HUMIRIT ang administrasyong Marcos sa Mababang Kapulungan ng Kongreso ng  P31 billion calamity fund para sa taong 2024.

Nais kasi ng gobyerno na mas maraming pondo ang maipamahagi sa panahon ng kalamidad.

Kilala rin bilang  National Disaster Risk Reduction and Management Fund (NDRRMF), ang panukalang  calamity fund ay mas mataas ng 51.2% kumpara sa kasalukuyang  P20.5-billion appropriation.

Saklaw ng P31 billion  ang  P17.9 billion na angkop para sa “aid, relief and rehabilitation services to communities/areas affected by calamities, including training of personnel, and other pre-disaster activities.”

Ang  pigura ay tumaas mula sa P12.3 billion na alokasyon ngayong taon.

Kabilang din ang  P13.05 billion, mula sa kasalukuyang  P7.1 billion,  para sa “repair and reconstruction of permanent structures, including capital expenditures for pre-disaster operations, rehabilitation and other related activities.”

Hindi naman kasama sa  panukala ng  NDRRMF ang ‘ line item’ para sa  Marawi Siege Victims Compensation Fund, na mayroong P1 billion alokasyon para ngayong taon.

Ang Republic Act 11696 o  Marawi Siege Victims Compensation Act ay nilagdaan upang maging ganap na batas noong April 2022, lumikha ng  Marawi Compensation Board.  Ang  board ay nakalista ng hiwalay sa ilalim ng “Other Executive Offices” at may panukalang budget na P1,117,555,000 para sa taong 2024.

Samantala, ang panukalang calamity fund ay naglalaman ng P7.425 billion Quick Response Fund (QRF) para sa “Department of Agriculture (P1 billion, kahalintulad ngayong 2023), Department of Education (P3 billion, tumaas mula sa  P2 billion ngayong taon), Department of Health  (P500 million, kapareho ngayong taong 2023), Department of Interior and Local Government (DILG)-Bureau of Fire Protection (P50 million, kaparehong ngayong taon),  DILG-Philippine National Police  (P50 million, kapareho ngayong taon), Department of National Defense-Office of Civil Defense  (P500 million, kaparehong ngayong 2023), Department of Public Works and Highways  (P1 billion, bumaba mula sa  P11 billion ngayong taon), Department of Social Welfare and Development  (P1.25 billion, bumaba mula sa  P1.75 billion ngayong taon) at  Department of Transportation-Philippine Coast Guard  (P75 million) (Daris Jose)

SINABI ni Pangulong Ferdinand Marcos Jr. na dapat na humanap ng paraan ang pamahalaan para protektahan ang kabuhayan ng mga tobacco farmers sa bansa.

Ito’y bunsod na rin ng makabuluhang  tax revenues mula sa tobacco industry.

Ito ang binigyang diin ni Pangulong Marcos sa kanyang naging mensahe sa idinaos na International Tobacco Agricultural Summit, araw ng Miyerkules na binasa ng kanyang pamangkin na si Ilocos Norte  Governor Matthew J. Marcos Manotoc.

Sa nakalipas na taon ayon sa Pangulo, mayroong  malaking pagbabago sa “health policies” na nakaapekto sa tobacco industry.

“As such, we must seek ways to protect the livelihood of thousands of our tobacco farmers. Hence, this summit is a good opportunity to discuss strategies to innovate the industry in ways that safeguard the wellbeing of people and the environment,” dagdag na wika nito.

Giit pa ng Punong Ehekutibo na ang tobacco industry ay naging “a vibrant catalyst for economic growth in the country,”  lalo na sa mga bahagi ng Northern Luzon at Mindanao.

“For many of our people, it is an indispensable bedrock that generates income, livelihood, opportunities, and employment, particularly in areas where its cultivation spans generations and holds pivotal significance in the way of life of its communities. It is a significant source of tax revenues that are used to fund government programs,” litaniya nito.

Umaasa naman ang Pangulo na ang mga ideya at  “best practices” na ibabahagi sa summit ay magagamit ng gobyerno sa pagbuo ng mga hakbang na magpo- promote ng responsableng  “agricultural practices, tiyak na hanapbuhay at kabuhayan para sa mga tobacco farmers, at tugunan ang requirements o kinakailangan para sa  food security.

