Good news to all Kapuso travel enthusiasts! Resident Biyahero Drew Arellano goes on a new adventure as GMA Public Affairs’ long-running travel show “Biyahe ni Drew” airs on GMA starting August 3.

On this new journey, Drew invites celebrities and personalities to join him on his travel adventures. From trying out thrilling activities to sampling local delicacies, the award-winning host and his guests are bound to experience the joy of traveling around the Philippines.

With Drew’s signature humor and the show’s stunning visuals, viewers are guaranteed a good time in each and every episode. Furthermore, biyaheros are set to experience each travel destination as if they are actually on a trip while staying at home.

For the show’s first episode on GMA, Binibining Pilipinas 2022 1st Runner Up Herlene Budol tours Drew around her home province of Rizal. A proud Rizaleña, she challenges Drew to a gulaman-making contest in the local market. They also try making one of Rizal’s delicacies – the mouth-watering kumanoy. And for the first time, Herlene gamely joins Drew on an off-road adventure.

Get your travel fix with “Biyahe ni Drew” every Saturday starting August 3, 4:45 p.m. on GMA and Kapuso Stream. Biyahe ni Drew still airs every Sunday on GTV at 8:45 p.m.

(ROHN ROMULO)

PINURI ng netizens ang gumanap na batang Barbie Forteza sa epic-serye ng GMA na ‘Pulang Araw’ na si Cassy Lavarias.

Bukod daw kasi sa hawig nito si Barbie, nagpakita rin ng husay sa pag-arte ang 11-year old child actress sa unang episode pa lang. Na-capture nga raw nito ang character ni Adelina na dumaan sa maraming pagsubok sa buhay.

Ito ang second time na gumanap si Cassy na batang Barbie. Nauna ay sa ‘Maging Sino Ka Man’ last year.

Nagsimula sa pag-arte si Cassy nung 6-years old siya.

Una siyang lumabas sa teleserye na Magkaagaw bilang anak nila Jeric Gonzales at Klea Pineda. Nasundan ito ng Nakarehas na Puso, Maging Sino Ka Man at Stolen Life.

First movie naman ni Cassy ay ang ‘Mallari’ ni Piolo Pascual.

***

INAMIN ni Kapuso Global Fashion Icon Heart Evangelista na hindi niya kakayaning mabuhay kung wala ang kanyang asawa na si Senator Francis “Chiz” Escudero.

“Yes, because it’s a cruel world. Ayan nanaman ako, cruel, it is, it’s a mean world and without Chiz, I don’t know how I will survive because he’s my everything. Of course, God’s my everything naman. Mauna na lang talaga ako.”

Kuwento ni Heart tungkol sa kalusugan ni Chiz: “He’s very good, he’s super good now. He had an episode. I mean it was an episode, it was a scary episode, but it was a wake-up call for all of us to just really make sure that health is wealth, I mean it is. And now, he’s doing very good. Everything is perfect. And I make sure na perfect kasi if he goes, I go. If you jump, I jump, I swear. Ako na lang mauna, hindi ko talaga kaya. Hindi ko talaga kaya, hindi talaga.”

Bilang presidente naman ng Senate Spouses Foundation Inc., sey ni Heart na nangangapa pa siya.

“It’s very tough. It’s also very tough for me because I have a lot of questions, I don’t know what to do, I’m scared, but ayoko din naman siyang abalahin pa so I just have to trust my intuition and my heart that I mean well and I’ll do my best.”

***

AFTER 30 years ay nagkaroon ng reunion ang ilan sa cast ng hit US TV drama series ng ‘90s na ‘Melrose Place.’

Unang umere in 1992 ang ‘Melrose Place’ na tungkol sa buhay ng iba’t ibang young adults sa isang apartment complex sa West Hollywood. Nagtapos ang series in 1999.

