News Archive - People's Balita

September 1, 2024
Search in People's Balita
Ang Diyaryong Pinagkakatiwalaan

Archive for the ‘News’ Category

Nagpaalam kay Mayor Vico na gagawa ng serye: ANGELU, umaasang darating ang panahon na magkakaayos sila ni CLAUDINE

Posted on: August 3rd, 2024 by @peoplesbalita No Comments

PINAKITA ni Angelu de Leon ang kanyang husay sa pagiging kontrabida sa ‘Pulang Araw’.

Tinodo raw niya ang pag-arte dahil ang tagal din daw kasi niyang hindi tumanggap ng teleserye simula noong umupo siya bilang konsehal sa PasIg City. Last teleserye niya ay ‘Inagaw Na Bituin’ noong 2019 pa.

Di raw niya mapalagpas ang role na Carmela sa ‘Pulang Araw’ kaya nagpaalam siya kay Mayor Vico Sotto para gawin ang teleserye.

“Para mabalanse kasi siyempre may mga taping din na kailangan doon. Para rin in respect doon sa trabaho ko ngayon na bilang konsehal ng Pasig, kailangan magpaalam para hindi lagi siyang naghahap, “Nasa’n si Angelu? Bakit wala?” sey ng aktres.

Naungkat naman ang issue nila ni Claudine Barretto. Nagbitiw ng mga di magagandang salita si Claudine laban kay Angelu sa anniversary party nila Gladys Reyes at Christopher Roxas. Panahon pa lang nila sa ‘Ang TV’ noon ay may rivalry na ang dalawa.

Pero maayos na sinagot ni konsehala ang issue with Claudine na ‘di pa raw nakakausap: “Wala pang pagkakataon pero umaasa pa rin ako na darating ‘yung panahon na ‘yon.”

(RUEL J. MENDOZA)

Grateful dahil sixteen years nang Kapuso… HEART, nag-panic at umiyak nang malamang mamumuno ng SSFI

Posted on: July 31st, 2024 by @peoplesbalita No Comments

SIXTEEN years na palang Kapuso si Heart Evangelista.

Sobrang grateful nga siya sa muling pagoirma ng exclusive contract sa GMA Network.

Sa guesting ng Kapuso actress sa “Fast Talk With Boy Abunda” last July 29, inamin niya na, “I’ve been through so much with GMA. Sobrang dami kong pinagdaanan, and you know noong dumating ako sa GMA, I’m really in a bad state of mind. I was heart broken. I felt I have nowhere to go. And they really gave me an opportunity.

“That was the one biggest contracts I signed in my life and I’m so grateful.”

Inamin din ni Heart ang naramdaman nang malamang siya ang mamumuno ng Senate Spouses Foundation Inc. (SPFI).

Automatic ito, matapos ngang maluklok ang kanyang asawang si Sen. Chiz Escudero bilang bagong Senate President, na kapalit ni Sen. Migz Zubiri.

“I didn’t know that I had a role or whatsoever that it was just you know, all of a sudden you have to head this and that.

“Umiyak ako, na-upset ako nang konti,” sagot ni Heart

“Nag-panic talaga ako kasi alam ko na you know anything you associate yourself with that, you’ll get bashed. I’m afraid of that so I tried to shy away.

“But the honest truth, I love it so much because I do my own thing. Meron akong mga ginagawa para you know, points ko sa heaven ay mas importante.

“So, I’m very silent. And I’m very sensitive about questioning my sincerity.”

Dagdag pa ng international fashion icon, “I’m also very lucky that I worked with wonderful companies in the past that are all out in supporting my projects.

“So talaga parang feeling ko I have a purpose. I’m not sure how long I have but I will do my best and I love working.

“With this platform, I’m able to do so much with other senate spouses.”

Magpo-focus ang SSFI sa iba’t ibang isyu ng mga kabataan at kababaihan kasabay ng pagsusulong sa mga “small infrastructure projects” na sinimulan ng mga dating head ng grupo.