Samantala, hinikayat naman ng Pangulo ang  Department of Agriculture (DA), National Tobacco Administration (NTA),  academe, at pribadong sektor na magsaliksik ng iba pang pananim na maaaring tumubo at lumago katabi o kasama ng tobacco, upang sa gayon ay makapag-ambag din ito sa layunin ng administrasyon na  food security.

Sinabi ng Pangulo sa mga ito na “to keep exploring and engaging in profound, future-driven discussions’ na makatutulong sa  tobacco farming at allied industries nito. (Daris Jose)

INAMIN ni Department of Agriculture (DA) Usec. Mercedita Sombilla na kailangan na magkaroon ng pag-uusap at konsultasyon sa pribadong sektor para sa gagawing importasyon ng bigas.

Sa press briefing sa Malakanyang, sinabi ni Sombilla na “I think the President will really have to do some consultations with the private sector so that, you know, for them to help us. I think we really need the help of the private sector in situations like these.”

Sinabi ni Sombilla na mayroon silang iniskedyul o nag-iskedyul na sila ng importasyon ng bigas.

“We have already, you know… remember nasa sanitary, phytosanitary hindi ba. We have already something like 1.3 volume of applications that are already pending there. So, what we are going to be doing is to really encourage the private sector to get this,” ani Sombilla.

Wala namang maibigay na eksaktong petsa si Sombilla sa kung kailan isasagawa ang importasyon ng nasabing produkto.

“But you know, those are the things… iyon ang mga measures that we are putting in place, you know, to really mitigate the impact of these events,” aniya pa rin sabay sabay sabing “metric tons, yeah. Iyon ‘yung SPA-SIC ha, application. But as you know, hindi lahat iyon pumupunta that’s why we have to encourage the private sector to really, you know, get all these…”

Sa kabilang dako, wala namang ideya si Sombilla kung dalawang na lamang ang buffer stock ng NFA.

Ayon kasi sa Rice Tariffication Law ay 9 days dapat ito.

“Well, I have to check on how the calculations was done, you know. Hindi ko alam kung iyong two days diyan is across the nation. You remember that NFA is only for emergency. So iyon ang hindi ko maano… I will have to talk, to discuss with them how they are coming up with that two days,” anito.

“But of course, really, their stocks really is very low. They will really need to beef up their stocks and there are some ways by which, you know, we have identified also for them to, you know, to help them beef up their stocks – and one of them is contract growing… yeah, one of them is contract growing ‘no so that ano na… targeted na kung—I mean, mayroon na silang pagkukuhanan ng buffer stocks nila, “ aniya pa rin sabay sabing “The mechanics of it, we’ll be discussing it but I think, you know, it’s already more or less in place. I think we’re going to be starting it, you know… kahit ngayon na, I think they have already talked with the national rice program na mayroon na silang kinakausap na mga cooperatives at saka mga groups of rice na, you know, all their produce will go to NFA.” (Daris Jose)

INAASAHANG maipapasakamay sa Land Transportation Office ang hanggang limang milyong plastic cards para sa driver’s license ng mga motorista, bago matapos ang kasalukuyang taon.

Ayon kay Land Transportation Office Chief Vigor Mendoza II, inaasahan ang delivery ng mga nasabing plastic cards, sa pamamagitan ng 500,000 cards o higit pa, bawat buwan.

Una na rin aniyang tiniyak ng Banner Plasticards, Inc. na magagawa nila ang nasabing serbisyo, bago pa man pumirma ng kontrata.

Ayon kay Mendoza Jr, sapat na ang 500,000 plastic cards kada buwan upang matugunan ang backlog na hanggang sa 900,000 driver’s license cards.

Ang karagdagang supply ang magsisilbing stock na aniya ng LTO.

Maaalalang nitong nakaraang linggo ay tinanggap na ng Department of Transportation ang kabuuang 5,000 plastic cards mula sa Banner, bilang paunang supply ng plastic cards sa bansa. (Daris Jose)

IPINALABAS ngayon ng Palasyo ng Malakanyang ang Memorandum Circular No. 26, nagpapatibay sa Philippine Health Facility Development Plan (PHFDP) 2020-2040, binigyang direktiba at hinikayat ang lahat ng ahensiya ng pamahalaan at Local Government Units (LGUs)  na suportahan ang  inisyatiba sa pamamagitan ng pagtatayo ng health facilities para sa kanilang nasasakupan.