Sa naganap na podcast reunion, nagkita muli sina Courtney Thorne-Smith (Alison), Daphne Zuniga (Jo), Laura Leighton (Sydney) and Grant Show (Jake). Pinanood nila ulit ang seven seasons ng MP at pinagtawanan na lang nila ang kanilang pag-arte sa iba’t ibang episodes. May ibang episodes naman daw na hindi na nila matandaan na ginawa nila.

Ang iba pang nakasama sa cast ng MP ay sina Heather Locklear, Marcia Cross, Kristin Davis, Jack Wagner, Thomas Calabro, Andrew Shue, Josie Bissett, Doug Savant, Vanessa A. Williams, Amy Locane, Janet Caroll, Beata Pozniak, Patrick Muldoon, Lisa Rinna, Rob Estes, Kelly Rutherford and Alyssa Milano.

(RUEL J. MENDOZA) 

PATULOY ngang nadaragdagan ang mga endorsement ni Kapuso Primetime Queen Marian Rivera dahil bukod sa isa siyang A-lister celebrity, siya ang kasalukuyang Box-Office Queen dahil sa isang bilyong pisong kinita ng ‘Rewind’ nila ng mister na si Dingdong Dantes nitong Disyembre 2023.

Kaya naitanong naman Marian kung nabibilang pa ba niya ang mga napakaraming ineendorsong produkto?

Kamakailan kasi ay inilunsad siya bilang celebrity Ambassador ng Nekocee Vitamin C. Na sinubukan daw muna niyang i-take, at ngayon ay ginagamit na ng pamilya niya, dahil ganun na lang ang tiwala niya sa produkto.

“Thank you Lord! Oo naman,” sagot ng aktres.

“Kapag naiisip ko nga iyan sinasabi ko, ‘Thank you Lord sa lahat ng blessings talaga.’

“Sobrang grateful ako sa anumang nangyayari sa buhay ko at forty this coming August.”

Mahirap paniwalaan na kuwarenta na nga siya sa Agosto 12.

“Okay lang, wala namang masama sa pagiging forty tapos may dalawang anak pa ako.”

At sa edad niya ngayon may mahihiling pa ba siya?

“Actually ang lahat naman ng ito ay ginagawa ko, and for sure ito rin ang sasabihin ni Dong, na para sa mga anak namin. Siguro bonus na lang para sa aming mag-asawa. “Pero bilang isang magulang wala ka namang gusto at hangad mo sa mga anak mo na maging maganda ang buhay nila.”

Nabanggit na rin ni Marian na ang bago niyang pelikula na “Balota” ay isa rin sa mga katuparan ng mga nais niyang magawa sa buhay.

“At personally parang nasagot na iyan ng Balota, e. Sa ginagawa ko in showbiz, soap opera, pelikula, parang hindi ako nabigyan ng chance na makalabas sa box ko o roon sa comfort zone ko.

“And dahil sa Balota nabigyan ako ng chance na ibigay baga sa akin ang hindi ko pa nagagawa.

“Dahil dito no filter talaga. Kasi, hitsura, lines, lahat talaga raw. As in deglamorized siya sa pelikula.

“Iyon nga ang gusto ko para something new naman for me. Gusto ko talaga na something na hindi ko pa nagagawa. So ito iyon, nagawa ng Balota.”

Samantala, puring-puri si Marian ng may-ari ng NekoCee na si Kath Melendez.

Lahad ng businesswoman,“Everytime na nakikita ko si Miss Marian, nai-starstruck talaga ako. Natutulala ako sa kanya. Kaya nagpapasalamat talaga ako sa kanya na pinagkatiwalaan niya kami, na tinanggap niya ang product namin.

“Alam naman natin si Miss Marian, na very professional siyang magtrabaho, na isinasapuso talaga niya ang work niya. Na kapag kaya talaga niya, ginagawa talaga niya.

“Kaya sobrang salamat sa pag-accept sa amin.”

(ROMMEL L. GONZALES)

MULI ngang lumitaw ang posibilidad daw na pagtakbo bilang Senador ni Kapuso Primetime King Dingdong Dantes para sa darating na mid-term elections sa 2025.