(ROHN ROMULO)

Witness the Origin: New Trailer for “Transformers One” Unveiled at San Diego Comic-Con

Posted on: July 30th, 2024 by @peoplesbalita No Comments

DISCOVER the untold origin of a legendary rivalry! Get ready to witness the story that reshaped our world with the new trailer for “Transformers One,” unveiled at San Diego Comic-Con.

Starring Chris Hemsworth, Brian Tyree Henry, Scarlett Johansson, and Keegan-Michael Key, this groundbreaking film opens exclusively in cinemas on September 18.

Transformers One reveals the untold origin story of Optimus Prime and Megatron, two friends once bonded like brothers who ultimately became the fiercest of enemies. This first-ever fully CG-animated Transformers movie boasts an impressive voice cast including Chris Hemsworth, Brian Tyree Henry, Scarlett Johansson, Keegan-Michael Key, Steve Buscemi, Laurence Fishburne, and Jon Hamm.

About Transformers One:

Directed by: Josh Cooley

Based on: Hasbro’s Transformers™ Action Figures

Story by: Andrew Barrer & Gabriel Ferrari

Screenplay by: Eric Pearson and Andrew Barrer & Gabriel Ferrari

Executive Producers: Steven Spielberg, Zev Foreman, Olivier Dumont, Bradley J. Fischer, B.J. Farmer, Matt Quigg

Producers: Lorenzo di Bonaventura, p.g.a., Tom DeSanto & Don Murphy, Michael Bay, Mark Vahradian, p.g.a., Aaron Dem, p.g.a.

Mark your calendars! Transformers One arrives in Philippine cinemas on September 18. Distributed by Paramount Pictures through Columbia Pictures, this epic saga is sure to captivate audiences. Join the conversation using the hashtag #TransformersOne and tag @paramountpicsph on social media.

(Photo and Video Credit: “Paramount Pictures International”)

(ROHN ROMULO)

Biktima ng mail order bride, nasabat sa MCIA/NAIA

Posted on: July 27th, 2024 by @peoplesbalita No Comments

NASABAT ng Bureau of Immigration (BI) ang isang babae na biktima ng pekeng marriage scheme na biyaheng China ang nasabat sa Mactan International Airport (MCIA) .

Kinilala ang biktima na isang 23-anyos na babae na hindi pinangalanan alinsunod sa anti-trafficking laws.

Ang babae na nagsabing pupunta siya ng China upang umano’y bisitahin ang kanyang asawa ay pasakay sana ng China eastern Airline flight.

Nagpakita siya ng Philippine Statistics Agency (PSA) marriage certificate at civil registrar certificate, na nagsasaad na kasal siya noong March 2024 at Commission on Overseas (CFO) Guidance and Counseling Program certificate na nagpapatunay dito.

Gayunman, nagduda ang mga immigration officers dahil sa kanyang mga statement kaya ini-refer siya sa PROBES officers, gayunman, nahirapan niyang isipin ang mga detalye hinggil sa kanilang kasal.

Pero sa bandang huli ay inamin din nito nawalang naganap na kasalan at ang kanyang ipinakitang CFO certificate ay peke at inayos lamang ito ng kanyang umano’y asawang Chinese sa pamamagitan ng isang ahente.

Samantala, isa pang 20-anyos na biktima ng mail order bride kasama ang kanyang Chinese escort sa NAIA noong July 20.

Ang Chinese escort ay inasistehan ang isang Pilipinang biktima sa kanyang pagsakay sa ng Xiamen Air flight patungong Chengdu China at nagsabing asawa niya ito.

Nagpakita rin ito ng PSA marriage certificate at kanilang mga litrato nang ikasal sila pero sa bandang huli ay inamin din ng biktima na nagbayad lamang ito ng halagang P45,000 para sa kanyang pekeng pagpapakasal.

