• September 2, 2024
  • Search in People's Balita

  • Ang Diyaryong Pinagkakatiwalaan

 

Archive for the ‘News’ Category

‘Conscience vote’ sa divorce bill lalarga sa Senado

Posted on: May 25th, 2024 by @peoplesbalita No Comments

SINIGURO ni Senate President Chiz Escudero na paiiralin sa Senado ang “conscience vote” pagdating sa pagboto sa panukalang diborsyo sa Pilipinas.

 

 

 

Ayon kay Escudero, ang magiging posisyon ng Senado sa divorce bill ay conscience at personal vote at ibabatay sa kung ano ang kanya-kanyang paniniwala at relihiyon ng bawat senador.

 

 

 

Wala rin aniya siyang balak na diinan o diktahan ang mga senador para paboran o tutulan ang panukala.

 

 

 

Subalit kung si Escudero ang tatanungin, hindi diborsyo kundi mas gusto niyang palawakin at gawing abot-kaya at accessible ang annulment sa ilalim ng family code.

 

 

 

Pinuna naman ng Senate President ang boto sa inaprubahang divorce bill sa Kamara na noong una ay 126 ang pabor, 109 ang tutol at 20 ang abstain,subalit kina­launan ay itinama na ang bilang sa 131 ang pabor at pareho pa rin ang numero ng tutol at abstain.

 

 

Subalit maaari naman anya itong gawing basehan ng mga anti-divorce na kongresista para ­kwestyunin ang pagkakapasa ng naturang panukala. (Daris Jose)

PBBM itinalaga si Magno bilang MinDA chair

Posted on: May 25th, 2024 by @peoplesbalita No Comments

ITINALAGA ni Pangulong Ferdinand Marcos Jr., si Presidential Assistant for Eastern Mindanao Leo Tereso Abellera Magno bilang bagong chairman ng Mindanao Development Authority (MinDA).

 

 

Pinalitan ni Magno si Chairman Maria Belen Sunga Acosta.

 

 

Gayunman tumanggi naman si Acosta na iwan ang kanyang posisyon sa kabila ng pagpapalit ng liderato.

 

 

 

Itinalaga ni Pangulong Marcos si Magno bilang MinDA chair noong May 13 at nanumpa sa kanyang tanggapan sa harap ni Executive Secretary Lucas P. Bersamin noong May 21.

 

 

 

Matatandaang, itinalaga ni dating Pangulong Rodrigo Roa Duterte si Acosta noong Enero 2022.

 

 

 

Sinabi ni Acosta na walang komunikasyon mula sa Malakanyang kung bakit siya pinalitan bagaman mayroon siyang security of tenure sa ilalim ng batas.

 

 

 

Nakasaad sa Seksyon 7 ng Republic Act No. 9996, o Mindanao Development Authority Act of 2010 nakasaad na ang Chairperson “shall serve a term of six years from the date of his/her appointment, unless removed for cause.”

 

 

 

“The post of Secretary and Chairperson of the Mindanao Development Authority (MinDA) is not officially vacant. Hence, a replacement is not warranted,” ang sinabi nito sa kanyang official statement noong May 20.

 

 

 

Winika nito na wala siyang kinahaharap na anumang administrative o criminal charges at hindi kailanman napatunayang guilty sa anumang krimen.

 

 

 

Sa kabilang dako itinalaga ng Chief Executive si Magno bilang Cabinet Officer for Regional Development and Security (CORDS) for Southern Mindanao noong nakaraang taon.

 

 

 

Layon ng CORDS sa bawat rehiyon ay naglalayon na palakasin at palawakin ang Inisyatiba “to foster peace, unity, and effective governance in rural areas.”

 

 

 

Samantala, sinabi naman ni Bersamin kay Acosta na

 

 

“I need to stress that your replacement was effective and valid on the assumption of your successor in office on May 21, 2024. Your term of office was terminated for cause due to the loss of trust and confidence in you on the part of the appointing power.”

