ANG UTOS umano ni Pangulong Marcos sa National Food Authority na mamili ng palay sa mataas na presyo ay makatutulong sa mga magsasaka at sa pagpapanatili ng presyo ng bigas, ayon kay Speaker Ferdinand Martin Romualdez.

“This shows the malasakit our President has towards our farmers who have been working very hard for us to achieve food security. We should always take care of them,” saad ng lider ng Kamara.

Itinakda ng National Food Authority Council, na pinamumunuan ni Marcos ang bilihan ng tuyong palay sa halagang P19-P23 kada kilo at P16-P19 kada kilo naman para sa basang palay upang matiyak na kikita ang mga magsasaka.

Ayon kay Romualdez ang hakbang na ito ng gobyerno ay titiyak na kikita ang mga magsasaka ng hindi naaapektuhan ang presyo ng bigas sa mga pamilihan.

Sinabi ng Department of Agriculture (DA) na handa itong suportahan ang NFA Council at mayroong nakahandang P15 bilyon para sa pagbili ng palay.

Nanawagan din si Speaker Romualdez ng dagdag na suporta sa mga magsasaka upang maparami ng mga ito ang kanilang produksyon at hindi na kailanganin pang mag-angkat ng bigas ang bansa.

Ipinunto ni Speaker Romualdez na ang mga dayuhang magsasaka ang kumikita kapag nag-aangkat ng bigas ang bansa na nagpapahirap naman sa mga pagsasaka.

Kung kakailanganin man umanong mag-angkat ng bigas ng bansa, sinabi ni Speaker Romualdez na mahalagang masiguro na mayroong mga safety net gaya ng pagbili ng palay sa magandang presyo upang malimitahan ang epekto nito sa mga magsasaka.

Iginiit din ni Speaker Romualdez na kung sapat ang suplay, mas makatitiyak ang mga konsumer na hindi tataas ang presyo nito at kikita ang mga magsasaka. (Ara Romero)

PINURI ni Pangulong Ferdinand R. Marcos Jr.  ang  Philippine Embassy sa Kuwait, ang  Department of Migrant Workers (DMW), at ang mga Kuwaiti authorities para sa walang humpay na paghahabol at makamit ang hustisya para sa pinatay na OFW na si Jullebee Ranara matapos hatulan ng guilty ng Kuwaiti juvenile court ang amo na nasa likod ng nasabing krimen. 

“I commend the Philippine Embassy in Kuwait, the Department of Migrant Workers, and the Kuwaiti Authorities for their continued pursuit of justice for our OFW, Jullebee Ranara. We hope that the appeal process will be conducted fairly, and justice will be served accordingly,” ayon kay Pangulong Marcos sa isang mensahe na naka-post sa social media.

“I take comfort in thinking that Toots (the late DMW Secretary Susan “Toots” Ople) and Jullebee are looking down from heaven with smiles. Their legacy serves as a reminder of our duty to protect and support our fellow countrymen, regardless of where in the world they may be,” ayon pa rin sa Pangulo.

Sa ulat, sinabi ng DFA na hinatulan ng 15 taong pagkakakulong ang akusado dahil sa kasong pagpatay.

Nakatanggap din siya ng isang taong sentensiya sa pagkakulong dahil sa pagmamaneho nang walang lisensya.

Sinabi ng DFA na ang mas mababang parusa ay dahil sa pagiging menor de edad ng akusado. Mayroon siyang 30 araw para iapela ang hatol sa Court of First Instance.

“The family of the OFW has been informed and is grateful for the assistance provided them by the government,” anang DFA.

“The Philippine Government is similarly appreciative of the efforts undertaken by the Kuwaiti authorities to effect a speedy resolution of the case, in the pursuit of justice for our slain kababayan,” dagdag pa ng ahensya.

Ang nasunog na katawan ng 35-anyos na si Ranara ay natagpuan sa disyerto noong Enero.

Arestado ang 17-anyos na anak kaugnay ng krimen. Siya rin ay napaulat na nanggahasa at nakabuntis kay Ranara.

Nangako ang Kuwaiti Minister of Foreign Affairs Sheikh Salem Abdullah Al-Jaber Al-Sabah noong Enero na mapaparusahan ang pumatay kay Ranara. (Daris Jose)

HINIKAYAT ni Pangulong Ferdinand Marcos Jr. ang  business executives sa Singapore na i-explore  ang Pilipinas bilang investment hub, tinukoy ang Maharlika Investment Fund (MIF).