“Wala tayong nakitang mabuting resulta nito,” ayon kay tansingco. “Those who were victimized end up penniless, enslaved without pay by their pseudo partners. “Let us protect ourselves by making sure that we only work abroad through legal means,” dagdag pa nito. GENE ADSUARA.

PBBM, nais na nakatutok sa gov’t response sa mga flood-hit victims

Posted on: July 26th, 2024 by @peoplesbalita No Comments

IPINAG-UTOS ni Pangulong Ferdinand Marcos Jr. ang isang “very focused” na pagtugon ng pamahalaan at aid distribution sa mga apektado ng Super Typhoon Carina-malakas na Habagat.

Inihayag ng Pangulo ang nasabing direktiba sa isang situation briefing sa Palasyo ng Malakanyang, araw ng Huwebes, Hulyo 25 bago pa nagsagawa ng pag-inspeksyon sa mga apektadong lugar sa Metro Manila at Central Luzon.

“What we are trying to do here is, essentially, is to have a very good understanding of what the situation is on the ground so that you know when it comes to these things, whatever assets you have, whatever resources you have they are always not enough and that’s why it has to be focused,” ayon kay Pangulong Marcos.

“Kaya hindi pwedeng basta sasabihin ‘Lahat d’yan, marami d’yan, basta ipadala ko yan.’ We have to be very focused in the use of what we have. So that’s what why we need to determine where are the areas that is still in the rescue phase– na hanggang ngayon nagre-rescue pa tayo ng tao– where are the areas that are now in the relief phase,” aniya pa rin.

Sa kabila ng naturang kautusan, sinabi ng Chief Executive na ang rescue operations at aid distribution ay maaari pa ring magpatuloy nang sabay-sabay.

“Kung minsan sabay ‘yan. That doesn’t mean that it’s not mutually exclusive. You can be in rescue phase and relief phase at the same time. So that’s what we need to know so that all the agencies know where to send our people, where to send our trucks, where to send our relief goods, where to send financial assistance,” ayon sa Pangulo.

Sa kapareho pa ring briefing, iniulat naman ni Interior Secretary Benhur Abalos Jr. ang mga sumusunod na lokalidad na kinonsiderang “hard hit areas” ‘as of 6:00 a.m.’ ngayon. Ang mga ito ay ang: Abucay, Bataan,

Baliwag, Bulacan, Obando, Bulacan,

Plaridel, Bulacan, Pulilan, Bulacan, Sta. Maria, Bulacan, Cainta, Rizal, Taytay, Rizal, San Mateo, Rizal

Morong, Rizal, Rodriguez, Rizal

Angono, Rizal, Tingloy, Batangas,

Ang mga hard-hit local government units ay tinukoy base sa ‘little to no access to relief goods, widespread damages, high number of displacement, at lack of non-food items.’

Kanina namang alas-5:00 ng madaling araw, Hulyo 25, iniulat ni Abalos sa Pangulo ang kabuuang 36,319 pamilya o 149,006 indibiduwal na inilikas sa Regions I, II, III, IV-A, IV-B, Cordillera Administrative Region, at NCR.

Ani Abalos, karamihan sa mga inilikas na residente sa National Capital Region (NCR) na naitala ay mula sa Quezon City na may 22,000.

Nauna rito, inilagay ng Metro Manila Council ang National Capital Region (NCR) sa ilalim ng state of calamity bunsod ng malawakang pagbaha at malakas na pagbuhos ng ulan. (Daris Jose)

PBBM, binisita ang mga pamilyang lumikas sa Barangay Malanday Evacuation Center sa Valenzuela City

Posted on: July 26th, 2024 by @peoplesbalita No Comments

BINISITA ni Pangulong Ferdinand R. Marcos Jr. ang mga pamilyang lumikas sa Barangay Malanday Evacuation Center sa Valenzuela City dahil sa bahang idinulot ng habagat at bagyong Carina. Pinangunahan din ni PBBM ang pamamahagi ng suporta ng pamahalaan sa mga nasalanta.