 

 

Tinuran ni Bersamin na ang posisyon ng chairman ng MinDA ay isang tanggapan na may Cabinet rank na ang “duties and responsibilities” kabilang na ang pamamahala sa implementasyon ng Mindanao-wide at Mindanao-specific inter-regional programs, tinipon ang BIMP-EAGA Advisory Board, at pinayuhan ang Pangulo ukol sa Mindanao-related matters. (Daris Jose)

Makipag-ugnayan, maghanda para sa La Niña

Posted on: May 25th, 2024 by @peoplesbalita No Comments

IPINAG-UTOS ni Pangulong Ferdinand Marcos Jr. sa mga kinauukulang ahensiya ng gobyerno at local government units (LGUs) sa Maguindanao province na makipag-ugnayan at maghanda para sa La Niña phenomenon.

 

 

Sa naging talumpati ng Pangulo sa isinagawang pamamahagi ng presidential assistance sa mga magsasaka at mangingisda sa Maguindanao del Sur, sinabi ng Punong Ehekutibo na ang paghahanda para sa panahon ng tag-ulan ay makatutulong para mapagaan ang epekto ng pagbaha sa mga residente ng lalawigan.

 

 

”Ngayon, papalapit na tayo sa buwan ng Hunyo, inaasahan natin na huhupa na ang matinding init, ngunit mapapalitan naman ito ng matinding pag-ulan,” ayon kay Pangulong Marcos.

 

 

“‘Kaya naman, inaatasan ko ang lahat ng mga ahensya ng gobyerno na ipagpatuloy ang pakikipag-ugnayan, lalong-lalo na sa mga LGU, bilang [paghahanda] para sa darating naman na La Niña,” dagdag na wika nito.

 

 

Sa kabilang dako, ginarantiya naman ni Pangulong Marcos sa publiko na nakahanda ang gobyerno na tugunan ang posibleng epekto ng La Niña sa mga susunod na buwan.

 

 

Sinabi pa ng Chief Executive na ang long-term flood control solution ay kailangan para tugunan ang epekto ng weather phenomenon.

 

 

Ang La Niña ay isang penomenong pangkaragatan at panghimpapawid na karapatan ng El Niño bilang bahagi ng mas malawak na gawi o padron ng klimang El Niño. (Daris Jose)

190K HCWs ang kailangan para mapunan ang patlang sa healthcare system sa Pinas

Posted on: May 23rd, 2024 by @peoplesbalita No Comments

MAY kabuuang 190,000 healthcare workers ang kailangan para mapunan ang puwang sa healthcare system sa Pilipinas.

 

 

Sa press briefing sa Malakanyang, sinabi ni Health Secretary Teodoro Herbosa na tinalakay niya ang bagay na ito kay Pangulong Ferdinand Marcos Jr., sa sectoral meeting araw ng Miyerkules,

 

 

”We will need the human resources, so we saw the gap. Prinesent ko sa presidente na we [need to] have about 190,000 to actually fill-in the gaps of our health care system – that’s with the net flow ‘no, iyong mga nag-migrate at iyong mga nag-OFW plus iyong nagga-graduate from our schools,”ayon kay Herbosa.

 

 

Aniya, magpapatuloy ang pagha-hire ng mga medical practitioners.

 

 

Sinabi pa rin niya na mayroong scholarship programs para sa mga nagnanais na makakuha ng career o karera sa medical field.

 

 

”So, tuloy-tuloy na iyong programa na iyan ano because most of them are… have gotten scholarship through the private sector – iyong members ng PSAC, Private Sector Advisory Council for Health and may mga nakapasa na actually eh,” aniya pa rin.

 

 

”So, may mga na-enroll na diyan, may nakapasa na and some of them I think a 140 plus and they’re now hired as nurses kasi pasado na,” ayon sa Kalihim.

