KAPWA tinintahan ng Pilipinas at United Kingdom (UK) ang memorandum of understanding (MOU) na bumabalangkas sa nilalayon na defense engagements ng dalawang bansa sa susunod na limang taon.

Inaasahan na makakasama bilang isa sa mga prayoridad ang maritime domain.

Ang MOU ay nilagdaan sa pagitan ng Department of National Defense (DND) at UK Ministry of Defence (MOD) noong Enero 11.

Si Philippine Ambassador Teodoro Locsin Jr. ang lumagda para sa panig ng Pilipinas habang si The Earl of Minto Timothy Minto, Minister of State for Defence, ang sa panig naman ng UK.

“The UK/Philippines MOU on Defence Cooperation is the cornerstone of our defence relationship,” ayon naman sa UK Embassy in Manila.

“It outlines the intent of our defence engagement for the next five years across a range of areas including military exercises, training and modernisation efforts. We can expect this engagement to focus on the maritime domain, Exclusive Economic Zone, hydrography and UK participation in future military exercises,” dagdag na pahayag nito.

Sa hiwalay na kalatas, sinabi ng Department of Foreign Affairs na layon ng MOU na makapagbigay ng balangkas para palakasin ang bilateral cooperation sa defense at military education, peacekeeping operations, humanitarian assistance at disaster relief, at research and technology.

Sa kabilang dako, sa Joint Statement of Intent na nilagdaan nina Foreign Secretary Enrique Manalo at dating UK Foreign Secretary James Cleverly noong Agosto 2023, nagkasundo ang dalawang bansa na mas i-develop pa ang bilateral defense engagement para pagtibayin ang rules-based international order.

Kapwa naman sinabi ng dalawang top diplomats na ipo-promote ng UK at Pilipinas ang “a free and open maritime order” base sa United Nations Convention on the Law of the Sea bilang legal framework sa lahat ng aktibidad sa karagatan.

Nakasaad pa rin sa kalatas ang commitment ng dalawang bansa na “strengthen maritime law enforcement, marine environment protection, fisheries management and professional seafaring”.

Matapos lagdaan ang MOU, sinundan ito ng October 2023 visit ni dating UK Minister of State for Defense Baroness Goldie sa Pilipinas kung saan ipinahayag niya ang suporta ng UK sa Indo-Pacific at regional peace at security.

“The UK is proud of our relationship with the Philippines and defence forms a crucial part to this. We look forward to working closely to continue developing this engagement,” ayon sa UK Embassy. (Daris Jose)

WALA ng aktibong New People’s Army (NPA) guerrilla fronts sa Pilipinas.

Sinabi ni Pangulong Ferdinand Marcos Jr. na resulta ito ng matagumpay na pinaigting na kampanya ng administrasyon laban sa internal threats.

Sa isang video na in- upload sa kanyang social media accounts, araw ng Sabado, Enero 13, pinuri ni Pangulong Marcos ang mga law enforcer sa pagganap sa kanilang mga papel at tungkulin sa pagsisikap ng gobyerno para kontrahin ang internal security threats.

Ayon sa Pangulo, “as of December 2023”, na neutralized ng gobyerno ang 1,399 miyembro ng komunista at local terrorist groups.

Iniulat nito na nasamsam ng gobyerno ang 1,751 firearms sa pamamagitan ng pagsilo, pagbawi at pagsuko “as of last month.”

Dahil dito, sinabi ni Pangulong Marcos na hindi ititigil ng pamahalaan ang anti-insurgency campaign nito.

“Maaari na nating mai-report na wala ng active NPA guerilla front as of December 2023. Kaya patuloy nating ipaglalaban ito,” aniya pa rin.

“These commitments underscore our steadfast commitment to peace and stability,” dagdag na wika nito.

Pinuri rin ng Punong Ehekutibo ang mga naging bahagi ng pagsisikap ng pamahalaan laban sa internal threats, partikular na sa Armed Forces of the Philippines (AFP), Philippine National Police (PNP), at Department of National Defense (DND).

“Maganda naman ang performance ng ating AFP. Maganda naman ang performance ng ating mga pulis at maganda ang koordinasyon ng SND, ng Department of National Defense, lahat ng ating intelligence agencies,” ayon pa rin sa Pangulo.

