan ngayon ni Pangulong Ferdinand Marcos Jr.

Ito ang inihayag ni Presidential Communications Office (PCO) Sec. Cheloy Garafil dalawang araw matapos tamaan ng covid-19 si PBBM.

Sa katunayan, sinabi ni Garafil na sasabak pa nga sa isang teleconference ang Pangulo ngayong hapon.

Matatandaang hindi nakadalo si Pangulong Marcos sa ceremonial signing ng Public-Private Partnership Code of the Philippines (PPP Code) at Internet Transactions Act of 2023 sa Malacañang kahapon pero pinirmahan ng presidente ang dalawang batas sa kanyang tahanan sa Bahay Pangulo. (Daris Jose)

DEDMA lang si Finance Secretary Benjamin Diokno sa “tsismis” na aalisin siya sa puwesto para ilipat at pamunuan ang Maharlika Investment Corporation (MIC). 

Ipinagkibit-balikat lamang ni Diokno ang ulat na si Deputy Speaker Ralph Recto ang papalit sa kanya sa DoF.

Sinabi ni Diokno, tuloy lang ang kanyang trabaho bilang Kalihim ng DoF at hangga’t kailangan siya ni Pangulong Ferdinand Marcos Jr.

Matatandaang may kuwento ang  Bilyonaryo.com kung saan tinukoy nito na papalitan ni Recto si Diokno at kinokonsidera ang huli bilang pinuno ng MIC.

Gayunman, nito lamang nakaraang buwan  ng Nobyembre, pinili ni Pangulong  Marcos si seasoned banker Rafael Consing Jr. para pamunuan ang MIC.

Sa isang panayam, tinanong si Diokno ukol sa umugong na balita na papalitan siya ni Recto bilang Kalihim ng DoF, kagyat namang sumagot si Diokno ng “I serve at the pleasure of the President.”

“I’ll work until, as long as I’m needed in the government,” dagdag na wika nito.

At nang tanungin kung sa tingin niya ay masaya ba ang Pangulo sa kanyang trabaho, ang naging tugon ni Diokno ay  “I think so, yes.”

Nauna rito, nalagay sa “hot seat” si Diokno  nang aminin nito na hindi kinonsulta ang economic team ukol sa price ceilings para sa regular milled at well-milled rice varieties.

Ang naturang usapin ang dahilan kung bakit nasipa sa puwesto si Finance Undersecretary Cielo Magno, matapos nitong batikusin  ang pagpapataw at pagpapatupad  ng  rice price ceiling.

Sinabi ng Malakanyang na ang  terminasyon ng kanyang appointment ay “expected,” sabay sabing “clearly does not support the administration and its programs for nation building.”

Sa kalaunan, sinabi ni Diokno na suportado ng economic team ang price cap sa bigas. (Daris Jose)

UMANGKAT ang Department of Agriculture (DA) ng  21,000 metriko tonelada ng sibuyas upang matugunan ang mataas na demand ngayong  holiday season.

Sinabi ng Bureau of Plant Industry (BPI)  na umangkat ang  Department of Agriculture (DA) ng  17,000 metriko toneladang pulang sibuyas at 4,000 metriko toneladang dilaw na sibuyas mula sa  China, India at Netherlands.

Ang kabuuang dami ng sibuyas ay base sa pangangailangan ng bawat Filipino.

Inaasahan namang darating ngayong buwan sa bansa ang  mga imported na sibuyas, magsisilbi itong  buffer stock  para i- stabilize ang presyo habang ang naghihintay ng harvest peaks mula Marso hanggang Abril  2024.

Sa kasalukuyan, ang pulang sibuyas ay may presyong P140 hanggang P180 kada kilo.

Inaasahan naman ng BPI na bababa ang presyo ng sibuyas sa pagdating ng imported na sibuyas.

Matatandaang, sa layuning mapalakas ang produksyon ng sibuyas sa buong bansa, inilunsad ng DA ang Onion Expansion Program sa bayan ng Tupi, South Cotabato.

Ang launching program ay pinangunahan ni Assistant Secretary James Layug kasama ang mga opisyal ng DA 12 at iba pang attached agencies.

Layon nito na masolusyunan ang shortage sa supply ng sibuyas at maging estable ang presyo nito. Inihayag ni Leonel Limbawan, representative ng High Value Crop Development Program (HVCDP) ng central office na ang bayan ng Tupi ang mangunguna sa onion production sa Mindanao. (Daris Jose)

SIMULA Disyembre 6 ay matatanggap na ng 300,000 old-age at disability pensioners  ng  Government Service Insurance System (GSIS) ang kanilang Christmas cash gift.

