News Archive - People's Balita

September 1, 2024
Search in People's Balita
Ang Diyaryong Pinagkakatiwalaan

Archive for the ‘News’ Category

Pagcor, kinumpirma na si Harry Roque ang legal head ng na-raid na POGO sa Porac Pampanga

Posted on: July 11th, 2024 by @peoplesbalita No Comments

PINANGALANAN na ni Pagcor Chairman Alejandro Tengco ang dating cabinet official na umano’y nag-ayos para mabigyan ng lisensya ang iligal na Philippine Offshore Gaming Operators (POGO) na sinalakay ng mga awtoridad at sangkot sa mga krimen.

Sa pagdinig ng Senate Committee on Women and Children, binanggit ni Tengco ang pangalan ni dating Presidential Spokesperson Harry Roque na nag-lobby para sa POGO hub na Lucky South 99 sa Porac, Pampanga na ni-raid ng mga awtoridad.

Isinalaysay ni Tengco na noong ikatlong linggo ng Hulyo taong 2023 nakatanggap ang Pagcor ng tawag mula kay roque kung saan humingi ito ng appointment sa kanya.

Nagtungo aniya sa kanyang opisina si Roque noong Hulyo 26 ng parehong taon kasama si Katherine Cassandra Ong, na authorize representative ng Lucky South 99.

Ayon kay Tengco, kasama niyang nakipag-usap kina Atty Roque si Atty. Jessa Fernandez and namumuno ng Gaming and Licensing Division ng Pagcor.

Nakiusap aniya si Roque na tulungan si Ong dahil mayroon silang arrears o utang ang kanilang kompanya na 500,000 US Dolar dahil niloko daw sila ni Dennis Cunanan kung saan hindi ibinayad sa Pagcor para sana sa gaming fees at ibang additional fees.

Si Cunanan aniya ang nag-facilitate ng mga dokumento ng licensees na Lucky South 99 at si Cunanan din aniya ang opisyal na kinatawan ng naturang POGO hub na nakarehistro sa Pagcor kaya ganon na lamang ang tiwala nito kay Cunanan.

Samantala, sinabi pa ni fernandez, na kasama ni tengco sa pagpupulong, anim na beses siyang nakipag-ugnayan kay Roque para sundan ang application ng lisensya ng lucky south 99. Ngunit parehong nilinaw nina Tengco at Fernandez na hindi sila pinilit ni Roque na ibigay ang lisensya sa nasabing POGO firm.

Ayon kay Tengco, pinangalanan si Roque bilang head ng legal department ng Lucky South 99 batay sa organizational chart ng POGO firm na isinumite para sa kanilang muling pag-apply ng lisensya.

Sinabi ni Fernandez na tinanggihan ang application ng lisensya ng lucky south 99 dahil nakakita sila ng mga dahilan upang hindi sila pagbigyan.

Noong Hunyo, ibinunyag ni Tengco, ngunit hindi nito pinangalanan, na may isang dating cabinet official ang nag-lobby para sa pagbibigay ng lisensya sa ilang ilegal na POGO. (Daris Jose)

Hamon ni PBBM kay Quiboloy: “Magpakita ka at harapin ang akusasyon laban sa iyo!”

Posted on: July 11th, 2024 by @peoplesbalita No Comments

HINAMON ni Pangulong Ferdinand Marcos Jr. si Kingdom of Jesus Christ founder Pastor Apollo Quiboloy na lumutang, magpakita at matapang na harapin ang akusasyon na ibinabato laban sa kanya.

Sa isang ambush interview, hiningan ng reaksyon si Pangulong Marcos ukol sa pagkuwestiyon ng kampo ni Quiboloy sa motibo ng mga indibiduwal na nag-alok ng P10 milyong pabuya para ituro ang kinaroroonan ng Pastor.

Sinabi ng Pangulo na sinusunod lamang nila ang batas sabay buweltang pag-kuwestiyon din sa motibo ng kampo ni Quiboloy.

“He can question their motives as much as they want. But magpakita siya. I question his motives. Let me question his motives,” ang sinabi ng Pangulo.

“Bakit lagi kami kinukuwestiyon? Sinusundan lang namin ang batas. Sundin din niya ang batas. ‘Yun lang,” aniya pa rin.

Sa ulat, inakusahan ng sexual at child abuse si Quiboloy.

Ayon sa Department of Justice (DOJ), si Quiboloy ay nahaharap sa mga kasong paglabag sa Section 5(b) ng Republic Act No. 7610 (Other Sexual Abuse), na nakapokus sa proteksiyon ng mga kabataan laban sa pang-aabuso, exploitation, at diskriminasyon.

