2020 March 13 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 13th, 2020

Juico, Cruz suspendido vs MPBL game fixing

Posted on: March 13th, 2020 by @peoplesbalita No Comments

SINUSPINDE ang dalawang manlalaro ng Pampanga Giant Lanterns na sina Michael Juico at Mark Cruz matapos madawit sa alegasyong game-fixing kontra San Juan Knights sa North Division finals.

Sa nilabas na memo ng pamunuan ng MPBL na pirmado ni Commissioner Kenneth Duremdes ay hinirit sa NBI na imbestigahan ang kaso ng dalawa na nasangkot sa bentahan umano ng laro sa North semifinals series game.

“The league has requested the assistance of the National Bureau of Investigation (NBI) to investigate on suspected game fixing activities and other related scheming activities performed by your players MICHAEL JUICO and MARK CRUZ during the semifinals series game [against the] San Juan team,” saad sa statement ni Duremdes.

Kasabay nito ay tiniyak din ng MPBL na wala silang papanigan bagkus ay hahayaan nilang gumulong ang kaso at maimbestigahan ang dalawang player na sinasabing sangkot sa anomalya.

“MPBL suspends MICHAEL JUICO and MARK CRUZ in order to give way to a thorough investigation on this matter. You are therefore requested to advise your players to cooperate in this investigation. MPBL will not hesitate to pursue criminal charges against any person found to have participated in game fixing and other scheming activities that have affected the results of the games,” ayon pa sa statement.

Nauna rito’y nadawit na rin sa kontrobersya ang ilang MPBL player, partikular na ang SOCCSKSARGEN Marlins team, nang maakusahang sangkot sa game-fixing.

Mayor Tiangco: Covid-free pa rin ang Navotas

Posted on: March 13th, 2020 by @peoplesbalita No Comments

SA kabila ng mga tsismis na naglipana online, tiniyak ni Mayor Toby Tiangco sa mga residente ng Navotas na wala pa ring kumpirmadong kaso ng Coronavirus Disease 2019 (COVID19) sa lungsod.

Nilinaw ni Tiangco na ang lungsod ay may 13 na persons under monitoring (PUM) sa ngayon, 11 March, at lahat sila ay sumasailalim sa self-quarantine at regular na binibisita ng mga kawani ng City Health Office at Barangay Health Emergency Response Teams (BHERT).

“Sa ngayon, may 13 na PUM sa Navotas pero nananatili itong COVID-free. Ang mga PUM ay may travel history sa lugar na may kumpirmadong kaso ng COVID19 o history of exposure sa nasabing sakit. Hindi sila nakikitaan ng palatandaan at sintomas ng sakit at sila ay isinasailalim sa self-quarantine,” paliwanag niya.

Ang mga persons under investigation (PUI) naman ay kapareho ng deskripsyon ng PUM ngunit sila ay may palatandaan at sintomas ng COVID19. Ina-admit sila sa ospital para sumailalim sa mas maraming test.

Sinabi rin ng alkalde na masugid na hinahanap ng Navotas Inter-Agency Task Force on COVID-19 ang mga residenteng maaaring apektado ng nasabing sakit.

Pinaalalahanan niya ang mga Navoteños na maaari silang tumawag sa 8281-1111 para mag-report o magtanong tungkol sa COVID19.

Umapela rin si Tiangco sa publiko na isagawa ang social distancing na ipinayo ng Department of Health para malimitahan ang pagkakataon na magkaroon ng close contact ang mga tao sa isa’t isa. Kabilang dito ang pag-iwas sa pakikipagkamay, pagyakap o pagpunta sa matataong lugar o aktibidad.

“Sinuspinde ni Pangulong Duterte ang mga klase hanggang March 14 bilang preventive measure para mapanatiling ligtas ang mga estudyante sa COVID19. Sa pagkansela ng klase at pagpapanatili sa kanila sa bahay, nalilimitahan ang pagkakataon na makikihalubilo sila sa iba at nababawasan ang panganib na mahawaan o mapalaganap nila ang sakit,” aniya.

Hinikayat din ng alkalde ang mga Navoteño na parating maghugas ng kamay sa loob ng 20 segundo, sundin ang tamang paraan ng pag-ubo o pagbahing, lumayo sa mga may sakit, at iwasan ang matataong lugar. (Richard Mesa)

Bayad ng take-off, landing, parking fees suspendido muna vs COVID-19 – DOTr

Posted on: March 13th, 2020 by @peoplesbalita No Comments

INUTUSAN ni Department of Transportation (DOTr) Secretary Arthur Tugade ang Civil Aviation Authority of the Philippines (CAAP) at Manila International Airport Authority (MIAA) na ipagpaliban muna ang pagbabayad ng take-off, landing, at parkingfees ng mga local airlines dahil sa nararanasang COVID-19.

“We are in a situation that is not of our own liking nor of our own making. There is an emergency. Can the government not do things that can assuage the emergency? We need to extend our arm to all. Let it not be said that we did not do a thing,” wika ni Tugade.