Binanggit ng Pangulo ang MIF  sa kanyang naging talumpati sa 10th Asia Summit kung saan nagsilbing host ang  Milken Institute sa Singapore.

Buwan ng Hulyo nang tintahan ni Pangulong Marcos at naging ganap na batas ang  MIF kung saan gagamitin ang mga  state assets para sa  investment ventures para makalikha ng karagdagang public funds.

“We have also recently launched our own sovereign wealth fund, the Maharlika Investment Fund. The fund is designed to consolidate investible funds from government financial institutions to further drive economic development through strategic investments both domestically and overseas,” ayon kay Pangulong Marcos.

“Given the strong fundamentals of our economy, I invite you to explore the Philippines as a destination for investment. Moreover, the Philippines’ strategic location within Asia, coupled with our membership in regional trade agreements, positions us as a gateway to countless possibilities,” dagdag na wika nito.

Aniya pa, sa larangan ng  investment, nag-aalok ang Pilipinas ng ‘myriad of opportunities’ sa iba’t ibang sector, mula ‘digital at renewable energy’ tungo sa ‘manufacturing at turismo.’

“We are a nation on the rise ready to collaborate with partners who see the potential that we hold in the Philippines,” ayon pa sa Punong Ehekutibo.

Sa isinagawang open forum, binigyang diin ni Pangulong Marcos  ang pangangailangan na mag-invest o mamuhunan habang ang gobyerno ay nagsisimula ng mag-alala ukol sa “borrowings.”

“So we need to invest more and where can we get funding to invest more without increasing our borrowings. And so we look into internally and so what are the reserves that we have that are not, in our view, were not being used,” aniya pa rin.

Tiniyak ng Chief Executive na walang politiko ang masasama o mauugnay sa MIF,  sabay sabing, mabibigo ang MIF kapag sumawsaw ang mga politiko sa pangangasiwa nito.

“If the politicians get involved, then the decisions are no longer purely financial in nature… that causes failure I think and that doesn’t make an efficient management of a fund,” ang pahayag ni Pangulong  Marcos.

“These will go into infrastructure, power development. Again those main elements are healthcare, all of the areas that we have identified as priorities,”  aniya pa rin.

Habang nililigawan ng Pangulo ang mga investors,  sinabi nito (Pangulong Marcos) na nagpakita ang Pilipinas ng

“remarkable resilience.”

“We have sustained consistent GDP growth, bolstered by prudent fiscal management and monetary policy. Despite high inflation and global market instability, our economy grew by 7.6% in 2022, the fastest rate of growth recorded by our country since 1976, coincidently, in the time of my father,” ang winika ng Pangulo.

“Economic expansion is expected to continue this year with global institutions such as the World Bank and the IMF projecting the Philippines to grow around 6% in 2023,” dagdag na pahayag nito sabay sabing “the Philippines’ strategic location within Asia, coupled with our membership in regional trade agreements, “positions us as a gateway to countless possibilities.”

Samantala, sa talumpati pa rin ng Pangulo, binigyang diin nito ang dedikasyon ng Pilipinas na makamit ang mapayapang relasyon, sabay sabing “geopolitical stability is among the cornerstones of its foreign policy.”

“We also note that geopolitical stability and regional cooperation are cornerstones of our foreign policy. We are dedicated to peaceful relations and cooperation that foster a conducive investment and business climate,” anito.

“The Philippines has faced its share of challenges as with any country. But we emerge from them stronger and more resolute. Our nation’s resilience and ability to adapt are not just stories, they are lessons that we bring to the table, lessons that we share with partners who are invested in our shared future,” aniya pa rin.

Nabanggit naman ng Pangulo ang “volatile geopolitics situation” lalo na sa Asia Pacific region. (Daris Jose)

INANUNSYO ng Australian Embassy sa Maynila na magpapalabas ito ng “work and holiday” visas sa 200 Filipino na may edad na  18 hanggang 30, simula sa taong 2024.

Kasunod ito ng reciprocal visa arrangement sa pagitan ng Maynila at Canberra.

Sa isang kalatas, sinabi ng Embahada na ang Pilipinas ay magiging ‘eligible country’ para sa scheme sa susunod na taon kung saan hindi pa maianunsyo ang eksaktong petsa para rito.

“Prime Minister (Anthony) Albanese and President (Ferdinand R.) Marcos (Jr.) announced a new reciprocal Work and Holiday visa for Australians and Filipinos for up to 200 young people in each direction a year, supporting stronger economic, cultural and people-to-people links,” ayon sa kalatas ng Embahada.

