NAKATAKDA nang dalhin ni Jerson Cabiltes ang kanyang coaching skills sa collegiate ranks.

Ito ay matapos siyang hirangin bilang bagong head coach ng Emilio Aguinaldo College Generals sa NCAA men’s basketball kapalit ni Oliver Bunyi.

Ang appointment kay Cabiltes ay dumating ilang linggo matapos lumutang ang kanyang pangalan sa bakanteng De La Salle University Green Archers.

Si Cabiltes ay naging two-time MPBL champion coach kasama ang Nueva Ecija Rice Vanguards, isang two-time Filbasket champion sa Manila at Nueva Ecija, at isang beses na VisMin Super Cup champion sa Basilan. (CARD)

KUNG ang Thailand Ladies Professional Golf Association Qualifying School first round lang ang batayan, hinog na nga si Lois Kaye Go para umakyat sa pro.

Kumakasa silang dalawa ni ICTSI (International Container Tereminal Services, Inc.) 9th Ladies Philippine Golf Tour 2022 three-leg winner Harmie Nicole Constantino sa mga binirang three-under 69 para humanay sa pampito kasama ang apat na Thai Miyerkoles ng hapon sa Watermill Golf Club and Resort sa Nakhon Nayok Province, Thailand.

Nadapa sa pagtatapos si Go, miyembro ng PH team na sumungkit ng gintong medalya sa Indonesia 18th Asian Games 2018 at PH 30th Southeast Asian Games 2019, tapos makaapat na birdie para sa respetadong umpisa sa three-day elims.

Nakatatlong bridie si Constantino para gaya ni Go limang palo lang ang maiwan ng maagang lider na si Thai amateur Achiraya Sriwong. (CARD)

Halos abot na ni LeBron James ang NBA career scoring record ni Kareem Abdul-Jabbar. At ngayon, nalampasan na naman niya si Abdul-Jabbar sa isa pang pahina ng All-Star record book.

Inanunsyo si James noong Huwebes (Biyernes, oras sa Maynila) bilang NBA All-Star sa ika-19 na pagkakataon, ang star ng Los Angeles Lakers na tumabla kay Abdul-Jabbar para sa pinakamaraming karangalan sa kasaysayan ng liga.

Si James — ang nangungunang overall vote-getter — ang magiging kapitan ng isa sa mga team para sa Peb. 19 All-Star Game sa Salt Lake City, habang ang Eastern Conference voting leader na si Giannis Antetokounmpo ng Milwaukee Bucks ay magiging kapitan sa kabilang panig.

Ito ang ikaanim na taon na ginamit ng NBA ang captain format para sa All-Star Game; Si James ay naging isang kapitan sa bawat oras at hindi kailanman natalo, kumuha ng 5-0 record sa taong ito.

Si Antetokounmpo ay isang kapitan sa pangatlong pagkakataon, pagkatapos ding makuha ang karapatan na iyon noong 2019 at 2020.

Pipili sina James at Antetokounmpo ng kanilang mga koponan ilang sandali bago ang laro sa Salt Lake City, isang bagong inihayag na twist at isang pag-alis mula sa mga nakaraang taon kung saan ang mga kapitan ay pumili ng isang linggo o dalawa bago ang All-Star weekend.

Ang iba pang walong starters na pipiliin nila, maliban sa anumang pagbabago dahil sa injury bago pa man, ay sina: Denver’s two-time reigning NBA MVP Nikola Jokic, NBA scoring leader Luka Doncic ng Dallas, Golden State’s Stephen Curry, Boston’s Jayson Tatum, Brooklyn teammates Sina Kevin Durant at Kyrie Irving, Donovan Mitchell ng Cleveland at Zion Williamson ng New Orleans.

Makakasaman si Joel Imbiid sa kanyang pangatlong East frontcourt Antetokounmpo, Durant at Tatum.

Ang mga starters — tatlong manlalaro sa frontcourt at dalawang guwardiya mula sa bawat kumperensya — ay pinili sa pamamagitan ng kumbinasyon ng tatlong magkakaibang boto: binibilang ang fan balloting para sa 50%, ang media balloting ay nagkakahalaga ng 25% at ang pagboto ng mga manlalaro ng NBA ay bumubuo sa huling 25%.

