News Archive - People's Balita

September 2, 2024
Search in People's Balita
Ang Diyaryong Pinagkakatiwalaan

Archive for the ‘News’ Category

DOT, tinitingnan ang ‘direct flights’ mula Brunei capital patungong Cebu, Clark

Posted on: May 31st, 2024 by @peoplesbalita No Comments

TINITINGNAN ng Department of Tourism (DOT) na magkaroon ng direct flights mula Bandar Seri Begawan patungo sa ibang lugar sa Pilipinas at hindi lamang sa kabisera nito na Maynila.

Sa sidelines ng Philippine Business Forum sa Berkshire Hall, Royal Brunei Polo and Riding Club, sinabi ni DOT Secretary Christina Frasco na pinag-aaralan ng departamento na magkaroon ng direct flights mula Bandar Seri Begawan patungong Cebu at Clark.

”As of the moment, we do have our local carriers Philippine Airlines and Cebu Pacific that already fly and of course, there’s Royal Brunei Airlines as well, but ‘yung goal po natin, ‘yung connectivity po natin ay hindi lamang papunta sa Manila kung hindi diretso po papunta sa ating mga tourism destinations such as Cebu and Clark,” ayon kay Frasco.

Tinuran pa nito na makikipagtulungan ang DOT sa Department of Transportation kaugnay sa route development para makamit ang nasabing plano.

”That’s something that we will work very hard on,” ayon kay Frasco.

Samantala, sinabi ni Frasco na pinalalakas naman ang Muslim-friendly at halal tourism sa pagitan ng Maynila and Bandar Seri Begawan. Binanggit nito na may mga panawagan na gawing halal-friendly place ang Isla ng Boracay.

”With this, we are now in talks with Boracay local government unit as well as the Department of Tourism to respond also to the request of our ambassadors to offer halal-friendly tourism in Boracay,” ayon sa Kalihim.

Samantala, kapwa naman pinirmahan ng Pilipinas at Brunei ang isang kasunduan na naglalayong itaas ang tourist arrivals ng dalawang bansa mula sa world tourist-generating markets at hikayatin ang mas malawak na distribusyon ng mga bisita sa iba’t ibang ‘tourist destinations at attractions’ sa dalawang bansa.

Taong 2023, nakapagtala ng DOT ng 6,639 dumating na bisita mula Brunei, mayorya sa mga ito ay binisita ang Pilipinas para sa “leisure travel o bakasyon.”

Matatandaang, ang huling tourism cooperation agreement sa pagitan ng Pilipinas at Brunei Darussalam ay nilagdaan 13 taon na ang nakalilipas. (Daris Jose)

Ugnayan ng Pinas-Brunei, susi sa mapayapa, matatag na Indo-Pacific – PBBM

Posted on: May 31st, 2024 by @peoplesbalita No Comments

SINABI ni Pangulong Ferdinand R. Marcos Jr. na ang panatilihing malakas ang bilateral relations ng Pilipinas sa Brunei Darussalam ay makatutulong na mapanatili ang kapayapaan at katatagan sa Indo-Pacific region.

Winika ng Pangulo na ang kanyang unang state visit sa Sultanate ay mahalaga sa gitna ng “many global challenges for which Brunei and the Philippines have very many common interests.”

“And so, it is important that we continue to work together on bilateral basis, also together with ASEAN (Association of Southeast Asian Nations), with BIMP-EAGA (Brunei-Indonesia-Malaysia-Philippines-East ASEAN Growth Area) in all of these methods by which we can plan together for our own communities, for the peace and the stability of the region,” ang sinabi ng Pangulo sa idinaos na state banquet na hinost ng Kanyang Kamahalan Sultan Hassanal Bolkiah, Martes ng gabi.

“And not only for Asia but for the Indo-Pacific as well. It is important that those partnerships now be brought back into the modern world. And I look forward for this state visit to once more give an added impetus and warmth and inspiration to the relationship between our two countries,” aniya pa rin.