“The date and details on how to apply will be announced in due course,” dagdag nito.

Papayagan ng nasabing  visa ang mga taong may edad na  18 hanggang 30 na magkaroon ng isang ‘extended holiday’ sa Australia at trabaho para tulungan na pondohan ang kanilang biyahe.

Sa naturang visa, sinabi ng Australian Embassy na maaaring gawin ang  “short-term work isa Australia para makatulong sa mga gastusin kapag nag-holiday, mag-aral ng hanggang apat na buwan, bumiyahe papunta at paalis ng Australia ng maraming beses ayon sa gusto ng isnag indibiduwal.”

Ang isa aniyang requirements  ay sapat na pondo para suportahan ang sarili habang nasa Australia.

Sinabi naman ng  Australian Department of Home Affairs na maaaring umabot ng 5,000 Australian dollars (P180,900) para sa paunang pananatili at karagdagang cash na sapat para bumili ng flight ticket para umalis sa Australia sa huling araw ng pananatili roon.

Ang ” work at holiday visa” ay nagkakahalaga ng  635 Australian dollars (P22,974) at bibigyan ang  holder  ng 12 buwan na pananatili sa  Australia.

Sa kabilang dako, nilagdaan ng Pilipinas at Australia ang memorandum of understanding (MOU) sa pagtatatag ng “Work and Holiday” visa arrangement sa panahon ng official visit ni  Australian Prime Minister Anthony Albanese sa Malakanyang noong Setyembre 8.

Sa ilalim ng MOU, “both countries will grant eligible participants from both countries “Work and Holiday” visa which will permit them to stay and work in the host country for a period of 12 months.”

“The participants mutually decide to establish a ‘Work and Holiday’ visa arrangement, to allow nationals of both Participants to stay in the territory of the other Participant for the primary purpose of a holiday, during which they may undertake work to supplement the cost of their stay,”ang nakasaad sa  MOU.

Ang  MOU ay magiging balido “for an indefinite period of time” maliban na lamang kung “terminated by written notice through diplomatic channels.” (Daris Jose)

INAASAHAN na ng isang international security expert na hindi magtatagal ay mas lalong palalakasin at paiigtingin ng China ang pagkilos nito sa South China Sea.

Layon ng magiging pagkilos ng China ang makontrol ang malaking bahagi ng pinagtatalunang katubigan.

Matatandaang, kamakailan lamang ay naging matagumpay ang pinakahuling resupply mission ng Pilipinas sa Ayungin Shoal.

Ito na ang ikatlong resupply mission matapos ang insidente noong Agosto 5 kung saan binomba ng Chinese Coast Guard ang barko ng Pilipinas na magsasagawa ng kaparehong misyon.

Nakumpleto ang panibagong resupply mission noong Agosto 22.

Sa kabilang dako, sinabi ni international studies professor Renato de Castro  na maituturing na “this will still be a long game.”

“It’s simply a matter of time when the Chinese would later escalate the game,”  aniya pa rin sabay sabing malinaw ang layunin ng China na kontrolin ang mahigit sa 85%  ng South China Sea.

Aniya, wala siyang ideya kung paano paiigtingin ng China ang pagkilos nito subalit ang kamakailan lamang na  pagde-deploy ng mga barko ng CCG na may ‘gun turrets’ ay maaaring gamiting panakot sa  Philippine vessels.

“The CCG previously fired a water cannon on PCG vessels during an Aug. 5 resupply mission to Ayungin in the West Philippine Sea — a part of the South China Sea that the Philippines claims. The action, together with CCG’s dangerous maneuvers, put the safety of Filipino personnel aboard at risk, ” ayon kay de Castro.

Tinuran pa ni De Castro na sinusubok din ng Tsina kung paano magre-react ang Estados Unidos sa situwasyon,  “playing a game of chicken” laban sa  long-time allies Manila at Washington.

Isang US Navy plane kasi ang namataan noong Sept. 8 resupply mission. Sinabi ni PCG spokesperson for the West Philippine Sea Jay Tarriela  na  walang anumang koordinasyon ang coast guard sa Washington ukol sa bagay na ito.

“Whether there was coordination or not, De Castro said this was the US’ way of testing and showing to China that “we don’t recognize your expansive claim in the South China Sea.” Washington may even consider sending a destroyer ship and say “it just happened to be there,” aniya pa rin.