“Sila nagtutulungan kaya naman naging matagumpay ang ating kampanya kontra sa internal terrorism,” dagdag na wika nito. (Daris Jose)

IPINAG-UTOS ni Pangulong Ferdinand Marcos Jr. sa Energy Regulatory Commission (ERC) na kaagad na i-reset ang rates ng National Grid Corporation of the Philippines (NGCP), kung saan isinisisi nito ang pagbagsak sa Panay sub-grid ang naranasang blackout sa isla ng Panay kamakailan.

Ang pag-reset sa rate ay naglalayong tiyakin na sumunod ang NGCP sa obligasyon nito. Kabilang na aniya rito ay ang pagpapanatili ng katatagan ng grid.

“The National Grid Corporation of the Philippines (NGCP) had a crucial two-hour window to prevent the system collapse, as highlighted by the Independent Market Electricity Operator of The Philippines or IMEOP,” ayon kay Pangulong Marcos sa kanyang video message araw ng Biyernes.

Pagpapatuloy pa nito “Accountability lies with the NGCP. They are tasked with grid stability. Stability involves proactive responses to breakdowns and unexpected events, a duty that NGCP unfortunately has not fulfilled adequately.”

Ayon sa Punong Ehekutibo, bagamat naibalik na ang suplay ng kuryente, nangyari na aniya ang danyos. “The situation has caused significant hardship to our people, crippling businesses, compromising livelihoods and endangering those in need of healthcare.”

Tinuran pa ng Pangulo na nalugi ang mga negosyo sa Western Visayas dahil na rin sa naturang blackout.

Sinabi pa ni Pangulong Marcos na hindi naagapan ng NGCP ang malawakang power outage sa kabila ng crucial 2-hour window nito.

Nangyari na rin aniya ang insidente sa naturang lugar noong Abril 2023 kaya’t nangako ang NGCP na hindi na mauulit ang insidente dahil tinatapos na ang Panay-Negros-Cebu interconnections sa pagsapit ng Agosto 2023.

Paliwanag ng Pangulo, hindi natupad ang pangako ng NGCP at naulit ang insidente nitong Enero.

“I have also directed the ERC to complete the reset of NGCP’s rates without further delay, to ensure NGCP’s compliance with its statutory and regulatory obligations, and to defend in no uncertain terms against any attempt to defer, delay, or prevent the implementation of regulatory measures,” ayon kay Pangulong Marcos.

Idinagdag pa ni Pangulong Marcos na nagsisikap na ang gobyerno upang ito ay masolusyunan. (Daris Jose)

NANAWAGAN si Pangulong Ferdinand Marcos Jr. Sa publiko na planuhin mabuti at maagang ayusin ang inilabas ng Malakanyang na ‘long weekends’ para ngayong taon ng 2024.

“Lubusin natin ang mga long weekend ngayong 2024 kasama ang ating pamilya at mga mahal sa buhay!” ayon kay Pangulong Marcos sa kanyang post sa Instagram.

“Paghandaan din nating mabuti ang ating mga transaksyon at bakasyon para sa isang produktibo at masaganang taon,” dagdag na wika ng Pangulo.

Ang mga long weekends ay:

March 28 (Maundy Thursday), 29 (Good Friday), 30 (Black Saturday) at 31 (Easter Sunday)

August 24 (Sabado), 25 (Linggo) at 26 (National Heroes Day)

November 1 (All Saints’ Day), 2 (All Souls’ Day) at 3 (Linggo)

December 28 (Sabado), 29 (Linggo), 30 (Rizal Day) at 31 (Huling araw ng Taon, isang special non-working day)

Matatandaang, Oktubre ng nakaraang taon, ipinalabas ng Malakanyang ang listahan ng regular at special non-working holidays para sa taong 2024.