Tuloy-tuloy pa rin kasi ang pagtulong ni Dingdong at ng asawa nitong si Marian Rivera lalo na nung katatapos na mga nasalanta ng Habagat at Bagyong Carina, na kung saan namigay sila ng higit 700 relief packs.

Siyempre isang reservist ng Navy si Dingdong kaya tumulong ang aktor.

In fairness, pasok sa survey si Dingdong among sa mga senatoriables.

Matatandaang nauna nang napag-usapan ang tungkol sa pagkandidato ni Dingdong kasama ang dalawa pa niyang kapuwa artista na sina Vice Ganda at Angel Locsin na sinasabing pantapat daw sa magkakapatid na Duterte na muling tatakbong senador.

***

MARAMI ang interesadong malaman kung ano na raw ang estado ng lovelife ng tinaguriang Asia’s Multi media Star na si Alden Richard.

Sa interbyu kay Alden ng King of Talk Boy Abunda sa programang “Fast Talk with Boy Abunda” ay hindi deretsahang sinagot si Kuya Boy hinggil dito.

Pero may pangako ang best aktor ng 40th Star Awards for Movies.

“Honestly naman I enjoying my time. Pero….ito na lang, just to settle this question. Magpapa-presscon ako, pag mag-aannounce na ako officially kung sino ang aking makaka-partner,” seryosong saad ng sikat na Kapuso aktor.

Dagdag pa ni Alden, na tatlong taon mula ngayon ay gusto na raw niyang lumagay sa tahimik.

Pinagpiyestahan pa rin naman hanggang ngayon ang patuloy na pagkaka-link sa “Hello, Love, Again” co-star niyang si Kathryn Bernardo, na kagagaling lang sa failed relationship last year.

Pero wala pa silang inilalabas na ano mang pahayag tungkol sa real-score sa kanila maliban sa makahulugang, “what you is what you get” na sinabi ni Alden sa isang panayam.

“She’s more mature now. She’s very much excited to try new things kaya nakakatuwa na sa proseso na yun magkasama kami, of course, while doing this film.” kuwento pa rin nj Alden.
Nasa Canada sina Alden at Kathryn para sa shooting ng “Hello, Love, Again”.

Ayon kay Alden, excited siya sa sequel na ito ng “Hello, Love, Goodbye”, na kumita ng PHP880 worldwide gross noong 2019.

Ito ang highest grossing Filipino film bago ito napalitan ng 2023 Metro Manila Film Festival entry na “Rewind.”

Samantala si Alden nga ang tinanghal bilang Movie Actor of the Year para sa “Five Breakups and a Romance” at ka-tie niya si Dingdong Dantes para sa naman sa “Rewind”.

Labis ang pasasalamat ni Alden sa karangalang naipagkaloob sa kanya ng PMPC at Star Awards for Movies.

(JIMI C. ESCALA)

SA isang umpukan ng mga kasamahang kagawad ay napadako ang usapan namin sa mga taga-showbiz na possible pumalaot sa pulitika.

Siyempre sa Maynila ay andyan at nag-iikot na sa Tondo anak ni Yorme Isko Moreno na si Joaquin Domagoso.

May mga pangalan pang lumutang pero hindi pa sila nagpaparamdam.

Isa sa matunog na pangalan na tatakbo raw bilang Vice Mayor ay ang aktres na si Gretchen Barretto. Makakalaban ng dating aktres kung sakali ay ang kasalukuyang bise alkalde at aktor na si Yul Servo.

İsa pa rin sa makakatapat ng dalawa ay si Ali Atienza na anak ng dating mayor na si Lito Atienza.

Si Yul ang bise ng incumbent mayor Honey Lacuna, Ali naman ang bise ng nagbabalik na si Yorme Isko Moreno at si Gretchen daw ay ka tiket ng isang independent candidate.

Matindi rin ang bakbakan para sa congressman, siyempre nangunguna pa rin sa survey si Cong. Ernix Dionisio ng first district.

***

PINAGPIPIYESTAHAN pa rin hanggang ngayon ang viral video ni Mark Anthony Fernandez.