May karagdagan pa umanong kaso sa ilalim ng Section 10(a) ng nasabi ring batas (Other Acts of Child Abuse) ang isinampa laban kay Quiboloy, at kina Jackielyn W. Roy, Cresente Canada, Paulene Canada, Ingrid C. Canada, at Sylvia Cemanes.

Inendorso naman ng Davao City Prosecutor’s Office ang reklamo para sa Qualified Trafficking in Persons sa DOJ main office. (Daris Jose)

Payo ni VP Sara sa mga aspiranteng mamamahayag: ‘Never assume, don’t lie’

Posted on: July 10th, 2024 by @peoplesbalita No Comments

PINAYUHAN ni Vice President at outgoing Education Secretary Sara Duterte ang mga estudyante na nais na maging journalists o mamamahayag sa hinaharap na huwag mag-ulat ng kahit na anuman na hindi totoo o fake news.

Sa opening ceremony ng National Schools Press Conference (NSPC) sa Carcar City, Cebu, direktang nanawagan si VP Sara sa mga nagpartisipa na kanyang inilarawan bilang “future award-winning journalists.”

“Never print or post or circulate something that you know is not the truth. Huwag ninyong gawin na sirain ang buhay ng ibang tao, sirain ang imahe ng iba’t ibang organisasyon o mga tao sa alam niyong hindi totoo,” ayon kay VP Sara.

Pinayuhan din niya ang mga aspiring journalists na huwag mag-assume ng kahit na anuman kapag gumagawa na sila ng kanilang mga report.

“Kapag opinyon ninyo ang sinusulat ninyo, never assume anything. Huwag niyong ipaghalo ang assumption at opinyon. Magkaibang bagay ‘yun,” aniya pa rin.

Umaasa rin si VP Sara na ang mga nagpartisipang estudyante na magiging ‘journalists’ sa hinaharap ay mananalo hindi lamang local kundi maging international awards din.

Ang NSPC, naglalayong i-promote ang ‘fair and ethical use’ ng media bilang ‘tenets of responsible journalism’ ay nagsimula nang isagawa, araw ng Lunes, Hulyo 8 hanggang Hulyo 12, 2024.

Hangad ng komperensiya na ipakita sa mga nagsilahok ang ‘understanding of journalism’ sa pamamagitan ng ‘skillful execution’ sa iba’t ibang plataporma gaya ng print, broadcast, at online; at kilalanin ang papel ng isang mamamahayag sa pagtataguyod para sa ‘social consciousness at environmental awareness.’ (Daris Jose)

P10-M alok para sa pag-aresto kay Quiboloy

Posted on: July 10th, 2024 by @peoplesbalita No Comments

INANUNSIYO ni Department of Interior and Local Government (DILG) Secretary Benhur Abalos na mayroong pabuyang P10 milyon sa sinumang makakapagturo para tuluyang maaresto si Kingdom of Jesus Christ (KOJC) leader Apollo Quiboloy.

Dagdag pa ng kalihim na mayroon ding tig P1-milyon na pabuya sa tatlong kasamahan ni Quiboloy sa kaso na sina Cresente Canada, Paulene Canada, Ingrid Canada, Jackielyn Roy at Sylvia Cemañes.

Ang nasabing mga indibidwal ay nahaharap sa kasong child abuse, exploitation at qualified trafficking without bail.

Giit ni Abalos na dapat harapin na lamang ni Quiboloy ang kaniyang kaso at huwag na itong magtago sa kamay ng batas. (Daris Jose)

Bigas, mas magiging mura ng P5 kada kilo na may tapyas sa taripa -Recto

Posted on: July 10th, 2024 by @peoplesbalita No Comments

IGINIIT ni Finance Secretary Ralph Recto na ang bagong polisiya ng gobyerno sa pagbabawas sa taripa sa imported rice ay maaaring makapagpababa sa retail price ng bigas ng P5 kada kilo.

“This, in turn, could ease inflation further,” ayon kay Recto.

Sa pagsasalita sa Economic Forum na inorganisa ng Economic Journalists Association of the Philippines at San Miguel Corp, sinabi ni Recto na layon ng Executive Order sa pagbabawas sa taripa imported rice ay tugunan ang kasalukuyang rice-driven inflation dahil sa tumataas na presyo sa global market.

“By slashing the tariff on imported rice from 35 percent to 15 percent, we anticipate an average of 10 percent reduction in retail prices for the rest of the year. This could lower the price of rice by at least P5 per kilo from an average of P54.40 per kilo last June, prices could go down to below P50 as early as August,” ang sinabi ni Recto.