“The PHFDP 2020-2040, which is annexed to this Circular, is hereby adopted,”  ayon sa circular, ipinalabas ni  Executive Secretary Lucas Bersamin na may awtorisasyon ni Pangulong Ferdinand R. Marcos Jr.

“In accordance with their respective mandates, all concerned agencies and instrumentalities of the National Government, including government-owned or -controlled corporations, are hereby directed, and all LGUs are hereby encouraged, to undertake efforts in support of the implementation of the PHFDP, and the plans and programs specified therein.” ang nakasaad pa rin sa MC.

Nakapaloob din sa circular na inaatasan nito ang  Department of Health (DOH), sa pakikipagtulungan sa Department of the Interior and Local Government (DILG), na pagaanin at bilisan at tiyakin ang epektibong implementasyon ng PHFDP sa  local level.

Inatasan din ang DOH na tulungan at suportahan ang  LGUs sa pagsasalin ng plano sa long-term local health facility development plan, at makipag-ugnayan sa  LGUs sa pagbalangkas sa polisiya para sa pagtatatag ng  primary care provider networks  at health care providers networks.

Imo-monitor din ng departamento ang implementasyon ng development plan ng  local health facilities at hikayatin ang  LGUs na pumasok sa  public-private partnerships (PPPs) para tugunan ang puwang sa PHFDP sa tulong ng  PPP Center.

Sa kabilang dako,  magpapalabas naman ang DoH ng guidelines o alituntunin para sa epektibong implementasyon  ng  circular at maaaring mag- request ng tulong mula sa ibang ahensiya ng pamahalaan at tanggapan sa  pagbabalangkas ng alituntunin.

“Moreover, the DOH, in collaboration with the Department of Trade and Industry-Board of Investments and the Fiscal Incentives Review Board, shall study, formulate, and implement policies that will encourage both domestic and international enterprises from the private sector to invest in health facilities aimed at addressing gaps in the PHFDP,” ang nakasaad pa rin sa circular.

Ang  implementasyon ng  circular ay popondohan ng “existing appropriations” ng  kani-kanilang ahensiya at LGUs.

Nilikha ng DOH  ang PHFDP  para magsilbi bilang  overall strategy ng bansa para sa infrastructure at medical investment  at sa huli ay tiyakin ang matibay na primary care at integrated health system para sa bawat Filipino, “consistent with the Republic Act (RA) No. 11223, or the Universal Health Care Act of 2019,” ayon sa Malakanyang.

Nakasaad naman sa RA No. 11223  na ” the  State shall adopt a framework that fosters a whole-of-system, whole-of-government, whole-of-society approach in the development and implementation of health policies, programs and plans to ensure people-oriented approach in the delivery of health services.”

“The health plan operationalizes one of the strategies under the Philippine Development Plan 2023-2028, particularly on the promotion of human and social development by boosting health through an accessible, efficient, and strengthened health care system,” ayon pa rin sa Malakanyang. (Daris Jose)

NAGPAHAYAG ng kanyang pasasalamat si Vice President Sara Duterte-Carpio kay Pangulong  Ferdinand Marcos Jr, kung saan ang liderato ay  “marked with decisiveness, strength, fortitude, and political will.”

Ipinagmalaki ng Bise-Presidente si Pangulong Marcos at ang “kind of leadership that inspires us to be more aggressive in delivering what we have promised to the Filipino people.”

Pinuri rin ni Duterte-Carpio, kasalukuyang Kalihim ng Department of Education (DepEd) si Pangulong Marcos dahil sa pagsuporta sa kanyang polisiya sa departamento na aniya’y ” will benefit not only our learners but also the teaching and non-teaching staff of the department.”

Ipinahayag pa rin ng Kalihim ang kanyang  satisfaction o kasiyahan sa development agenda ni Pangulong Marcos para sa Mindanao, na kanyang home island.

“It offers us hope and a deep sense of optimism that the efforts to stamp out terrorism and the peace-building initiatives of the past administrations are strengthened to bring about meaningful development for the region and its people,” ayon sa Bise-Presidente.

“The same hope and optimism resound across the country with the implementation of his administration’s socio-economic agenda, providing security to vulnerable sectors such as farmers and fisherfolk,” aniya pa rin. (Daris Jose)

IKINAGALAK ng pamahalaang lokal ng Taguig sa naging pahayag ni Makati City Mayor Abby Binay na kanilang nirerespeto ang naging desisyon ng Supreme Court na isalin o ilipat ang jurisdiction ng 10 barangay’s ng Makati patungong Taguig City.