Sa kabilang dako, kapwa naman sinaksihan nina Pangulong Marcos at Sultan Bolkiah ang paglagda sa tatlong memoranda of understanding at isang letter of intent sa pagitan ng Pilipinas at Brunei, naglalayon na mas palakasin ang ‘bilateral ties’ ng dalawang bansa sa maritime cooperation at turismo, bukod sa iba pa.

Si Pangulong Marcos ay nasa Brunei para sa kanyang two-day state visit dahil na rin sa imbitasyon ng Sultan, nagkataon naman ito sa 40 taong anibersaryo ng bilateral relations sa pagitan ng dalawang bansa.

Samantala, pinasalamatan naman ni Pangulong Marcos si Sultan Bolkiah, ang Royal Family, at ang mamamayan ng Brunei para sa pagpapaabot sa kanyang delegasyon ng kanilang hospitality habang ipinagdiriwang “birth of new time” para sa bilateral ties ng dalawang bansa. (Daris Jose)

PAGTUGON SA SAKUNA AT EMERGENCY, PINALAKAS NG VALENZUELA

Posted on: May 31st, 2024 by @peoplesbalita No Comments

LALO pang pinahusay ng Lungsod ng Valenzuela ang kanilang mga kakayahan sa pagtugon sa sakuna at emergency response capabilities sa lungsod sa pamamagitan ng pinakabagong digital innovation nito na V-Alert Button.

Ang makabagong mobile application na ito ay nagsisilbing lifeline sa mga oras ng krisis, na nagbibigay ng access sa isang komprehensibong hanay ng mga serbisyong pang-emergency sa isang tap lamang sa iyong smartphone.

Ang V-Alert Button ay isang game-changer, na nag-aalok ng agarang koneksyon sa mga mahahalagang serbisyo kabilang ang ambulansya, fire station, police rescue, women and child protection, animal rescue, traffic management, at waste management. Gamit ang intuitive tool na ito sa iyong mga kamay, ang tulong ay tinitiyak na agaran, priyoridad, mabilis at epektibong pagtugon sa anumang sitwasyong pang-emergency.

Ito’y sumasalamin sa pangako ng pamahalaang lungsod na unahin ang kaligtasan at kapakanan ng mga Valenzuelano. Sa pamamagitan ng paggamit ng kapangyarihan ng teknolohiya, binibigyang kapangyarihan nito ang komunidad na kontrolin ang kanilang kaligtasan, dahil alam na ang tulong ay laging abot-kamay.

Ipinakilala sa unang TECH-TALK: Valenzuela Digital Summit noong Mayo 22, 2024, sa Pamantasan ng Lungsod ng Valenzuela Assembly Hall, ang V-Alert Button na naglalayong hikayatin ang mga Gen-Z Valenzuelanos sa paggamit ng mobile app nang responsable at turuan ang kanilang mga pamilya tungkol sa mga benepisyo nito.

I-download ang V-Alert Button App nang libre mula sa App Store o Google Play Store, at manatiling responsableng mga reporter ng mga sitwasyong pang-emergency rescue anumang oras at saanman.

Upang matuto nang higit pa tungkol sa kung paano binabago ng app na ito ang pagtugon sa emergency response sa lungsod, panoorin ang aming informative video sa YouTube dito. Sa V-Alert, isang tap lang ang tulong. (Richard Mesa)

DICT, pabor na I-regulate ang paggamit ng TikTok sa Pilipinas

Posted on: May 29th, 2024 by @peoplesbalita No Comments

Pabor ang Department of Information and Communications Technology na I-regulate ang paggamit ng Social media platform na TikTok sa Pilipinas.

Ito ang inihayag ni DICT Undersecretary Jeffrey Dy kasunod ng paghahain ng bill sa Kamara de Representantes na naglalayong ipagbawal sa bansa ang mga Foreign adversary-controlled applications tulad ng TikTok.