 

 

Sa kabilang dako, sa isinagawang sectoral meeting, binigyang diin ni Pangulong Marcos ang kahalagahan ng National Human Resources Master Plan 2020-2024 gaya ng “human resources at preventive healthcare, BUCAS Centers o Bagong Urgent Care and Ambulatory Services, korporatisasyon ng tertiary hospitals, at pamumuhunan sa kalusugan ng mga kababaihan.

 

 

Winika pa ni Herbosa na pinag-usapan din nila ang reporma na nais na ipatupad ni Pangulong Marcos sa healthcare system.

 

 

”It focused really on… emphasis on primary care. We talked about how the idea of we’re spending a lot of money on improving a lot of our specialty hospitals but a lot of the diseases that Filipinos die from are actually preventable if we have good primary care services at the local level,” ang pahayag ni Herbosa. (Daris Jose)

Pinas nakapagtatala ng 55 kaso ng HIV kada araw-Sec Herbosa

Posted on: May 23rd, 2024 by @peoplesbalita No Comments

TUMAAS ang bilang mga bagong kaso ng human immunodeficiency virus (HIV) sa Pilipinas.

 

 

Sa katunayan, nakapagtatala ang departamento ng 55 bagong kaso ng HIV kada araw.

 

 

”We have about 59,000 people living with HIV… That’s still low for a country with 110 million. But ang ating mataas is new cases, 55 new cases a day, highest in the world. That’s why we need to stop,” ayon kay Health Secretary Teodoro Herbosa sa press briefing sa Malakanyang.

 

 

Tinuran pa rin ng Kalihim na nakipagpulong siya kay Vice President at Education Secretary Sara Duterte para pag-usapan ang pangangailangan na turuan ang mga kabataan ukol sa HIV.

 

 

Pinag-usapan naman aniya ng departamento ang pagbibigay ng pangkaraniwang HIV services sa pangkalahatang pangunahing helath care facilities sa bansa.

 

 

Winika nito na makatutulong ito para pangalagaan ang bilang ng HIV infections sa bansa.

 

 

“The data we have shows the way for what we do. Better health literacy including age- and culture-appropriate information and commodities for safe sex, routine HIV testing at primary care, and early access to antiretrovirals are clear directions to take,” ang sinabi ni Herbosa sa isang kalatas.

 

 

Tinukoy ang data mula sa HIV & AIDS at antiretroviral therapy (ART) Registry of the Philippines (HARP), sinabi ng Department of Health (DOH) na nakapagtala ang Pilipinas ng 3,410 bagong kaso ng HIV mula Enero hanggang Marso 2024 na may 82 na napaulat na nasawi.

 

 

Sa mga kaso naman ngayong taon may 1,224 ang naitala para sa buwan ng Marso lamang na mayroong 12 ang nasawi kung saan ang edad ay mas mababa sa 1 taon hanggang 55 taong gulang na mayroong panggitnang edad na 28 taong gulang. (Daris Jose)

PBBM, FL Liza nag-host ng casual dinner sa mga senador at asawa ng mga ito

Posted on: May 23rd, 2024 by @peoplesbalita No Comments

ISANG CASUAL DINNER ang inihanda ng First Couple na sina Pangulong Ferdinand Marcos Jr. at Unang Ginang Louise ”Liza” Araneta-Marcos sa mga senador at asawa ng mga ito sa Bahay Pangulo, Martes ng gabi matapos ang pagbabagong bihis sa liderato ng Senado.

 

 

 

Sa katunayan nag-post ang Unang Ginang ng larawan sa Instagram na may caption na, ”Had a nice time breaking bread with the Senators & their spouses.”

 

 

Ipinost din ng Unang Ginang ang kahalintulad na larawan sa Facebook na may caption na, “Casual dinner with the Senators & their spouses, Bahay Pangulo, Manila.”

 

 

 

Makikita sa larawan sina newly elected Senate President Francis ”Chiz” Escudero, Senators Robin Padilla, Alan Peter Cayetano, Francis Tolentino, Raffy Tulfo, Sherwin Gatchalian, Mark Villar, Jinggoy Estrada, Grace Poe, Cynthia Villar, Loren Legarda, at Pia Cayetano.