Ayon sa CAAP at MIAA ang nasabing hakbang at desisyon ay ginawa upang matulungan ang mga airlines dahil sa paghina ng turismo na siyang dahilan upang bumaba ang mga bilang nga mga pasahero na sumasakay dito dahil sa paglaganap ng COVID-19 sa buong mundo. Ang mga local na airlines na may operasyon sa MIAA at nasa ilalim ng CAAP ang siyang covered ng nasabing order.

“Deferred charges for local carriers total about P58 million a month. Local airlines operating under CAAP will save P37 million a month in terms of deferred take-off, landing, and parking fees. The airlines will pay the deferred charges once the COVID-19 threat in the country is lifted,” wika ni MIAA general manager Ed Monreal.

Sinabi ni Monreal na magkakaroon sila ng scheme na ipapatupad sa nasabing deferred payment at kanila rin titingnan kung paano sila makaka-recover. Titingnan din ng CAAP kung gaano katagal nila ipapatupad ang defernment at kung paano makababangon ang mga airlines kaya’t kanilang pinag-uusapan ang maaaring isang taon na deferment at isa pang taon para sa pagbabayad.

Tinatawagan din nila ng pansin ang aviation at airport sectors na palakasin ang local na turismo sa bansa. Kung kaya’t hinihikayat ng Civil Aeronautics Board (CAB) ang mga airlines na magkaroon ng mas maraming local destinations upang palakasin ang local tourism upang mabawasan ng kahit konti ang pagkalugi ng mga airlines.

Sa ngayon ang NAIA ay parating sumasailalim sa sanitation at disinfection upang siguraduhin na ligtas ang mga pasahero. Ayon sa MIAA, kada 30-minuto ay mayroong naglilinis at nagdagdag pa rin sila ng mga thermal scanner.
Sinabi naman ng DOTr, sila ay gumagawa ng isang holistic approach sa paglilinis ng lahat ng transportation hubs sa bansa.

Ang Philippine Ports Authority (PPA) ay nagbigay ng kautusan sa lahat ng mga daungan sa bansa na makipagtulungan sa mga quarantine offices at mahigpit na ipatupad ang screening ng mga pasahero sa arrival areas lalo na sa mga lugar na pinupuntahan ng mga turista.

Inutusan na rin nga ng Philippine Coast Guard (PCG) ang lahat ng medical units nito sa 13 Coast Guard Districts na maging alerto sa posibleng pagkalat ng NCOV-19.

Ang mga loob naman ng mga trains at station premises ay sumasailalim rin sa round-the-clock na paglilinis. (LASACMAR)

Ex-gf ni Mayweather, pinatay

Posted on: March 13th, 2020 by @peoplesbalita No Comments

PATAY na nang matagpuan sa loob ng kanyang sasakyan ang dating kasintahan ni undefeated US boxing champion Floyd Mayweather Jr., na si Josie Harris sa edad 40 at nanay ng tatlo sa kanyang mga anak.

Sa report ng kapulisan ng Valencia, California, rumesponde sila sa isang report na may nakitang patay sa loob ng sasakyan.

Ayon sa Sheriff’s Department, walang malay si Harris nang madiskubre sa kotse na naka-park sa driveway ng kanyang tahanan sa Valencia, California, alas-diyes ng gabi nitong Marso 11 kung saan dineklara siyang dead at the scene at walang anumang nakitang foul play ang mga awtoridad.

Ayon sa pulisya, tinatrato ang kaso bilang death investigation at hindi homicide case, na standard procedure para sa mga high-profile case sa county.

Hindi pa nilalabas ang dahilan ng pagkamatay ni Harris na isang aspiring actress si Harris.
Taong 2010 ng inireklamo nito ng pananakit ang boxing champion na nagresulta sa pagkakakulong sa kaniya ng dalawang buwan.

Nag-date sila mula pa 1995 hanggang 2010 naghiwalay sina Mayweather at Harris, matapos makulong ang una dahil sa pang-aabuso sa huli.

COMMUNITY QUARANTINE IPATUTUPAD SA BUONG METRO MANILA

Posted on: March 13th, 2020 by @peoplesbalita No Comments

INIANUNSYO kagabi , Marso 12 ni Pangulong Rodrigo Duterte na itinaas na sa Code Red Sub-Level 2 ang Code Alert System sa buong bansa kaugnay sa COVID-19.

Sa kanyang public address matapos ang Inter-Agency Task Force on the Emerging Infectious Diseases (IATF-EID) sa Malacañang, inaprubahan at binasa ng Pangulo ang reso-lusyon na community quarantine sa buong Metro Manila para sa pagkontrol ng virus.

Suspendido ang land, domestic air, and domestic sea travel papasok at palabas ng Metro Manila mula March 15, 2020 hanggang April 14, 2020.

Ang trabaho sa Executive Branch ay suspendido rin pero kinakailangang may skeletal force na magbibigay pa rin ng serbisyo habang hinihikayat din ang pribadong sektor na magkaroon ng flexible work arrangements.

Pinalawig din hanggang April 22 ang suspensyon ng klase sa lahat ng level sa Metro Manila.

Magpapatuloy naman ang operasyon ng LRT, MRT at PNR basta magkaroon ang Department of Transportation (DOTr) ng guidelines sa social distancing sa loob ng mga nasabing pam-publikong transportasyon.