Iniulat din nito na nito lamang nakaraang buwan ng Hunyo, “the rice accounted for 53.5 percent of the overall inflation for average consumers, while it is 79.6 percent for those in the bottom 30 percent of households.”

Gumaan naman ang Inflation noong Hunyo sa 3.7% sa loob ng 2 hanggang 4 na porsyentong target ng gobyerno.

Samantala, sinabi naman ni Bangko Sentral ng Pilipinas Governor Eli Remolona na ang presyo ng bigas ang dahilan ng inflation simula pa noong Agosto 2023.

Sinabi ni Remolona na noong 2022, ang pinakamalaking dahilan ng inflation ay enerhiya kabilang na ang ‘utilities and transport’ at matapos ang ilang buwan, ito naman ay dahil sa ‘food and non-alcoholic beverages hindi pa kasama ang bigas. Nang tumuntong na aniya ang buwan ng Agosto ng nakaraang taon, ang bigas na ang nag-take over’ sa dahilan ng inflation at sa kasalukuyan ay nananatiling nangunguna na dahilan ng inflation.

“The roles of the different components changed over time. That’s the nature of supply-driven inflation. This is why we think the non-monetary measures that the government has put in place are so helpful,” ayon kay Remolona.

Sa kabilang dako, Idinagdag naman ni Recto na ang bagong polisiya ay tugon ng pamahalaan sa tumataas na presyo ng bigas, naniniwala siya na walang TRO o temporary restraining order laban sa EO gaya ng nais ng ilang grupo.

“The EO will lead to revenue losses for the government amounting to P9.2 billion pesos for the rest of the year, but that the welfare of households is important,” ayon kay Recto.

“They have more to spend on other things. It’s like a wage increase, but not inflationary,” dagdag na wika ang Kalihim sa posibleng pagbabawas sa presyo ng bigas. (Daris Jose)

Binay inireklamo na sa Ethics si Cayetano

Posted on: July 10th, 2024 by @peoplesbalita No Comments

PORMAL nang naghain ng reklamo si Sen. Nancy Binay laban kay Sen. Alan Peter Cayetano nitong Lunes sa Senate Committee on Ethics and Privilege.

Partikular na inireklamo ni Binay ang pagtawag sa kanya ni Cayetano ng ‘marites’, isang popular na tawag ng mga Filipino sa mga tsismosa.

Binanggit din ni Binay ang akusasyon sa kanya ni Cayetano na nanggugulo sa pagdinig ng Senate committee on accounts tungkol sa mga isyu na may kinalaman sa New Senate Building.

Inilagay din ni Binay sa kanyang reklamo ang pagtawag sa kanya ni Cayetano ng “buang.”

“Paulit-ulit na tayo kanina pa na P21.7 billion. Nabuang ka na ‘day,” sinabi ni Cayetano kay Binay sa pagdinig.

Sinabi ni Binay na maliwanag sa Senate Rules na ituturing na “unparliamentary” ang paggamit ng mga nakakasakit na mga pananalita laban sa kapwa senador o anumang public institution.

Nilabag umano ni Cayetano ang Section 93 at 94 ng Rule 34 na nagbabawal sa paggamit ng unparliamentary act at languages sa pamamagitan ng kanyang mga statements sa public hearing noong Hulyo 3, 2024 at Republic Act No. 9710 o Magna Carta of Women.

Nauna rito, sinimulan ni Cayetano ang pag-iimbestiga sa New Senate Building matapos ipag-utos ni Senate President Francis “Chiz” Escudero ang pagrepaso sa halaga ng konstruksyon nito, na sinasabing aabot sa mahigit na P23 bilyon.

Sa panayam, sinabi ni Binay na hindi na niya papalampasin ang mga banat sa kanya ni Cayetano.

“Hindi lang ito tungkol sa akin. Nanay ako. May mga anak ako at alam ko ang mga pinagdaanan ng mga bata noong tinitira niya ‘yung pamilya ko noong 2015 and parang during this time, I cannot let it pass anymore,” ani Binay. (Daris Jose)

PSA magsisimulang mangolekta ng data sa Hulyo 15 para sa 2024 census

Posted on: July 10th, 2024 by @peoplesbalita No Comments

NAKATAKDANG mag-deploy ang Philippine Statistics Authority (PSA) ng 70,000 enumerators sa iba’t ibang bahagi ng bansa para mangolekta ng impormasyon kaugnay sa populasyon ng bansa at listahan ng mga benepisaryo ng ‘social protection initiatives.’