 

 

Sa mga dumalo sa pulong, tanging sina Gatchalian at Legarda ang hindi sumuporta para patalsikin bilang Senate president si Juan Miguel Zubiri.

 

 

Sa ulat, inihalal ng mga senador nitong Lunes ang kanilang kasamahan na si Francis “Chiz” Escudero bilang bagong Senate President, kapalit ng “heartbroken” na si Juan Miguel Zubiri, na iginiit na prinotektahan niya ang pagiging independent ng Senado.

 

 

 

Matapos ang talumpati ni Zubiri para ihayag ang kaniyang pagbibitiw bilang lider ng Senado, iminungkahi ni Sen. Alan Peter Cayetano sa plenaryo si Escudero na maging bago nilang lider, na sinang-ayunan naman ng mayorya.

 

 

Ginawa ni Escudero ang panunumpa bilang bagong Senate President kay Sen. Mark Villar, na siya namang pinakabatang miyembro ng kapulungan.

 

 

Kasama ni Escudero sa panunumpa ang kaniyang asawa na si Heart Evangelista.

 

 

Sa kanyang pahayag matapos ang oath-taking, pinasalamatan ni Escudero si Zubiri sa pagmamahal nito sa bayan at sa Senado bilang isang institusyon.

 

 

 

“My hats off to you, Senate President Zubiri. I salute you and I hope I will make you proud. You especially among all our other colleagues and hopefully, you will not leave my side whenever I ask for guidance, whenever I ask for help and whenever I ask for your wisdom. Mas malayo po at mas marami kayong alam sa akin lalo na bilang taga-pangulo ng Senado,” ayon kay Escudero.

 

 

Tiniyak ni Escudero na walang mangyayaring pagkakahati-hati sa Senado sa kabila ng pagbabago sa liderato.

 

 

“Walang my team, walang your team para sa akin. Walang SP Migz, wala ring Chiz para sa akin. Ang tingin ko sa bawat isa sa atin ay mga miyembro ng nag-iisang Senado. At kung may kulay man tayong dadalhin, para sa akin, ang mga kulay na yan ay dapat sumasagisag as bandila ng Pilipinas na nagkataon lamang na nasa likod at nasa harap natin ngayon,” dagdag niya. (Daris Jose)

PBBM inaprubahan ang July 29 na pagbubukas ng klase

Posted on: May 23rd, 2024 by @peoplesbalita No Comments

BILANG tugon sa mga alalahanin ng publiko ukol sa iskedyul ng mga klase, inaprubahan ni Pangulong Ferdinand R. Marcos Jr. na simulan na ang pagpapanumbalik sa school calendar ng bansa sa ‘traditional arrangement.’

 

 

Dahil dito ang pagbubukas ng klase para sa school year 2024-2025 ay magsisimula sa Hulyo 29 ngayong taon at magtatapos sa Abril 15, 2025.

 

 

Sisimulan na nito ang unti-unting pagbabalik ng school year sa Hunyo ng bawat taon at magtatapos naman sa buwan ng Marso ng susunod na taon.

 

 

Nauna rito nagpulong sa Palasyo ng Malakanyang sina Pangulong Marcos at Vice President at Education Secretary Sara Duterte para talakayin ang dalawang opsyon para sa implementasyon ng School Year (SY) 2024-2025 calendar bilang paghahanda sa pagbabago sa lumang ‘June to March school calendar.’

 

 

Sa kabilang dako, sa sectoral meeting kay VP Sara sinabi ng Pangulo sa DepEd na simulan na ang pagbabago ng standard school calendar days sa pamamagitan ng SY 2024 hanggang 2025.

 

 

Inilatag naman ni VP Sara ang dalawang opsyon sa Pangulo para sa sinasabing school calendar shift.