Samantala, noong nakaraang buwan ay ipinalabas ng China ang  updated standard map nito na nagpapakita ng 10 dashes  na may pormang  U shape,  malinaw na makikita na malapit ng maangkin ng China ang buong South China Sea bilang bahagi ng kanilang teritoryo.

Ang nasabing lugar ay nag-overlap naman sa exclusive economic zones (EEZ) ng Pilipinas at maging ng bansang  Malaysia, Brunei, Vietnam, at Indonesia.

Sinabi ni De Castro na ipinapakita lamang nito na ang  “East Asian superpower’s ambition and determination to push through with its sweeping maritime claim, so more expansive and aggressive actions” ay dapat ng asahan.  (Daris Jose)

NAGPANUKALA  ang Department of Finance (DOF) ng ilang hakbang sa gitna ng  pagpapatatag sa presyo ng bigas.

Isa itong sitwasyon para mapilitan ang pamahalaan na magpatupad ng  “unprecedented price control” sa nasabing produkto.

Sinabi ni Finance Secretary Benjamin Diokno, kailangan na i-adopt ng gobyerno ang isang comprehensive approach para makatulong na masiguro na ang suplay ng bigas ay mananatiling sapat sa tinapyasang halaga.

Dahil dito, ipinanukala ng DOF ang “the reduction of the 35% rice import tariff rates, both ASEAN and MFN [most favored nation] rates, temporarily to 0% or maximum of 10% to arrest the surge in rice prices.”

Winika ng Kalihim na ang bigas ang  pinakamalaking contributor sa inflation, binigyang diin ang pangangailangan na ipanukala ang  tariff reduction para sa  rice imports.

“Inflation, or the rate of increase in the prices of consumer goods and services, accelerated to 5.3% in August, faster than the 4.7% rate seen in July,” ayon kay Diokno.

“Usually ang reduction is one year and puwede naman i-extend,” dagdag na pahayag nito sabay sabing duration o tagal ng pansamantalang  pagtapyas sa  rice tariffs ay  magiging “subject” pa rin sa serye ng pagdinig.

Ang tariff cut aniya ay maaaring ipatupad nang paunti-unti, subalit may posibilidad na puwede itong isang “outright full rate reduction.”

“May proposal na it should be gradual… e kung drastic ‘yung price increase, then pwede drastic yung [tariff cut]… d’i naman necessarily bad ang drastic,” aniya pa rin.

Ukol naman sa magiging epekto ng panukalang tariff cut sa local rice farmers, sinabi ni Diokno na “In government, you think of the greatest good for the greatest number. Sino ba mas madami? Madami ‘yung consumers kesa sa farmers.”

Hindi na aniya kailangan ang batas para sa temporarily cut tariffs.

“Puwede mo lang i-adjust pagka Congress is not in session. That’s the Constitutional provision,”  ani Diokno.

“We have to wait for the recess…Magre-recess na sila sa October,” lahad nito.

Sa kabilang dako, nakikipagtulungan naman ang DoF  sa tollway concessionaires at operators “for the temporary exemption of trucks that cater to agricultural goods from the increase in toll fees.”

Ayon kay  Finance Undersecretary Zeno Abenoja na pumayag na ang tollway operators  sa nabanggit na panukala.

“The private concessionaires, they agreed with the proposal. They’re just trying to define the guidelines on how to identify these delivery trucks,” ani Abenoja.

Nilinaw ni Diokno na ang exempted lamang ay ang toll increase, ibig sabihin, ang mga  trucks na  ginagamit ng agriculture sector ay magbabayad pa rin ng  toll fee sa umiiral sa  rates  bago ang kamakailan lamang na adjustments.

“’Di ito mandatory, makikiusap kami. That’s the idea,” ayon kay Diokno.

Tinuran ni Abenoja na nagpasaklolo na ang DoF sa  Department of Transportation,  Toll Regulatory Board, at Land Transportation Franchising and Regulatory Board para pag-usapan ang nasabing panukala kasama ang  tollway concessionaires.

“The discussions are ongoing,” ayon kay Abenoja.

Samantala, hinikayat naman ng DOF  ang pribadong sektor para sa  napapanahong importasyon o pag-angkat ng bigas  para makatulong na matugunan ang tumataas na presyo ng bigas.

Ang panukala ng departamento ay  “full implementation of the Super Green Lane that authorizes the use of Electronic Data Interchange that will allow for the advance processing and clearance of the shipments of the country’s topmost qualified importers.”