Hindi pa man nakapagbigay ng paliwanag o reaksiyon ang aktor tungkol dito ay lumabas naman na meron din daw na mas interesting paanoorin.

Ito ay ang video scandal daw ni Aaron Villaflor.

Sabi nga may lumabas na meme na puro kayo Mark Anthony Fernandez, hindi n’yo pa nakikita ‘yung kay Aaron Villaflor?

Ano yun?

Ano nga na ang meron kay Aaron? Mas kagulat-gulat kaya ito kaysa ginawa ni Mark?

Ang kulang lang siguro ay may showbiz family tree si Mark na wala si Aaron.

Teka, nasaan na ba si Aaron? Relevant pa ba siya? Baka kaya may something?

(JIMI C. ESCALA)

INAMIN ng dance teacher and choreographer Georcelle Dapat-Sy na hindi pa sila nagkakausap ulit ni Sarah Geronimo.

Ayon sa founder ng G-Force: “No, we have not. You know, I’ve done a lot of collaborations with Sarah Geronimo, and those are treasured collaborations. I am very thankful. I am very blessed for all the collabs that we’ve done. So, I wish her all the best, and I hope that she wishes all the best also for my team.”

Naging malaking bahagi ng career ni Sarah si Georcelle for 16 years. Naging choreographer ito ni Sarah sa mga concerts at sa music videos. Huling collaboration nila ay sa music video na “Tala”.

Noong mag-celebrate si Sarah ng kanyang 20th anniversary noong 2023, wala roon si Georchelle.

Ang naging dahilan ng falling out daw nila ni Sarah ay ang “artistic differences”.

***

NAGING traumatic man ang experience ng GMA weather reporter at ‘Unang Hirit’ host na si Anjo Pertierra sa nakaraang Bagyong Carina, unti-unti na raw itong nakaka-recover.

Kabilang si Anjo sa mga residenteng inilikas ng search and rescue team matapos malubog sa tubig-baha ang maraming lugar sa Marikina City.

Sa kabila ng nangyari kay Anjo, nagawa pa rin nito na mag-report sa trabaho para makapahatid ng latest update sa kalagayan ng panahon noong araw na iyon.

Sa Facebook post ng GMA Public Affairs noong July 25, 2024, makikita ang mga litrato ng Kapuso host habang nasa background niya ang Marikina River.

Kinuwento ni Anjo sa Unang Hirit ang nangyari sa kanya nang pasukin na ng baha ang kanyang bahay. Napakabilis daw ng pagpasok ng baha sa kanyang kuwarto sa basement at hindi na niya mabuksan ang pinto nito dahil sa dami ng tubig sa loob at sa tindi ng water pressure.

Kaya wala siyang nasalbang gamit, maliban sa apat na T-shirt. Pati ang sasakyan niya sa labas ng bahay ay nalubog sa baha.

Sa pamamagitan ng paddle boat at mga rescuers ay naligtas siya at ang iba pang residente sa kanilang lugar.

Paniniwala naman ni Anjo na pagsubok lang ang nangyari at mababawi niya ang iba pa ang mga nawala sa kanila.

***

PAGKATAPOS na magpaalam bilang Iron Man, balik sa Marvel Cinematic Universe si Robert Downey Jr. bilang si Doctor Doom.

Ni-reveal ito sa naganap na San Diego Comic-Con. Lalabas si Doctor Doom sa Avengers: Doomsday in 2026 at Avengers: Secret Wars in 2027.

Post ng aktor sa Instagram: “New mask, same task.”

Nag-retire si RDJ bilang Tony Stark/Iron Man in 2019 sa Avengers: Endgame. In March 2024, nagwagi si RDJ ng kanyang first Oscar award as Best Supporting Actor para sa Oppenheimer.

(RUEL J. MENDOZA)

NAG-VIRAL ang performances nina Celine Dion at Lady Gaga sa opening ceremony ng Paris 2024 Olympics.