PBBM pinatitiyak mga isolated areas ang prayoridad na mabigyan ng tulong dahil sa kalamidad

Posted on: July 25th, 2024 by @peoplesbalita No Comments

PINATITIYAK ni Pangulong Ferdinand Marcos Jr. sa mga concerned agencies na prayoridad na mabigyan ng tulong ang mga isolated areas dahil sa kalamidad.

Sa situation briefing sa National Disaster Risk Reduction and Management Council o NDRRMC, iginiit ni PBBM na mahalaga ang papel at patuloy na suporta ng Department of Social Welfare and Development (DSWD) upang matiyak ang epektibong relief operations.

Aniya, importante rin ang pakikipagtulungan sa Office of Civil Defense o OCD upang mabigyang-pansin ang mga lugar na ilang araw nang hindi nakakatanggap ng tulong.

Ipinag-utos naman ng Pangulo ang agarang paghahanda at paghahatid ng kinakailangang tulong sa mga kritikal na lugar habang kinilala rin nito ang kagyat na pangangailangan sa sitwasyon ng mga ito. (Daris Jose)

METRO MANILA COUNCIL IDINEKLARA ANG STATE OF CALAMITY SA NCR

Posted on: July 25th, 2024 by @peoplesbalita No Comments

KINUMPIRMA ni Pangulong Ferdinand Marcos Jr., na inirekomenda ni DILG Secretary Benhur Abalos ang pagdedeklara ng State of Calamity sa buong Metro Manila, NCR.

Ito ay dahil sa matinding epekto ng super bagyong Carina na pinalakas pa ng hanging Habagat.

Ginawa ni Secretary Abalos ang kanyang rekomendasyon sa pulong na pinangunahan ni Pangulong Ferdinand Marcos Jr., sa NDRRMC.

Ayon sa Pangulo, nakatakdang mag -convene ang Metro Manila Council upang pagtibayin ang pagdeklara ng state of calamity.

Dagdag pa ng Presidente, nauubos na rin ang reserved funds ng mga local government units kaya kailangan na nila ng tulong mula sa national government.

Bukod sa Metro Manila, magdedeklara din ng State of Calamity sa Calabarzon region.

Sa panayam kay Abalos, sinabi nitong malaking bahagi na ng Metro Manila ang lubog sa baha lalo na sa CAMANAVA area partikular ang Caloocan, Malabon at Navotas.

Ngayong naideklara ang state of calamity, magagamit ng mga LGU ang kanilang calamity fund. (Daris Jose)

PBBM sa Kongreso, aprubahan ang 2025 budget na may kaunting rebisyon

Posted on: July 24th, 2024 by @peoplesbalita No Comments

HINIKAYAT ni Pangulong Ferdinand Marcos, Jr. ang mga mambabatas na aprubahan ang executive-crafted National Expenditure Program (NEP) para sa taong 2025 sa kanilang ” usual timely manner” at umaasa na mayroon lamang na kaunti hanggang sa walang rebisyon o pagwawasto.

“We look to the cooperation of our colleagues in the legislature, not only that our proposed national budget be approved in your usual timely manner, but it be adhered to as closely as possible,” ang sinabi ni Pangulong Marcos sa kanyang ikatlong State of the Nation Address (SONA) sa Batasang Pambansa sa Quezon City, araw ng Lunes.

Tinuran ni Pangulong Marcos na ang 2025 NEP ay ” crafted with utmost care, diligence, and meticulous attention.”

Nakatakda namang magsumite ang Department of Budget and Management (DBM) ng 2025 NEP sa Kongreso sa Hulyo 29.

“We expect all agencies to ensure that every centavo allocated will be judiciously spent for our urgent priorities and socially impactful programs,” ang sinabi ng Chief Executive.