Ang listahan ng regular holidays ay nakasaad sa ilalim ng Proclamation 368, may petsang Oktubre 11, 2023 at nilagdaan ni Executive Secretary Lucas Bersamin, dineklara ni Pangulong Marcos ang mga sumusunod:

January 1 – New Year’s Day

March 28 – Maundy Thursday

March 29 – Good Friday

April 9  – Araw ng Kagitingan

May 1 – Labor Day

June 12 – Independence Day

August 26 – National Heroes Day (Huling Lunes ng Agosto )

November 30 – Bonifacio Day

December 25 – Christmas Day

December 30 – Rizal Day

Gayunman, hindi naman kasama sa listahan ang Pebrero 25, tanda ng anibersaryo ng EDSA People Power Revolution, ang nasabing event ang tumuldok sa tinatawag na ‘decades-long rule’ ng ama ni Pangulong Marcos Jr. na si dating Pangulong Ferdinand Marcos Sr.

Ang paliwanag ng Malakanyang, hindi isinama sa listahan ang pagdiriwang ng EDSA People Power Revolution dahil ang Pebrero 25, 2024 ay pumatak sa araw ng Linggo.

Samantala, idineklara rin ng Malakanyang na holidays sa bilang lalawigan para gunitain ang kanilang founding anniversaries o pagdiriwang ng iba’t ibang kapistahan.

“Proclamation No. 424 declared February 3 a holiday in Cabanatuan City, Nueva Ecija, as this marks its 74th founding anniversary. On the other hand, through Proclamation No. 423, Palace also declared January 26 a special non-working day in Cadiz City, Negros Occidental for the celebration of the Dinagsa Festival,” ayon sa Malakanyang.

Sa Lipa City, Batangas, idineklarang holiday ang Pebrero 20 sa ilalim ng Proclamation No. 422 para ipagdiwang ang Coffee Festival.

Sa bisa naman ng Proclamation No. 417, idineklara ang Enero 29 bilang special non-working day sa Tantangan, South Cotabato para gunitain ang ika-63 taong anibersaryo at maging ang Kulitangtang Festival. (Daris Jose)

HINIMOK ng tranport group na Manibela ang mga pasahero na makiisa sa isinagawa nilang kilos protesta laban franchise consolidation sa ilalim ng PUV modenization program dahil makakaapekto umano ito sa libu-libong mananakay ng jeepney sa darating na Enero.

Ito ay kapag nagpatuloy ang itinakdang deadline sa konsolidasyon sa darating na Dec. 31.

Nangangahulugan kasi ito na makakansela na ang permit to operate ng maraming mga jeepney operators.

Ayon kay Mar Valbuena, pangulo ng Manibela na nasa 40,000 jeepneys pa ang hindi pa nakaka-comply sa consolidation ang hindi na makakabiyahe pa pagdating ng Enero kung saan sa malaking bilang na to mas maraming commuters din ang maapektuhan ang pagbibiyahe.

Magugunitang nag­harap na ng petisyon ang transport groups sa Korte Suprema para pigilan ang pagpapatupad ng PUV modernization.

Sakali umano na iba­sura ng SC ang kanilang petisyon ay wala na silang magagawa kundi ang ipagpatuloy ang protesta at malaking bagay kung makakasama nila ang mga mismong commu­ters na siyang lubhang maapektuhan.

Ganito rin ang na­ging banta ng Piston na dalhin ang kanilang hinaing sa mga gate ng Malacañang.

TINATAYANG umabot na sa 200,000 job opportunities ang inialok ng gobyerno sa mga Filipino dahil sa mga official foreign trips ni Pangulong Ferdinand Marcos Jr. mula sa last quarter ng 2022 hanggang 2023.

Ito ang sinabi ng Department of Trade and Industry (DTI).

Tinukoy ng Presidential Communications Office (PCO) ang data mula sa DTI kung saan makikita na ang pagbyahe ni Pangulong Marcos sa ibang bansa noong 2022 ay nakalikha ng 7,100 job opportunities mula Indonesia (September 4-6); 14,932 job opportunities mula Singapore (September 6-7); at 98,000 job opportunities naman mula New York (September 18-24).

Bitbit din ni Pangulong Marcos pauwi ng Pilipinas noong nakaraang taon ang 5,500 job opportunities mula sa kanyang naging pagbisita sa Thailand noong November 16-19; at 6,480 job opportunities mula Belgium (December 11-14); at 730 job opportunities mula naman sa Netherlands (December 15-17).