 

 

Ang unang opsyon ay binubuo ng 180 school days na mayroong 15 in-person Saturday classes habang ng pangalawang opsyon naman ay magkaroon ng 165 school days subalit wala ng in-person Saturday classes.  Kapwa naman, ang dalawang opsyon ay magtatapos ang school year sa Marso 31, 2025.

 

 

Iyon nga lamang sinabi ng Pangulo na ang 165-day school calendar ay “too short” at mababawasan sa nasabing arrangement  ang bilang ng school days at contact time na maaaring makompromosio ang kalalabasan o resulta ng pag-aaral.

 

 

Ayaw din ng Pangulo na magpunta pa ang mga estudyante sa eskuwelahan kapag araw ng Sabado para makumpleto ang 180-day school calendar dahil “it will jeopardize their well-being and demand more resources.”

 

 

Bilang isang kompromiso, sinabi ng Pangulo na sa halip na matapos sa Marso 31, 2025, dapat na lamang na I-adjust ng DepEd SY ang pagtatapos sa Abril 15, 2025 upang makayanan ng mga estudyante na makompleto ang 180 days na hindi na gagamitin pa ang araw ng mga Sabado para pumunta sa eskuwelahan.

 

 

“Habaan lang natin ‘yung school days. Para matagal, dagdagan na lang natin ‘yung school days basta huwag natin gagalawin ‘yung Saturday . So, school day will remain the same. Standard lang,” ang sinabi ni Pangulong Marcos kay VP Sara sa naturang pagpupulong.

 

 

Sinabi naman ni VP Sara na nakonsulta na nila ang mga guro , school officials, at magulang pagdating sa panukalang school calendar. (Daris Jose)

Detention ng foreign nationals na magte-trespass sa WPS, inconsistent sa UNCLOS -DFA

Posted on: May 22nd, 2024 by @peoplesbalita No Comments
ITINUTURING ni Foreign Affairs Secretary Enrique Manalo na ‘inconsistent’ sa United Nation Convention on the Law of the Seas (UNCLOS) ang regulasyon ng Tsina na nagbibigay kapangyarihan sa coast guard nito (Tsina) para i- detain ang sinumang foreign nationals na magte-trespass sa West Philippine Sea (WPS).
Sa isang panayam, tinanong kasi si Manalo kung ano ang magiging reaksyon nito sa sinabi ng Tsina na ang Pilipinas ay mayroong malisyosong interpretation sa bagong regulasyon ng Tsina sa rehiyon.
”Why would… they announced it, it was quite clear so, I mean, what’s malicious to it…” ayon kay Manalo.
”We have to see what will happen but obviously whatever they said, if that’s correct, is inconsistent with UNCLOS,” ang sinabi pa ni Manalo.
Hindi naman nagdagdag pa ng kahit na anong detalye si Manalo sa usaping ito.
Nauna rito, mariing kinondena ni Pangulong Ferdinand Marcos Jr. ‘detainment order.’ Para sa Pangulo ang nasabing aksyon o hakbang ay “would be completely unacceptable to the Philippines.”
Para naman kay dating Senate president Juan Miguel Zubiri, ilegal sa ilalim ng UNCLOS ang bagong regulasyon ng Tsina para sa I-detain ang sinumang foreign nationals dahil sa trespassing sa rehiyon.
Sinabi ni Zubiri na ang “UNCLOS provides for free and open access to all ships passing through South China Sea, which includes areas that fall under the Philippine Exclusive Economic Zone.”
Samantala, sinabi ng Beijing na ang kontrobersiyal na regulasyon nito, magiging epektibo sa Hunyo, ay nagbibigay kapangyarihan sa China Coast Guard na maaaring mag-detain ng mga trespassers ng mahigit sa 60 araw. (Daris Jose)