Napili ang mga reserba sa pamamagitan ng mga boto mula sa mga coach ng liga, ay iaanunsyo sa Peb. 2.

Kabilang sa mga manlalarong tiyak na dapat bigyang pansin: Damian Lillard ng Portland, Shai Gilgeous-Alexander ng Oklahoma City, Jaylen Brown ng Boston at Bam Adebayo ng Miami.

Si James ay 157 puntos ang layo mula sa karera ni Abdul-Jabbar na may kabuuang 38,387 puntos. Sa kanyang kasalukuyang average na 29.9 puntos bawat laro, kakailanganin ni James ng higit sa limang laro upang masira ang rekord – at, kung hindi siya makaligtaan ng anumang mga laro sa pansamantala, ay magiging mabilis na maipasa si Abdul-Jabbar sa isang Peb. home game laban sa Oklahoma City. (CARD)

Inatasan ang Stabilization Committee  ng World Aquatics (dating FINA) Bureau na mangasiwa sa swimming sa Pilipinas sa pagsasagawa ng open tryout para matukoy ang komposisyon ng koponan na pupunta sa 2023 Cambodia SEA Games.

Nakatakda ang tryout sa Pebrero 18 at 19 sa New Clark City Aquatics Center sa Capas, Tarlac.

Isang direktiba ng FINA na may petsang Disyembre 3, 2022 ang nag-utos sa pagbuo ng Stabilization Committee matapos nitong bawiin ang pagkilala nito sa Philippine Swimming Inc.

Bubuuin ang Stabilization Committee nina Philippine Olympic Committee (POC) legal head lawyer Wharton Chan at deputy secretary general Valeriano “Bones” Floro at Bases Conversion Development Authority senior vice president Arrey Perez.

“Mangangasiwa ang Stabilization Committee at mamamahala sa mga qualifier o tryout na bukas sa lahat ng mga atleta, club at stakeholder,” sabi ni Floro sa isang press release na ipinamahagi sa media noong Huwebes.

Ang mga tryout ay sa swimming, diving at water polo — na nasa programa ng Cambodia SEA Games na nakatakda sa Mayo 5 hanggang 17.

Sinabi ni Floro na isasagawa ang qualifying tournament ayon sa SEA Games technical handbook.

Kabuuang 20 event ang paglalabanan sa swimming, dalawa sa water polo (lalaki at babae) at ang indibidwal na 3-meter springboard at platform para sa mga lalaki at babae sa diving.

Ang mga kaganapan sa paglangoy ay panlalaki at pambabae freestyle (50m, 100m, 200m, 400m, 800m at 1,500m); backstroke (50m, 100m at 200m); breaststroke (50m, 100m at 200m); butterfly (50m, 100m at 200m); indibidwal na medley (200m at 400m); freestyle relay (4x100m at 4x200m) at freestyle (women’s 800m at men’s 1,500m); at 4×100 meters medley relay para sa mga lalaki, babae at mixed team. (CARD)

IBINUHOS ni Jamaal Franklin ang pitong tres tungo sa pagtatala ng kabuuang 42 puntos na nagbitbit sa Converge FiberXers sa ikalawang sunod na panalo sa pagpapalasap ng 130-115 kabiguan kontra Terrafirma Dyip sa PBA Governors Cup kagabi sa PhilSports Arena sa Pasig.

Nagdagdag pa si Franklin ng 11 rebounds, 8 assists, 1 steal at 1 block kahit na dalawang beses pa lamang itong nag-ensayo para sa Converge na pansamantalang binitbit ang solong liderato sa pagsungkit sa ikalawang sunod nitong panalo.

“I was able to get into the details of the system in that two days of practice and we seriously put on it those details that give us the win,” sabi lamang ni Franklin.

Tumulong naman sina Maverick Ahanmisi na may 16 puntos, 9 rebounds, 2 assists, 2 steals at 1 block, habang si Justin Arana ay may 15 puntos, 6 rebounds, 1 assist at 1 block.

Isang tres ni Maverick sa 7:24 minuto ng huling yugto ang nagbigay sa Converge ng 110-94 abante.

Itinala ng Converge ang 13-puntos na bentahe sa 2:58 minuto ng ikatlong yugto mula sa kumpleto na 3-point play ni Franlklin, 97-84, matapos na ibuhos ang walang sagot na 10-0 atake.