“There is also a need to curb non-competitive behavior in the rice industry by aggressively pursuing cases of hoarding, smuggling, and economic sabotage; strictly monitoring the prices of imported rice in the logistics chain; and encouraging the public, including retailers, to report individuals violating price caps on rice,” ayon kay Diokno.

“At the same time, we have to pursue programs to protect vulnerable sectors by safeguarding our farmers from the effect of the price ceiling; provide targeted subsidies to small traders and retailers of rice; and provide support to low-income households to address the impact of the surge in rice prices,” dagdag na pahayag nito. (Daris Jose)

PINUNA  ng Commission on Audit (COA)  ang Department of Health (DOH) dahil sa hindi nagamit na  ₱3-billion unobligated funds para sa pangagasiwa sana at pagtugon sa COVID-19 pandemic noong 2022.

“Of the ₱3.055-billion unobligated funds, ₱2.414 billion lapsed and was reverted to the Bureau of Treasury,” ayon sa komisyon.

Ang lapsed amount  o napaso na halaga ay para sana sa kompensasyon at benepisyo ng mga healthcare workers,  Health System Enhancement to Address and Limit COVID-19 (HEAL) Program, at Philippines COVID-19 Emergency Response Project (PCERP).

“The lapsed unutilized allotments were counter-beneficial to the continuing efforts towards ensuring access to basic public health services of all Filipinos and more importantly controlling the spread of COVID-19 through provision of quality health services,” ang nakasaad sa annual audit report ng COA ukol sa DoH.

Sinabi ng Komisyon na pumasok ang national  government sa walong loan agreements kasama ang Asian Development Bank at  World Bank noong nakaraang taon.

Sa  $2.225-billion programmed loans,  tanging $1.319 billion o ₱66.051 billion ang napakinabangan.

Maliban pa rito,  nagkaroon pa ng karagdagang obligasyon ang gobyerno na nagkakahalaga ng  $1.534 million, o ₱81.3 million,  ‘commitment charges’ para sa  ‘unwithdrawn HEAL at PCERP loan’ na halaga  “as of Dec. 31.”

“This additional obligation became part of the overall national government debt, which imposes a burden on the public. Furthermore, it deprived the public of the benefits that could have been derived from the projects,” ayon sa COA. (Daris Jose)

HINDI na nagtagal sa pagtatago ang isang binata na nakatala bilang No. 5 most wanted sa Valenzuela City matapos matimbog ng pulisya sa isinagawang manhunt operation sa Cabuyao, Laguna, kamakalawa ng hapon.

Kinilala ni Valenzuela police chief P/Col. Salvador Destura Jr, ang naarestong akusado bilang si Chirre Gard David alyas Jay R Roxas David, 20 ng No. 18 216 Phase 7 NHV, Barangay Tigbe, Norzagaray, Bulacan.

Sa kanyang report kay Northern Police District (NPD) P/BGen. Rizalito Gapas, sinabi ni Col. Destura na nakatanggap ng impormasyon ang mga operatiba ng Warrant and Subpoena Section (WSS) ng Valenzuela police na naispatan ang presensiya ng akusado sa Cabuyao, Laguna.

Kaagad bumuo ng team ang WSS sa pangunguna ni P/Lt Ronald Sanchez saka nagsagawa ng manhunt operation na nagresulta sa pagkakadakip sa akusado dakong ala-1:20 ng hapon sa kahabaan ng Pulo Diezmo Road, Cabuyao, Laguna.

Ani Lt. Bautista, ang akusado na nakatala naman bilang No. 10 MWP ng NPD ay pinosasan nila sa bisa ng warrant of arrest na inisyu ni Presiding Judge Mateo B. Altarejos ng Family Court, Branch 16, Valenzuela City noong August 17, 2023, para sa kasong Statutory Rape.

Ang akusado ay pansamantalang nakapiit sa Costudial Facility Unit ng Valenzuela police habang hinihintay ang pagpapalabas ng commitment order ng korte.

Pinuri naman ni BGen. Gapas ang Valenzuela police sa kanilang pagsisikap para tugisin ang mga taong wanted na pinaghahanap ng batas na nagresulta sa pagkakadakip sa akusado. (Richard Mesa)

LUMAGDA ang Department of Science and Technology (DOST)  ng Memorandum of Understanding (MoU) kasama ang  United States-based company, ‘Atmo,’ dalubhasa sa  AI-guided weather forecasting.