Siniguro naman ng Taguig City government na makikipag tulungan sila sa Makati City government para sa isang maayos na transition.

Matapos ang ilang taong pagtatalo kaugnay sa jurisdiction ng mga lugar, tinanggap na rin ng Makati ang hatol ng Korte Suprema.

Ginawa ni Mayor Abby Binay ang kaniyang pahayag matapos tinanggihan ng Supreme Court ang omnibus motion ng Makati kung saan hinihingi nito na payagan sila maghain ng second motion for reconsideration.

Bago ang pinakahuling resolusyon na inilabas noong June 2023, tinanggihan na ng Korte Suprema noong Setyembre 2022 ang unang motion for reconsideration. (Daris Jose)

UMAASA si Pangulong  Ferdinand Marcos Jr. na ang dalawang bagong electronic initiatives  na naglalayong i-streamline ang government processes ay makatutulong na mapigilan  ang kriminalidad sa bansa.

“I am optimistic that this system will be used to help curb criminality, lawlessness, and ensure immediate responses to various incidents around the country. Thereby making our communities safer and more secure for everyone,” ang bahagi ng naging talumpati ng Pangulo matapos pangunahan ang paglulunsad ng Electronic Local Government Unit (eLGU) System at People’s Feedback Mechanism (eReport) naglalayong i-digitalize  ang mga government service.

Ang “twin programs” aniya ay  “mark a paradigm shift in the way that the government and citizens interact with one another.”

Tinukoy nito na sa pamamagitan ng eLGU system, makaka-avail ang mga Filipino ng  local government services  kabilang na ang “business permit at licensing, local tax processing, local civil registration, real property tax, barangay clearance, at information dissemination.”

Aniya pa, makadaragdag aniya ito sa pagsisikap ng Anti-Red Tape Authority (ARTA) na alisin ang hindi kinakailangang  “layers of bureaucracy” at gawing mas mabilis at  epektibo ang transaksyon sa gobyerno.

Sa kabilang dako, ang eReport system, ay makapagpapalakas ng abilidad o kakayahan ng Philippine National Police (PNP) at Bureau of Fire Protection (BFP) upang mas maayos na makatugon sa mga “emergency needs” ng publiko.

Pinapayagan aniya rin nito ang mga mamamayan na “to voice real-time reports” sa pamamagitan ng kanilang mobile devices, gaya ng subalit hindi limitado sa krimen, fire incidents at iba pang  emergency situations

Tinuran pa ng Punong Ehekutibo na ang bagong inilunsad na  mga inisyatiba ay  “just a glimpse” ng maaaring ibigay ng digital revolution  sa lipunan at paraan kung paano gumawa ng negosyo ang pamahalaan.

“We are now living in a world where technology is occupying a vital and important part of our existence. Let us embrace it and see the good it can do for our society,” ayon sa Pangulo.

“There are even more profound changes that we can expect should we choose to apply technology in many aspects of our lives. I truly believe that digitalization is a hallmark of our progress as we move to the future,” dagdag na wika nito.

Samantala, hinikayat naman ng Pangulo ang lahat ng  local government agencies and LGUs na makipagtulungan  sa Department of Information and Communications Technology (DICT) habang ang pinagsama-sama ng gobyerno ang  lahat ng serbisyo sa kamakailan lamang na inilunsad na e-Gov PH Super App upang makamit ang nilalayon na maging multi-sectoral mobile application  para sa lahat ng government institutions at transaksyon.

Nanawagan din ang Pangulo sa DICT, Department of the Interior and Local Government (DILG), at LGUs na tiyakin ang epektibong implementasyon ng EO No. 32 para mapabilis ang implementasyon ng  infrastructure projects sa telecommunications industry upang sa gayon ay mapabilis  ang digital transformation ng bansa.

Ang eLGU at  eReport ay kapuwa nagsisilbi bilang “vital components” ng eGov PH Super App ng DICT, isang mobile application na pinagsama ang multi-sectoral government services sa iisang plataporma.

Ang mga sistemang ito ay suporta sa misyon ng pamahalaan na makapagbigay ng  one-stop-shop para sa sebisyo nito. (Daris Jose)