Nagawang iwanan ng FiberXers ang Dyip sa ikatlong yugto sa pagbuhos ng kabuuang 32 puntos, kumpara sa 21 lang ng Terrafirma. (CARD)

Sinimulan ni Pinoy pole vault sensation EJ Obiena ang kanyang 2023 indoor season na may silver medal finish sa Internationales Springer-Meeting sa Cottbus, Germany.

Ang Olympic pole vaulter ay nakakuha ng 5.77 meters na nagtapos bilang isang runner-up habang nanguna ang American na si Sam Kendricks sa torneo na may 5.82m sa isang pagtatangka lamang.

Sinubukan ni Obiena na lampasan ang record na itinakda ni Kendricks ngunit hindi niya naabot pagkatapos ng tatlong pagtatangka.

Si Ben Broeders ng Belgium naman ay pumangatlo na may 5.72 meters record.

Sa ngayon, magkakaroon muli ng abalang taon si Obiena para sa kanyang matinding paghahanda para sa 32nd Southeast Asian Games sa buwan ng Mayo na gaganapin sa Cambodia. (CARD)

Nagbitiw na bilang coach ng University of Santo Tomas Growling Tigers si Bal David.

Kasunod ito sa iisa lamang ang panalo ng Growling Tigers at 13 talo noong nakaraang UAAP Season 85 na siyang unang pagkakataon na maging head coach.

Papalit sa kaniyang puwesto si assistant coach Rodney Santos.

Ang 50 anyos kasi na si David ay nakakuha ng kampeonato sa UST noong 1994 at naglaro ng 10 taon sa PBA sa Barangay Ginebra. (CARD)

Kinontra ng Ukraine ang pagpayag ng International Olympic Committee (IOC) na makapaglaro sa 2024 Olympic Games sa Paris ang mga atleta ng Russia at Belarus.

Ang nasabing desisyon ay base sa ginawang pagpupulong ng IOC members, lobal network of athletes representatives, International Federations at National Olympic Committee.

Saad ng IOC na wala dapat atleta na pagbawalan na makilahok sa mga international sporting events kahit anong uri ng kanilang pasaporte.

Mula kasi ng lusubing Russia ang Ukraine noong nakaraang taon ay inirekomenda ng IOC na dapat pagbawalan ang mga atleta ng Russia at Belarus na makilahok at kapag lumahok sila ay dapat gumamit ang mga ito ng neutral na bandila.

Ayon sa Ukrainian Athletes at Global Athlete na sa desisyon na ito ng IOC ay nagpapakita lamang na tila sinusuportahan nila ang ginawang paglusob ng Russia sa Ukraine. (CARD)

Kinumpirma ng kampo ni dating two-division UFC champion Conor McGregor ang pagsabak muli nito sa laban.

Ayon sa coach nito na si Johan Kavanagh, na ito ang naging desisyon ng 34-anyos na Irish fighter.

Mula pa kasi noong Hulyo 2021 ay hindi na ito lumaban matapos na magtamo ng injury sa hita.

Nakuha nito ang injury sa laban niya kay Dustin Poirier na nagresulta sa kaniyang pagkatalo sa pamamagitan ng technical knockout.

Mayroong record si McGregor na 22 panalo at anim na talo bilang professional mixed martial artist.

Sa ngayon ay pinaplantsa pa nilang mabuti ang mga detalye sa pagbabalik nito sa laban. (CARD)

Hindi pinaporma ng Meralco Bolts ang NorthPort 107-102 sa kanilang paghaharap sa nagpapatuloy na PBA Governors’ cup sa Philsport Arena.

Bumida sa panalo ng Bolts si KJ McDaniels na nagtalaa ng 32 points at 22 rebounds para madala sa ikalawang sunod na panalo ng Bolts.

Nag-ambag naman ng 16 points si Chris Newsome habang mayroong 15 points si Bong Quinto.

Nakalamang pa ang Batang Pier 97-96 sa last quarter subalit mabilis na naibaligtad ng Bolts ang laro.

Nasayang ang nagawang 29 points at 14 rebounds ni NorthPort import Marcus Weather na nadala sa wala pang panalo at dalawang talo ang nasabing koponan. (CARD)