Zubiri, tuluyan nang bumaba sa pwesto bilang pangulo ng Senado

Posted on: May 22nd, 2024 by @peoplesbalita No Comments
Tuluyan nang bumaba sa pwesto si Senador Juan Miguel “Migz” Zubiri bilang Senate President. 
Ito mismo ang kinumpirma ni Zubiri, ngayong araw, Mayo 20, sa kanyang huling privilege speech bilang lider ng Senado.
Samantala, matapos magbigay ng valedictory speech ni Zubiri at magpasalamat sa kanyang mga kasamahan sa Senado, hinalal ni Senador Alan Peter Cayetano si Senador Francis “Chiz” Escudero bilang bagong pangulo ng Senado at wala namang tumutol dito.
Matapos nito ay kinumpirma din si Senador Escudero bilang bagong lider ng Senado.
Pinangunahan ni Senador Mark Villar ang panunumpa kay Escudero kasama ang kanyang maybahay na si Heart Evangelista.
Bukod naman kay dating Senate President Zubiri, nagbitiw na rin sa pwesto ang ilang mga senador kabilang sina dating Majority Leader Joel Villanueva, Senate President Pro Tempore Loren Legarda, Nancy Binay bilang chairman ng Committee on Accounts, Tourism at Ethics, Sonny Angara bilang chairman ng Finance at Youth, at Senador JV Ejercito bilang Deputy Majority Leader.
Hindi naman lumagda si Senador Ronald “Bato” dela Rosa at Sherwin Gatchalian para mapatalsik si Zubiri bilang lider ng Senado.
Labing apat naman na mga senador ang bumotong pabor upang maging Senate President si Senador Escudero.
Samantala, kanina rin sa plenaryo, nanumpa si Senador Jinggoy Estrada bilang bagong Senate President Pro Tempore at Senador Francis Tolentino bilang bagong Majority Floor Leader ng Senado.
Tiniyak naman ni Senador Escudero, bilang bagong Senate President ng bansa, na maipagmamalaki ang kanyang gagawing pamumuno sa Senado at kokonsultahin pa rin niya si Zubiri dahil mas malawak aniya ang karanasan nito sa pamumuno sa Senado.  (Daris Jose)

Pang. Marcos tiniyak ang suporta kay Senate President Chiz Escudero

Posted on: May 22nd, 2024 by @peoplesbalita No Comments
Tiniyak ni Pang. Ferdinand Marcos Jr ang kaniyang suporta sa bagong Senate President na Sen. Chiz Escudero.
Ayon kay Pangulong Marcos, ang legislative record ni Escudero at ang kaniyang commitment sa public service ay patunay na isa siyang dedicated leader.
Pinuri naman ng Pangulo si Senator Migz Zubiri sa kaniyang liderato sa Senado.
Kumpiyansa naman si Pangulong Marcos na sa liderato ni Escudero ipagpapatuloy nito ang pagbibigay prayoridad sa mga transformative na mga batas upang makamit ang mga ninanais na pagbabaho para sa bansa sa ilalim ng Bagong Pilipinas.
Kahapon bumaba sa pwesto si Sen. Migz Zubiri bilang Senate president kung saa n pinalitan siya ni Escudero.
“I extend my support to the new Senate President, Chiz Escudero. His legislative record and commitment to public service have distinguished him as a dedicated leader. Senator Chiz steps into this role following the commendable tenure of Senator Migz Zubiri, and I am confident that under his leadership, the Senate will continue to prioritize transformative laws to achieve our shared vision for a Bagong Pilipinas,” pahayag ni Pang. Ferdinand Marcos Jr.
Aminado si Senador Juan Miguel Zubiri, masama ang kanyang loob kasunod ng kanyang pagbibitiw bilang senate president.
Tinanong din si Zubiri kung sino ang tinutukoy niyang makapangyarihan na hindi raw niya sinunod kaya kinailangan niyang mag-resign.
Hindi naman sinagot ni Zubiri kung ang pagdinig sa PDEA leaks ang siyang naging dahilan sa kaniyang pagbibitiw. (Daris Jose)
People's Balita.
All rights reserved. © Copyright 2024.