Paliwanag ng opisyal, ang ganitong uri ng mga social media applications kasi aniya ay posibleng magamit sa espionage o pag-iisp ng dahilan kung bakit dapat aniya na magpatupad ng regulation sa paggamit nito.

Bukod dito ay isiniwalat din ni Dy na kasalukuyan na rin nilang mahigpit na binabantayan ang messaging app na Telegram matapos ang ilang mga ulat na ginagamit umano ito para sa pag-leak ng database information mula sa mga website ng pamahalaan na nabiktima ng hacking.

Habang ang Facebook naman ay ginagamit ngayon ng mga kawatan para sa online selling ng mga sanggol.

Ito aniya ang dahilan kung bakit bukas ang kanilang kagawaran sa pagre-regulate sa ganitong uri ng mga social media application, o kahit na I-takedown pa aniya ang mga sites na mapag-alaman ginagamit sa mga ilegal na aktibidad.

Samantala, dahil dito ay umaapela ngayon ang DICT sa naturang mga social media platforms na tiyakin na hindi magagamit at nagagamit ang mga ito sa mga ilegal na gawain. (Daris Jose)

Gunman sa pamamaslang sa registration chief ng LTO, arestado

Posted on: May 29th, 2024 by @peoplesbalita No Comments

ARESTADO na ng mga otoridad ang isa sa mga suspek sa madugong pamamaslang sa isang opisyal ng Land Transportation Office sa Quezon City.

Sa ngayon ay tumanggi munang magbigay ng dagdag pang mga impormasyon si Department of the Interior and Local Government Sec. Benjamin Abalos Jr. ngunit kasalukuyan na aniyang hinihintay na maisailalim ang suspek sa kaukulang inquest proceedings.

Kaugnay nito ay mayroon na rin aniyang tinitignang anggulo o motibo ang kapulisan sa likod ng nangyaring krimen at mayroon na rin aniyang possible identification ang mga otoridad hinggil sa nasabing kaso.

Kung maaalala, una nang kinumpirma ng Land Transportation Office ang pagkakakilanlan ng biktima na si Mercedita Gutierrez na nagsisilbing pinuno ng Registration Section ng LTO Central Office.

Matatandaan din na batay sa ulat ng Quezon City Police District isang hindi pa nakikilalang Gunman na sakay ng motorsiklo ang pinagbabaril ang sasakyan ni Gutierrez sa bahagi ng K-H Street sa may Kamias Road, Brgy. Pinayahan, Quezon City.

Agad na dinala ang biktima sa pagamutan ngunit kalauna’y hindi na nakaligtas pa nang dahil sa tindi ng kaniyang mga tinamong pinsala.

Ang insidente na ito ay mariing kinondena ni LTO chief Assistant Sec. Atty. Vigor Mendoza II kasabay ng pagtiyak na mahigpit silang makikipag-ugnayan sa Philippine National Police para sa pagkamit ng hustisya para sa mga naulilang pamilya at mga mahal sa buhay ng biktima.

Magtipid sa paggamit ng kuryente sa gitna ng Bagyong Aghon

Posted on: May 29th, 2024 by @peoplesbalita No Comments

NANAWAGAN ang Department of Energy (DOE) sa publiko na magtipid sa paggamit ng kuryente kasunod ng makabuluhang pagbabago ng available power supply sa Luzon sa gitna ng bagyo.

Sa isang virtual press conference, hinikayat ni DOE Secretary Raphael P.M. Lotilla ang lahat na magtipid sa paggamit ng kuryente para mabawasan ang paghahatid ng mas maraming mamahaling oil-based power plants.

Winika pa ng Kalihim na ginagawa ng DOE ang lahat para mapahusay ang power supply para sa mga darating na araw.

