2021 January 19 Archive - People's Balita

July 18, 2024
Search in People's Balita
Ang Diyaryong Pinagkakatiwalaan

Archive for January 19th, 2021

JANINE, winelcome at feel na feel talaga na maging isang Kapamilya; RAYVER, suportado ang naging desisyon

Posted on: January 19th, 2021 by @peoplesbalita No Comments

MAGANDA ang naging pag-welcome kay Janine Gutierrez ng ABS-CBN and for some reason, tila feel na feel talaga siya na maging isang Kapamilya.

Simula mag-join ng showbiz si Janine ay isa siyang Kapuso. Ngayon lang siya lumabas sa nakagisnang bakuran. At siguro naman nga, may malaking plano ang ABS-CBN kay Janine kaya dito siya pumirma sa kabila ng kawalan pa nito ng prangkisa sa ngayon.

Ang dami rin nag-congratulate kay Janine. Ilan sa mga celebrities pa nga na nabasa namin na nag-post ng congratulatory message rito ay mga Kapuso stars.

Maging ang boyfriend na si Rayver Cruz, kahit na sabihin na iniwan na ito ni Janine sa GMA-7 at mas malabo na magkasama pa sila sa isang serye o proyekto, suportado nito ang naging desisyon ng girlfriend.

Aniya sa tweet, “Soar high my love, will always be your number one fan.”

Tinutukso tuloy si Rayver kahit ng mga kapatid ni Janine. Mukhang kalilipat pa lang ay namimiss na agad ni Rayver.

Sa sumunod niyang tweet, “We’re soariiinnn flyin’ There’s not a star in heaven That we can’t reach If we’re tryin’ So we’re breaking free bwahaha! Miss u.”

***

NAPANOOD namin ang digital premiere ng digitally restored version ng hit romance drama na Radio Romance noong 1996.

Na-impress kami sa pagkaka-restored nito dahil ang ganda. Ang husay na talaga ng ABS-CBN’s Film Restoration unit at ng “Sagip Pelikula” sa pag-save ng mga old tagalog movies sa pangunguna ng head nito na si Leo Katigbak.

Parehong present sina Leo at Direk Joey Reyes sa digital premiere na nagbigay ng kanilang mga pahayag bago ang naging viewing. Ayon kay Direk, ang Radio Romance ang isa sa pinakapaborito niyang sinulat at dinirek na pelikula.

Personally, isa rin ito sa 90’s movie na paborito namin. Gustong-gusto namin ang pagkakatahi-tahi ng kuwento ng bawat character sa movie at gayundin ang editing.

In for a “throwback” talaga ang manonood nito at makakabili ng ticket sa KTX.ph. Kung hindi kami nagkakamali, first and last movie yata ito ni Paolo Abreira na lead kunsaan, si Gelli de Belen ang kapareha niya.

Bff sina Claudine Barretto at Jolina Magdangal sa kuwento with the late Rico Yan na introducing pa lang sa Radio Romance. Ang babagets pa rin nina Sharmaine Arnaiz at John Estrada.

Para sa mga dati nang nagustuhan ang movie at sa millennials, hayan at available na ang digitally restored version nito. (ROSE GARCIA)

Sekyu pinagsasaksak ng 2 kainuman, kritikal

Posted on: January 19th, 2021 by @peoplesbalita No Comments

Nasa kritikal na kondisyon ang isang security guard matapos pagsasaksakin ng dalawang factory workers makaraan ang mainitang pagtatalo habang nag-iinuman sa Navotas city, kahapon ng madaling araw.

Kasalukuyang inoobserbahan sa Navotas City Hospital sanhi ng tinamong mga saksak sa katawan ang biktimang si Kevin Navarro, 28 ng 290 Magat Salamat St. Brgy. Daanghari.

Ayon kay Navotas police chief P/Col. Rolando Balasabas, kaagad namang naaresto ng mga tauhan ng San Roque Police Sub-Station 2 sa pangunguna ni P/EMSgt. Elizardo Oriendo sa follow-up operation ang mga suspek na sina Wilmar Casipit, 22 ng 497 Gov. A. Pascual St. Brgy. Daang Hari at Ricardo Eballar, 18 ng Estrella St. Brgy. East Navotas.

Sinabi ni Col. Balasabas, bago naganap ang insidente, nagkaroon ng inuman ang biktima at mga suspek sa Magat Salamat St. malapit sa bahay ni Navarro.

Dakong 3:30 ng madaling araw nang magkaroon ng argumento sa pagitan ng biktima at mga suspek at sa kainitan ng kanilang pagtatalo ay naglabas ng patalim si Eballar at Casipit saka pinagtulungan pagsasaksakin sa katawan si Navarro.

Matapos ang insidente, mabilis na tumakas ang mga suspek sa hindi matukoy na direksyon habang isinugod naman ng kanyang kapatid ang biktima sa naturang pagamutan. (Richard Mesa)

Bigyan ng authority ang mga LGUs na direktang makipagnegosasyon sa sa mga COVID-19 vaccine manufacturers

Posted on: January 19th, 2021 by @peoplesbalita No Comments

Umapela si League of Provinces of the Philippines National President at Marinduque Governor Presbitero Velasco Jr., sa pamahalaan na bigyan ang mga LGUs ng malinaw na authority para direktang makipagnegosasyon sa mga COVID-19 vaccine manufacturers.

Ayon kay Gov. Velasco, ama ni Speaker Lord Allan Velasco, batid naman niya na kailangan dumaan ang mga local governments sa national government bago makakuha ng sariling bakuna.

Tinukoy nito ang nakabinbing resolusyong inihain ni Deputy Speaker Rufus Rodriguez na nagbibigay otorisasyon sa mga LGUs na direktang makipag-ugnayan sa mga vaccine suppliers para matiyak ang mabilis na pagkuha ng suplay ng bakuna sa mga constituents.

Ipinunto rin nito na naunang inihayag nila Health Secretary Francisco Duque III at Vaccine Czar Carlito Galvez Jr., na may nakareserbang bakuna para sa 70% ng populasyon ng bansa.

Giit pa ni Gov. Velasco, nais lamang nilang matiyak na ang bakunang bibilhin ng mga LGUs ay mapupunta sa mga constituents bukod pa ito sa 70% ng populasyon ng bansa na mababakunahan sa ilalim ng government procured na COVID-19 vaccines. (Ara Romero)