Sa katunayan ipalalabas na ang P3.47 billion na pondo para rito.

Ang  cash gift ay ike-kredito sa kanilang  eCards.

Sinabi ni GSIS President a General Manager Wick Veloso  na ang  Christmas cash gift ay katumbas ng one-month pension o P10,000 o kung ano ang mas mababa.

“Eligible to receive the Christmas cash gift are old-age and disability pensioners under Republic Act (RA) 8291 (GSIS Act of 1997); Presidential Decree 1146 (Revised GSIS Act of 1977); and Republic Act 660 (Magic 87, or the law that grants retirement at the minimum age of 52 as long as the member has been in government service for at least 35 years) who are receiving their regular monthly pensions and are alive as of Nov. 30, 2023,” ayon sa GSIS.

Kuwalipikado rin ang mga pensiyonado na makakuha ng five-year lump sum benefit at iyong mga ipinagpatuloy ang regular monthly pensions matapos ang Dec. 31, 2022 (kasunod ng five-year period); mga miyembro na nahiwalay na sa kanilang serbisyo mula 2007 hanggang  2023  bago pa naabot ang edad na 60 subalit nagsimula nang makatanggap ng kanilang  regular monthly pension mula  2018 hanggang ngayon ; at iyong naging  regular pensioners sa loob ng limang taon.

“Old-age and disability pensioners who are on suspended status due to non-compliance with the Annual Pensioners Information Revalidation will receive their cash gifts after they have reactivated their status,” ayon sa GSIS.

Samantala, ang mga hindi karapat-dapat na tumanggap ng cash gift ay  “pensioners who availed of the five-year lump sum but will receive their regular monthly pension after Dec. 31, 2023; survivorship and dependent pensioners; pensioners who retired under Republic Act 7699 (Portability Law or contributions under both Social Security System and GSIS for purposes of eligibility and computations of benefits); at iyong mga tumatanggap ng pro-rata pension.”

Ang mga bagong retirado mula 2019 hanggang  2022 na nag-avail ng 18-month cash payment ng kanilang  basic monthly pension at agarang pensyon sa ilalim ng  RA 8291 ay makatatanggap ng kanilang  cash gifts na limang taon matapos ang kanilang  retirement.   (Daris Jose)

UMABOT sa 56 rehistradong mangingisdang Navoteños ang natakatanggap ng NavoBangka fiberglass boats at lambat mula kay Senator Imee R. Marcos bilang bahagi ng isang linggong pagdiriwang ng kaarawan nina Mayor John Rey Tiangco and Cong. Toby Tiangco.

Binati ni Mayor Tiangco ang mga benepisyaryo at nagpahayag ng kanyang pasasalamat sa pagsisikap ng senador.

“We recognize the hardships that our fisherfolk experience and the sacrifices they make to give their families a better life. At the same time, we are grateful to Sen. Imee for the continuous assistance she extends to Navoteños,” ani alkalde.

“We encourage everyone to make the most of this opportunity. Continue to save up for your families and strive to own more fishing boats,” dagdag niya.

Samantala, pinaalalahanan naman ni Cong. Tiangco ang mga benepisyaryo na tumulong sa pangangalaga sa kapaligiran mula sa polusyon at pagkasira.

“Most Navoteños, including us, rely on the sea for our livelihood. It’s crucial that we keep our seas and oceans free from pollution to ensure a plentiful catch,” pahayag ni Cong. Toby.

Nakatanggap ang mga benepisyaryo ng mga fiberglass boat na nilagyan ng 16-horsepower marine engine at underwater fittings, gayundin ng lambat, lubid, at fishing buoys.

Ang NavoBangkabuhayan Program ay inilunsad noong 2018 bilang isang inisyatiba upang matulungan ang mga mangingisda na magkaroon ng napapanatiling kabuhayan kung saan higit na 300 mga indibidwal ang nakinabang mula nang ilunsad ito.

Dumalo rin sa kaganapan si Regional Director Noemi SB. Lanzuela ng Bureau of Fisheries and Aquatic Resources – National Capital Region, at G. John Romar Pedrigal, Market Specialist mula sa Department of Agriculture Agribusiness and Marketing Assistance Service, at mga opisyal ng lungsod. (Richard Mesa)