“We would like to ask everyone’s cooperation to minimize the use of electricity in Luzon Grid. The typhoon caused substantial decrease in the available power supply in the grid at the time when the hydropower plants have not recovered from low water supply,” ayon kay Lotilla.

“While we look forward to the power supply improving in the coming days, the Department encourages everyone to conserve energy in order to minimize dispatch of the more expensive oil-based power plants,” dagdag na pahayag nito.

Hinikayat din ni Lotilla ang commercial industrial consumers na magpartisipa sa “interruptible load program” kung saan sinabi nito na ang oil-based powerplants ay ginagamit bilang pansamantalang power source sa Luzon grid sa kawalan ng hydro powerplants.

“The oil-based powerplants however, have been useful in so far as providing power to the grid, particularly in the absence of the hydro powerplants. Commercial industrial consumers are being encouraged to continue to participate in the interruptible load program,” aniya pa rin.

Tinuran pa ni Lotilla na ang 1200 MW Ilihan Powerplant ay isinara noong May 25, 2024 dahil sa “disconnection at relocation” nito kasama ang Pagbilao units 1 at 2 (may kabuuang kapasidad na 764MW) at unit 3 na may kapasidad na 420MW.

Isinara rin ang Masinloc 3, na may kapasidad na 335MW, kasama ang San Buenaventura na may kapasidad na 455MW. Ang Botocan, na may kapasidad na 20.8MW, ay itinigil dahil sa bagyo noong nakaraang May 26, 2024. (Daris Jose)

Mura, mabilis na annulment mas bet ni Chiz kesa divorce

Posted on: May 29th, 2024 by @peoplesbalita No Comments

SA HALIP na diborsiyo, nais ni Senate President Francis “Chiz” Escudero na isulong ang mura at accessible na annulment.

“Ang personal stand ko ay ito: mas nais kong palawakin at affordable at accessible ‘yung annulment na nasa family code natin ngayon,” ani Escudero.

Ginawa ni Escudero ang pahayag kasunod ng pag-apruba ng Kamara kamakailan sa ikatlo at huling pagbasa ng panukalang batas na naglalayong gawing legal ang diborsyo sa Pilipinas.

Ayon kay Escudero, ang pagpapabuti sa proseso ng annulment ay maaaring gawin sa iba’t ibang paraan, lalo na sa pagpayag sa mga abogado mula sa Public Attorney’s Office (PAO) na tanggapin ang mga naturang kaso.

Dagdag pa niya, idineklara ng Supreme Court (SC) na hindi na kailangan ng psychologist para patunayan ang psychological incapacity.

Panghuli, ay para sa Kongreso na malinaw na tukuyin kung ano ang maaaring ituring bilang psychological incapacity.

Sinabi ni Escudero na depende pa rin ito dahil hindi pa niya nababasa ang bersyon ng Kamara ng divorce bill at ang divorce ay may “wide spectrum of definitions”.

Nang tanungin tungkol sa tyansa ng panukalang batas sa Senado, sinabi ni Escudero na itinuturing niyang personal na boto ng konsensya ang diborsyo.

Bureau of Quarantine, naka-heightened alert laban sa FLiRT COVID-19 variants

Posted on: May 29th, 2024 by @peoplesbalita No Comments

INATASAN na ni Department of Health Secretary Ted Herbosa ang Bureau of Quarantine na magsagawa ng masinsinang screening sa points of entry para sa mga pasaherong nagmula sa ibang bansa kung saan na-detect ang bagong COVID-19 “FLiRT” variants.

Kaugnay nito, kinumpirma ni Department of Health (DOH) spokesperson Assistant Secretary Albert Domingo na inilagay na ang lahat ng BOQ stations at iba pang mga ahensiya sa heightened alert sa bisa ng BOQ Memorandum No. 2024-48.

Nakasaad din sa naturang memorandum na dapat obserbahan ng publiko ang basic health measures gaya ng regular na paghuhugas ng kamay, tamang pag-ubo, iwasan ang matataong lugar at magkaroon ng contact sa mga taong may flu-like symptoms.

