2020 October 23 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for October 23rd, 2020

PNP chief ipinagbawal na rin ang Christmas party pero may cash gifts sa mga police personnel

Posted on: October 23rd, 2020 by @peoplesbalita No Comments

WALA nang Christmas Party sa Philippine National Police (PNP).

Ito ang binigyang-diin ni PNP chief, Gen. Camilo Pancratius Cascolan kasunod ng hiling ng Metro Manila Council sa iba’t ibang pribadong kompaniya na wala munang Christmas party upang makaiwas sa COVID-19.

Sinabi ni Cascolan, maiintidihan naman ito ng mga police personnel kung wala munang Christmas party.

Ayon sa PNP chief nagdesisyon kasi sila na gamitin ang perang gagastusin sa party para labanan ang pandemya dahil maryoon din silang mga tauhan na apektado ng COVID-19 virus.

Ang hindi pagkakaroon ng party ay paraan din nila para maiwasan ang transmission ng sakit.

Siniguro naman ni Cascolan makakatanggap ng tamang insentibo ang kaniyang mga tauhan lalo na ang frontliner na naging tradisyon tuwing Pasko. Ang pagbibigay ng cash incentives ay bahagi ng pagtaas sa morale ng mga police.

Una nang nasabi ni Cascolan na kanilang pag-aaralan ang pagpapaliban sa Christmas party at sa halip ay austerity measure ang kanilang gagawin. (Bishop Jesus “Jemba” M. Basco)

Mga manggagawang nagpositibo sa libreng RT-PCR test sa Maynila, umabot na sa 121

Posted on: October 23rd, 2020 by @peoplesbalita No Comments

UMABOT na sa 121 mangaggawa ang nagpositibo sa COVID-19 makaraang isailalim ang mga ito sa libreng RT-PCR o swab test na inihandog ng lokal na pamahalaang lungsod ng Maynila alinsunod na din sa kautusan ni Manila Mayor Isko Moreno Domagoso.

Ayon kay Manila Public Information Office (MPIO) Chief Julius Leonen, ang 121 manggagawa ay nagmula sa kabuuang bilang na 4,830 na sumailalim sa libreng swab test na mga manggagawa mula sa mall, supemarkets, hotel at restaurant; mga driver ng PUV at mga vendors mula sa pampublikong pamilihan.

Matatandaan na nilagdaan ni Domagoso ang isang Executive Order kung saan inatasan nito ang Manila Health Department (MHD) na bigyan ng libreng swab test ang mga nasabing manggagawa upang matiyak na sila ay COVID-19 free, mabigyan sila ng kapanatagan para sa kani-kanilang pamilya gayundin ay para sa kaligtasan ng kanilang makakasalamuha.

Kaugnay nito, bibigyan naman ng food assistance na isang sako ng bigas at grocery items ang pamilya ng mga nagpositibong manggagawa sa COVID-19 batay na din sa pangako ng Alkalde.

Ayon kay Domagoso, ang pamamahagi ng ayuda ay isang maliit na kaparaanan ng pamahalaang lungsod upang tugunan ang mga pangamba ng mga nagpopositibong malalayo sa kanilang pamilya. (Gene Adsuara)

DBM AT COA PINALAWIG ANG KONTRATA NG JOB ORDERS AT CONTRACTUALS

Posted on: October 23rd, 2020 by @peoplesbalita No Comments

PINALAWIG pa ng Department of Budget and Management (DBM) at Commission on Audit (COA) hanggang 2022 ang pagkuha ng mga contractual at job orders na mga empleyado.

Sa Joint Circular No. 2, na dahil sa krisis dulot ng COVID-19 ay naapektuhan ang operasyon ng mga government agencies kaya mahalaga ang mga job orders at contract of service para maipatuloy ang mga transaksyong nabinbin sa gobyerno.

Dahil umano sa COVID-19 pandemic ay maraming mga transaksyon at trabaho sa gobyerno ang naantala matapos na tumigil ng ilang araw ang trabaho dulot ng pandemic.

Nakatakda sanang magtapos ang pagkuha at serbisyo ng mga kasalukuyang job orders at contractual hanggang sa katapusan ng Disyembre 2020.

Sa bagong DBM-COA joint circular ay mayroon ng pagkakataon ang mga government agencies, government owned-or controlled corporations (GOCC), constitutional bodies at state universities and colleges (SUC) na kumuha ng mga contractual at job orders o palawigan pa ang kontrata ng mga ito hanggang Disyembre 31, 2022.