Sinabi ng PSA na ang enumeration period ay opisyal na magsisimula sa susunod na Lunes, Hulyo 15, 2024, matapos ipag-utos ni Pangulong Ferdinand Marcos Jr. ang census update sa listahan ng mga beneficiary ng social protection programs ng gobyerno.

Ang inisyatiba ay gagawin sa pamamagitan ng Community-Based Monitoring System (CBMS) ng PSA, na isasama sa Census of Population (POPCEN) bago pa ang original na iskedyul sa 2025.

“Data derived from this activity will serve as our nation’s driving force, fueling the government’s social and economic development plans, policies, and programs that would benefit every Filipino,” ayon kay national statistician Claire Dennis Mapa.

“It’s a cost-efficient strategy, and we, at the PSA, remain committed to our mission to deliver relevant and reliable statistics to stakeholders,” aniya pa rin.

Ayon sa PSA, ang data mula sa POPCEN-CBMS ay magsisilbi bilang basehan para sa target na buong pamilya sa pagpaplano, pagbalangkas at implementasyon ng mga programa at proyekto na naglalayong bawasan ang kahirapan sa bansa.

Noong nakaraang Nobyembre, si Pangulong Marcos, sa pamamagitan ni Executive Secretary Lucas Bersamin ay nagpalabas ng Memorandum Circular 40 kung saan inaprubahan ang Philippine Population and Development Plan of Action (PPD-POA) para sa 2023 hanggang 2028.

Nakasaad sa circular na ang PPD-POA ay magsisilbi bilang ‘overall blueprint’ para sa inter-agency collaboration sa pagsisikap na “to optimize demographic opportunities” at tugunan ang nananatiling mga hamon sa populasyon. (Daris Jose)

Finnish envoy, pinasalamatan si PBBM sa muling pagbubukas ng PH embassy sa Helsinki

Posted on: July 10th, 2024 by @peoplesbalita No Comments

PINASALAMATAN ni Outgoing Finnish Ambassador Juha Markus Pyykkö si Pangulong Ferdinand R. Marcos Jr. para sa muling pagbubukas ng Philippine embassy sa Helsinki, Finland ngayong taon.

Sa kanyang farewell call kay Pangulong Marcos sa Palasyo ng Malakanyang, araw ng Lunes, nagpahayag ng matinding kagalakan si Pyykkö sa muling pagbubukas ng Philippine Embassy sa Finnish capital.

“I’m extremely happy that the Philippines is reopening in Helsinki. So, thank you for that. It’s very, very interesting,” ang sinabi ni Pyykkö kay Pangulong Marcos, ayon sa ipinalabas na news release ng Presidential Communications Office (PCO).

Para naman sa Pangulo, mahalaga na muling mabuksan ang Philippine Embassy sa Helsinki dahil mas mapalalakas nito ang relasyon sa pagitan ng Pilipinas at Finland, na itinatag noong Hulyo 14, 1955.

“It will be beneficial not only for the two countries but “for everyone else,” ayon sa Chief Executive.

“These relationships provide us a solid footing in terms of our relationships around them with not only amongst ourselves, but [also] with other countries,” ang winika ni Pangulong Marcos.

Sa ulat, isinara ang Philippine Embassy sa Helsinki noong Oktubre 2012.

Inaprubahan naman ng Senado ang muling pagbubukas nito sa isinagawang budget hearing noong Nobyembre 2022.

Bukod kay Pyykkö, nagkaroon din ng farewell call si Irish Ambassador William John Carlos kay Pangulong Marcos, araw ng Lunes sa Palasyo ng Malakanyang.

Sinabi ni Carlos na mahirap para sa kanya na iwan ang bansa lalo pa’t ‘attached’ na siya sa pagiging hospitable ng mga filipino at sa mayamang kultura ng bansa.

“[What] I like about here as well is the accessibility of the people. And the humor, it’s something that we connect with,” ayon kay Carlos.

“There’s a lot of connection between my country and your country. There’s a growing relationship between Ireland and the Philippines,” dagdag na pahayag ni Carlos.

Sinabi naman ni Pangulong Marcos na masaya siya na malaman na nagkaroon ng ‘wonderful stay’ si Carlos sa bansa at nagawa nitong bisitahin ang Ilang lugar sa Pilipinas.

Samantala, naitatag naman ang diplomatic relations ng Pilipinas at Ireland noong July 1984. (Daris Jose)

Utang ng bansa, lumobo pa sa P15.35T

Posted on: July 8th, 2024 by @peoplesbalita No Comments

INIULAT ng Bureau of Treasury na lumobo pa ang utang ng Pilipinas sa P15.35T as of May ng kasalukuyang taon.