Ayon sa DOH, lahat ng mga rehiyon sa bansa ay nananatiling nasa low risk para sa COVID-19 sa kabila ng naobserbahan na bahagyang pagtaas sa mga kaso kamakailan at namonitor na bagong variants sa ibang mga bansa.

Sa kabila naman ng paglitaw ng bagong variants, sinabi ni Sec. Herbosa na hindi inirerekomenda sa ngayon na magpatupad ng restriksiyon sa biyahe o border control.

Nagpaalala naman ang BOQ sa mga biyahero na kumpletuhin ang health questionnaire sa e-travel app. Inaabisuhan din ang mga mayroong sintomas ng COVID-19 na sumailalim sa home isolation.

Ang KP.2 at KP.3 o mas kilala sa tawag na “FLiRT” covid-19 variants ay under monitoring ng World Health Organization. Ito ay descendants ng JN.1, isang variant of interest na responsable sa pagtaas ng impeksiyon ng naturang virus sa unang bahagi ng 2024. (Daris Jose)

Matagal na pinag-isipan at umabot ng isang taon: LIZA, nagsampa ng 78 counts ng cyber libel case laban sa Pep.ph

Posted on: May 25th, 2024 by @peoplesbalita No Comments

NAGSAMPA na kahapon, May 24 ng 78 counts ng cyber libel case si former FDCP chairperson Liza Diño-Seguerra laban sa entertainment website na Pep.ph at mga taong involved tungkol sa paglabas ng serye ng malicious articles noong 2023.

Sa nilabas na statement ng actress at asawa ni OPM Icon Ice Seguerra…

“In May of last year, I was ambushed as malicious article after malicious article was released attacking everything about who I am – my accomplishments, my leadership, my very person. Hiding behind anonymous sources and twisted facts, these articles didn’t seek to inform, but to damage and destroy me.

“Matagal kong pinag-isipan ito. It took almost a year of endless discussions with my husband and family because this decision is difficult to make. The entertainment industry revolves around public opinion and by doing something like this, people might judge me all over again. Hindi ko alam kung kakayanin ko pa kaya nanahimik na ako. Pero ito ba yung tama? Why am I allowing their false narrative to be the truth when I know my truth. I know THE truth.

“So today, through my legal counsels, I filed 78 counts of cyber libel via 4 complaints at the Office of the Prosecutor of Quezon City against PEP and personalities involved in an attempt to tarnish my reputation by manipulating public opinion. There must be accountability.”

Pagpapatuloy pa niya, “I have decided to fight back and reclaim my name and reputation through a system that is impartial to their great power and influence.

“I refuse to engage in trial by publicity and in fighting dirty. Instead, I place my trust in the justice system and its proper channels.

“Regardless of the outcome, I will rest easy knowing that I stood up for myself and demanded accountability.

“My story continues. I have so much to look forward to and so many people in my life that I cherish, and for that, I am thankful.

“So thank you to everyone who supported me and believed in me all this time.”

Naglabas din ng statement ang lawyer ni Liza na si Atty. Reggie Tongol tungkol sa pagpa-file ng kasong cyber libel…

“Former Film Development Council of the Philippines chairperson Liza Diño has filed four complaints involving seventy-eight (78) counts of cyberlibel against Philippine Entertainment Portal (Pep.ph) editor-in-chief Jo-Ann Maglipon and Pep.Ph news editor and writer Rachelle Siazon over a series of libelous articles posted on the website of Pep.ph in 2023.

“Also impleaded in the complaints are various personalities including actor and former FDCP chairperson Tirso Cruz III and the present chairperson of the FDCP, Jose Javier Reyes for their hand in the actions of Pep.ph against our client. What is obvious is that our client was given by Pep.ph extraordinary special treatment by releasing not one but six articles to form a series of damaging articles in rapid succession.