Si Lady Gaga ang nagbukas ng ceremony with a rendition of Zizi Jeanmaire’s “Mon Truc En Plumes” habang nasa stairs ng Seine River. Surrounded by pink feathers, Lady Gaga kicked on a chorus line and played on a piano.

Si Celine naman ang nag-close ng opening ceremony performing “L’Hymne à l’amour” by the French singer Édith Piaf, from a stage at the base of the Eiffel Tower.

Nag-perform din sa opening ceremony ang French-Malian pop star Aya Nakamura.

Kabilang ang 22 athletes mula sa Pilipinas na pumarada sa sarili nilang yacht along the Seine River. Sinuportahan sila ng maraming Pinoy na naka-base sa France at iba pang bansa sa Europe.

***

SUMAMA ang ilang Sparkle artists sa ‘Operation Bayanihan’ na isinagawa ng GMA Kapuso Foundation (GMAKF) para sa mga kababayang apektado ng matinding pagbaha dulot ng habagat at Super Typhoon Carina noong Huwebes, July 25.

Kabilang sina Rocco Nacino, Lexi Gonzales, Ysabel Ortega, Shuvee Etrata, Kim Perez, Elijah Alejo, Ashley Ortega, Mariane Osabel, Faith Da Silva, Jayson Gainza at Olive May sa Sparkle artists na nag-volunteer sa Tandang Sora warehouse.

Nag-volunteer naman sa Unang Hirit Studio, na isa sa relief drive locations ng Kapuso Network, sina Angel Leighton, AZ Martinez, Kaloy Tingcungco, at Saviour Ramos. Kasama naman ni Shaira Diaz ang kanyang co-host sa Unang Hirit na si Suzie Entrata-Abrera na namahagi ng relief goods para sa mga pamilyang pansamantalang lumikas sa evacuation center sa Brgy. San Juan, Taytay, Rizal.

Inanunsyo rin ng Sparkle GMA Artist Center sa kanilang social media accounts na ang proceeds at donations galing sa GMA Gala ay mapupunta sa mga nasalanta ng Super Typhoon Carina in coordination with GMA Kapuso Foundation.

Sa mga gusto pang magpadala ng tulong, maaaring mag-deposit sa official bank accounts ng GMA Kapuso Foundation o magpadala sa Cebuana Lhuillier. Pwede ring online via GCash, Shopee, Lazada, at Metrobank Credit Cards. Para sa kumpletong detalye, bisitahin ang www.gmanetwork.com/kapusofoundation/donate.

***

HINDI makapaniwala ang Sparkle hunk na si Raheel Bhyria na ang unang movie niya na ‘Balota’ ay official entry sa 2024 Cinemalaya.

“Every time na naiisip ko ‘yun na parang… sobrang blessed ko lang na napasama ako sa Balota kasi si Direk Kip Oebanda, napakagaling, working with Ms. Marian Rivera, ang dami ko pong natutunan. So ayun, just blessed,” sey ni Raheel na unang pinakilala bilang isa sa Sparkada ng Sparkle GMA Artists Center noong 2022.

Lumabas na ang 22-year old Fil-Pakistani sa mga Kapuso shows na Luv Is: Caught In His Arms, Abot-Kamay Na Pangarap, Zero Kilometers Away, Magpakailanman at Daig Kayo Ng Lola Ko.

(RUEL J. MENDOZA)

KINAKILIGAN ng netizens ang naging komento ni Jericho Rosales sa IG post ni Janine Gutierrez tungkol sa latest movie na ipalalabas sa Venice Film Festival.

Ayon sa The 6th EDDYS Best Actress, “Super dream come true – our film, Lav Diaz’s Phantosmia, will premiere at this year’s La Biennale di Venezia. Sooooo grateful and happy and honored to be part of this film!!!

“Venice has always been a dream and I’m just, again, so grateful to the Lavteam and to everyone else who’s trusted me enough to cast me in their films and series.”

Pagpapatuloy pa ni Janine, “All I’ve ever wanted is to make good projects and I’m just so thankful that all the work has led me here, part of another story that showcases our Filipino filmmaking to the world. Thank you thank you thank you.”