Ayon sa ahensya, ang kabuuang utang ay tumaas ng P330.39 bilyon o katumbas ng 2.2 percent sa katapusan ng April 2024.

Ito ay dahil na rin sa epekto ng pagbaba ng halaga ng local currency sa valuation ng foreign-currency denominated debt.

Nakapagtala rin ang bansa ng year-on-year na pagtaas sa utang nito na aabot sa 8.4 percent.

Batay sa kabuuang debt stock ng national government, 31.96 percent ang external debt habang 68.04 percent ang domestic debt.

Ang domestic debt level sa katapusan ng buwan ng Mayo na P10.44 trilyon ay mas mataas ng 1.3 percent kumpara sa katapusan ng Abril.

Paliwanag ng BTr na ang pagtaas ay nagresulta mula sa P131.66 bilyong net issuance ng government securities at P2.68 bilyong epekto ng peso depreciation sa foreign-currency denominated domestic debt.

Samantala, ang local debt ng bansa ay pumalo sa pagtaas ng 8.9 porsiyento noong Mayo.

Tumaas rin ang external debt ng gobyerno sa P4.9 trilyon na mas mataas ng 4.2 porsiyento kumpara sa pagtatapos ng buwan ng Abril.

Ang external debt naman ay tumaas ng 7.4 porsyento sa year on year na batayan.

PBBM saludo, pinuri ang tropa ng pamahalaan sa Mindanao para sa paghina ng Abu Sayyaf

Posted on: July 8th, 2024 by @peoplesbalita No Comments

PINURI ni Pangulong Ferdinand R. Marcos Jr. ang tropa ng pamahalaan sa Mindanao para sa matagumpay na pagpapahina sa banta na bitbit ng Abu Sayyaf Group (ASG) at iba pang kaaway ng estado sa lalawigan.

Kasabay nito, nanawagan ang Pangulo sa Armed Forces of the Philippines (AFP) na huwag maging kampante dahil hindi pa tapos ang misyon na ganap na wawasak sa kalaban ng gobyerno.

“I have to congratulate all of you who have worked to achieve this success, who have worked very hard and have made many sacrifices so that we can now say that the capabilities of the main threat, which is the ASG, have been severely reduced,” ayon kay Pangulong Marcos sa kanyang naging pagbisita sa headquarters ng 11th Infantry Division (ID) sa Camp Teodulfo Bautista sa Jolo, Sulu.

“Now, that does not mean that the mission is over. As you can imagine, mayroon pa diyan na papasok na baka gustong mag-organize ulit kaya’t kailangan pa rin nating bantayan,” ayon sa Pangulo.

Bilang Commander-in-Chief, sinabi ng Pangulo na ipinabatid sa kanya ng military command sa Sulu ang ‘very constant drop’ sa “kakayahan ng mga rebelde, manpower, at bilang ng mga armas na nasa pangangalaga ng mga ito.’

“Ang assessment na nga ay ‘yung threat is only from individual actors. Wala na silang units na gumagalaw as a unit. They are … basically (neutralized)… We have dismantled their machinery for causing, for bringing terror,” aniya pa rin.

Ipinaalam din sa Pangulo ang tungkol sa lumiliit na banta ng ibang teroristang grupo.

“We also spoke briefly about the continuing threat of outside terrorist groups coming in, ‘yung mga Al-Qaeda inspired, ‘yung mga ISIS-inspired na dating nakikita nating pumapasok dito ay mukha namang hindi na … tayo masyadong nate-threaten tungkol sa ganyang klase,” pag-uulat ng Chief Executive.

Binanggit din ng Pangulo ang paglipat ng AFP sa external defense sa gitna ang umuusbong na regional threats partikular na sa West Philippine Sea (WPS).

Sinabi pa niya na ginagawa na ng gobyerno ang organizational change, lalo na ang paglikha ng task force na mayroong maritime force at Navy. Layon nito na paigtingin ang presensiya ng Philippine Coast Guard at bantayan ang lugar.

“(I)to ‘yung mga gagawin natin para maging mas secure tayo lalong-lalo na dito sa area ninyo dahil I’m sure that there are many, many instances na mayroon tayong report na mga dumadaan na barko,” ang sinabi ni Pangulong Marcos sa mga tropa.

“So, we just have to keep vigilant and to continue to watch what is going on and to make sure that namo-monitor natin lahat ng nangyayari,” dagdag na wika ng Pangulo. (Daris Jose)