Ang executive-crafted NEP ay dadaan sa ilang buwan ng pagrerebisa at rebisyon ng mga mambabatas, una ay sa mga kongresista at pagkatapos ay sa mga senador.

Ang spending plan ang siyang magiging basehan ng Congress’ General Appropriations Bill, na isusumite naman sa Pangulo para aprubahan, kadalasan ay bago matapos ang fiscal year.

Samantala, ang 2025 national budget ay nakapako sa P6.35-trillion, kung saan 10.1% na mas mataas kaysa sa budget ng bansa ngayong taon. (Daris Jose)

Pangako ni PBBM sa mga public school teachers, ‘better benefits, allowances’

Posted on: July 24th, 2024 by @peoplesbalita No Comments

MAKATATANGGAP ang mga public school teachers ng karagdagang benepisyo na makapagpapagaan sa kanilang buhay habang ginagampanan ang kanilang tungkulin.

Inihayag ni Pangulong Ferdinand Marcos Jr. sa kanyang ikatlong State of the Nation Address (SONA), araw ng Lunes sa Batasang Pambansa sa Quezon City na kabilang sa mga benepisyo ay magmumula sa Kabalikat sa Pagtuturo Act, pinagtibay nito lamang nakaraang buwan ng Hunyo.

“Ito ay magbibigay sa mga guro sa pampublikong paaralan ng teaching allowance para pambili ng mga kagamitan sa pagtuturo at mga kaugnay na gastusin,” ayon sa Pangulo.

Itinaas ng batas ang tinatawag na “chalk allowance” sa P10,000 mula sa dating P5,000, ang may-akda ng batas ay si Senador Ramon “Bong” Revilla Jr.

“Matatanggap na nila ito simula sa susunod na taon,” ang sinabi ni Pangulong Marcos.

Makatatanggap din ang mga public school teachers ng personal accident insurance mula sa Government Service Insurance System (GSIS).

“Makakapaghatid na din ng dagdag ginhawa ang special allowance para sa mga karagdagang public school teachers na masasaklaw ito na makakaranas ng matinding hirap at panganib sa kanilang araw-araw na pagtatrabaho,” ayon sa Pangulo, tinukoy ang mga public school teachers sa mga lugar na tinukoy bilang “hardship posts”.

Nangako rin ang Pangulo ng ‘free teachers’ mula sa pagiging inconvenienced sa pamamamgitan ng mga hindi nabayarang utang.

“Hindi magiging hadlang ang kanilang mga utang upang makapag-renew ng kanilang lisensya. Marapat lamang na sila ay payagan pa ring makapagturo nang sila ay makapag-hanapbuhay at may kinikita,” ang sinabi ng Punong Ehekutibo.

Sinabi pa ni Pangulong Marcos Jr. sa kanyang SONA na ang karagdagang tauhan ay pagkakalooabn din ng ‘free teachers’ mula sa responsibilidad na labas na sa kanilang teaching profession.

“Clearly, the quality of our education rests on the quality of our future. Every classroom that we build will be an empty and lifeless structure without its moving force: the teacher,” ayon kay Pangulong Marcos.

“But our teachers are not just perfunctional figures in our schools, they are the very foundation of our educational system. As we build our schools, so do we must uplift our teachers,” lahad nito.

Sa kabilang dako, sinabi ni Pangulong Marcos na naglaan na ang gobyerno ng pondo para sa implementasyon ng ‘expanded career progression system’ para sa mga public school teachers.

Mabibigyan nito ng pagkakataon ang mga guro para lumago ang kanilang career sa oras na mamili na sila sa pagitan ng dalawang landas: ang pagtuturo at ang school administration track.

“Each of which shall have ample career growth activity. Sa sistemang ito wala nang public school teacher na magre-retire na Teacher 1 lamang,” ayon sa Pangulo.

Gayunman, hindi naman sinabi ni Pangulong Marcos kung magkano ang umento para sa mga public school teachers. (Daris Jose)