“This created a sustained negative publicity against our client, which is inconsistent with a good faith effort to inform the public and more aligned with a strategy for character assassination. This is not a work of a truly journalistic endeavor but a work often done by public relations instrumentalities.

“The Office of the City Prosecutor of Quezon City under the helm of Chief Prosecutor Vimar Barcellano will hear the complaints and decide the filing of information in court. Our client is doing this in order to send a message that “the exercise of press freedom must be done consistent with good faith and reasonable care.”This was clearly abandoned by Pep.ph when they wrote and published the subject articles.”

As of writing ay wala bang sagot ang Pep.ph at ito ang ating aabangan sa darating na mga araw.

(ROHN ROMULO)

PBBM, bibisitahin ang Brunei, Singapore sa susunod na linggo

Posted on: May 25th, 2024 by @peoplesbalita No Comments

NAKATAKDANG bumiyahe si Pangulong Ferdinand R. Marcos Jr. tungong Brunei Darussalam para sa isang state visit at Singapore para naman sa defense summit sa susunod na linggo.

Sa press briefing sa Malakanyang, sinabi ni Department of Foreign Affairs (DFA) pokesperson Maria Teresita Daza na nakatakdang bumiyahe sina Pangulong Marcos at Unang Ginang Liza Araneta Marcos sa Brunei mula May 28 hanggang 29 para sa state visit bilang tugon na rin sa imbitasyon ng Kanyang Kamahalan Sultan Haji Hassanal Bolkiah Mu’izzaddin Waddaulah, at pagkatapos ay didiretso naman sa Singapore mula May 30 hanggang 31 para magsalita sa International Institute for Strategic Studies’ (IISS) Shangri-La Dialogue.

Sinabi ni Daza na inaasahan na magkakaroon ang Pangulo ng bilateral meetings sa Brunei Sultanate at bibisitahin ang Filipino community doon.

“While in Brunei, the President will be meeting with His Majesty, the Sultan,” ayon kay Daza sabay sabing “The President will also meet with the Filipino community where he will highlight the contribution of more than 20,000 Filipinos currently residing in Brunei.”

“There will be a business forum where the President will meet with top members of the business sectors to promote trade and investment relations between the Philippines and Brunei Darussalam,” ayon kay Daza.

Aniya pa, ang dalawang bansa ay ‘strong regional partners at miyembro ng Asia-Pacific Economic Cooperation (APEC), Association of Southeast Asian Nations (ASEAN), at Brunei Darussalam–Indonesia–Malaysia–Philippines East ASEAN Growth Area (BIMP-EAGA).

Sa Singapore, sinabi ni Daza na ang Pangulo ay nakatakdang magbigay ng kanyang keynote address, tanda ng pagbubukas ng 21st edition ng IISS Shangri-La Dialogue.

Ang Shangri-La Dialogue ay isang taunang inter-governmental security forum, dinadaluhan ng defense at military officials at eksperto at maging ng mga business leaders para pag-usapan ang mga mahahalagang security challenges sa buong mundo.

“The dialogue will provide a good platform for defense ministers, military chiefs, government officials, and security experts around the world to discuss and address regional and global security challenges,” ayon kay Daza.

Sinabi naman ni Foreign Affairs Office of the Asian Pacific Affairs Assistant Secretary Aileen Mendiola-Rau na ang partisipasyon ni Pangulong Marcos sa summit ay magiging isang “distinct honor,” dahil siya ang magiging kauna-unahang Filipino president na magde-deliver ng kanyang keynote address sa dayalogo.

Sa kabilang dako, makakapulong naman ng Pangulo ang bagong liderato ng Singapore, President Tharman Shanmugaratnam at Prime Minister Lawrence Wong.

Magkakaroon din ang Pangulo ng maikling pagpupulong kasama si dating prime minister at kasalukuyang senior minister Lee Hsien Loong sa sidelines ng Shangri-La Dialogue. (Daris Jose)