Para naman sa taong 2023, sinabi ng DTI na ang pagbisita ng Pangulo sa China noong January 3-5 ay nagbukas ng 32,722 job opportunities; 24,000 job opportunities mula Japan (February 8-12); 6,386 job opportunities mula Washington, DC (April 30-May 4); at 8,365 job opportunities mula Malaysia (July 25-27).

Ang naging byahe naman ni Pangulong Marcos sa Singapore on September 14-17 also yielded 450 job opportunities; 2,550 job opportunities from the United States (November 14-17); and 15,750 job opportunities from Japan (December 15-18).

Samantala, umabot sa P4.019 trilyon o US$72.178 bilyong halaga ng mga pamumuhunan ang resulta ng mga pagbisita sa iba’t ibang  bansa ni Pangulong Marcos.

Sinabi ng DTI na ang P4 trilyong halaga ng investments ay binubuo ng 148 na proyekto na karamihan ay nasa mga sektor ng manufacturing, IT-BPM, renewable energy, data centers at telecommunications.

Ayon sa DTI, ang mga business engagements sa pagbisita ng Pangulo sa Japan para sa ASEAN-Japan Commemorative Summit ay dumadagdag din sa US$263.08 milyon o P14B kabuuang halaga ng nine investments.

Mayroon ding tatlong nilagdaang kasunduan na nagkakahalaga ng US$85.07 milyon, at anim na MOU/LOI na nagkakahalaga ng US$178.01 milyon.

Ang pagbisita ng Pangulo sa US para sa Asia-Pacific Economic Cooperation (APEC) Leaders’ Meeting sa San Francisco ay nagdagdag ng US$672.3 milyon (P37.2B) sa kabuuang proyekto.

Kabilang dito ang US$400M (P2.2B) sa telekomunikasyon, US$2M (P110M), artificial intelligence (AI); US$250M (P13B), manufacturing; US$20M (P1.1B), health sciences/pharma manufacturing/health services; US$300,000 (P16M), energy. (Daris Jose)

BINITBIT sa selda ang dalawang lalaki nang mabisto ang dalang baril makaraang masita ng mga pulis dahil kapwa walang suot na helmet habang sakay ng isang motorsiklo sa Malabon City, kahapon ng madaling araw.

Kapwa mahaharap sa kasong paglabag sa RA 10054 (Motorcycle Helmet Act of 2009) at RA 10591 (Comprehensive Law on Firearms and Ammunition) ang naarestong mga suspek na sina alyas Qenet at alyas Mark Jayson.

Sa report ni Malabon police chief P/Col. Jay Baybayan kay Northern Police District (NPD) Director P/BGen. Rizalito Gapas, habang nagsasagawa ng Oplan Sita ang mga tauhan ng Malabon Police Tactical Motorcycle Riding Unit (TMRU) sa kahabaan ng P. Aquino, Brgy., Tonsuya nang parahin nila ang mga suspek na kapwa walang suot na helmet habang sakay ng isang motorsiklo dakong alas-12:20 ng madaling araw.

Nang beripikahin, nadiskubre ng mga pulis ang dalang mga baril ng mga suspek at nang hanapan sila ng mga dokumento na nagpapahintulot sa kanila na magkroon at magdala ng baril sa labas ng kanilang tahanan ay wala silang naipakita.

Dahil dito, pinosasan ng mga pulis ang mga suspek at nakumpiska sa kanila ang dalawang cal. 38 revolver at isa sa mga ito ay kargado ng dalawang bala. (Richard Mesa)

ISANG construction worker na nakatala bilang top 8 most wanted person sa Norhern Police District (NPD) ang nasilo ng mga operatiba ng Station Intelligence Section (SIS) ng Valenzuela police sa isinagawang manhunt operation sa San Mateo Rizal, kamakalawa ng hapon.

Kinilala ni Valenzuela police chief P/Col. Salvador Destura Jr. ang naarestong akusado na si alyas “Leo”, 39, ng Barangay San Isidro, Montalban Rizal at nakatala din bilang Top 2 MWP sa Valenzuela City.

Base sa report ni Col. Destura kay NPD Director P/BGen. Rizalito Gapas, nakatanggap ng impormasyon ang SIS ng Valenzuela CPS na nagtatago sa lalawigan ng Rizal si Leo kaya kaagad siyang bumuo ng team para sa pagtugis sa akusado.