Makikita sa post ang black and white still photo at iba pang inpormasyon sa pagpapalabas ng pelikulang dinirek ni Lav Diaz.

At ang naging comment ni Jericho ay, “I am over the moon for you! Ihanda na ang bangka at sagwan!

“Congratulations!!! Mabuhay kayo at ang Lavteam!”

Three red heart emoji naman ang sagot ng aktres, na kinakiligan nga ng netizens.

Ilan sa komentong nabasa namin…

“@jerichorosalesofficial hoping samahan si Janine sa Venice hehe.”

“@janinegutierrez kinikilig aq sa inyo ni Echo.”

“Ayyy, may papuso. Ok lang sa amin basta happy ka, happy rin kami for you. Yun ang gusto namin na lagi kang happy.”

“Sana all, bagay kayo kau idol. Ligawan mo na, single naman c Janine. Parehas kau single.”

Naku, may katotohanan kaya na may nabubuo na raw na magandang relasyon sa dalawa?

Anyway, maraming mga artistang bumati kay Janine at isa na rito si Ms. Charo Santos-Concio at comment pa niya, “Savor the moment!”

Congrats and goodluck Janine!

***

NGAYONG hapon (Hulyo 29), mapapanood na on-air at online ang first digital documentary program mula sa award-winning group ng GMA Public Affairs – ang “Kara Docs,” kasama ang beterano at premyadong dokumentarista na si Kara David.

Bibigyang-mukha ng “Kara Docs” ang mga makabuluhang istatistika ukol sa mga isyung panlipunan sa pamamagitan ng mismong pakikisalamuha ni Kara sa mga tao at komunidad na sangkot sa usapin.

Ito ay koleksyon ng mga maiikling dokumentaryo, na naglalayong magbigay-liwanag sa mga napapanahong isyu ngayon. Ipapasilip ang ilang tagpo dito sa Unang Hirit habang ang buong episode nito ay ia-upload sa YouTube channel ng GMA Public Affairs sa ganap na ika-5 p.m.

Kilala si Kara sa kanyang mga dokumentaryong nakakaapekto at nakapagpapabago ng buhay. Para sa unang pagtatanghal ng “Kara Docs”, magtutungo si Kara sa Sitio Iligan kung saan ang mga residente rito, wala pa ring kuryente.

Sa kabila ng makabagong teknolohiya, may ilang lugar pa rin sa bansa na kailangan pang maglakad sa mabato at maputik na bundok at sumakay ng bangka para lang makapag-charge ng kanilang mga cellphone.

Si July na isang katutubong Dumagat ang madalas maatasang mangolekta ng mga cellphone sa kanilang komunidad sa Sitio Iligan para maki-charge sa ibaba ng bundok.

Kahit maputik ang daan pababa at kakailanganin pang sumakay ng bangka at motorsiklo, sinisikap ni July na magampanan ang kanyang tungkulin sa kanilang sitio. Nakiki-charge sila sa isang bahay sa kabilang barangay na ang kuryente ay binabayaran ng gobyerno.

Ang bagong panganak namang si Anne, hindi rin hinahayaang ma-lowbatt ang kanyang cellphone at powerbank. Ito raw kasi ang nagsisilbi niyang ilaw sa mga gabing siya ay nagbabantay sa kanyang anak. Nakaabang din siya sa mahahagip na signal at sa tawag ng kanyang asawang nagtatrabaho sa malayong lugar.

Bakit nga ba wala pa ring kuryente sa Sitio Iligan?

Iyan ang tatalakayin ni Kara David sa “Sitio Lowbatt,” ang unang pagtatanghal ng “Kara Docs”.

Mapapanood ang ilang tagpo nito sa “Unang Hirit” habang ang full episode nito ay mapapanood sa hapon, 5PM, sa GMA Public Affairs Youtube Channel (https://www.youtube.com/gmapublicaffairs).

(ROHN ROMULO)