Sinabi ni DOST Assistant Secretary Napoleon Juanillo na layon ng departamento na mapahusay at makapagbigay ng mas detalyadong daily weather forecasts sa pamamagitan ng  artificial intelligence (AI) technology

Ito’y ginanap sa  US-ASEAN Business 2023 Philippine Business Mission meeting noong Agosto 9, 2023, sa Marriott Hotel sa Maynila.

Sinabi ni Juanillo na ang US-ASEAN Business Council ay mayroong 175 kinatawan  mula US-based companies, kabilang na ang Atmo.

“Meron silang mga cutting edges na makakatulong sa ating mga problema sa climate change challenges. Benepisyo ‘yan sa atin lalo na sa mga magsasaka, kapag sinabi ng AI climate forecasting ay talagang mas accurate, granular at talagang ‘yung predictability at accuracy ng mga datos na mas magagamit ng ating mga magsasaka, pati mga mangingisda,” ayon kay Juanillo.

Aniya, nagtatag ang kompanya ng pakikipag-ugnayan sa  state weather bureau PAGASA para tulungan ito na makapagbigay ng mas  akmang  forecasts.

“Para kahit ang pinakamaliit na datos ang pwede nating makuha para maiakma ang mga prediction and estimates, lalo na’t laging hinahamon ang ating bansa o kahit sa mga normal na araw,” ang wika ni Juanillo.

“    So akmang-akma dito sa ating nararanasang bagyo at iba pang mga hazards kaya siguro ‘pag medyo ganyan nagbebenefit tayo o nagkakaroon ng kooperasyon sa mga pribadong kumpanyang ito, nagbebenefit din ang ating mga scientists, experts at mga estudyante,” dagdag na pahayag nito.

“So akmang-akma dito sa ating nararanasang bagyo at iba pang mga hazards kaya siguro ‘pag medyo ganyan nagbebenefit tayo o nagkakaroon ng kooperasyon sa mga pribadong kumpanyang ito, nagbebenefit din ang ating mga scientists, experts at mga estudyante,” aniya pa rin.

Samantala, binanggit din ng DOST na maraming  US-based companies ang nagpahayag ng interest sa pakikipagtuwang at kolaborasyon sa iba’t ibang larangan gaya ng health care, agrikultura , at climate change. (Daris Jose)

INATASAN ni Pangulong Ferdinand Marcos Jr. ang Bureau of Customs (BOC) na ipagpatuloy lamang ang raids o isang bigla at hindi inaasahang pagsalakay sa mga  warehouse o bodega para tugunan ang usapin ng hoarding at illegal rice importation.

Sa press briefing sa Malakanyang, sinabi ni  Customs Commissioner Bienvenido Rubio na ang naging direktiba ni Pangulong Marcos sa  BOC ay para i-validate ang lahat ng  warehouse na nag-iimbak ng imported rice at  kagyat na magpalabas ng  letters of authority para inspeksyunin ang mga nasabing warehouse.

“We will be conducting more inspections of these warehouses. The inspection and visitation will be coordinated with other agencies like the DA (Department of Agriculture) and DTI (Department of Trade and Industry).” ayon kay Rubio.

Nito lamang Agosto 25, sinabi ng BoC na pansamantala nitong kinandado at binantayan ang tatlong  warehouse na matatagpuan sa loob ng Intercity Industrial Complex sa Balagtas, Bulacan, napaulat na  nagtatago at nag-iimbak ng smuggled rice na nagkakahalaga ng  ₱505 milyong piso.

Ani Rubio, ang mga may-ari ng bodegang  ito ay binigyan lamang ng hanggang Setyembre  8  para magpakita ng “proof of payment” ng  duties at taxes  para sa  rice importation.

“Pag hindi nakapagbigay ng correct payment of duties and taxes, magkakaroon ng issuance of warant of seizure and detention na magbibigay ng authority para ikumpiska ang imported articles stored in the warehouses,” aniya pa rin.

Ang mga naturang warehouse ay naglalaman ng 202,000 sako ng imported rice grains na napaulat na nagmula pa sa  Vietnam, Cambodia, at Thailand.

Tinuran ni Rubio na hindi siya makabigay ng konklusyon kung ang nabanggit na produkto na nakaimbak sa warehouse ay intensyong itago.

“BOC’s authority only extends to whether the sacks of imported rice are paid with the correct duties and taxes,” ani Rubio.

“This comes after Marcos ordered the close monitoring of rice prices in markets and said he “will go after hoarders and price manipulators who take advantage of the lean months before the harvest season,” ayon sa  Presidential Communications Office (PCO)  nito lamang Agosto 16.  (Daris Jose)