Sa pangunguna ni P/Cpt. Ronald Sanchez, kaagad namang nagsagawa ng intensified manhunt operation ang mga operatiba ng SIS na nagresulta sa pagkakaaresto sa akusado dakong alas-4:10 ng hapon sa Phase 8, Easter View Subdivision, Guitnang Bayan 1, San Mateo, Rizal.

Ani Cpt. Sanchez, dinakip nila ang akusado sa bisa ng warrant of arrest na inisyu ni Presiding Judge Evangeline Mendoza Francisco ng Valenzuela City Regional Trial Court, Branch 270, noong October 5, 2021, para sa paglanag sa Sec.5 (b) of R.A. 7610 in relation to Article 336 of the RPC.

Pansamantalang nakapiit ang akusado sa Custodial Facility Unit ng Valenzuela CPS habang hinihintay ang pagpapalabas ng commiyment order mula sa korte. (Richard Mesa)

MAAARING dumating sa rurok o pinakamataas ang El Niño phenomenon sa  April ng susunod na taon habang  63 lalawigan ang posibleng makaranas ng matinding tag-tuyot.

“The drought will come one month earlier than the previous forecast of May, with two less provinces to be affected,” sinabi ng Department of Science and Technology (DOST).

“So essentially, the effects of El Niño will still be covering the first and second quarters of 2024,” ang sinabi ni  DOST Secretary Renato Solidum Jr.  sa press briefing sa Malakanyang.

“But the peak of El Niño, in terms of drought, will be April of 2024, which is slightly different from the forecast last week or two weeks ago, that it will be May,” aniya pa rin.

Iyon nga lamang, nilinaw ng DOST  na ang matinding tag-tuyot sa susunod na taon ay hindi tatama sa CARAGA at iba pang bahagi ng  Davao Region.

Samantala, sinabi naman ni Department of National Defense Secretary Gilbert Teodoro  na maglalabas si Pangulong Ferdinand Marcos Jr., sa lalong madaling panahon ng  executive order  na muling bubuo sa  Task Force El Niño.

Ang  task force, pamumunuan ng National Disaster Risk Reduction and Management Council, ay nakatuon sa seguridad sa tubig, pagkain, enerhiya at kalusugan at maging kaligtasan ng publiko.

“The President made this a presidential task force so that adequate importance and urgency is given the initiative,” ani Teodoro.

Para naman sa Department of Environment and Natural Resources (DENR), masusi nitong mino-monitor ang  water supply sa urban centers at sa  agricultural sector.

Winika ni DENR Secretary Toni Yulo-Loyzaga na ang Angat Dam sa Bulacan,  nagsu-suplay ng  potable water sa Kalakhang Maynila, sa kasalukuyan ay may sapat na suplay ng tubig  dahil may water level ito na  212 meters.

Mayroon din aniyang infrastructure projects ang nakapila para sa water treatment.

“So ang instruction din ng pangulo  is to have our infrastructure investments be multi-purpose,” ayon kay Yulo-Loyzaga.

“So that one investment in a kind of infrastructure can generate several values, whether they are for flood control in the end, whether for irrigation, or eventually for water supply and distribution as well,” dagdag na pahayag nito. (Daris Jose)

NANINIWALA si Pangulong Ferdinand Marcos Jr.  na ngayong taon ng  2023 ang taon talaga para sa structural changes.

Tinanong kasi ang Pangulo sa kung paano niya ilalarawan ang kasalukuyang taon, nasa Tokyo, Japan ang Pangulo para sa Asean-Japan Summit.

Ang pagbisita sa Japan ang pang-17 biyahe ng Punong Ehekutibo ngayong taon, sinabi ng Pangulo na mahalaga na palitan o baguhin ang polisiya mula sa COVID-19 economy.

“We studied the government, we studied the economy and started to come to a few answers, some of it is structural that we have had to do,” aniya pa rin.

Tinuran ng Punong Ehekutibo na kabilang sa ilang mahahalagang reporma ngayong taon ay ang pagaanin  ang pagtatayo ng negosyo at pagbabago sa tax structure.  (Daris Jose)